Popular Bible Verses from YOHANES 10

Share

Tukang maling teko utuk maling ngen munuak ngen musak. Uku teko, supayo tobo'o temuan idup – idup de belebiak.

Uku ba gembala de baik. Gembala de baik melei nyabaine utuk bebirai ne.

Bebirai-Ku temi'uk sa'ei-Ku ngen Uku namen tobo'o ngen tobo'o temotoa Uku.

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

Uku ba gembala de baik ngen Uku namen bebirai-Ku ngen bebirai-Ku namen ngen Uku.

Bak-Ku, de melei tobo'o ngen Uku, lebiak lai kunei api bae, ngen coa suang tun dapet mok tobo'o kunei tangen Bak. Uku ngen Bak adeba do.”

Serai awei Bak namen ngen Uku ngen Uku namen ngen Bak, Uku melei nyabai-Ku utuk bebirai-Ku.

Coa suang tun mokne kunei Uku, seluyen Uku meleine temurut kelok-Ku suang. Uku bekuaso meleine ngen bekuaso mokne igai. Dioba periteak de Uku temimo kunei Bapa-Ku.”

Kerno o Yesus madeak igai, “Sesungguakne Uku madeak ngen udi; Ukuba bang kunei bebirai o.

Tun upeak de iso gembala, ngen de iso temuan bebirai o suang, waktau kemliak srigala teko. Teminggea bebirai o lajau melilai, sehinggo srigala o temkem ngen cem'ei bebirai o.

“Sesungguakne Uku madeak ngen udi: Api de masuk moi lem ke'ung bebirai coa liwet bang tapi kenek kunei penan luyen. Si adeba tukang maling ngen perapok