<div class="version vid931 iso6393aom" data-vid="931" data-iso6393="aom">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s">Iesu grape bajo rae'amaje &#246;'i mae jiaje uhu j&#246; Iesuhu j&#246;vadohoje.</div><div class="p"> 1Iae Iesuro hesi ijorajo &#246;mo'&#246;moho j&#246; viture uhu'e u&#235;vadeje: Grape bajo rae avohaje &#246;'oho na jevaj&#235;jo. &#214;'i muebejaje aho nasi Vavuoho h&#246;jo. 2Na'o bimuvaruje arib&#246;vioho &#235;ho &#246;'i ado sirino'oho jio'amaj&#235;jo. &#214;'i muebejaje ahuro gar&#246;he di adoho bajoho bogo rae'amamu gav&#235;'oho duvahore tarivoromo ruruh&#246;'&#246;jaje h&#246;jo. O gar&#246;he di adoho bajoho raejamu gav&#235;'oho iogororomo sirino sirino harihu sahori'am&#235;'oho tarivo ruruh&#246;'&#246;'i mahemu nugaje h&#246;jo &#235;huro &#235; adohuro bajoho rae avohor&#246;hego. 3R&#246;hu naehu maj&#235;hijode j&#246;ho ejeh&#235;'&#235;ro &#235;huro jem&#235; adon&#246;'e mami'e iogor&#235;v&#235;'e h&#246;jo. 4R&#246;hu jem&#235; na'o gemuore bimuvoromo raromarujoho &#235;hi raromor&#235;jo. O naro jem&#235;'o gemuore bimuvoromo hijajoho &#235;hi hi'ej&#246;jo. Jem&#235;hu na'o bogo gemuore bimuvoromo rarom&#235;'oho bogo rae avoho hesi j&#235;vaj&#235;jo. &#214;'i adehu aho najore bogo bimuv&#235;'&#235;ro sis&#235;r&#235;romo bajo bogo ma raejaj&#235;hi &#235;hi j&#235;vo'aj&#235;jo.</div><div class="p"> 5&#214;'i b&#235;hoho na jevo'i jem&#235; ado sirino'oho j&#235;vaj&#235;jo. Ae rahu na'o gemuore bimuvoromo raromo'i naehu jem&#235;'o gemuore bimuvoromo hij&#235;'ohuro &#235;huro rae avoho'aruj&#235;jo. O na'o gemuore bogo bimuv&#235;'oho i'o mu'o vaej&#235;'oho bogo mae bogo eni j&#235;vo'aj&#235;jo. 6Ae rahu na'o bogo gemuore bimuvoromo rarom&#235;'oho ado suaromo ruruh&#246;'&#246;jego sis&#235;r&#235;jaj&#235;hi &#235;hi j&#235;vo'aj&#235;jo. &#203;hi ji&#235;'e adoho gagovoromo v&#235;nire huego ravo'amaje h&#246;jo. 7R&#246;hu jem&#235; na'o gemuore bimuvoromo rarom&#235;'oho o nasi j&#246; jemesi d&#235; v&#246;v&#246;bajo'ere ji&#235;'oho &#235;huro jem&#235; rabe rabe God ua ga'i n&#235;g&#235;'oho uar&#235;jo. Ua gav&#235;'oho iae bae'a'aruj&#235;jo. 8Jem&#235; bajo rae avoh&#235;'ohuro &#235;huro nasi Vavu hesi ihoho d&#246;ro jiaje h&#246;jo. O bajo rae avoh&#235;'ohuro &#235;huro nasi ijore ijore jijiharuje arib&#246;vi mae j&#235;vo'aj&#235;jo. 9Iae Vavuehu na rajehijad&#235;hi naro &#235;hi jem&#235; raj&#235;hij&#235;'e jevaj&#235;jo. Naro &#235;hi raj&#235;hij&#235;'e jevaje &#235;huni na'o gemu mae &#235;hi raromorego na raj&#235;hiemu raj&#235;hin&#246;vo'ir&#246;jo. 10Jem&#235;hu nasi j&#246;goru ejeh&#235;'oho &#235;huro na'o gemu mae raromo'iramu &#235;huro na raj&#235;hin&#246;vo'ej&#246;jo. Naehu nasi Vavu hesi j&#246;goru ejah&#235;'&#235;ro hu'o hijego huhu rajehijaj&#235;hi jem&#235;ro &#235;hi na'o raromo'iramu raj&#235;hin&#246;vo'ej&#246;jo.