লূক 23වෙතින් ජනප්‍රිය බයිබල් පද

බෙදාගන්න

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

জোবত্ যীশু তারে কলঅ, “মুই তরে ঘেচ্চ্যেক্‌গুরি কঙর্, তুই এচ্চ্যে মঅ সমারে স্বর্গত্ লুমিবে।”

সে পরেদি তে কলঅ, “যীশু, তুই যেক্কে রাজাগিরি গুরিবাত্যে ফিরি এবে সেক্কে মঅ কধাগান্ ইদোত্ তুলিবে।”

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

যে জাগানরে কুলো চারা কুয়ো অদঅ সিয়েনত্ লুমিনে তারা যীশুরে আর সে দ্বিজন্ দুষিরে ক্রুশোত্ দিলাক্-এক্কোরে যীশুর্ ডেনেদি আর এজজনরে বাঙেদি।

সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্‌রান্ বন্ধ গুরিলো আর গোদা দেশ্‌চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।

সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”