Popular Bible Verses from मत्ती 5

Share

एने माणसे दिवू धोपाळीन मापो तोवे नी बाकीन दिवठनीपोर मेकतला, तेत्यार तीनासी घोर मायला आखा माणसो काजे विजावो पुगतलो छे. इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

तुमु जोगोन विजावो छे जो सोहोर बोयळा पोर बोसलो छे चो डीकाय नि सोके

“सोयावा छे जे, जिंदरा मोने चुखला छे, काहाकि परमेश्वर काजे देखसे.”

“सोयावा छे जे, धोरमोन भूकला एने तीसला छे, काहाकि चे आफराय जासे.”

बाकीन मे तुमु काजे यो कोय कि आपना दुष्मोन पोर मोंग कोरजू एने आपनुक तोकलीत आपनेवावान कोरता प्रार्थना कोरु

“सोयावा छे जे आत्मान दिन छे, काहाकि सोरगोन राज तिंदरो छे.”

“सोयावा छे, जे मेवाळने वावा छे काहाकि चे परमेश्वरोन पुऱ्या कोवायसे.”

“सोयावा छे जे, दुख कोरतेला, काहाकि तीनुक शांती जोळसे.”

“सोयावा छे जे, जे धोरमोन कोरता, वेला कोरसे, काहाकि सोरगोन राज तिंदरेमा छे.”

“सोयावा छे जे, जू दयावू छे, काहाकि तिंदरे पोर दया कोरायसे.”

“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.” तेत्यार खुशी कोरीन मुजामा रोयजू, काहाकि तुमरेन कोरता सोरगोमा मोटलो फोव छे, इनान कोरता, कि चे तीनु भविष्य कोरता काजे जे तुमरे पेहेले होता, इना रितीसी छळ कोरला होता.

“सोयावा छे, जे नम्र छे, काहाकि चे धोरतीन अधिकारी होयसे.”

तुमु धोरतीन मीठो छे; बाकीन अगर मीठान सोवाद बीगळी जाय ती चो पोछो काहना चीजोसी खारो कोरायसे? ओवतेन चो काय कामोन नी होय, निसतो एरू कि बारथे नाखाय जाय एने माणसोन पायो तोवे रोंदवाय जाय.

इनान कोरता जुवे कि तुमु पुरा बोनु, जोसू तुमरू सोरगो मायलु बास पुरु छे”.

बाकीन तूमरी वात “होव कि होव, कि नि कि नि होये काहाकि जो काहीन इनासी जादा रोयतलो छे चू बुराईसी रोयतलु छे.”

“तुमु सोमवी लेदला छे कि कोवाय गोयलो होतो, डूवान बोदले डूवू, एने दातोन बोदले दात”. बाकीन मे तुमु काजे यो कोय कि बुराई कोरणेवावान सामना मा कोरु; बाकीन जू कुदू तारा जेवळ्या गालो पोर थापुळ देये, तेरे भूनी दिसरू बी फिराव दे.

कोदि तारू जेवळ्यु डूवू तुसेक ठूकर खावाळे, ती हिनाक निकावीन नाख दे; काहाकि तारेन कोरता यो वारलो छे कि तारा डीलोमा गोथो एक सोर जाय एने तारो डील नोरोगमा नि नाखाये. कोदि तारो जेवळ्यु हात तुसेक ठूकर खावाळे, ती हिनाक काटीन नाख दे; काहाकि तारेन कोरता यो वारलो छे कि तारा डीलोमा गोथो एक सोर जाय एने तारो आखो डील नोरोगमा नि नाखाये.”