</div><div class="p"> 11Naehu j&#246; &#235;hi j&#246;vaje hesi b&#235;hoho naehu nimorohaj&#235;hi jem&#235;'o na'o gemu mae nimoroho'irarijego bogo bisemuoho nimoroho'i nimoroho avoho'irarijego. 12Ave j&#246;goroho naro boj&#235;mi'i&#235;'aj&#235;jo. Naehu jem&#235; d&#235; v&#246;v&#246;bajo'e aho'o uehorov&#235;vaj&#235;hi jem&#235;ro g&#246;&#235;ro g&#246;ho &#235;hi uehorov&#235;vor&#235;jo. 13G&#246;ehu g&#246; d&#235; v&#246;v&#246;bajo'ere uehorov&#235;varue mu b&#246;r&#246;moho avi&#235;hi h&#246;jo nosi aganoho aj&#235;mi'i vuovorovo'ejar&#235;jo. Mu ioro'ioroho ma-jianovaj&#235;jo. 14Nasi j&#246;goru ejeh&#235;'oho jem&#235; nasi agane j&#235;vaje h&#246;jo. 15Urimoho na bogo aganoho u&#235;'i a'i u&#235;n&#246;vode h&#246;jo: Nasi mu vaejaruje arib&#246;vie j&#235;vaj&#235;jo. Ae g&#246; jabesi mu vaejarue arib&#246;viohuro jabesi masijehu vaejarue mu hesi b&#235;hoho bogo garuomaje h&#246;jo. &#203;huni avevej&#246;'oho na bogo nasi mu vaejaruje arib&#246;vioho u&#235;'i a'i agane u&#235;vaj&#235;jo &#235; hesi b&#235;hoho nasi Vavuehu rabe rabe uevamu hejode j&#246;ho naro r&#246;j&#235;hijamu jem&#235; gav&#235;'ego. 16Jem&#235; na bogo baejevo'i a'i naro jem&#235; baej&#235;vode h&#246;jo. Baej&#235;voromo muro bam&#235;vode h&#246;jo jem&#235;ro va'oromo ioro'ioremu jior&#246;he bajoho rae avoho'irarijego. &#203;hi ji&#235;'e bajo rae avoh&#235;'oho &#235;huro jem&#235;hu Vavu hesi &#246;rire rabe rabe nasi ihore ua gav&#235;'oho iae huro boj&#235;mi'aj&#235;jo. 17&#203;hu'&#235;ro ji&#235;'&#235;ro ave j&#246;goroho naro boj&#235;mijaj&#235;jo. G&#246;&#235;ro g&#246;ho d&#235; v&#246;v&#246;bajo'e aho'o uehorov&#235;vor&#235;jo.</div><div class="s">Sa'are mu sis&#235; uehorovoruomaje arib&#246;viehu Iesuare arib&#246;vi nu huodaguo'ir&#246;he j&#246; Iesuhu j&#246;vadohoje.</div><div class="p"> 18Sa'arohemu uehorovarue arib&#246;viehu jem&#235; nu huod&#235;garuoho uvor&#235;jo: Urimo &#235;hi ji&#235;'e arib&#246;viohuro n&#246;r&#246; nue huodivoruomade h&#246;jo. 19Jem&#235;'o sa'arohemu uehorovaruje arib&#246;vie j&#235;vo'ibejajo &#235; arib&#246;viohuro uvoruomo'ibejajo: Jem&#235; nosi arib&#246;vie gemuoho j&#235;vaj&#235;romo raj&#235;hi'ibejar&#235;jo. A'i jem&#235; sa'arohemu uehorovarijoho naro baej&#235;vode h&#246;jo nasin&#246; j&#235;vor&#246;hego. Baej&#235;v&#235;'ego jem&#235; bogo jabu'oho havoromo ave sa'a hesirohemuoho uehorovaruje h&#246;jo. &#203;huni &#235; arib&#246;viohuro jem&#235; nue