Popular Bible Verses from 1. Mose 3

Share

Un de Fru sach, daut de Boom goot toom Äten un daut hee eene Lost fa de Uagen un daut de Boom scheen [jankrich] wia, om Ensecht to jäwen, un see naum von siene Frucht un aut, un see gauf uk äarem Maun, bie ar, un hee aut.

Un de Schlang wia lestja aus aule Tieren oppem Flekj, daut Gott, de Har jemoakt haud; un see räd to de Fru: Haft Gott werkjlich jesajcht: Jie sellen nich von janem Boom em Goaden äten?

Un ekj woa Fientschoft saten tweschen die un de Fru un tweschen dienem Somen un äarem Somen; hee woat die däm Kopp veklunjen, un du, du woascht am enne Hak stäakjen.

To de Fru säd hee: Ekj woa diene Mieej sea vemieren en dienem Schwanga sennen, met Weedoag saust du Kjinja jebäaren; un no dienem Maun woat dien Velangen sennen, oba hee woat äwa die harschen.

Met Schweet en dienem Aunjesecht woascht du dien Broot äten, bat daut du trigjjeist enne Ieed, dan von äa best du jenomen. Dan Stoff best du, un nom Stoff woascht du trigjgonen!

Un too Adam säd hee: Wiels du opp diene Fru äare Stemm jehieet un von däm Boom jejäten hast, von däm ekj die befoolen un jesajcht ha: Du saust nich doavon äten, soo es de Ieedboddem veflucht om dient haulwen: Met Mieej saust du doavon aule Doag em Läwen äten

Un hee säd: Wäa säd die daut du noaktich best? Hast du von däm Boom jejäten, von däm ekj die befoolen haud, doavon nich to äten?

un hee juach däm Mensch rut un leet oostlich von Goaden Eden de Cherubim loagren un de Flaum vom jetrocknem Schwieet, om däm Wajch nom Läwensboom too bewoaren (bewoaken).

Un de Mensch jeef siene Fru däm Nomen Eva, dan see wia de Mutta von aule Läwendje.