MARK 13වෙතින් ජනප්‍රිය බයිබල් පද

බෙදාගන්න

Lo azan genyu temi aphu no hagun ntsü ti; ai nyhen gungü tikelo gü we kenikelo hyulo ti.

“Hagun petsü binlo, lo khwen-o nri binlo, lo hi binlo; kechamvule hagun le tsügü gwünkho tsü shabin kemvu genyu.

Lo hagun nrhisü zen gü me ben nyu shüla nrün ka hagun le nchwen nyu jozo nrün rüchün pe hagun nyun kenjün thyü nya nye. Ai tegi kevüja tsügü nyu hagun no zolo tse keshü gü tsü zolo nye; jo tsüle hagun le zo mvule Kenshün Kapu le zo nrün genyu.

Tsang lo kazü ndila ti, ai ajo dan we ndila loho.

Ai tsangkeben jon tsügü lo tegikevü ja tsügü tsü le Pvü gü nyeki temi nme-e lo tsanggelonyu lo Nyugü-e shamvu.

Tson-o hagun le teri kega kethyü jo shakelo ka hagun nyun keyhunkerun la nya chi. Tsüdan tsü thyü mvula loho; ai tsügü tsü-e kenkhin gü mvuzun le.

Tsügenyu hagun khwen petsü bin lo nye; kechamvule ka Npugü le ngwün ki tile, kheje nyu tsanglvu ka tile, tero kekhun ki tile, le lonyü tiyo a-le keryü gwünkho sha kemvu genyu. A-le whütse ryüo hagun le zhü kebin hyu yatselo kenshvu genyu. Lo Khwen ntsen binlo nye, tsekeshü jo hile ale temi aphu ka zo bin nyo!”

Temi dan me le kechanyu dan me shwinyü mvu soti, lo raja nme le raja kecha nme shwinyü mvu soti, lika hika kazüe nnun soti; lo chenda thyü ryü ti; tsüdan tsü le kenjün kethyü bin kezen sele.

Tson-o jon kenkhin ti nrün mhundyü Jolokegwa gü zope temi kebin aphu hishü teri mvuloshvu.

Tsükatsü temi kechon le azan sen-o, ‘Ale Khrista gü le,’ tson-o temi kechon sa zen tinla ti.

“Tson-e hagun petsü sa binlo nye; kechamvule mele hagun ten pe pelünyu kehun ka shüti; lo sinagog ka nyu hagun vüti; lo kedanyu lo raja nyu-e no shalo nrün genyu a genyu hagun no tsüdan mhundyü kae gun mvulo keshvu genyu.

Kechamvule Khrista kenku dan lo sidyükesha kenku dan le soryüo tha zansü lo tha ndun kethyü tho thyü pe me hio thyülo kegwathen kejükelo nyu-e sa zen tinla nrün genyu.

“Ai kenjün kethyü tsangkeben jon tsüdan tsü siki yhüko le zünla ti, lo shye le benshü mvula ti, lo tsangge shyenyü dan-e nrhi lati, lo tsangge tha kekvu dan sükenun shüti.