huod&#235;garue h&#246;jo. 20Jem&#235;'o uehorovoh&#235;jo. Naro mami'e u&#235;vode h&#246;jo: Mu arib&#246;viohuro jabesi a masijoho bogo iosir&#235;miromo masijoho riravarue h&#246;jo. &#203;j&#246; hesi b&#235;hoho jemesi b&#246;r&#246;moho na sis&#235; vaejev&#235;'&#235;ro &#235;hu'&#235;ro sa'ae aho'o jaburo mu vaejaruje arib&#246;vioho jem&#235;'o sis&#235; vaej&#235;vo'aru&#235;jo. O nasi j&#246; ejeh&#235;'oho jemesi j&#246;hu'o ej&#235;ho'aru&#235;jo. 21Jem&#235;ro nasi ihoho baej&#235;'ego &#235;huni &#235;ho jaburo jemesi &#246;rire &#235;hi sis&#235; vaej&#235;voruomo'aj&#235;jo rab&#235;ni hesi b&#235;hoho sa'are na rem&#246;'&#246;jade aho jabum&#235; bogo gavaru&#235;ro ji&#235;'&#235;ro. 22Na bogo sa'aroho rueromo j&#246;ho jabesi &#246;riroho maj&#235;hi'ibej&#246;jo jabesi j&#246; sis&#235;ho bogojio'ibejajo. R&#246;hu nasi j&#246;ho maj&#235;hijamu hejare h&#246;jo. Hej&#235;'&#235;ro bogo u&#246;'a'aru&#235;jo: Noehu mu sis&#235; vaejaroho bogo gav&#235;'e &#235;ma &#235;'are h&#246;jo. 23Na nu huodeg&#235;'oho nasi Vavuohu'o nue huodivoruomaje h&#246;jo. 24Ae g&#246;ehu bogo vaejarue &#235;hi ji&#235;'e darugo'e mu masijoho naro jabesi nunire vaen&#246;vode h&#246;jo. Jabesi nuniroho &#235;hi ji&#235;'e muoho bogo vae'ibej&#246;jo &#235;huro jabesi j&#246; sis&#235;ho bogojio'ibejajo. O avevej&#246;'oho jabum&#235; nasi muoho iae gavare h&#246;jo r&#246;hu na'o nasi Vavuohu'o nue huodaguoruomaje h&#246;jo. 25Jabuhu nu huodaguarue hesi b&#235;hoho urim&#235;'i jabesi j&#246;goru surire jajivoromo uv&#235;'e h&#246;jo: Na sis&#235;ho bogo &#246;m&#235;'e jabum&#235; &#235;ma nue huodegare h&#246;jo. R&#246;hu nue huodego'ir&#246;he j&#246; jajivad&#235;hi &#235;hi nue huodegarue h&#246;jo God-are j&#246;ho bogo bejaj&#235;ro ji&#235;'&#235;ro.</div><div class="p"> 26R&#246;hu jem&#235; Aj&#235;min&#246;vo'ir&#246;he Aho j&#246; maemu barovaje Aru'ahohuro ji&#235;'&#235;ro Vavuohu'o gemu mae hijaje h&#246;jo. &#203;hi hijaj&#235;ro ji&#235;'&#235;ro naro nug&#246;'&#246;'iramu Vavu hesirire jioromo jemesi &#246;rire ruvebi'aj&#235;jo. Ruvebiromo nasi j&#246;ho huruoho maj&#235;hi'aj&#235;jo. 27O jem&#235;'o nasi j&#246;ho huruoho maj&#235;hi'aruj&#235;jo aevo'i na'o raromobe rov&#235;'&#235;ro j&#235;v&#235;'&#235;ro.</div>
 </div>
 </div>
</div>

