Matiyos 6වෙතින් ජනප්‍රිය බයිබල් පද

බෙදාගන්න

Na mɛa bhɛa lɔkkuny kumulɔng, ga sabbɔ goore lami bhɛa lɔmɛa :Tumu zugo na kɔbhɔ lɔga gɛnyɛ ridhing ningginɛna, na aynde ale kɔ̀tɔrrɛung ngaahaya hinno :iggeuye kumulɔngge.

Na mɛa ngaɛsɛdhɛ lɔga rogonɔne na shurtɛ! Lɔga rogonɔne, any kete ga ale ɛsɛdhdho na shurnɛnɛo rogonɔ. Yɔk kaliɛna bhiy bhiy lɔmmɛ lɔga gɛ kòdokkono.

“Na mɛa kesennagung ɛnɛnggeo, ngashurtɛ na ɛsɛdhɛ lɔga ahaa ale bhagɛo ba na se, ‘Na dha ale ahaa kàmma oo kàmatta oo ruminyaa kàmalukko kòhonyɛ ori?’ Bassey ko amissɛ ngahɛtto. Rɛ ko ruminya ngahɛtto.

Na nɔng inye hunde allinɛno ko Tumuye, ok doraa nunu toye bhɛa ungusɛi. Na nyɔga tutuk na alliyɛ ko Baba nunu ngakòrroo. Nɔng anna orro chɔɔ lɔga messɛa :zugu dari na ale ɛdhdhɛttanninydɔ.

“Na hunde allinɛno ko Tumuye, se ɛnɛnggeo, “‘Baba nayo ihi tumɔ, sara gunyu any kɛɛnggiyaa ke barari. Wo na tɔlɔmiyɔ. Na lɔkte seni kurruknyɛsɛ bay ngayaye, any kurruknyɛsɛ hunde tumony tunduneye.

Ngakalda aiy amissɛa mɛane.

Na lɔkte kɛddɛo :aggeuye, ujjuk na seagiy, ‘Any kagarayɛ,’ damiya kujjugɛo lɔga ɛddɛyɛa :zugu bhɛa nayo.

Ngaɔddagiy lɔkte illobbiyɛ. Bhɛgiy na Moldoy ngatiranyɛiy [ke ngaya komorumo ko barartin ko diram anɛ ga gunyu kali kaliye. Ee!]

Hunde ujjukko lɔga ɛddɛyɛa :zugu bhɛa nuye, ko nɔng Baba nu iho tumɔ ujjuk lɔga ɛddɛo :iggeu.

Chɔɔ ga gɔnyigi shɔaa bansɛa tumɔ. Yɔk ngakɔhinɛo oo suninɛo. Amissɛ balanggichinne ngaojjɛo. Na yɔk ko hunde kete ngagiya messɛ ngangaye, nɔng Baba nu iho tumɔ, ngani abhanyisiyɔ. Na nɔng igge anno ga bassa jorrono chɔɔ ngashɔaya.

“Na igge ngashogiyɛsɛ rɛhi aha bay ngaya bu hɛrtɛ aha, lɔ dugùa ammɛa ko ɔgɔrchaga ogorrɛa na hɛyɛaye. Ahaa shogisɛno rɛhi shogi tumɔ tundɔ, ke ngaya ngoonu a bhɛa aha ngahɛrtɛayo, duwu ngaamɛayo na ɔgɔrchaga ogorɛayo na hɛyɛayoye. Anye bhee kesennagɛung ngangaye, a ngaya hinisiya gu ɛsɛdhɛ bhee ɛlɛ ahaa guye.

“Nɔng hirre kay komortɛnde ku ramman ninggɛ. Hiri hunde lɔ komortɛn rammande, kɛngana na kona martɔ, kona hindɔ, oo kɛngana na kona ɛngɛrɛsɔ, kona ngaɛngɛrɛsso. Na mɛa ko igge bhee kayɛo Tumu ko birinya ke dhɔnɛ, ninggɛ.

Ngazukta Tumu goore ngayɛbhbhooye, na Tumu hunde a nganda ibhbhana lanya hulnɛa mogiyɔ, saniyɛa mɛa na rogonɔ amma go na ɛdhɛgisi ahaa malukkɛaye go, na anda igge kalda ruminyaa bo challa ngaɛdhɛgiseongo ɛnɛng?

Na igge hunde ɛano zuga chɔllanɛna na ajjɛo ahaye, lɔga messɛa :sɛna gu ku sɛtɛnɛa, ngaajjɛo kargi :gaa ku kangitɛnɛa. Zugo aha ayɛ dari na aynde ale ɛdhdhɛttannɛung :Babaa nu orro chɔɔ lɔga messɛa :zugu dariye.

Na ngamesigi lɔga gu challa bhɛa zugony na kartung :zugu. Hunde messo ngangaye, Baba Nu iho tumɔ ale ngaɛdhdhɛttannungo.

Na hunde chibbo rɛhi hunynɛnde, ngamesigi huna zuga tabhbhɛa zugo nigite. Yɔk hunde chibbɛ rɛhi hunynɛnde dhittanɛ hinisi na izɔrrɛ rɛhi na kargi :zugu na kɔdhɔngɔ huna zuga chibbɛa rɛhi hunynɛn dhere. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng. Na nɔng inye hunde chibi rɛ hunynɛnde, tonyɛ na me rɛ shɛɛ huna hira rɛ hunynɛn ngachibboo, na aynde zugo huna hira chibbo rɛ hunynɛn ngagunyenynyɛo na orriny :Babaa nunu ngakòrroo sɔngge. Nɔng anna orro chɔɔ lɔga messɛa :zugu dari na ale ɛdhdhɛttanninydɔ.