Luka 11වෙතින් ජනප්‍රිය බයිබල් පද

බෙදාගන්න

Mwinye ava veye avadamano, ni mu manya kuha avana venyu vihaanwa vilahi, na si ndi Dada wenyu u veye migulu a la vitira kuli ha kuhaana Roho Mutakatifu kuvo ava mu saala?

Kandi mmu volera, Mu saale, mu la hebwa, mwenye, mu la nyola; mwigulihidze, mu ligulirwa.

Kigira ku vosi u saala, a hebwa nowenya, a nyola; kandi wigulihidza, yigulirwa.

Naye ya va volera, Lwa mu saala mu vole; Dada, Lieta lilyo lidzominywe. Ubwami bubwo budze.

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Madiku na madiku u ku he vyokulia vyetu vi duki.

Itaya yomubiri gugwo ni imoni yoyo: imoni yoyo ni i veye ing'ima mubiri gugwo gwosi gu veye nobulavu; navutswa ni i veye inda mano mubiri gugwo gwosi gu veye nekisundi.

Si ha veye nomundu lwa a hambidza itaya a gi vika mu livisa, kinga a gi kunikira mu kihinda, navutswa a gi vika ku imeza, vosi vingira mu inyumba va duke kulola ubulavu.