LUKAS 23වෙතින් ජනප්‍රිය බයිබල් පද

බෙදාගන්න

Bou e'e I Yesus nukal᷊iomaneng, “I Yamang, ampungeko i sire! I sire wugha apang ko nikoa i sire.” Pakeang I Yesus nipupapahia i sire su se'e su tal᷊oara i sire dingang niundi.

“Pangimangte,” angkung I Yesus si sie, “su silou i'i i kau sarung ene dingang-Ku su Firdaus.”

Bou e'e i sie nangul᷊i, “Yesus tinaungewe ia, boko i Kau ruminta kere Ratu!”

Bou e'e I Yesus nukumiha mauha, “Yamang! Su l᷊al᷊ung u l᷊ima-U Ia manarakang u watangeng-Ku!” Suapang mbuae nangul᷊i kere'e, I Sie namal᷊usi sasinda-E

Suapang nurating u tampa ko isusigho “Rarang u Timbo”, i sire nunggantong I Yesus l᷊au i sire rua ko tahakoa ko dal᷊ai e'e – singkatau su kuaneng dang singkatau l᷊ai su kuihi ngi Yesus.

Patehang manga pukul᷊i mapul᷊odua kal᷊ihae, matangutiti ta nusuminang, dang kaul᷊i u soa e'e narundung sarang pukul᷊i tatilu wawul᷊aeng. Pampele maghaghantong su l᷊al᷊ung u Wal᷊e ngu Mawu, natingkasi nakoa rarua.

Su tempo parwira ngu pasukang nakawua apa ko seng nariadi, i sie nundalo Mawu Ruata. Bou e'e i sie nangul᷊i, “Mang tingari I Sie ta nunsal᷊a!”