<div class="version vid673 iso6393shp" data-vid="673" data-iso6393="shp">
   <div class="book bkGEN">
      <div class="chapter ch16" data-usfm="GEN.16">
         <div class="label">16</div><div class="s"><span class="heading">Agar itan jawen bake Ismael ik&#225;</span></div><div class="p"><span class="content">  </span><span class="verse v1" data-usfm="GEN.16.1"><span class="label">1</span><span class="content">Sara&#237;kanra jawen bene Abram, bakeaxonti atipanyamaa iki, jaskara ikenbi jain ik&#225; iki, west&#237;ora jawen yanka yonoti Egipto ainbo, jawen jane Agar.</span></span></div><div class="p"><span class="verse v1" data-usfm="GEN.16.1"><span class="content">  </span></span><span class="verse v2" data-usfm="GEN.16.2"><span class="label">2</span><span class="content">Jatian jaskara ixon, Abram nesk&#225;akin yoia iki: &#8212;Ea riki Diossen bakeaisma imaa, jaskara iken min ea axonon en mia yoibanon, nokon yanka yonoti Agar betan iw&#233;, jaskataxparira j&#225; meranoax nokon bakebo jabirati iki &#8212;akin. Jask&#225;akin Saraikan yoia, Abram jen ika iki.</span></span></div><div class="p"><span class="verse v2" data-usfm="GEN.16.2"><span class="content">  </span></span><span class="verse v3" data-usfm="GEN.16.3"><span class="label">3</span><span class="content">Jatian Abramman awinhanon ixon, Egipto ainbo Agar boxon menia iki, jara ik&#225; iki moa chonka baritia Cana&#225;nhain jakana inontian.</span></span></div><div class="p"><span class="verse v3" data-usfm="GEN.16.3"><span class="content">  </span></span><span class="verse v4" data-usfm="GEN.16.4"><span class="label">4</span><span class="content">Abramman Agar nokoara, moa toota iki; ikaxbi jaskati toota onantaanan, jawen ibo Sarai oinxon omiskin, peoa iki.</span></span></div><div class="p"><span class="verse v4" data-usfm="GEN.16.4"><span class="content">  </span></span><span class="verse v5" data-usfm="GEN.16.5"><span class="label">5</span><span class="content">Jatian Saraikan, Abram nesk&#225;akin yoia iki: &#8212;&#161;Mia kop&#237;ra akai, ea Agarnin om&#237;skin! Enbira mia menia iki awinhanon ixon. Jatian ramakan bakeya iki kaai kop&#237;, ebebonbires shinanmeetai. Diossenbi yoibanon tsoa kop&#237;kayarin ixon, mia kop&#237;rin iamax ea kop&#237;rin ixon &#8212;akin.</span></span></div><div class="p"><span class="verse v5" data-usfm="GEN.16.5"><span class="content">  </span></span><span class="verse v6" data-usfm="GEN.16.6"><span class="label">6</span><span class="content">Jatian Abramman nesk&#225;akin yoia iki: &#8212;Shinanwe, mia riki min yanka yonotinin ibo ainbo; min jask&#225;a jakon iti iketian, ja min shinanna kesk&#225; aw&#233; &#8212;akin. Jatian Saraikan, akonbireskin ramiakin peoa, Agar jabata iki.</span></span></div><div class="p"><span class="verse v6" data-usfm="GEN.16.6"><span class="content">  </span></span><span class="verse v7" data-usfm="GEN.16.7"><span class="label">7</span><span class="content">Jask&#225;kenbi, Diossen &#225;ngelnin tsoa jonibi jain jaama mananmamea nokoa iki, Shurhain kati bainko; jene jokonai patax iketian.</span></span></div><div class="p"><span class="verse v7" data-usfm="GEN.16.7"><span class="content">  </span></span><span class="verse v8" data-usfm="GEN.16.8"><span class="label">8</span><span class="content">Jainoa yokata iki: &#8212;Saraikan yanka yonoti, Agar, &#191;Jaweranoax joirin mia, itan jawerano kaaiki mia iitai? &#8212;akin. &#8212;Nokon ibo ainbo Saraibakeax jabati kaira ea iitai &#8212;akin ak&#225; iki.</span></span></div><div class="p"><span class="verse v8" data-usfm="GEN.16.8"><span class="content">  </span></span><span class="verse v9" data-usfm="GEN.16.9"><span class="label">9</span><span class="content">Jatian Ibon &#225;ngelnin nesk&#225;akin yoia iki: &#8212;Min Ibo ainboiba jakiribi kaax ja betan itanwe, jainxon jat&#237;bi mia yoiabo axoni yoiti itanwe &#8212;akin.</span></span></div><div class="p"><span class="verse v9" data-usfm="GEN.16.9"><span class="content">  </span></span><span class="verse v10" data-usfm="GEN.16.10"><span class="label">10</span><span class="content">Jainxon Ibon &#225;ngelnin nesk&#225;kin yoiribia iki: &#8220;Min chin&#237; bakebora akonbireskin en jato kaimanoxiki, tsonbi topontimatii.