<div class="version vid692 iso6393ura" data-vid="692" data-iso6393="ura">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s">Leinjiin Acaacha cachaneein neeururichaaine coujunacanu que acaauru jaberoco cari macohi saeratiha Cana Coaunerane</div><div class="p"> 1Inae iscoon choonca iscoon jaanaca niha Abaranne bana jetaote rai ecocohin:</div><div class="p">&#8220;Canune itolere Coauneraneein itolere ichana naineraneein nenaa neeun. Aihane jaun, canu notaracaae chatohaneein baaso ichaelanaala ichaoone, 2ii coroatajanichaaunne coina ichei aitete, coroatajajelanaala nefaain neeuruhine ii inamacoorura&#8221;, naa rai Cana Coaunerane jana jetaote 3atane que nauri turuanacanejeein nenoracaa Abaranne jana jetao:</div><div class="p"> 4&#8220;Caa ii coroatajanichaaunne coina caitoonjoante, satiin caa chauratane que lauri lauri arajiin neenihuru cachaauru foerateraneeine coina caitoonjoanera. 5Nii jaun, inae Abaran neein curuaariheeinita. Ena caje coauneeinte, Abaraaun neein curuaariquiincha, lauri lauri arajiin caa chauratane que neenihuru cachaauru foerateraneeine coina ichorataanerichaaunnine jaunra. 6Chaennechu, coroatajajelanaala nefaauruha ii inamacoorune coina, acaauru coroatajanereeunnicha. Ii cajete nefoeratenaaneein neeurureein lauri lauri neenihuru cachaauru, satiin niichuru curuaanaaneein neenihuru curuaanaacuru, naaonjoaihunricha.</div><div class="p"> 7Canu ii Coaunera chabana satonoelanaala nenaaneeinne, itolere bana ii coroatajanichaaunne coina caa ichei aitoonra. Jerichanejeeinnechu, caa ichorotaanihanune rijijieein, caa baiha neenihuru ii inamacooru coroatajanereeunnicha. 8Chaennechu, nii ena ichaohine jaan Canaan batane jitariin tereeunni acaauru rai, ii rai, naaonjoaineeichene rai, inoaelunetojoeein chabana satonoelanaala, inara que banijiaain nihane coinara&#8221;:</div><div class="p"> 9&#8220;Nete laen satiin iicha foerateeuri, ii inamacooru naaonjoaihunri aina jiniiquiin caa caitoonjoan tonoraain ichaohichene caohachaera. 10Caa inara coroatajanichaaunne coina, caitoonjoan neeinte, leinjiin canuhacha inara Coauneraneein nihanune cachaneein, satiin iicha foerateeuri ii inamacooru aina jiniiquiin, satiin quichanequichene inara jaberoco cari macohi saerateriquicheeincha. 11Acate inara coroatajanerichaaunnine jana, inara netonai leinjiin canu cachaneein neriquicheeine coina, ita rai rucuhena jaan coujunacaneein nereein inara jaberoco quera. 12Aihane jaun, ena caje coaauneein quichaneein nejanoaa inara bereecurune, fosa janoneein nejanoaa baiha catiaain rai jaberoco cari macohi saerateeuchera. Jerichanejeeinchu nejelau atane nenacaauru caje coriqui que coreteein iicha sirichuri ii cachaauru netonai, rai bereecuru jaberoco cari macohi saerateeuruhinera. 13Nitohaneein ita rijijieein jiniiquiin, leinjiinniji cautelanaala inara jaberoco cari macohi saerateeuchete, inoaelunetojoeein chabana satonoelanaala leinjiin canuhacha cachaneein neriquicheeine que aitocoaane jaan coujunacanu que inara jaberoco que neeinera. 14Nete laen caa caitoonjoan tonoraelanaala rai jaberoco cari macohi saeratelanaala nenaate, itajenojoiniha cureein inara caje, caitoonjoan tonoraenihane corenihara&#8221;, nae jetao Abaraaun rai Cana Coaunera.</div><div class="p"> 15Niritiin jetaote Abaraaun rai jetao:</div><div class="p">&#8220;Coatiha inae Sarai neein curuaarihaain nii ii comasaita. Ena caje coauneeinte, Sara neein curuaareeincha. 