Popular Bible Verses from Kusintii Andunya 3

Share

Ŋɔi abou í yɔɔ iyi isoi jĩi nɔu í sĩa ku yɛ, á dɔ̃ ku jɛ, nɔ á jɔ̀ inɛ ku nɛ bisi má. Ŋɔi í kaa í jɛ, nɔ í ka í na mɔkɔɛ iyi í wa kɔkɔɛu nɔ nŋu mɔ í jɛ.

Wee njò nŋui í nɛ bisi í re mɛɛmui sako iyi Aɔ̃ Lafɛ̃ɛ í taka fei. Nŋui í naa bi abou nɔ í beeɛ í ni, ntɔ ntɔi Ilaaɔ̃ í ni i maà jɛ isoi jĩi ŋa iyi à wa si lambou ihɛ̃ fei?

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Nɔ í sɔ̃ abou í ni, an kɔ̃ɔsi wahalai asĩɛ, waati kãma iyi aa bí fei do ara kuro nla nlai, nɔ kubiɛ fei si mɔkɔɛi á ya wa, nŋui á jɛ inɛ ngboɛ.

Aa ya da kokooi i bɛi i jɛ hee ì koo ì nyiò ilɛ hai bii à takaɛ wa, domi awɔ sãai, bɛɛbɛ mɔi aa nyi si sãau má.

Nɔ í sɔ̃ mɔkɔu í ni, si bɛi ì gbɔ idei aboɛ nɔ ì jɛ isoi jĩi iyi ǹ ni i maà jɛu, an ceekpe ilɛ na iriɛ. Agũ do fɔfɔ laalɔ ŋa aa fita si ilɛɛ. Si kuwɛɛɛ fei aa ya ta gbugbãɛi jiida ì bɛi ì baò mii ku jɛ.

Ŋɔi Ilaaɔ̃ í beeɛ í ni, yooi í sɔ̃ɛ í ni ì wɛɛ basĩ. Isa i kù na i kù jɛ isoi jĩi iyi ǹ ganjiɛ ku jɛu si ya.

Bɛɛbɛi í leleò amanɛ nɔ í dasi amaleka ŋa iyi à ya kpe serubɛ̃ɛ ŋau si lamboi Edɛni ikpa nunui daakɔ. Amaleka ŋau à waa mu taakuba nɔ à waa fũu nɔ wa daana si inunu bɛi amɛi ina à waa degbeò kpãai jĩi ndii kuwɛɛu.

Ŋɔi Adamu í sɔ aboɛu Ɛfa , domi nŋui í jɛ iyei inɛ fei.