JUAN 6වෙතින් ජනප්‍රිය බයිබල් පද

බෙදාගන්න

Chaymi Jesusqa paykunata nirqan: –Ñoqan kawsay t'antaqa kani, pipas ñoqaman hamuqqa manan hayk'aqpas yarqachikunqachu, pipas ñoqapi iñiqqa manan hayk'aqpas ch'akichikunqachu.

Diospa Espiritunmi kawsachiqqa, runaqa manan imatapas atinchu, qankunaman nisqay simikunaqa Diospa Espiritunmantan, kawsaytataqmi qonpas.

Ama tukukuq mikhunallapaqchu llank'aychis, aswanpas wiñay kawsayta qoq mana tukukuq mikhunapaq llank'aychis, chaytan Runaq Churinqa qosunkichis, paytan Dios Yayaqa: Allinpuni, nirqan.

Yayayqa munan pipas Churita rikuspa iñinantan, ahinapi wiñay kawsayniyoq kananpaq. Ñoqataq p'uchukay p'unchaypi payta kawsarichimpusaq, nispa.

Jesustaq paykunata nirqan: –Diospaq ruwanaykichisqa, paypa kachamusqan Churinpi iñinaykichismi, nispa.

Yayaq lliw qowasqanqa ñoqamanmi hamunqa, pipas ñoqaman hamuqtaqa manapunin qarqosaqchu.

Chaymi Simón Pedroqa nirqan: –Señor, ¿pimantaq risaqku? Qanpa rimasqaykikunaqa wiñay kawsay simikunan.

Ñoqan hanaq pachamanta uraykamuq kawsay t'antaqa kani. Pipas chay t'antamanta mikhuqqa wiñaypaqmi kawsanqa, ñoqaq qosqay t'antaqa cuerpoymi, chaytan qosaq runakuna kawsananpaq, nispa.

Manan pipas ñoqaman hamuyta atinmanchu, kachamuwaqniy Yaya payta mana pusamuwaqtinqa, ñoqataq p'uchukay p'unchaypi kawsarichimpusaq.

Diospa qosqan t'antaqa hanaq pachamanta uraykamuspa runakunaman kawsayta qoqmi, nispa.

Ñoqan kawsay t'antaqa kani.

Jesustaq chay t'antakunata hap'ispa, Diosman graciasta qospaña chay tiyaqkunaman rakirqan. Kaqllataq challwakunatapas may chhikatachus munasqankuman hina rakirqan. Saksaqtinkuñataq yachachisqankunata nirqan: –Hoqarimpuychis puchuq p'akisqakunata ama imapas usunanpaq, nispa.

Huk legua kurakta hinaña botepi purishaspankutaq, Jesusta unu patanta purispa boteman sispaykamushaqta rikurqanku, chaymi mancharikurqanku. Paytaq ichaqa nirqan: –Ñoqan kani, ama mancharikuychischu, nispa.