<div class="version vid931 iso6393aom" data-vid="931" data-iso6393="aom">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Sheep subir&#246;'&#246;jamu nahoromo birohade uhu j&#246;hoje.</div><div class="p"> 1Iae vajiohu'e tax baejarue arib&#246;viohu'o sis&#235; arib&#246;vi ioro'iorohu'o &#235;ho jaburo Iesuare j&#246;ho he'i rueruomadeje. 2Rovamu gagorovo Pharisee arib&#246;viohu'o Jew rajo j&#246;goru &#246;ri r&#246;j&#235;hijarue arib&#246;viohu'o uarovareje: &#203;sareri'e ahuro sis&#235; arib&#246;vioho raj&#235;hiromo jabu'o gemuoro ie ijaje h&#246;jo. 3Ijaje h&#246;jamu Iesuro uhu'e u&#235;vadeje:</div><div class="p"> 4Jem&#235; ae gemu sheep aho'ob&#235;he 100 javo'i gemu subir&#246;'&#246;j&#235;'oho ja diehi'on&#235;jo. Ja sheep ioro'iore mure raromaruoho &#235;hi nugo'amo'i va'oromo &#235; sheep gemu'oho nahobe juvojuvo hujeji vae g&#246;ro biroho'anu&#235;jo. 5Birohonugoromo nimoroh&#235;'i babuariromo am&#235;ro rue'a'anu&#235;jo. 6Rueromo jasi amo rajoho aganoho u&#235;'a'anu&#235;jo: Nasi sheep subir&#246;'&#246;jadoho iae biroh&#235;'e jevaj&#235;jo. &#203;huni ruehego no gemuoro nimorohar&#235;jo. 7&#203;hesi b&#235;hoho naro u&#235;'i&#235;'aj&#235;jo. &#214;'id&#246;re raromarue arib&#246;viohuro gavarue ae gemu &#246;ri sis&#235;re juvajoho vuonugo'i huotorovoromo &#246;ri mare juvamu gav&#235;'oho nimoroho avoharue h&#246;jo. O gavarue ae aho'ob&#235;he jabesi sivue uehorovoromo uvamu: No mae javu&#235;'&#235;ro &#235;hu'&#235;ro mu sis&#235; vuonugo'ir&#246;hoho bogojavuaj&#235; uvamu g&#235;v&#235;'oho bogo &#235;hioho nimoroharue h&#246;jo.</div><div class="s">Subir&#246;'&#246;j&#235;'e ijo bajo nahoromo birohade uhu j&#246;hoje.</div><div class="p"> 8O uhu j&#246; g&#246;ho heh&#235;jo. Magonahe gemu ajiv&#235;'e ijo baje aho'ob&#235;he 10 jiajoho gemu subir&#246;'&#246;j&#235;'oho hu diehi &#235;'a'aj&#235;jo. Iroho buenugoromo ari sisuoho bibiv&#235;'i ma-avoho nahobe juvoromo hujeji vae g&#246;ro biroho'aj&#235;jo. 9Birohonugoromo hesi amo rajoho aganoho u&#235;'a'aj&#235;jo: Subir&#246;'&#246;jade ijo bajoho biroh&#235;'e jevaje &#235;huni ruehego no gemuoro nimorohar&#235;jo. 10&#203;hesi b&#235;hoho na u&#235;'i&#235;'aj&#235;jo. God-are anerahuro gavarue ae gemu &#246;ri sis&#235;re juvajoho vuonugo'i huotorovoromo &#246;ri mare juvamu gav&#235;'oho nimoroharue h&#246;jo.</div><div class="s">Ijorajo subir&#246;'&#246;romo vuonor&#246;'&#246; rovamugo vavuehu hu rajahi'i muriehu bij&#246;nimade j&#246;hoje.