OO MEYO ACHIMOOWIN ST JOHN 6වෙතින් ජනප්‍රිය බයිබල් පද

බෙදාගන්න

Ākose Jesus omisse itāo, Neya āwuko pimatissewe ayu̔konaw: una ka pā nasit numoweya we̔kach kitta noo̔tā̔kutāo; mena una ka tapwā̔towit numoweya we̔kach kitta noo̔tāyapakwāo.

A̔cha̔k ka pimatisseskakāt: weyas numma nantow itaputchehewāo: unehee ayumewina ka we̔tumatukook, a̔cha̔koowunwa, mena pimatissewunwa.

Ākaweya utooskatumook unima mechim ka nissewunatu̔k, maka we̔ kukwā ayak unima mechim kakekā pimatissewini̔k kā isko aputu̔k, napāwe‐Koosisan kā meeyikooyāk; weya awukwune Muneto O̔tawemaw ka soo̔kukimat.

Mena āwuko oma oot itāye̔tumoowin una ka ke̔ pā isitissa̔hoot, tu̔to oweyuk ka wapumat Wākoosisewee̔t, mena tapwā̔towatche, kitta ke̔ ayaw kakekā pimatissewin: mena ne ga wuniskanaw iskwayach kesikayike.

Jesus peekiskwāo mena omisse itāo, Āwuko oma oot utooskāwin Muneto, kitta tapwā̔towimāk unehee ka ke̔ pā isitissa̔wat.

Ka̔keyow unehee ka meeyit O̔tawemaw ne ga pā natikwuk; mena una ka pā nasit numoweya ne ga atowāyimaw.

Ākose Simon Peter omisse itāo, Tāpāye̔chekayun, owāna kā natukee̔t? ket ayan ayumewina kakekā pimatissewini̔k isse.

Neya āwuko pimatissewe ayu̔konaw ka ke̔ pā nasuskāt ke̔che kesikoo̔k o̔che: keespin oweyuk moowatche ohoo ayu̔konawa, kakekā kitta pimatissew: mena una ayu̔konaw kā mākeyan āwuko ne weyas, kā mākeyan pimatissewin uskee̔k o̔che.

Numma oweyuk ne ga ke̔ pā natik, patima O̔tawemaw ka ke̔ pā isitissa̔hoot wechehatche: mena ne ga wuniskanaw iskwayach kesikayike.

Weya oot ayu̔konama Muneto unehee ka ke̔ pā nasuskāyit ke̔che kesikoo̔k o̔che, mena ka mākit pimatissewin ota uskee̔k.

Neya āwuko una pimatissewe ayu̔konaw.

Ākose Jesus ke̔ otināo ayu̔konawa; mena ispe ka̔ nunaskoomoot, meeyāo oo kiskino̔humowakuna, ākose kiskino̔humowakunuk meeyāwuk unehee ka ke̔ na̔uppeyit; mena ussitche kinoosāwa piko eyekoo̔k ā nutowāye̔tu̔kik. Ispe eyekoo̔k keyeespooyit, omisse itāo oo kiskino̔humowakuna, Moosu̔kinumook pewa̔chekuna ka iskopuyikee, āka kākwi kitta wune̔ta̔k.

Ākose ispe ka̔ pimiskatchik nantow nesetunow neänunoosap a̔po nistoometunow tu̔to tipa̔uskan eyekoo̔k, wapumāwuk Jesusa ā pimoo̔tāyit ke̔che wenepākoo̔k, mena kissewak ā pā natumeyit napi̔kwan: ākose ke̔ koostachewuk. Maka omisse itāo, Neya oma; ākaweya koostachik.