ỤKỤRWỌ nya ALẸRỤ 4වෙතින් ජනප්‍රිය බයිබල් පද

බෙදාගන්න

Ọchịda nya Ohe Oluhye á tị juwa hahị ahị angịnyị ehe la ụgbẹyị ọkịla ọhẹ-lọhẹ dala o-bwula ẹnyị nya iJisọsị ịKịrayịsị ọwẹ kaka. Chajị, ẹnyị ọkịla ọhẹ-lọhẹ á juwa ọlẹ ká Ohe Oluhye hu ha ọngọngọhẹ e-ekpeleji nya ẹnụ ọlẹ, kahị ka jẹ́-ẹ bwu lọọ, chịda myị́ kpong-kpong kaka. Kẹnẹ-kẹnẹ, ọngịrị nya ẹnyị nya iJisọsị ụbwọọmwụ mẹ ịnyị!”

Ịnyị, ụka kị raabwọ ọọwa kpá lẹ, ẹga ọọwa ọlẹ kị ji a juwa hụ́ jigi-jigi lẹlẹ. Ọọwa lẹ, ịwa wuu a myị la ọngịrị nya Olegu Ịgọgọ nya ịlẹhị-ịlẹhị lẹ, ị juwa ya ẹla nya Ohe Oluhye dodehe myị́ la ọngịrị-ọngịrị la uhi ojuju-kaka lẹlẹ.

Lẹ, Ahụ Ohe Oluhye Ọngọlahị, a tị́ wẹẹ wo jaabwọ ká angịwẹ wẹẹ juhi uhi-uhi kaka ba lẹ. Lẹ, chuchuu, ká ya ọngịrị ọ-kpa ya ẹla myị́ la uhi ojuju-ka, hahị ahị anchẹ nyang mẹ.

IJisọsị ọọwa kpakpakpa a ri Ẹjwọ ọlẹ kaanụ angị me ugulọ nya ube pwa, kanụ gbọọ ugu da ọ-ọka wẹ lẹlẹ. Ma, ọwa kpangga, Ohe Oluhye a tị hu nya olegbeju ọlẹ kọ ri Ẹjwọ o-wu itiwe nya ube nyamwụ ọọwa kpa gogo wẹ pyii lẹlẹ.

Ịnyị, ụka ká iru nya alọjịra-jịra ịịwa yẹ jaabwọ ká iPita bala ịJọn kpa uhi ojuju-ka ya ẹla ọọwa dodehe ị-ịlahị nyaa ịnyị myị́, kị tị jẹ́ ịnyịnyị yẹkẹẹ, iPita anyị nyị ri angịnyị angị ichiche ịlẹ kịị nyị́ jẹ́ ụpwụ gbuu kpong-kpong kaka lẹ, ọ laa ịwa wuu ahịbwuu lụmẹ lẹlẹ. Ịnyị, ịwa wuu a ri ibeenu nya ịlẹhị-ịlẹhị yẹkẹẹ, iPita bala ịJọn anyị ịwẹ nyị ri angị hụ ta iJisọsị ẹnẹhẹ lẹ ịnyịlẹhị lẹlẹ.

Ụka ọọwa, alogu nya ọjịra-jịra nya angịnyị nya Ohe Oluhye wuu ri angị la ọkịlẹtụ ookpokpo bala irya ookpokpo ẹ-ẹpwụ nya ang myị́ ang wuu. Chajị, ọngọngọhẹ nyaa á la ịngịngịhyẹ nya ụbwọ nya ịlọmwụ datị kpong-kpong kaka. Ma, ị tụụbwọ hi ang myị́ ang nyaa wuu guru ẹga ookpokpo, chajị ká ọng myị́ ọng lẹpwarịrị nyaa ịwa aluche ka jẹ́-ẹ juwa kpa họ ang myị́ ang ọlẹ kọ taa ịnyịnyịịnyị.