JOHAN 15වෙතින් ජනප්‍රිය බයිබල් පද

බෙදාගන්න

Kae tuh misu ku, nanning tuh aran hae. Ka kya a tynpaw tuh kae mah a kya ka tyn zah, thae patae a thae; pawccecize kamaw leite nanning nynh pawsang na cyih kho khyh oh.

Kamaw kya tyn oh lah kae mah nae kya ka tyn cih. Aran nynh misu ku kya a kyngku khyh lanze athae a thae kho khyh hawte, nanning mah ka kya na kyngku khyh oh ze na thae kho lan khyh oh.

Ka kya na tyn oh zah ka bya tuh nae kya atyn ze, na ry oh paw miakaw kha ngia oh lah, na mue cih oh.

Nanning nynh kae hynh nae pokuh khyh oh; kae nynh nanning kha kae pokuh oh; nanning nynh na cceih oh zah zungzae atynpaw athae na thae nawlan oh te ka min te Paaw kalan na ngiaku oh paw miakaw kha ae pya nawlan oh nanning kha kae khang vae oh.

Ccungccaw lu kheit nynh a ban hae hanlan a hiinnaw pyakupaw sungsakunaw laeze ale huapaw sungsakunaw tuh hum nynh sanmah hoi khyh.

Ka kya athae thae leipaw aran miakaw kha marya bae hae zah, athae thaepaw aran miakaw kha houh a thae nawlan a ccikanpya.

“Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.

Thae patae na thae oh zah ka zuitu lang na tang oh liate ka Paaw phu-enaw a langkuh.

“Kae tuh misu ku ccaccing nynh ka thua, ka Paaw tuh khokhu hoitu nynh thua.

Humhung zemah ka kya atyn khyh lanze aning tuh aran hawte ccaring vua thua zah karae arou; tuhcihawpaw aran hae kha suelua hae zah maee lungkhu lang phung hae zah maee nynh pong a u.

Ka lungtuanaw tuh nae kya a um nawlan te nae lungtuanaw phe accing nawlan hynh-e bya hynh kae hopya oh.

Kae nynh ka Paaw kawbya hae kha ka zui zah a sungsahnaw kya ka tyn hawte nanning nynh ka kawbya hae hynh na zui oh ze ka sungsahnaw kya na tyn cih oh.

Nanning lu kheit te lu kheit na sungsaku nawlan oh kaw kae pya oh.

Nanning tuh laephi kya-e na thua oh ze, laephi nynh ka kya-e cite ae sungsah cih oh; thuasalama laephi kya-e na thua khyh oh keiccu thuasah, kae nynh laephi kyate kae po vae oh keiccu thuasah laephi nynh nanning kha ae hua oh.