Camba 1වෙතින් ජනප්‍රිය බයිබල් පද

බෙදාගන්න

Ngaŋ woo keem, a woyissa ne : « Ɓoo haɓɗaat ɓo' ŋ ñaamaariŋ ɓoo, findi mandohaaɗiŋ ɓoo, ne ɓa adgoh cuurund ciŋ cookmi, na sel ciŋ eel ci, na ɗoopaat ci, ne ɓa adgoh kehƴi jen, na in ci na yoonde ŋ kehƴi. » Kooh ferra ɓo' ŋ ñaamaariŋ ɗe. Ngaŋ ñaamaariŋ Kooh, a ferra ɓa, ƴaar na ɓitiɓ.

A barke'iɗta ɓa, a woosa ɓa ne : « Ɓaslaat, rimaatɗohaat, riifɗaat kehƴi, minaat kehƴi jen, adgohaat cuurund ciŋ cookmi, na sel ciŋ eel ci, na in ci na yoonde ŋ kehƴi jen. »

Ŋ camba, Kooh fer eel ci na kehƴi.

Kehƴi nikee hulang, wa nikka ɓarang. E ñuus muuree masma, te Fuuɗsiŋ Kooh seree ŋ ɗafuk wa.

Kooh woosa ne : « Wa wiisaat ! » Wa wiissa.

Kooh hotta in ci a ƴut haɓiɗ jen, ca baahha lool. Niin raakka, ɓaaɓ raakka, wa nikka mbeha yasna-yino'ɗoh.

A hotta ne siñaari baahiɗ, a nistohha siñaari na ñuusi.

Kooh dokkissa, woosa ɓa ne : « Ɓayaat, ŋ on ɗu paangi nu nik ne weɗi ŋ kehƴi jen, na kidig nu amboh rim na tisohiŋ wa ɗah. Ca nik pesohaaciŋ ɗu. »

A teekka siñaari "noh", a teekka ñuusi "wek". Niin raakka, ɓaaɓ raakka, wa nikka mbeha ɗeɓ.

Wa weem coot, Kooh woosa ne : « Raɗsuk raakaat ŋ harmban masuɓ ci, ne wa nistoh masuɓ na masuɓ. »

Kooh woosa ne : « Ɗoopaat ciŋ kehƴi, sel ci na punde, in ci na yoonde ŋ kehƴi, in ci na iike jen, ŋ on ca ne, ca pesoh paangi iiri. » Te wa nikohha ɗaa.

Wa mbeheem coot, Kooh woosa ne : « Ngaŋ raɗsukiŋ eel ci, wa raakaat in ci raak siñaar, ne ca nistoh noh na wek, ca teeɓoh jamano na mbeh na kiis.

Ngaŋ woo keem, Kooh woyissa ne : « Kehƴi riifaat na in ci na paare : paangiici ɓay tisoh, na kidig ci na ñamse, kidig nu nik na rimiŋ wa na tisohiŋ wa ŋ ɗooƴi, ŋ findi mandohaaɗiŋ wa, ŋ kehƴi. » Te wa nikohha ɗaa.

A haɓiɗta raɗsuki. A nistohha masmi ŋ ooɓ raɗsuki na masma ŋ ɗafka. Te wa nikohha ɗaa.

Kehƴi paarra paangi ɓayiɗ tisoh findi mandohaaɗ ciŋ ca, kidig ci na rime findi mandohaaɗ ciŋ ca, waa nu nik na tisohiŋ wa. A hotta ne wa baahiɗ.

Kooh haɓiɗta siñaar kanak yakak, wi yakki ne wa adgoh noh, wi ƴini ne wa adgoh wek. A haɓiɗta yit hor ci.

Ŋ finho ineem, Kooh woosa ne : « Masmi ŋ ooɓ eel ci nangɗukohaat ɗisik yino po keheƴ suyiɗ pul. » Te wa nikohha ɗaa. A teekka ɓaki suyɗi "keheƴ", a teekka masmi nangɗukohɗi "cookom". A hotta ne wa baahiɗ.

A barke'iɗta ca, an : « Nikaat ɓasloh, rimaatɗohaat, riifɗaat masmiŋ cookmi, te yit, sel ci rimaatɗoh ŋ kehƴi. »

Wa weem coot, Kooh woosa ne : « Kehƴi pulɗaat inaama findi mandohaaɗ ciŋ ca, ɗoopaat ci raakan heɗ, na ci raakanɗi heɗ, na inaama ƴin findi mandohaaɗ ciŋ ca. » Te wa nikohha ɗaa.

Ŋ woo keem, Kooh woyissa ne : « Ngaŋ masuɓ ci, cuurund na inaama wiiriis aastiɗohaat, sel pundaat ŋ eel ci, ŋ ɗafuk kehƴi. »

A ferra ɗoopaat ci raakanɗi heɗ findi mandohaaɗ ciŋ ca, a ferra ci raakan heɗ findi mandohaaɗ ciŋ ca, a ferra inaamaaci ƴin ci ŋ kehƴi jen findi mandohaaɗ ciŋ ca. A hotta ne wa baahiɗ.