<div class="version vid767 iso6393nhg" data-vid="767" data-iso6393="nhg">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jes&#250;s oyulebihuac</div><div class="p"> 1Ipa inun primiero tunale de sem&#246;na, cualc&#246;, antes quisas tunale, ohu&#246;lajque inu sohuame c&#246;ne mejc&#246;ustutl. Quehualecaya inu pajtle ijnecueste tli yejua ye oquechejchijque. 2Hua oqueniextejque inu tietetu ye tlacaltechule oyeya de ipa pobielta de mejc&#246;ustutl. 3Hua ocalajque, pero amo oqueniextejque tiecuierpo de Tl&#246;catzintle Jes&#250;s. 4Hua omochi que cu&#246;c yejua amo quemateya tli quepens&#246;rusque de ini n&#246;nca, sie trepiente omoquetzque intlac yejua unte tl&#246;ca ca intlaquie tzotzotlaca. 5Hua yejua sohuame omomajtejque, hua omopiechojque. Hua tl&#246;ca oquemelfejque sohuame:</div><div class="p">&#8213;&#191;Tlica nentietiemoa intz&#246;l&#246; mimejque &#246;que nemoa? 6Amo onc&#246; iloac nec&#246;, cache ye oyulebihuac. Xequeln&#246;mequec&#246; de tli onemiechnunutzque cu&#246;c oc iloaya ipan Galilea. 7Pues oquejtojque que yejuatzi &#246;que nechihualuc tl&#246;catl tieconbeniero&#246;ya ma tietiem&#246;ctic&#246; inm&#246;pa tl&#246;ca tlajtlaculteque, hua ma tiecoruspeluc&#246;, hua ma yulebihua ipa yeye tunale.</div><div class="p"> 8Yecu&#246;quenu yejua oqueln&#246;mejque de tietlajtul. 9Hua omocuejque desde ipa mejc&#246;ustutl. Oquemelfejque de noche ini n&#246;nca s&#246;santle ca inu majtlactle huansie tiemachtejc&#246;hua, ca tiehua ocseque. 10Hua oyejyeya Mar&#237;a Magdalena hua Juana, ca tiehua Mar&#237;a in&#246;ntzi Jacobo. Hua tli ocseque tli oyejyeya ca yejua oquejtojque ini n&#246;nca inca tlateotitlanme. 11Cache yejua quepens&#246;ro&#246;ya quieme cana lucojyutl inu tlajtule de yejua, hua amo oquenneltocaque. 12Cache omajcoctequis Piero, hua omomer&#246; hasta ipa mejc&#246;ustutl. Hua omocototztl&#246;le para otlachix ca tlaijtec. Oquejtac sa yaja tzotzomajme ompa oyeya. Hua uya pa ich&#246;. Pos quetietz&#246;bejtaya tli omochi.</div><div class="s">Jes&#250;s neniextiluc ca ume tli oy&#246;ya pa puieblo de Ema&#250;s</div><div class="p"> 13Hua omochi ipa inun tunale que unte de yejua oy&#246;ya ipa sente puieblo que ituc&#246; Ema&#250;s, tli oyeya quiename once kil&#243;metros de inu ciudad de Jerusal&#233;n. 14Otlajtlajtojt&#246;ya de noche ini s&#246;santle tli omochi. 15Hua omochi que cu&#246;c yejua otlajtlajtojt&#246;ya hua omonunutzt&#246;ya, sie yejuatzi Jes&#250;s onepachuluc hua nejnemo&#246;ya ca yejua. 16Pero yejua amo tieixomatque, pos Deus amo quenc&#246;jque ma tieixomatec&#246;. 17Hua oquemelfejque:</div><div class="p">&#8213;&#191;Tli s&#246;santle nemonunutztecate nemejua mientras nennejnentebitze?</div><div class="p">Hua yejua sa ijcataya, niese motequepacho&#246;ya. 18On&#246;huat sente, &#246;que ituc&#246; oyeya Cleofas. Otieyelfe:</div><div class="p">&#8213;Pos noche giente quemate tli omochi ipa n&#246;ncate tunalte, m&#246;s cate estranjieros. &#191;Taja amo tecmate?</div><div class="p"> 19Yejuatzi oquemelfejque:</div><div class="p">&#8213;&#191;Tli s&#246;santle?</div><div class="p">Hua yejua otieyelfejque:</div><div class="p">&#8213;Pos de Jes&#250;s de puieblo de Nazaret. Pos yejuatzi iloaya sente tlayulepante. Ca chec&#246;hualestle tlajtulo&#246;ya hua quechihualo&#246;ya s&#246;santle bejbeye tieixpa Deus hua imixpa noche giente. 