</div><div class="p"> 11&#203;hi u&#235;nugoromo Iesuro uhu j&#246;e g&#246;'o maj&#235;hiromo u&#235;vadeje: Iae ae gemu harihe ni&#246;'i j&#235;vade h&#246;jo. 12Harihe ni&#246;'i j&#235;v&#235;'&#235;ro ijorajohuro ri'&#246;romo vavuoho uavade h&#246;jo: Apo ja guomavego naehu ujuoho'irodego uevane b&#246;vioho bise'oho avevej&#246;'e bojem&#235;jo. Bojemij&#235;jamu rue vavuohuro hesi b&#246;vioho bise'oho adovoromo harihu g&#246;ho ioni g&#246;ho bojami'i harihu g&#246;ho ioni g&#246;ho bojamijade h&#246;jo. 13Bojamamu majae ma-gemu ni&#246;'i bar&#235;jamu rue ijorajohuro huhu ujuohadoho imo'amo bar&#235;romo monioho baeromo va'ade h&#246;jo. Va'adoho va'ojuvo &#246;ri &#235;gob&#246;viro sa'a g&#246;ro va'oromo nimoronimoroh&#235;'i hiromo hesi maho sis&#235;ho ma-bu'&#246;n&#246;vade h&#246;jo. 14&#203;hi bu'&#246;be va'amu hesi b&#246;vioho bise'oho bar&#235;jahade h&#246;jo. Bar&#235;jahamu &#235; sa'are iruno'oho aho'o bar&#235;romo &#235; sa'are arib&#246;vioho vadun&#235;ro vuovamu &#235; aho hu&#235; vavaene b&#246;r&#246;me baej&#235;'e hijade h&#246;jo. 15&#203;hi hiromo va'oromo &#235; sa'aho raje ae gemu uavade h&#246;jo: Ja mue jav&#235;'oho uevego na &#235; jasiro mue vaej&#246;jo. Mue vaej&#246;jamu ruehuro uavade h&#246;jo: Mahu muohuro va'oromo mahe mio'amon&#235;jo. 16Mahe mio'amon&#235;jamu &#235; Jew rajehu sis&#235; h&#246; uvarue muoho baeromo va'oromo mahoho mueberomo h&#246;mamu uvade h&#246;jo: Raro mahu ioho babojemego na ijego da'uego'irajo. &#203;hi uvade h&#246;jo r&#246;hu a vadu'oho ioho bogo bojamare h&#246;jo. 17Bogo bojamamu hiromo ijon&#246; avoho uehorovoromo uvade h&#246;jo: O apare mu arib&#246;vioho ie aho'ob&#235;he j&#235;v&#235;'&#235;ro i bar&#235;'ir&#246;hoho bogo eni j&#235;vaj&#235;jo. Na aviae harihoho jevaj&#235;jo r&#246;hu vadun&#235;ro guomevo'i&#235;'aj&#235;jo. 18&#203;huni naro ri'&#246;romo aparo va'oromo ua'ej&#246;jo: Apo naehu God-are &#246;rire jasi &#246;rire hu&#235; vavaeni boj&#235;modoho &#235;ho naro mu sis&#235; vaej&#235;'e jevaj&#235;jo. 19Na a sis&#235; jev&#235;'ego &#235;huni ja bogo na harihoho ue'a'anu&#235;jo. A'i jasi muoro bamevego na muoho vaejahoromo manaho bae'ir&#246;jo. 20&#203;ijorajohuro &#235;hi uvonugoromo ri'&#246;romo hesi vavuehu hijajire va'i va'ade h&#246;jo.</div><div class="p">Va'i va'amu vavuohuro gavade h&#246;jo arue ririb&#246;vire hesi harihoho rovamu. Ganugoromo vavaenimoromo tutuvo va'oromo guduamoromo dud&#246;hade h&#246;jo. 21Dud&#246;hamu rue harihohuro uavade h&#246;jo: Apo naehu God-are &#246;rire jasi &#246;rire hu&#235; vavaeni boj&#235;modoho &#235;ho naro mu sis&#235; vaej&#235;'e jevaj&#235;jo. Na a sis&#235; jev&#235;'ego &#235;huni ja bogo na harihoho ue'a'anu&#235;jo. 22&#203;hi uavamu hej&#235;'i rue vavuohuro harihoho bogo ejaho'i hesi mu vaejaharue arib&#246;vioho u&#235;vade h&#246;jo: Ma-bur&#235;ro va'oromo ni&#246;gu maho jaegoho h&#246;ru guduoho &#235;hi jue'ini ujuohaho rueromo sinoro &#246;vo gaenoro h&#246;roro io'amahoh&#235;jo. 23Jem&#235;hu ma-je i muoharuje sanuov&#235;'e mioho baro anohego no i s&#246;r&#246;'e iromo nimoronimorohar&#235;jo. 24Urimoho naro uvode h&#246;jo: Nani nasi harihoho guom&#235;'e h&#246;jo. Nani diehi &#235;'&#235;'e h&#246;jo. Avevej&#246;'oho na gavajoho hu iae hijaj&#235;jo. Urimoho &#246;ri ari'e g&#246;ro subir&#246;'&#246;jade h&#246;jo. Avevej&#246;'oho iae biroh&#235;'e jevaj&#235;jo. &#203;huni &#235;'ego no nimorohar&#235;jo. &#203;hi u&#235;v&#235;'&#235;ro s&#246;r&#246;e iromo nimoro nimore bamare h&#246;jo.