Лука 3වෙතින් ජනප්‍රිය බයිබල් පද

බෙදාගන්න

Иуан цӀыф пстэури ыумэхъ зэхъум, Исуси ыумэхъыгъ. Исус Тхьэм зелъэӀум, уашъор зэӀукӀи, тхьаркъом ыпкъ фэдэу пкъы иӀэу, Тхьэм ы Псэ ЛъапӀэ Исус къыфехыгъ. Уашъом макъэ къиӀукӀыгъ: – Оры сэ шӀу слъэгъурэ с Къо кӀасэр. Сэ сыгу о къыоӀугъ.

– Сэ псымкӀэ шъусэумэхъы, ау сэщ нахьи нахь лъэкӀышхо иӀэу зыгорэ къэкӀощт, – ариӀуагъ Иуан зэкӀэ ахэмэ. – Ащ ицокъэлъэпсхэр фэстӀэтэнхэуи сифэшъуашэп. Ащ Тхьэм ы Псэ ЛъапӀэкӀэ ыкӀи машӀокӀэ шъуиумэхъыщт.

ШъуипсэкӀодшӀагъэхэм шъуафыкӀэгъожьыным фэшъошэ ӀофышӀухэр жъугъэцакӀэх. «Ибрахьимэ тэ тят» шъугукӀэ шъуӀоным шъуфитэу шъумыгугъ, сыда пӀомэ, сэ шъосэӀо, Тхьэм мы мыжъохэм Ибрахьимэ пае лъфыгъэхэр къахигъэхъукӀын ылъэкӀыщт.

Обзэгъур чъыг лъапсэхэм атыраубытэгъах. Аущтэу сыдрэ чъыгэу шӀугъэ къызпымыкӀэрэр раупкӀынышъ, машӀом падзэщт.

Мы Ӏофхэр зэкӀэ хъугъэх, пегъымбар Ешайа игущыӀэхэр итхылъ зэритым фэдэу, «Шъоф нэкӀым джэ макъэ горэ къыщэӀу: Зиусхьаным игъогу фэжъугъэпси, игъогу лъагъохэр зэшъхьэ-зашъо фэшъушӀых. Сыдрэ хъуати сэищт, сыдрэ Ӏуашъхьи бги къефэхыщт. Гъогу ӀонтӀагъэхэр занкӀэ хъущтых. Мызэшъхьэ-зэшъо гъогухэр зэшъхьэ-зашъо хъущтых. ЦӀыфхэр мыкӀодхэу Тхьэм къызэригъэнэжьхэрэр цӀыф пстэуми алъэгъущт».