Popular Bible Verses from Yh 15

Share

“Newo nine mphesa, mwewo nimwe misambo. Aliyense akuŵa mwa newo, nane soti mwa yeve, niye otwala vitwalo vinyinji. Pala paliye newo mungatweshelini kucita kanthu.

Ŵani mwa newo, nipo nane nizaŵe mwa mwewo. Ngani msambo ungatweshelini kutwala vitwalo pa weka keno ulilini pamo na cimuti cake. Namwe soti keno mukuŵalini mwa newo.

Keno mukuŵa mwa newo, nipo malizu ŵangu onkhala mwa mwewo, musenge ciliconse camungapangwe, nipo muzemupokele cendi.

Ni mwewolini mwinisalula yayi, koma ni newo nikusalulani mwewo. Nipo nikusalulani kuti muzetwale vitwalo–vitwalo vake vonkhalisha. Motetyo, ciliconse camungasenge Atata mu zina yangu, azeakupeni.

Paliye munthu ali na cinthemwa copula ici, cakuti angataye moyo wake kuti apulumushe ayake.

Yeve otenda misambo iliyonse mwa newo yutwalalini vitwalo. Nipo msambo uliwonse utwala vitwalo, owutenulila kuti utwale vitwalo vinyinji kupula kale.

“Tetulo yangu ni yakuti muwotemwana, ngani mwanukutemwelani.

Atata ocinzikiwa pamutwala vitwalo vinyinji, nipo potetyo muwonesha kuti nimwe asambili ŵangu ngawo–ngawo.

“Newo nine mphesa ngayo–ngayo, nipo Atata ni mulimi.

Keno munthu akuŵalini mwa newo, omutaya kunja ngani msambo wotendewa, nipo uyuma. Misambo yoteti oyitola, noyipoza pa mulilo nipo yukupya.

Ivi vanalaŵila namwe, kuti cisangalalo ciŵe mwa mwewo, na kuti cisangalalo canu ciŵe cozula.

Keno mukonkha Matetulo ŵangu, muzemuŵe mu cinthemwa cangu, ngani mwanukonkhela Matetulo ŵa Atata, nipo nunkhala mu cinthemwa cawo.

Tetulo yangu ni iyi, ‘Temwanani.’”

Kuti mwenze na unkhalo wawo, sembe ekutemwani cikomo mwinkhala ayawo. Koma okutinkhani cikomo newo nikusalulani pakati pa ŵeve, motetyo, nimwe ayawolini.