20Hua inu jefes de toteopexc&#246;tzetzihua ca tiehua totl&#246;tlajto&#246;nejua otietiem&#246;ctejque para tiecunten&#246;rojque ma mecoa. Hua tiecoruspelojque. 21Cache tejua teccheaya que yejuatzi iloaya &#246;que quenm&#246;quextilusquea giente de Israel. Hua amo sa inu, pos &#246;x&#246; ye ica yeye tunale que ini n&#246;nca omochi. 22M&#246;s &#246;x&#246; seque sohuame de tejua otiechmajc&#246;mectejque. Pos yejua antes tlanieses uyajque c&#246;ne mejc&#246;ustutl, 23hua amo oqueniextejque tiecuierpo. Entunses ohu&#246;lajque hua oquejtojque nele oquejtaque &#246;ngeles, tli oquejtojque nele nemoa. 24Hua uyajque seque de tejua ipa mejc&#246;ustutl, hua oqueniextejque quieme sohuame oquejtojque. Cache yejuatzi amo tieijtaque.</div><div class="p"> 25Yecu&#246;quenu yejuatzi oquemelfejque:</div><div class="p">&#8213;&#161;Nentuntojte, hua nenyultepitzteque para que amo nemoneltoca de noche tli oquejtojque inu tlayulepantejque tli oquepojque tietlajtultzi Deus! 26Pos conbenierebeya ma Cristo &#246;que Deus quixpejpenque ma ipa mochihua ini n&#246;nca s&#246;santle, hua ma calaque ipa tlaniextelestle.</div><div class="p"> 27Hua oquepiehualtejque desde tli oquejcuelo Mois&#233;s, hua de noche tli oquejcuelojque inu tlayulepantejque, hua quenpanquextelilo&#246;ya de noche tli tlajcuelulpanca inu s&#246;santle tli tlajto&#246;ya de yejuatzi.</div><div class="p"> 28Oajaxihuato ipa inu puieblo c&#246;ne yejua oy&#246;ya. Yejuatzi oquechijque quieme tl&#246; quesequirusque biloas. 29Cache yejua tiequetzque hua otieyelfejque:</div><div class="p">&#8213;Xomoc&#246;hua ca tejua, ipampa ye yohuac, hua ye tlanteca tunale.</div><div class="p">Entunses ocalacoac para nec&#246;hualus ca yejua. 30Hua omochi que cu&#246;c onetl&#246;liluc ca yejua para tlajtlacualus, oc&#246;nque p&#246;ntzi. Oqueteochijque, hua oquecocototzque, hua oquenmacaque. 31Yecu&#246;quenu quiename omotlapo imixtelolo de yejua, pos ye otieixomatque. Cache yejuatzi opolebihuac de imixtla de yejua. 32Hua molfi&#246;ya:</div><div class="p">&#8213;&#191;Tequeln&#246;meque quiene tojtecopa p&#246;queya toyulo mientras tiechnunutzalo&#246;ya ipa ojtle, cu&#246;c tiechesplic&#246;rfilo&#246;ya inu teotlajtule?</div><div class="p"> 33Hua omiejque ipa inu ura, hua omocuejque ica ciudad de Jerusal&#233;n. Ompa oquenniextejque inu majtlactle huansie tiemachtejc&#246;hua. Pos ye omosentl&#246;lejque, hua ocseque nuyejque oyejyeya ca yejua. 34Yejua quejto&#246;ya:</div><div class="p">&#8213;Ica mel&#246;huac que ye oyulebihuac Tl&#246;catzintle. Pos ye oneniextiluc ica Semu.</div><div class="p"> 35Yecu&#246;quenu inu unteme quepoaya de tli impa omochi pa ojtle, hua quiene tieixomatque cu&#246;c oquecocototzque p&#246;ntzi.</div><div class="s">Jes&#250;s oneniextiluc ca tiemachtejc&#246;hua</div><div class="p"> 36Hua mientras yejua quepoaya ini n&#246;nca s&#246;santle, yejuatzi mismo onequetzaluc tlanepantla de yejua, hua oquemelfejque:</div><div class="p">&#8213;Xomoyulsiebic&#246; nemejua.</div><div class="p"> 37Pero yejua omomajtejque hua majmajc&#246;tlachixque. Oquepens&#246;rojque que beles quejtaya itunal mejque. 38Yejuatzi oquemelfejque:</div><div class="p">&#8213;&#191;Tlica nemomajtea? &#191;Tlica ejqueu nenquepens&#246;roa ipa nemoyulo? 