Iae Iesuro hesi ijorajo ömo'ömoho jö viture uhu'e uëvadeje: Grape bajo rae avohaje ö'oho na jevajëjo. Ö'i muebejaje aho nasi Vavuoho höjo. Na'o bimuvaruje aribövioho ëho ö'i ado sirino'oho jio'amajëjo. Ö'i muebejaje ahuro garöhe di adoho bajoho bogo rae'amamu gavë'oho duvahore tarivoromo ruruhö'öjaje höjo. O garöhe di adoho bajoho raejamu gavë'oho iogororomo sirino sirino harihu sahori'amë'oho tarivo ruruhö'ö'i mahemu nugaje höjo ëhuro ë adohuro bajoho rae avohoröhego. Röhu naehu majëhijode jöho ejehë'ëro ëhuro jemë adonö'e mami'e iogorëvë'e höjo. Röhu jemë na'o gemuore bimuvoromo raromarujoho ëhi raromorëjo. O naro jemë'o gemuore bimuvoromo hijajoho ëhi hi'ejöjo. Jemëhu na'o bogo gemuore bimuvoromo raromë'oho bogo rae avoho hesi jëvajëjo. Ö'i adehu aho najore bogo bimuvë'ëro sisërëromo bajo bogo ma raejajëhi ëhi jëvo'ajëjo.
Ö'i bëhoho na jevo'i jemë ado sirino'oho jëvajëjo. Ae rahu na'o gemuore bimuvoromo raromo'i naehu jemë'o gemuore bimuvoromo hijë'ohuro ëhuro rae avoho'arujëjo. O na'o gemuore bogo bimuvë'oho i'o mu'o vaejë'oho bogo mae bogo eni jëvo'ajëjo. Ae rahu na'o bogo gemuore bimuvoromo raromë'oho ado suaromo ruruhö'öjego sisërëjajëhi ëhi jëvo'ajëjo. Ëhi jië'e adoho gagovoromo vënire huego ravo'amaje höjo. Röhu jemë na'o gemuore bimuvoromo raromë'oho o nasi jö jemesi dë vövöbajo'ere jië'oho ëhuro jemë rabe rabe God ua ga'i nëgë'oho uarëjo. Ua gavë'oho iae bae'a'arujëjo. Jemë bajo rae avohë'ohuro ëhuro nasi Vavu hesi ihoho döro jiaje höjo. O bajo rae avohë'ohuro ëhuro nasi ijore ijore jijiharuje aribövi mae jëvo'ajëjo. Iae Vavuehu na rajehijadëhi naro ëhi jemë rajëhijë'e jevajëjo. Naro ëhi rajëhijë'e jevaje ëhuni na'o gemu mae ëhi raromorego na rajëhiemu rajëhinövo'iröjo. Jemëhu nasi jögoru ejehë'oho ëhuro na'o gemu mae raromo'iramu ëhuro na rajëhinövo'ejöjo. Naehu nasi Vavu hesi jögoru ejahë'ëro hu'o hijego huhu rajehijajëhi jemëro ëhi na'o raromo'iramu rajëhinövo'ejöjo.
Naehu jö ëhi jövaje hesi bëhoho naehu nimorohajëhi jemë'o na'o gemu mae nimoroho'irarijego bogo bisemuoho nimoroho'i nimoroho avoho'irarijego. Ave jögoroho naro bojëmi'ië'ajëjo. Naehu jemë dë vövöbajo'e aho'o uehorovëvajëhi jemëro göëro göho ëhi uehorovëvorëjo. Göehu gö dë vövöbajo'ere uehorovëvarue mu börömoho aviëhi höjo nosi aganoho ajëmi'i vuovorovo'ejarëjo. Mu ioro'ioroho ma-jianovajëjo. Nasi jögoru ejehë'oho jemë nasi agane jëvaje höjo. Urimoho na bogo aganoho uë'i a'i uënövode höjo: Nasi mu vaejaruje aribövie jëvajëjo. Ae gö jabesi mu vaejarue ariböviohuro jabesi masijehu vaejarue mu hesi bëhoho bogo garuomaje höjo. Ëhuni avevejö'oho na bogo nasi mu vaejaruje aribövioho uë'i a'i agane uëvajëjo ë hesi bëhoho nasi Vavuehu rabe rabe uevamu hejode jöho naro röjëhijamu jemë gavë'ego. Jemë na bogo baejevo'i a'i naro jemë baejëvode höjo. Baejëvoromo muro bamëvode höjo jemëro va'oromo ioro'ioremu jioröhe bajoho rae avoho'irarijego. Ëhi jië'e bajo rae avohë'oho ëhuro jemëhu Vavu hesi örire rabe rabe nasi ihore ua gavë'oho iae huro bojëmi'ajëjo. Ëhu'ëro jië'ëro ave jögoroho naro bojëmijajëjo. Göëro göho dë vövöbajo'e aho'o uehorovëvorëjo.

