<div class="version vid946 iso6393gdr" data-vid="946" data-iso6393="gdr">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Is&#616;pkita Y&#616;tkak</span></div><div class="ip"><span class="content">Ongg&#616;tyam God ma b'og&#616;l y&#616;rkokar bage y&#616;t peba &#616;r&#616;ka r&#616;ga re teks wulk&#616;p imdayam r&#616;ga Matayote. &#407; ton re Yesumna twelp (12) &#616;tm&#616;kitijog r&#616;ga w&#616;ng&#616;r&#616;nd y&#616;pa r&#616;ga na d&#616;de ti kwa y&#616;pa ny&#616; re Lebite. S&#616; ongg&#616;t peba &#616;r&#616;kam re w&#616;n aw&#616;r e b'obog&#616;l yis&#616;pkis, m&#616;nda ama r&#616;ka ongg&#616;t A.D. siksti d&#616;de sebenti (60-70) kemag gangga nat. &#407; ton &#616;temb peba y&#616;r&#616;konj re Ju r&#616;ga wa mana.</span></div><div class="ip"><span class="content">&#407; ongg&#616;t pebat p&#616;tap&#616;ta yomneny re b'og&#616;l y&#616;rkokar bage y&#616;t e &#616;t re da Yesu re t&#616;r&#616;r omni e y&#616;rkokar okawam r&#616;ga. &#407; Yesum p&#616;lnat God Tina t&#616;r&#616;r y&#616;t r&#616;r&#616;rk&#616;p amninonj tina r&#616;ga wa p&#616;lwa, r&#616;nsim re kesam peband &#616;r&#616;ki wekeny. &#407; &#616;temb b'og&#616;l y&#616;rkokar bage y&#616;t re ma Ju r&#616;ga wa nena mana, ya w&#616;ng&#616;r nat re Yesu ukendonj d&#616;de w&#616;mena yikenonj. Aj&#616; &#616;temb b'og&#616;l y&#616;rkokar bage y&#616;t re toda kwa kupka gowukoi r&#616;ga wa mana.</span></div><div class="ip"><span class="content">Matayo &#616;temb peba y&#616;kalkonj re b'obog&#616;l y&#616;r iyena k&#616;ma na. &#407; ton yotom re Yesumna ukenda gatab kae. &#407; ket yuseneny Yesumna baptiso d&#616;de b'atonkena gatab. &#407; ket kwa akasiny Yesumna w&#616;ko gatab, opi re God ma y&#616;tkak p&#616;tap&#616;ta omnena, ouyaena, &#616; d&#616;de kopa ke r&#616;ga &#616;sakenda r&#616;na re Ton amn&#616;keninonj Galili eriyand. &#407; kwa ongg&#616;t kak ke p&#616;tap&#616;ta yomneny Yesumna menon Galili ke de ama re Yerusalem wa. S&#616; kwa p&#616;tap&#616;ta amneniny re Yesumna kikitumam wik&#616;nd omn&#616;ki m&#616;le gatab im. &#407; y&#616;tkak ket yundwas re Yesumna uj d&#616;de utnyita gatab kae. &#407; daka ket pebat yis&#616;pkeny da Yesu re ukoijog ouyaena r&#616;ga e yama re juwai y&#616;bnau God ma gog y&#616;t is&#616;pkenam d&#616;de God ma pumb tungg gatab ouyaenam.</span></div>
      </div>
   </div>
</div>

Isɨpkita Yɨtkak
Onggɨtyam God ma b'ogɨl yɨrkokar bage yɨt peba ɨrɨka rɨga re teks wulkɨp imdayam rɨga Matayote. Ɨ ton re Yesumna twelp (12) ɨtmɨkitijog rɨga wɨngɨrɨnd yɨpa rɨga na dɨde ti kwa yɨpa nyɨ re Lebite. Sɨ onggɨt peba ɨrɨkam re wɨn awɨr e b'obogɨl yisɨpkis, mɨnda ama rɨka onggɨt A.D. siksti dɨde sebenti (60-70) kemag gangga nat. Ɨ ton ɨtemb peba yɨrɨkonj re Ju rɨga wa mana.
Ɨ onggɨt pebat pɨtapɨta yomneny re b'ogɨl yɨrkokar bage yɨt e ɨt re da Yesu re tɨrɨr omni e yɨrkokar okawam rɨga. Ɨ Yesum pɨlnat God Tina tɨrɨr yɨt rɨrɨrkɨp amninonj tina rɨga wa pɨlwa, rɨnsim re kesam peband ɨrɨki wekeny. Ɨ ɨtemb b'ogɨl yɨrkokar bage yɨt re ma Ju rɨga wa nena mana, ya wɨngɨr nat re Yesu ukendonj dɨde wɨmena yikenonj. Ajɨ ɨtemb b'ogɨl yɨrkokar bage yɨt re toda kwa kupka gowukoi rɨga wa mana.
Matayo ɨtemb peba yɨkalkonj re b'obogɨl yɨr iyena kɨma na. Ɨ ton yotom re Yesumna ukenda gatab kae. Ɨ ket yuseneny Yesumna baptiso dɨde b'atonkena gatab. Ɨ ket kwa akasiny Yesumna wɨko gatab, opi re God ma yɨtkak pɨtapɨta omnena, ouyaena, ɨ dɨde kopa ke rɨga ɨsakenda rɨna re Ton amnɨkeninonj Galili eriyand. Ɨ kwa onggɨt kak ke pɨtapɨta yomneny Yesumna menon Galili ke de ama re Yerusalem wa. Sɨ kwa pɨtapɨta amneniny re Yesumna kikitumam wikɨnd omnɨki mɨle gatab im. Ɨ yɨtkak ket yundwas re Yesumna uj dɨde utnyita gatab kae. Ɨ daka ket pebat yisɨpkeny da Yesu re ukoijog ouyaena rɨga e yama re juwai yɨbnau God ma gog yɨt isɨpkenam dɨde God ma pumb tungg gatab ouyaenam.

සවන් දෙන්න Matayo ma Peba Isɨpkita Yɨtkak