39Xequejtac&#246; nom&#246;hua hua nocxehua, que sie naja necaca. Xeniechm&#246;tocac&#246;, hua xequejtac&#246;, que sente esp&#237;ritu noso itunal mejque amo quepea nacatl hua memetetl, quieme nenquejta que naja necpea.</div><div class="p"> 40Hua cu&#246;c oquejtojque ini n&#246;nca, oquemejtetejque tiem&#246;hua hua tieicxehua. 41Hua yejua c&#246;so ayemo moneltocaya, por quemachelejque t&#246;nto meyac pajp&#246;quelestle. Pos quetietz&#246;bejtaque. Yejuatzi oquemelfejque:</div><div class="p">&#8213;&#191;Nenquepea canajyetla tli mocu&#246;s?</div><div class="p"> 42Yecu&#246;quenu yejua otiemacaque sie per&#246;so meche tli ye obecsec. 43Hua yejuatzi oc&#246;nque hua ocualuc imixtla yejua.</div><div class="p"> 44Hua yejuatzi oquemelfejque:</div><div class="p">&#8213;Yaja ini n&#246;nca tlajtule onemiechelfe cu&#246;c oc neyeya ca nemejua, que quepeaya que mochihuas noche s&#246;santle tli tlajcuelulpancate de naja ipa inu ley de Mois&#233;s, hua ipa inu &#246;mame tli oquejcuelojque tlayulepantejque, hua ipa inu &#246;matl de Salmos.</div><div class="p"> 45Yecu&#246;quenu oquentlapolfejque inasojc&#246;mateles para ma casojc&#246;matec&#246; lo que tli tlajcuelulpanca. 46Oquemelfejque:</div><div class="p">&#8213;Ejqueu tlajcuelulpanca, que inu Cristo &#246;que Deus quixpejpenque quepeaya que quesufrirus tiecoco, hua que yulebes de intz&#246;l&#246; mimejque ipa yeye tunale. 47Nuyejque quepea que monunutzas tietlajtul ca giente de noche naciones de tl&#246;ltecpactle, que ma moyulcuepac&#246; para motlapojpolfis intlajtlacul. Ma piehua monunutzas desde Jerusal&#233;n. 48Hua nemejua nencate nentestigos de ini n&#246;nca s&#246;santle. 49Xequejtac&#246; que naja necualtitlanes nemopa lo que tli oqueprometierojque noTajtzi. Xomoc&#246;huac&#246; nec&#246; noso, ipa ini n&#246;nca ciudad hasta senamo nemopa hu&#246;l&#246;s inu chec&#246;hualestle tli yebitz de tlacpac.</div><div class="s">Otlejcoac Jes&#250;s elfecac</div><div class="p"> 50Hua oquenquextejque ca quey&#246;huac de inu ciudad hasta que oyejyeya itlac puieblo de Betania. Entunses oquemajcoque tiem&#246;hua hua oquenteochijque. 51Hua omochi que mientras oquenteochihualo&#246;ya, obiloac de yejua, hua otlejcoac ca elfecac. 52Hua yejua tiemabesuti&#246;ya. S&#246;tiepa omocuejque ica Jerusal&#233;n ca meyac p&#246;quelestle. 53Seme moc&#246;huaya ipan teopantle, hua tieteochihuaya Deus.</div>
 </div>
 </div>
</div>

Ipa inun primiero tunale de semöna, cualcö, antes quisas tunale, ohuölajque inu sohuame cöne mejcöustutl. Quehualecaya inu pajtle ijnecueste tli yejua ye oquechejchijque. Hua oqueniextejque inu tietetu ye tlacaltechule oyeya de ipa pobielta de mejcöustutl. Hua ocalajque, pero amo oqueniextejque tiecuierpo de Tlöcatzintle Jesús. Hua omochi que cuöc yejua amo quemateya tli quepensörusque de ini nönca, sie trepiente omoquetzque intlac yejua unte tlöca ca intlaquie tzotzotlaca. Hua yejua sohuame omomajtejque, hua omopiechojque. Hua tlöca oquemelfejque sohuame:
―¿Tlica nentietiemoa intzölö mimejque öque nemoa? Amo oncö iloac necö, cache ye oyulebihuac. Xequelnömequecö de tli onemiechnunutzque cuöc oc iloaya ipan Galilea. Pues oquejtojque que yejuatzi öque nechihualuc tlöcatl tieconbenieroöya ma tietiemöcticö inmöpa tlöca tlajtlaculteque, hua ma tiecoruspelucö, hua ma yulebihua ipa yeye tunale.