Sa'arohemu uehorovarue ariböviehu jemë nu huodëgaruoho uvorëjo: Urimo ëhi jië'e ariböviohuro nörö nue huodivoruomade höjo. Jemë'o sa'arohemu uehorovaruje aribövie jëvo'ibejajo ë ariböviohuro uvoruomo'ibejajo: Jemë nosi aribövie gemuoho jëvajëromo rajëhi'ibejarëjo. A'i jemë sa'arohemu uehorovarijoho naro baejëvode höjo nasinö jëvoröhego. Baejëvë'ego jemë bogo jabu'oho havoromo ave sa'a hesirohemuoho uehorovaruje höjo. Ëhuni ë ariböviohuro jemë nue huodëgarue höjo. Jemë'o uehorovohëjo. Naro mami'e uëvode höjo: Mu ariböviohuro jabesi a masijoho bogo iosirëmiromo masijoho riravarue höjo. Ëjö hesi bëhoho jemesi börömoho na sisë vaejevë'ëro ëhu'ëro sa'ae aho'o jaburo mu vaejaruje aribövioho jemë'o sisë vaejëvo'aruëjo. O nasi jö ejehë'oho jemesi jöhu'o ejëho'aruëjo. Jemëro nasi ihoho baejë'ego ëhuni ëho jaburo jemesi örire ëhi sisë vaejëvoruomo'ajëjo rabëni hesi bëhoho sa'are na remö'öjade aho jabumë bogo gavaruëro jië'ëro. Na bogo sa'aroho rueromo jöho jabesi öriroho majëhi'ibejöjo jabesi jö sisëho bogojio'ibejajo. Röhu nasi jöho majëhijamu hejare höjo. Hejë'ëro bogo uö'a'aruëjo: Noehu mu sisë vaejaroho bogo gavë'e ëma ë'are höjo. Na nu huodegë'oho nasi Vavuohu'o nue huodivoruomaje höjo. Ae göehu bogo vaejarue ëhi jië'e darugo'e mu masijoho naro jabesi nunire vaenövode höjo. Jabesi nuniroho ëhi jië'e muoho bogo vae'ibejöjo ëhuro jabesi jö sisëho bogojio'ibejajo. O avevejö'oho jabumë nasi muoho iae gavare höjo röhu na'o nasi Vavuohu'o nue huodaguoruomaje höjo. Jabuhu nu huodaguarue hesi bëhoho urimë'i jabesi jögoru surire jajivoromo uvë'e höjo: Na sisëho bogo ömë'e jabumë ëma nue huodegare höjo. Röhu nue huodego'iröhe jö jajivadëhi ëhi nue huodegarue höjo God-are jöho bogo bejajëro jië'ëro.
Röhu jemë Ajëminövo'iröhe Aho jö maemu barovaje Aru'ahohuro jië'ëro Vavuohu'o gemu mae hijaje höjo. Ëhi hijajëro jië'ëro naro nugö'ö'iramu Vavu hesirire jioromo jemesi örire ruvebi'ajëjo. Ruvebiromo nasi jöho huruoho majëhi'ajëjo. O jemë'o nasi jöho huruoho majëhi'arujëjo aevo'i na'o raromobe rovë'ëro jëvë'ëro.

සවන් දෙන්න John 15