SAN LUCAS 11වෙතින් ජනප්‍රිය බයිබල් පද

බෙදාගන්න

Min. Mlay cybinchay juꞌwa. Amale aj iletkey, pero jaj baꞌn cxeꞌl cykꞌoꞌna cye cycwala. Yajtzen te Cymana tuj cyaꞌj, masxsen jaj baꞌn ctzaal tkꞌoꞌn cyey oj t-xiꞌ cykanena. Jaj baꞌn ctzaal tkꞌoꞌn Dios te cyey, hasta tuyax Espíritu Santo tkꞌaꞌxin te cyey―tz̈i Jesús.

Juꞌ tzunj, tuya cykil cycꞌuꞌja cykanenx te Dios tuꞌn ttzaj tkꞌoꞌn jnajben cyey. Ka ma chi cubsana cywitza te, tzul tbiꞌn.

Cxeꞌl nkbaꞌna cyey jaca juun xjal nxiꞌ tkanen te Dios tuꞌn ttzaj tkꞌoꞌn j-il tiꞌj, ctzaaltzen tkꞌoꞌn Dios te, bix jaca juun xjal ncubsan twitz te Dios tiꞌ onbilte, ctiikꞌeltzen, tisenj oj toc cytcoꞌna tlemel jaaꞌ bix cjketel cywitza.

Bix e xiꞌ tkbaꞌn Jesús cye t-xnakꞌatzxin: —Oj cynaꞌna Dios, cykbanxa ju lu: “Kman Dios ata tuj cyaꞌj, jawxit nimsaꞌn tbiy xjan tuꞌn cykilca xjal. Tzulxit tcawbila twitz txꞌotxꞌ. Bint-xit jtajbila twitz txꞌotxꞌ kuꞌna tisenj nbint tuj cyaꞌj.

Bix najsama kila ncub kbinchaꞌna twitza, cuma juꞌx keya ncub knajsaꞌna jkaꞌ n-oc cybinchaꞌn xjal kiꞌja. Bix ko toney oj koca tuj niyꞌbebl, tuꞌn tiyꞌx kuꞌna,” juꞌ tz̈i cybela oj cynaꞌna Dios.

Kꞌontza kwaya te jaꞌlewe.

Yaltzen te tbakꞌ cywitza, najben tuꞌn cycyeꞌyena. Ka baꞌn tbakꞌ cywitza, baꞌntzen cycyeꞌyena alcyej cchicꞌajaxel tuꞌn tken luz. Pero ka yaaꞌn baꞌn tbakꞌ cywitza, eteꞌy tuj klolj.

Bix e xiꞌ tkbaꞌntl Jesús cye xjal: —Min-al jun xjal n-oc txkonte jun cantil tuꞌn tcub teꞌwen bix ka tuꞌn tocx tkꞌoꞌn tjakꞌ alma, sino cjawel tkꞌoꞌn twiꞌ mes, tuꞌntzen at tken luz cywitz xjal oj cyocx tunwen.