Popular Bible Verses from Luk 14

Share

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

Ya ai dusa prihni brih twilki, nini blikras kaka, witin sin disaipilki kaia sip apia sa.

Kan ya tara kaia lukbia ba, mâyara tawbia, bara ya mâyara ba, tara kulkan kabia.

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Man nani tilam wina upla kum tawer kum paskaia lukbia kaka, witin iwi dîa lalah tikaia ba pas kulki kaikuya, ai mihta ra dîa bri ba wal aitani takbia sapa. Apia kaka, witin playa nani bapan ningkara sip paski sakras sa kaka, upla witin ra kaikbia ba sut ai lawaska kikbia, bara naku wibia: ‘Naha waitnika utla kum mâkaia munan, sakuna sip paski sakras.’

Baku bamna, plun tara daukma ba ra, upla umpira nani ba paiws, mina dakwan nani ba, skahwa nani bara blain nani ba sin; baku bamna yamni pali kama, kan witin nani sip mamna maikbia apia; bamna upla kasakkira nani pruan wina bubia ba ra, mamna bri kama.

“Saúl ba pain sika; sakuna ai damnika ba tikbia kaka, ¿nahki baha ba kli sâl daukaia sip kabia ki? Tasba mapa ra bara dipasta ba mapa ra sin saura sa, bamna upla mita baha lulkuya kli yus munaia apia dukiara. Kiamam brisma nani ba, wali bas.”