16Inae coroatajanerichaaunni, ii aina leinjiin canaanai sirihane coinara. Nii ii comasai Sarate, lauri lauri arajiin neenihuru cachaauru foerateranuuru neba nereeincha. Nii jana rai inamacoorute, lauri lauri arajiin nenacaauru cachaauru curuaanaaneeinchuru neeurureeincha&#8221;, naa rai Cana Coaunerane jana jetaote, 17atane que nauri turuanacanejeein nenoracaain jetao:</div><div class="p">&#8220;Inasiina lefasha jaanacanihane cuhane canaanai inacanere leinjiin cacha. Inasiina jana iscoon chonca jaanacanihane cuhane leinjiin canaanai siriche Sara&#8221;, naa suujuane jaun jetao coenae Abaraaun.</div><div class="p"> 18Niritoha suujuane jaun jetaote:</div><div class="p">&#8220;Bajiaanachuinti coroatajaneeine aina ichoaene Isamaelita&#8221;, naa Cana Coaunera rai Abaraaunne jana jetaote:</div><div class="p"> 19&#8220;Caa ichei caitoonjoan neeintejian leinjiin canaanai siricheein nii ii sinijiera Sarara. Nii bana curuaateeunni Isaca neeincha. Caa ii coroatajanichaaunne coina ichei aitocoaaunlune rijijieeinne nii ii calaohi Isaca coroatajanereeunnicha. Jerichanejeeinnechu rai inamacooru coroatajanereeunni, nii ii rai aitocoaaunne rijijieein, chabana satonoelanaala. 20Chaennechu, Isamaeli coroatajanichaaunne coina aitohine jaun coroatajanereeunni, arajiin bereequiin calaohijiacoaain, inamacohacoaain, naaonjoaain nihane, lechoonca coroatajai jataain nelateein laraajii curuaanaacuru foerateraneein niha Isamaeline coina.</div><div class="p"> 21Nena laen, le jaanaca cuhane enene rijiu Sara aina iicha siriinu ii calaohi Isaca coroatajanereeunni, nii ichei aitocoaaunne rijijieein chabana satonoelanaalara&#8221;, naain Abaraaun rai 22irihane nainaain jetao, jelai caje amue Cana Coaunera. 23Nii cojoanonaa bananeein jetaote, rai calaohi Isamaeli jaberoco cari macohi sauhin, rai loreri asaae nejanoaain aina nenacaauru cachaauru, nejelau atane caje coriqui que coreteein niicha sirichuri cachaauru, naaonjoaihunri aina jiniiquiin jaberoco cari macohi saerate jetao Abaraaun, rai aitoha Cana Coaunerane rijijieein.</div><div class="p"> 24-25Nii acaauru jaberoco cari macohi saeratihane bana jetaote, iscoon choonca iscoon jaanacaniha Abaraaunne jana, calaohi Isamaeli lechoonca nichata jaanacaelu. 26Nii leeochaauru jaberoco cari macohi saeratihane cojoanonaa bananeein jetaote, rai calaohi Isamaeli aina jiniiquiin, rai jaberoco cari macohi saerate Abaraaun, 27chaaen nejelau atane caje coriqui que coreteein niicha sirichuri rai cachaauru, satiin loreri asae nejanoanacaauru rai letonocuru, naaonjoaihunri jiniichaain.</div>
 </div>
 </div>
</div>

Inae iscoon choonca iscoon jaanaca niha Abaranne bana jetaote rai ecocohin:
“Canune itolere Coauneraneein itolere ichana naineraneein nenaa neeun. Aihane jaun, canu notaracaae chatohaneein baaso ichaelanaala ichaoone, ii coroatajanichaaunne coina ichei aitete, coroatajajelanaala nefaain neeuruhine ii inamacoorura”, naa rai Cana Coaunerane jana jetaote atane que nauri turuanacanejeein nenoracaa Abaranne jana jetao:
“Caa ii coroatajanichaaunne coina caitoonjoante, satiin caa chauratane que lauri lauri arajiin neenihuru cachaauru foerateraneeine coina caitoonjoanera. Nii jaun, inae Abaran neein curuaariheeinita. Ena caje coauneeinte, Abaraaun neein curuaariquiincha, lauri lauri arajiin caa chauratane que neenihuru cachaauru foerateraneeine coina ichorataanerichaaunnine jaunra. Chaennechu, coroatajajelanaala nefaauruha ii inamacoorune coina, acaauru coroatajanereeunnicha. Ii cajete nefoeratenaaneein neeurureein lauri lauri neenihuru cachaauru, satiin niichuru curuaanaaneein neenihuru curuaanaacuru, naaonjoaihunricha.