Yecuöquenu yejua oquelnömejque de tietlajtul. Hua omocuejque desde ipa mejcöustutl. Oquemelfejque de noche ini nönca sösantle ca inu majtlactle huansie tiemachtejcöhua, ca tiehua ocseque. Hua oyejyeya María Magdalena hua Juana, ca tiehua María inöntzi Jacobo. Hua tli ocseque tli oyejyeya ca yejua oquejtojque ini nönca inca tlateotitlanme. Cache yejua quepensöroöya quieme cana lucojyutl inu tlajtule de yejua, hua amo oquenneltocaque. Cache omajcoctequis Piero, hua omomerö hasta ipa mejcöustutl. Hua omocototztlöle para otlachix ca tlaijtec. Oquejtac sa yaja tzotzomajme ompa oyeya. Hua uya pa ichö. Pos quetietzöbejtaya tli omochi.

Hua omochi ipa inun tunale que unte de yejua oyöya ipa sente puieblo que itucö Emaús, tli oyeya quiename once kilómetros de inu ciudad de Jerusalén. Otlajtlajtojtöya de noche ini sösantle tli omochi. Hua omochi que cuöc yejua otlajtlajtojtöya hua omonunutztöya, sie yejuatzi Jesús onepachuluc hua nejnemoöya ca yejua. Pero yejua amo tieixomatque, pos Deus amo quencöjque ma tieixomatecö. Hua oquemelfejque:
―¿Tli sösantle nemonunutztecate nemejua mientras nennejnentebitze?
Hua yejua sa ijcataya, niese motequepachoöya. Onöhuat sente, öque itucö oyeya Cleofas. Otieyelfe:
―Pos noche giente quemate tli omochi ipa nöncate tunalte, mös cate estranjieros. ¿Taja amo tecmate?
Yejuatzi oquemelfejque:
―¿Tli sösantle?
Hua yejua otieyelfejque:
―Pos de Jesús de puieblo de Nazaret. Pos yejuatzi iloaya sente tlayulepante. Ca checöhualestle tlajtuloöya hua quechihualoöya sösantle bejbeye tieixpa Deus hua imixpa noche giente. Hua inu jefes de toteopexcötzetzihua ca tiehua totlötlajtoönejua otietiemöctejque para tiecuntenörojque ma mecoa. Hua tiecoruspelojque. Cache tejua teccheaya que yejuatzi iloaya öque quenmöquextilusquea giente de Israel. Hua amo sa inu, pos öxö ye ica yeye tunale que ini nönca omochi. Mös öxö seque sohuame de tejua otiechmajcömectejque. Pos yejua antes tlanieses uyajque cöne mejcöustutl, hua amo oqueniextejque tiecuierpo. Entunses ohuölajque hua oquejtojque nele oquejtaque öngeles, tli oquejtojque nele nemoa. Hua uyajque seque de tejua ipa mejcöustutl, hua oqueniextejque quieme sohuame oquejtojque. Cache yejuatzi amo tieijtaque.
Yecuöquenu yejuatzi oquemelfejque:
―¡Nentuntojte, hua nenyultepitzteque para que amo nemoneltoca de noche tli oquejtojque inu tlayulepantejque tli oquepojque tietlajtultzi Deus! Pos conbenierebeya ma Cristo öque Deus quixpejpenque ma ipa mochihua ini nönca sösantle, hua ma calaque ipa tlaniextelestle.
Hua oquepiehualtejque desde tli oquejcuelo Moisés, hua de noche tli oquejcuelojque inu tlayulepantejque, hua quenpanquexteliloöya de noche tli tlajcuelulpanca inu sösantle tli tlajtoöya de yejuatzi.
