ཡོ་ཧ་ནན། 5වෙතින් ජනප්‍රිය බයිබල් පද

බෙදාගන්න

ཡང་བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། སུ་ཞིག་གིས་བདག་གི་བཀའ་ལ་ཉན་ཞིང་ང་རང་མངགས་མཁན་ལ་དད་པ་བྱས་ཡོད་པ་ཡིན༌ན། མི་དེ་རྣམས་ལ་མཐའ་མེད་པའི་ཚེ་སྲོག་ཐོབ་ཡོད་པ༌དང༌། ཉེས་ཆད་གཅོད་པར་མི་འགྱུར་ཞིང་། མི་དེ་རྣམས་འཆི་བ་ལས་གྲོལ་ནས་ཚེ་སྲོག་གི་ནང་དུ་ཞུགས་པ་ཡིན་ནོ།།

སྐྱབས་མགོན་ཡེ་ཤུས་ནད་པ་དེ་ཉལ་ནས་བསྡད་ཡོད་པ་གཟིགས༌ཤིང༌། ནད་ཀྱིས་མནར་ནས་ཡུན་རིང་འགོར་བའང་མཁྱེན་ཏེ་འདི་སྐད༌དུ། ཁྱོད་རང་ནད་ལས་ཐར་འདོད་དམ་ཞེས་གསུངས་པ༌ན།

ཁྱོད་རྣམས་ཀྱིས་གསུང་རབ་ལས་མཐའ་མེད་པའི་ཚེ་སྲོག་ཡོད་པར་བསམས་ཤིང་ནན་གྱིས་བརྟགས༌ནའང༌། གསུང་རབ་དེ་ལས་བདག་ལ་བདེན་དཔང་བྱས་ཡོད། འོན་ཀྱང་ཁྱོད་རྣམས་བདག་གི་གམ་དུ་མཐའ་མེད་པའི་ཚེ་སྲོག་འཐོབ་པའི་ཆེད་དུའང་ཡོང་མི་འདོད༌དོ།།

དེ་ནས་སྐྱབས་མགོན་ཡེ་ཤུས་ནད་པ་དེ་ལ་འདི་སྐད༌དུ། ཡར་ལོངས་ལ་རང་གི་ཁྱོགས་ཤིང་ཁུར་ནས་སྐྱོད་ཅིག་ཅེས་གསུངས་པ༌དང༌། དེ་མ་ཐག་ནད་པ་དེ་ནད་ལས་ཐར་ཞིང་ཁྱོགས་ཤིང་ཁུར་ནས་འགྲོ་ཐུབ་པར་གྱུར་ཏོ།། ཉིན་དེ་ནི་ངལ་གསོ་བའི་ཉིན་མོ་ཡིན༌པས།

དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར༌སྨྲ་སྟེ། ཡབ་ཀྱིས་དོན་གང་ཞིག་མཛད་པ་བཞིན་སྲས་ཀྱིས་ཀྱང་དེ་ལྟར་མཛད༌པས། སྲས་རང་ཉིད་ཀྱིས་ཡབ་ལ་མ་བརྟེན་པར་ལས་ཅི་ཡང་བྱ་མི་ནུས༌ཤིང༌། ཡབ་ཀྱིས་དོན་གང་ཞིག་མཛད་པ་སྲས་ཀྱིས་མཐོང་གྱུར་ན་སྲས་རང་གིས་ཀྱང་དེ་ལྟར་བྱ་ནུས༌སོ།།