Иоанн 6වෙතින් ජනප්‍රිය බයිබල් පද

බෙදාගන්න

Нош Иисус соослы шуиз: «Мон луисько улонлэн нянез; Мон доры лыктӥсь муртлэн кӧтыз уз сюма, Мыным оскись муртлэн сюэз ноку но уз куасьмы.

Дух улэп каре, лулмугор ӧжыт но пайда уг кары. Мынам тӥледлы верам кылъёсы дух но улон луо.

Сисьмыса быроно сиён сярысь эн сюлмаське, быронтэм улонлэн сиёнэз сярысь сюлмаське, кудзэ тӥледлы Адями Пи сётоз; уго Со вылэ Аслэсьтыз печатьсэ понӥз Атай, Инмар».

Монэ Ыстӥсьлэн эрикез таӵе луэ: котькудӥзлэн, Пиез адӟисьлэн но Солы оскисьлэн, быронтэм улонэз мед луоз; берпум нуналэ Мон сое улӟытыса султыто».

Иисус соослы ответ сётыса шуиз: «Тӥ мед оскоды Солы, Кинэ Со ыстӥз – та Инмар уж».

Ваньмыз, кинъёсты Мыным Атае сётэ, Мон доры лыктозы, Мон доры лыктӥсь муртэ улляса уг лэзьы.

Солы ответ сётыса, Симон Петр шуиз: «Кузё-Инмаре! Кин доры милемлы мыноно? Тынад быронтэм улонлэн кылъёсыз вань.

Мон – Инмысь васькем улэп нянь: та нянез сиись мурт бырытэк улоз. Нош Мынам сётэм няне, со луэ Мынам Мугоры, сое Мон дуннелэн улонэз понна сёто».

Нокинлэн но Мон доры лыктэмез уз луы, Монэ ыстӥсь Атае сое Мон доры ӧз ке вайы. Нош Мон берпум нуналэ сое улӟытыса султыто.

Уго Инмар нянь луэ Со, Кудӥз инмысь ваське но дуннелы улон сётэ».

Мон – улонлэн нянез.

Иисус нянь басьтӥз но, тау карыса, дышетскисьёсызлы сётъяз, нош дышетскисьёсыз – пукисьёслы; озьы ик чорыгез но – кинлы кӧня кулэ. Кӧтсы тырем бере дышетскисьёсызлы шуиз: «Номыр но арам медаз луы, бичалэ кылем юдэсъёсты».

Уяса ог кызь вить яке куамын стадия ортчем беразы соос зарезь вылтӥ пыж доры матэ лыктӥсь Иисусэз адӟыса кышкатскизы. Иисус соослы шуиз: «Мон со, эн кышкалэ».