</div><div class="p"> 25&#203;hi'amu gav&#235;'i iae muriohuro muro hijade h&#246;jo. Muro hiromo amo b&#235;hire rue'i hejade h&#246;jo javavo'ego jajoho h&#235;g&#246;ho rovavamu. 26Jajoho h&#235;g&#246;ho rovavamu hegorovo mu vaejarue ae gemu&#235;ro ruej&#246;ro uaromo rovamu uavade h&#246;jo: Rab&#235;ni &#235;'aru&#235;jo. 27Rab&#235;ni &#235;'aru&#235;jamu ruehuro uavade h&#246;jo: Jasi ijorajohuro rovamu jasi vavuohuro gavade hesi harihoho raboho raboho bogo &#235;'&#235;'e hesi &#246;rire ma-mae rovamu gagoro ma-je i muoharue sanuov&#235;'e mioho huni anahade h&#246;jo. 28Anade h&#246;jamu rue muriohuro d&#235; v&#246;r&#246;nimamu osare va'ir&#246;hoho bij&#246;nimade h&#246;jo. Bij&#246;nimamu vavuohuro amon&#246; h&#246;r&#246; rueromo uavade h&#246;jo: Nadi juahovo'i osa&#235;ro rueromo ioho ma-ij&#235;jo. 29Ij&#235;jamu rue muriohuro uavade h&#246;jo: Aveho hej&#235;jo. Jasi j&#246;ho na bogo gemu vadu'oho ahaho'i vadune vadune na jasi muohemu vaejahobe rov&#235;'e jevaj&#235;jo. Iae &#235;hi h&#246;jo r&#246;hu mi mae o mi sis&#235; &#235;hu'o bogo bojemijane h&#246;jo &#235;huro naehu nasi aemo'aemohu'o iromo nimoroho'irodoho. Bogo mae bogajo. 30Nasi &#246;riroho bogo bojemi'i jasi harihoho magonaho sis&#235;ho ga'amoromo &#235;huro jasi maho sis&#235;ho i bar&#235;j&#235;'&#235;ro rovamu gav&#235;'i jero sanuov&#235;'e mi mab&#235;hoho anoromo hesi &#246;rire bojamane h&#246;jo. 31Bojamane h&#246;jamu rue vavuohuro uavade h&#246;jo: Jue'i ja majae &#235;hi na'o gemu mae hijanue h&#246;jo. Nasi sa'ae are in&#246;mo in&#246;me ie b&#246;vie bise'e aho'o ma-jasiremu h&#246;jo. 32&#203;hi h&#246;jo r&#246;hu urimoho naro uvode h&#246;jo: Nani jasi ijorajoho guom&#235;'e h&#246;jo. Nani diehi &#235;'&#235;'e h&#246;jo. Avevej&#246;'oho na gavajoho hu iae hijaj&#235;jo. Urimoho &#246;ri ari'e g&#246;ro subir&#246;'&#246;jade h&#246;jo. Avevej&#246;'oho iae biroh&#235;'e jevaj&#235;jo. &#203;huni noehu hu&#235; mae baeromo nimoronimoroh&#235;'oho iae mae h&#246;jo.</div>
 </div>
 </div>
</div>

Iae vajiohu'e tax baejarue ariböviohu'o sisë aribövi ioro'iorohu'o ëho jaburo Iesuare jöho he'i rueruomadeje. Rovamu gagorovo Pharisee ariböviohu'o Jew rajo jögoru öri röjëhijarue ariböviohu'o uarovareje: Ësareri'e ahuro sisë aribövioho rajëhiromo jabu'o gemuoro ie ijaje höjo. Ijaje höjamu Iesuro uhu'e uëvadeje:
