Juan 15වෙතින් ජනප්‍රිය බයිබල් පද

බෙදාගන්න

—Nukami kani chi ubas alli sacha­sina. Kam­kuna­mi chi malki­kuna­sina kan­gi­chi. Mai­kan nuka­wa sug­lla­pi kag, nuka­pas pai­wa kag­pika, paika achka mikui muiu iukag­sina­mi ka. Mana nuka­wa sug­lla­pi kas­paka, ñi ima­pas mana pudin­ga­pa kan­gi­chi­chu.

Nuka­wa kai­chi. Nuka­pas, kam­kuna­wa­mi kasa. Imasa­mi malki, kikin sacha­ma mana lluta­raiag­pika, ñi ima muiu mana tia­rin­ga­pa ka: chasa­lla­ta­mi kam­kuna, mana nuka­wa sug­lla­pi kag­pika, chi mana muiu­iug malki­kuna­sina kan­tran­gi­chi.

—Kam­kuna nuka­wa sug­lla­pi kaspa, nuka imasa niskata ruras­paka, tukui ima mañaskaka chaskin­kan­gi­chimi.

—Kam­kuna mana nukata ag­lla­warkan­gi­chi­chu. Nuka­mi kam­kunata agllarkai­ki­chita. Chasaka, kam­kuna maima riskapi, malki suma muiu­iug­sina kaspa, alli­lla­mi rurag­rin­kan­gi­chi. Chi alli ruras­ka­kunaka, ñi ima­ura­pas mana puchuka­rin­ga­pa kanchu. Chi­wanka, tukui ima nuka­pa Taitata nuka­manda iuia­rispa mañag­pi­kunaka, paimi kam­kunata karan­ga­pa ka.

Mai­kan­pas paipa kuiaska iacha­ridu­kuna­manda wañug­pika, tukui­kuna­manda­pas mas kuiag­mi ka.

Sacha­ta almag, malki mana muiu apa­ris­ka­kunata kuchunmi. Ikuti mal­ki muiu iukas­ka­kunataka ladu ladu malki­kunata anchu­chispa, suma almaspa­mi sakí; chasaka, mas suma muiu­kuna tia­rin­ga­pa.

—Kasa ruranga­pa­mi nii­ki­chita: imasa­mi nuka, kam­kunata kuiai­ki­chita: chasa­lla­ta kam­kuna­pas, kam kikin­pura kuia­na­kuspa kaug­san­gi­chi.

Kam­kuna achka mikui­sina iukaska­wa nuka­pa Taitata suma­mi atun­ia­chi­puan­ga­pa kan­gi­chi. Chasaka, nuka­pa iachai­kug­kuna kag­ta­mi kawa­chin­ga­pa kan­gi­chi.

Kasapasmi Jesús nirka: —Nukami kani ubas alli sacha­sina. Nuka­pa Taitaka, chi suma sachata almag­sina­mi ka.

Imasa­mi malki sacha­manda anchu­chiska, ña tusta ka­uraka, tanda­chispa, ninapi sitan­kuna rupan­ga­pa: chasa­lla­ta­mi mai­kan mana nuka­wa sug­lla­pi kag­kunaka, sitai tukun­ga­pa kan­kuna.

Chasa nii­ki­chitami, nuka kam­kuna­wa iapa suma alli iuia­chii­wa kan­ga­pa. Chasaka kam­kuna­pas, nuka­wa iapa suma iuia­chii­wa­mi tukuipi alli­lla kan­kan­gi­chi.

Nuka­pa Taita ima ni­waskata nuka ruras­paka, paipa kuiaskami kani. Chasa­lla­ta kam­kuna­pas, nuka ima niskata ruras­paka, nuka­pa kuias­ka­kuna­mi kan­kan­gi­chi.

Kasa ruranga­pa­mi nii­ki­chita: kam kikin­pura kuia­na­kuspa kaug­san­gi­chi.

Kam­kuna kai alpapi tias­ka­kuna­lla­wa iuiag­kuna­sina kagpi, pai­kuna kikin­pura­sina­mi kam­kunata kuiantra­kuna. Kam­kuna mana kan­gi­chi­chu kai alpapi tias­ka­kuna­lla­wa iuiag­kuna­sina. Nukami kam­kunata kai alpapi kaug­sa­na­kuska­pura­manda agllarkai­ki­chita. Chi­manda­mi kai alpapi tias­ka­kuna­lla­wa iuiag­kuna, kam­kunata wabu­tispa, mana munan­kuna.