Canu ii Coaunera chabana satonoelanaala nenaaneeinne, itolere bana ii coroatajanichaaunne coina caa ichei aitoonra. Jerichanejeeinnechu, caa ichorotaanihanune rijijieein, caa baiha neenihuru ii inamacooru coroatajanereeunnicha. Chaennechu, nii ena ichaohine jaan Canaan batane jitariin tereeunni acaauru rai, ii rai, naaonjoaineeichene rai, inoaelunetojoeein chabana satonoelanaala, inara que banijiaain nihane coinara”:
“Nete laen satiin iicha foerateeuri, ii inamacooru naaonjoaihunri aina jiniiquiin caa caitoonjoan tonoraain ichaohichene caohachaera. Caa inara coroatajanichaaunne coina, caitoonjoan neeinte, leinjiin canuhacha inara Coauneraneein nihanune cachaneein, satiin iicha foerateeuri ii inamacooru aina jiniiquiin, satiin quichanequichene inara jaberoco cari macohi saerateriquicheeincha. Acate inara coroatajanerichaaunnine jana, inara netonai leinjiin canu cachaneein neriquicheeine coina, ita rai rucuhena jaan coujunacaneein nereein inara jaberoco quera. Aihane jaun, ena caje coaauneein quichaneein nejanoaa inara bereecurune, fosa janoneein nejanoaa baiha catiaain rai jaberoco cari macohi saerateeuchera. Jerichanejeeinchu nejelau atane nenacaauru caje coriqui que coreteein iicha sirichuri ii cachaauru netonai, rai bereecuru jaberoco cari macohi saerateeuruhinera. Nitohaneein ita rijijieein jiniiquiin, leinjiinniji cautelanaala inara jaberoco cari macohi saerateeuchete, inoaelunetojoeein chabana satonoelanaala leinjiin canuhacha cachaneein neriquicheeine que aitocoaane jaan coujunacanu que inara jaberoco que neeinera. Nete laen caa caitoonjoan tonoraelanaala rai jaberoco cari macohi saeratelanaala nenaate, itajenojoiniha cureein inara caje, caitoonjoan tonoraenihane corenihara”, nae jetao Abaraaun rai Cana Coaunera.
Niritiin jetaote Abaraaun rai jetao:
“Coatiha inae Sarai neein curuaarihaain nii ii comasaita. Ena caje coauneeinte, Sara neein curuaareeincha. Inae coroatajanerichaaunni, ii aina leinjiin canaanai sirihane coinara. Nii ii comasai Sarate, lauri lauri arajiin neenihuru cachaauru foerateranuuru neba nereeincha. Nii jana rai inamacoorute, lauri lauri arajiin nenacaauru cachaauru curuaanaaneeinchuru neeurureeincha”, naa rai Cana Coaunerane jana jetaote, atane que nauri turuanacanejeein nenoracaain jetao:
“Inasiina lefasha jaanacanihane cuhane canaanai inacanere leinjiin cacha. Inasiina jana iscoon chonca jaanacanihane cuhane leinjiin canaanai siriche Sara”, naa suujuane jaun jetao coenae Abaraaun.
Niritoha suujuane jaun jetaote:
“Bajiaanachuinti coroatajaneeine aina ichoaene Isamaelita”, naa Cana Coaunera rai Abaraaunne jana jetaote:
“Caa ichei caitoonjoan neeintejian leinjiin canaanai siricheein nii ii sinijiera Sarara. Nii bana curuaateeunni Isaca neeincha. Caa ii coroatajanichaaunne coina ichei aitocoaaunlune rijijieeinne nii ii calaohi Isaca coroatajanereeunnicha. Jerichanejeeinnechu rai inamacooru coroatajanereeunni, nii ii rai aitocoaaunne rijijieein, chabana satonoelanaala. Chaennechu, Isamaeli coroatajanichaaunne coina aitohine jaun coroatajanereeunni, arajiin bereequiin calaohijiacoaain, inamacohacoaain, naaonjoaain nihane, lechoonca coroatajai jataain nelateein laraajii curuaanaacuru foerateraneein niha Isamaeline coina.
Nena laen, le jaanaca cuhane enene rijiu Sara aina iicha siriinu ii calaohi Isaca coroatajanereeunni, nii ichei aitocoaaunne rijijieein chabana satonoelanaalara”, naain Abaraaun rai irihane nainaain jetao, jelai caje amue Cana Coaunera. Nii cojoanonaa bananeein jetaote, rai calaohi Isamaeli jaberoco cari macohi sauhin, rai loreri asaae nejanoaain aina nenacaauru cachaauru, nejelau atane caje coriqui que coreteein niicha sirichuri cachaauru, naaonjoaihunri aina jiniiquiin jaberoco cari macohi saerate jetao Abaraaun, rai aitoha Cana Coaunerane rijijieein.
Nii acaauru jaberoco cari macohi saeratihane bana jetaote, iscoon choonca iscoon jaanacaniha Abaraaunne jana, calaohi Isamaeli lechoonca nichata jaanacaelu. Nii leeochaauru jaberoco cari macohi saeratihane cojoanonaa bananeein jetaote, rai calaohi Isamaeli aina jiniiquiin, rai jaberoco cari macohi saerate Abaraaun, chaaen nejelau atane caje coriqui que coreteein niicha sirichuri rai cachaauru, satiin loreri asae nejanoanacaauru rai letonocuru, naaonjoaihunri jiniichaain.

සවන් දෙන්න Génesis 17