Jemë ae gemu sheep aho'obëhe 100 javo'i gemu subirö'öjë'oho ja diehi'onëjo. Ja sheep ioro'iore mure raromaruoho ëhi nugo'amo'i va'oromo ë sheep gemu'oho nahobe juvojuvo hujeji vae göro biroho'anuëjo. Birohonugoromo nimorohë'i babuariromo amëro rue'a'anuëjo. Rueromo jasi amo rajoho aganoho uë'a'anuëjo: Nasi sheep subirö'öjadoho iae birohë'e jevajëjo. Ëhuni ruehego no gemuoro nimoroharëjo. Ëhesi bëhoho naro uë'ië'ajëjo. Ö'idöre raromarue ariböviohuro gavarue ae gemu öri sisëre juvajoho vuonugo'i huotorovoromo öri mare juvamu gavë'oho nimoroho avoharue höjo. O gavarue ae aho'obëhe jabesi sivue uehorovoromo uvamu: No mae javuë'ëro ëhu'ëro mu sisë vuonugo'iröhoho bogojavuajë uvamu gëvë'oho bogo ëhioho nimoroharue höjo.

O uhu jö göho hehëjo. Magonahe gemu ajivë'e ijo baje aho'obëhe 10 jiajoho gemu subirö'öjë'oho hu diehi ë'a'ajëjo. Iroho buenugoromo ari sisuoho bibivë'i ma-avoho nahobe juvoromo hujeji vae göro biroho'ajëjo. Birohonugoromo hesi amo rajoho aganoho uë'a'ajëjo: Subirö'öjade ijo bajoho birohë'e jevaje ëhuni ruehego no gemuoro nimoroharëjo. Ëhesi bëhoho na uë'ië'ajëjo. God-are anerahuro gavarue ae gemu öri sisëre juvajoho vuonugo'i huotorovoromo öri mare juvamu gavë'oho nimoroharue höjo.

Ëhi uënugoromo Iesuro uhu jöe gö'o majëhiromo uëvadeje: Iae ae gemu harihe niö'i jëvade höjo. Harihe niö'i jëvë'ëro ijorajohuro ri'öromo vavuoho uavade höjo: Apo ja guomavego naehu ujuoho'irodego uevane bövioho bise'oho avevejö'e bojemëjo. Bojemijëjamu rue vavuohuro hesi bövioho bise'oho adovoromo harihu göho ioni göho bojami'i harihu göho ioni göho bojamijade höjo. Bojamamu majae ma-gemu niö'i barëjamu rue ijorajohuro huhu ujuohadoho imo'amo barëromo monioho baeromo va'ade höjo. Va'adoho va'ojuvo öri ëgoböviro sa'a göro va'oromo nimoronimorohë'i hiromo hesi maho sisëho ma-bu'önövade höjo. Ëhi bu'öbe va'amu hesi bövioho bise'oho barëjahade höjo. Barëjahamu ë sa'are iruno'oho aho'o barëromo ë sa'are aribövioho vadunëro vuovamu ë aho huë vavaene böröme baejë'e hijade höjo. Ëhi hiromo va'oromo ë sa'aho raje ae gemu uavade höjo: Ja mue javë'oho uevego na ë jasiro mue vaejöjo. Mue vaejöjamu ruehuro uavade höjo: Mahu muohuro va'oromo mahe mio'amonëjo. Mahe mio'amonëjamu ë Jew rajehu sisë hö uvarue muoho baeromo va'oromo mahoho mueberomo hömamu uvade höjo: Raro mahu ioho babojemego na ijego da'uego'irajo. Ëhi uvade höjo röhu a vadu'oho ioho bogo bojamare höjo. Bogo bojamamu hiromo ijonö avoho uehorovoromo uvade höjo: O apare mu aribövioho ie aho'obëhe jëvë'ëro i barë'iröhoho bogo eni jëvajëjo. Na aviae harihoho jevajëjo röhu vadunëro guomevo'ië'ajëjo. Ëhuni naro ri'öromo aparo va'oromo ua'ejöjo: Apo naehu God-are örire jasi örire huë vavaeni bojëmodoho ëho naro mu sisë vaejë'e jevajëjo. Na a sisë jevë'ego ëhuni ja bogo na harihoho ue'a'anuëjo. A'i jasi muoro bamevego na muoho vaejahoromo manaho bae'iröjo. Ëijorajohuro ëhi uvonugoromo ri'öromo hesi vavuehu hijajire va'i va'ade höjo.