Oajaxihuato ipa inu puieblo cöne yejua oyöya. Yejuatzi oquechijque quieme tlö quesequirusque biloas. Cache yejua tiequetzque hua otieyelfejque:
―Xomocöhua ca tejua, ipampa ye yohuac, hua ye tlanteca tunale.
Entunses ocalacoac para necöhualus ca yejua. Hua omochi que cuöc onetlöliluc ca yejua para tlajtlacualus, ocönque pöntzi. Oqueteochijque, hua oquecocototzque, hua oquenmacaque. Yecuöquenu quiename omotlapo imixtelolo de yejua, pos ye otieixomatque. Cache yejuatzi opolebihuac de imixtla de yejua. Hua molfiöya:
―¿Tequelnömeque quiene tojtecopa pöqueya toyulo mientras tiechnunutzaloöya ipa ojtle, cuöc tiechesplicörfiloöya inu teotlajtule?
Hua omiejque ipa inu ura, hua omocuejque ica ciudad de Jerusalén. Ompa oquenniextejque inu majtlactle huansie tiemachtejcöhua. Pos ye omosentlölejque, hua ocseque nuyejque oyejyeya ca yejua. Yejua quejtoöya:
―Ica melöhuac que ye oyulebihuac Tlöcatzintle. Pos ye oneniextiluc ica Semu.
Yecuöquenu inu unteme quepoaya de tli impa omochi pa ojtle, hua quiene tieixomatque cuöc oquecocototzque pöntzi.

Hua mientras yejua quepoaya ini nönca sösantle, yejuatzi mismo onequetzaluc tlanepantla de yejua, hua oquemelfejque:
―Xomoyulsiebicö nemejua.
Pero yejua omomajtejque hua majmajcötlachixque. Oquepensörojque que beles quejtaya itunal mejque. Yejuatzi oquemelfejque:
―¿Tlica nemomajtea? ¿Tlica ejqueu nenquepensöroa ipa nemoyulo? Xequejtacö nomöhua hua nocxehua, que sie naja necaca. Xeniechmötocacö, hua xequejtacö, que sente espíritu noso itunal mejque amo quepea nacatl hua memetetl, quieme nenquejta que naja necpea.
Hua cuöc oquejtojque ini nönca, oquemejtetejque tiemöhua hua tieicxehua. Hua yejua cöso ayemo moneltocaya, por quemachelejque tönto meyac pajpöquelestle. Pos quetietzöbejtaque. Yejuatzi oquemelfejque:
―¿Nenquepea canajyetla tli mocuös?
Yecuöquenu yejua otiemacaque sie peröso meche tli ye obecsec. Hua yejuatzi ocönque hua ocualuc imixtla yejua.
Hua yejuatzi oquemelfejque:
―Yaja ini nönca tlajtule onemiechelfe cuöc oc neyeya ca nemejua, que quepeaya que mochihuas noche sösantle tli tlajcuelulpancate de naja ipa inu ley de Moisés, hua ipa inu ömame tli oquejcuelojque tlayulepantejque, hua ipa inu ömatl de Salmos.
Yecuöquenu oquentlapolfejque inasojcömateles para ma casojcömatecö lo que tli tlajcuelulpanca. Oquemelfejque:
―Ejqueu tlajcuelulpanca, que inu Cristo öque Deus quixpejpenque quepeaya que quesufrirus tiecoco, hua que yulebes de intzölö mimejque ipa yeye tunale. Nuyejque quepea que monunutzas tietlajtul ca giente de noche naciones de tlöltecpactle, que ma moyulcuepacö para motlapojpolfis intlajtlacul. Ma piehua monunutzas desde Jerusalén. Hua nemejua nencate nentestigos de ini nönca sösantle. Xequejtacö que naja necualtitlanes nemopa lo que tli oqueprometierojque noTajtzi. Xomocöhuacö necö noso, ipa ini nönca ciudad hasta senamo nemopa huölös inu checöhualestle tli yebitz de tlacpac.

Hua oquenquextejque ca queyöhuac de inu ciudad hasta que oyejyeya itlac puieblo de Betania. Entunses oquemajcoque tiemöhua hua oquenteochijque. Hua omochi que mientras oquenteochihualoöya, obiloac de yejua, hua otlejcoac ca elfecac. Hua yejua tiemabesutiöya. Sötiepa omocuejque ica Jerusalén ca meyac pöquelestle. Seme mocöhuaya ipan teopantle, hua tieteochihuaya Deus.

සවන් දෙන්න Lucas 24