Va'i va'amu vavuohuro gavade höjo arue riribövire hesi harihoho rovamu. Ganugoromo vavaenimoromo tutuvo va'oromo guduamoromo dudöhade höjo. Dudöhamu rue harihohuro uavade höjo: Apo naehu God-are örire jasi örire huë vavaeni bojëmodoho ëho naro mu sisë vaejë'e jevajëjo. Na a sisë jevë'ego ëhuni ja bogo na harihoho ue'a'anuëjo. Ëhi uavamu hejë'i rue vavuohuro harihoho bogo ejaho'i hesi mu vaejaharue aribövioho uëvade höjo: Ma-burëro va'oromo niögu maho jaegoho höru guduoho ëhi jue'ini ujuohaho rueromo sinoro övo gaenoro höroro io'amahohëjo. Jemëhu ma-je i muoharuje sanuovë'e mioho baro anohego no i sörö'e iromo nimoronimoroharëjo. Urimoho naro uvode höjo: Nani nasi harihoho guomë'e höjo. Nani diehi ë'ë'e höjo. Avevejö'oho na gavajoho hu iae hijajëjo. Urimoho öri ari'e göro subirö'öjade höjo. Avevejö'oho iae birohë'e jevajëjo. Ëhuni ë'ego no nimoroharëjo. Ëhi uëvë'ëro söröe iromo nimoro nimore bamare höjo.
Ëhi'amu gavë'i iae muriohuro muro hijade höjo. Muro hiromo amo bëhire rue'i hejade höjo javavo'ego jajoho hëgöho rovavamu. Jajoho hëgöho rovavamu hegorovo mu vaejarue ae gemuëro ruejöro uaromo rovamu uavade höjo: Rabëni ë'aruëjo. Rabëni ë'aruëjamu ruehuro uavade höjo: Jasi ijorajohuro rovamu jasi vavuohuro gavade hesi harihoho raboho raboho bogo ë'ë'e hesi örire ma-mae rovamu gagoro ma-je i muoharue sanuovë'e mioho huni anahade höjo. Anade höjamu rue muriohuro dë vörönimamu osare va'iröhoho bijönimade höjo. Bijönimamu vavuohuro amonö hörö rueromo uavade höjo: Nadi juahovo'i osaëro rueromo ioho ma-ijëjo. Ijëjamu rue muriohuro uavade höjo: Aveho hejëjo. Jasi jöho na bogo gemu vadu'oho ahaho'i vadune vadune na jasi muohemu vaejahobe rovë'e jevajëjo. Iae ëhi höjo röhu mi mae o mi sisë ëhu'o bogo bojemijane höjo ëhuro naehu nasi aemo'aemohu'o iromo nimoroho'irodoho. Bogo mae bogajo. Nasi öriroho bogo bojemi'i jasi harihoho magonaho sisëho ga'amoromo ëhuro jasi maho sisëho i barëjë'ëro rovamu gavë'i jero sanuovë'e mi mabëhoho anoromo hesi örire bojamane höjo. Bojamane höjamu rue vavuohuro uavade höjo: Jue'i ja majae ëhi na'o gemu mae hijanue höjo. Nasi sa'ae are inömo inöme ie bövie bise'e aho'o ma-jasiremu höjo. Ëhi höjo röhu urimoho naro uvode höjo: Nani jasi ijorajoho guomë'e höjo. Nani diehi ë'ë'e höjo. Avevejö'oho na gavajoho hu iae hijajëjo. Urimoho öri ari'e göro subirö'öjade höjo. Avevejö'oho iae birohë'e jevajëjo. Ëhuni noehu huë mae baeromo nimoronimorohë'oho iae mae höjo.

සවන් දෙන්න Luke 15