</span></span></div><div class="p"><span class="verse v10" data-usfm="GEN.16.10"><span class="content">  </span></span><span class="verse v11" data-usfm="GEN.16.11"><span class="label">11</span><span class="content">Miara tooya iki, benbo bakeyara mia iki kaai, Ismael akinra min janeti iki; min mas&#225; tenea Diossen ninkata kop&#237;.</span></span></div><div class="p"><span class="verse v11" data-usfm="GEN.16.11"><span class="content">  </span></span><span class="verse v12" data-usfm="GEN.16.12"><span class="label">12</span><span class="content">Jara inoxiki, yoitimaa sin&#225; joni, nii meranoa yoina kesk&#225;. Jaskatira jat&#237;bi jonibo betan reteananoxiki, jainoaxa j&#225; betan jat&#237;bi joniboribi reteananoxiki. Ikaxbi jara, jawen wetsabo jaki ram&#237;reskanainbi, jato patax janoxiki&#8221;, akinbo.</span></span></div><div class="p"><span class="verse v12" data-usfm="GEN.16.12"><span class="content">  </span></span><span class="verse v13" data-usfm="GEN.16.13"><span class="label">13</span><span class="content">Jaskati Ibo betanbi yoyo ixon, Agarnin janea iki, &#8220;oinmis Dios&#8221;, akin. Jainoax janbix neskata iki, &#8220;Ea Diossen oinna, ikaxa ea japarike&#8221;, iki.</span></span></div><div class="p"><span class="verse v13" data-usfm="GEN.16.13"><span class="content">  </span></span><span class="verse v14" data-usfm="GEN.16.14"><span class="label">14</span><span class="content">Jakop&#237;ribira, ja pozon jane iki: &#8220;Jiria ixon, ea oinnaton pozo&#8221;, iki ik&#225;. Ja pozora, Cades betan Bered jema naxaran iki.</span></span></div><div class="p"><span class="verse v14" data-usfm="GEN.16.14"><span class="content">  </span></span><span class="verse v15" data-usfm="GEN.16.15"><span class="label">15</span><span class="content">Jatianra, Agarnin Abram betan west&#237;ora benbo bakea iki; jatian janea iki, Ismael akin.</span></span></div><div class="p"><span class="verse v15" data-usfm="GEN.16.15"><span class="content">  </span></span><span class="verse v16" data-usfm="GEN.16.16"><span class="label">16</span><span class="content">Ja Ismael pikoontianra, Abram posaka chonka sokota baritiaya, ik&#225; iki.</span></span></div>
      </div>
   </div>
</div>

Saraíkanra jawen bene Abram, bakeaxonti atipanyamaa iki, jaskara ikenbi jain iká iki, westíora jawen yanka yonoti Egipto ainbo, jawen jane Agar.
Jatian jaskara ixon, Abram neskáakin yoia iki: —Ea riki Diossen bakeaisma imaa, jaskara iken min ea axonon en mia yoibanon, nokon yanka yonoti Agar betan iwé, jaskataxparira já meranoax nokon bakebo jabirati iki —akin. Jaskáakin Saraikan yoia, Abram jen ika iki.
Jatian Abramman awinhanon ixon, Egipto ainbo Agar boxon menia iki, jara iká iki moa chonka baritia Canaánhain jakana inontian.
Abramman Agar nokoara, moa toota iki; ikaxbi jaskati toota onantaanan, jawen ibo Sarai oinxon omiskin, peoa iki.
Jatian Saraikan, Abram neskáakin yoia iki: —¡Mia kopíra akai, ea Agarnin omískin! Enbira mia menia iki awinhanon ixon. Jatian ramakan bakeya iki kaai kopí, ebebonbires shinanmeetai. Diossenbi yoibanon tsoa kopíkayarin ixon, mia kopírin iamax ea kopírin ixon —akin.
Jatian Abramman neskáakin yoia iki: —Shinanwe, mia riki min yanka yonotinin ibo ainbo; min jaskáa jakon iti iketian, ja min shinanna keská awé —akin. Jatian Saraikan, akonbireskin ramiakin peoa, Agar jabata iki.
Jaskákenbi, Diossen ángelnin tsoa jonibi jain jaama mananmamea nokoa iki, Shurhain kati bainko; jene jokonai patax iketian.
Jainoa yokata iki: —Saraikan yanka yonoti, Agar, ¿Jaweranoax joirin mia, itan jawerano kaaiki mia iitai? —akin. —Nokon ibo ainbo Saraibakeax jabati kaira ea iitai —akin aká iki.
Jatian Ibon ángelnin neskáakin yoia iki: —Min Ibo ainboiba jakiribi kaax ja betan itanwe, jainxon jatíbi mia yoiabo axoni yoiti itanwe —akin.
Jainxon Ibon ángelnin neskákin yoiribia iki: “Min chiní bakebora akonbireskin en jato kaimanoxiki, tsonbi topontimatii.
Miara tooya iki, benbo bakeyara mia iki kaai, Ismael akinra min janeti iki; min masá tenea Diossen ninkata kopí.
Jara inoxiki, yoitimaa siná joni, nii meranoa yoina keská. Jaskatira jatíbi jonibo betan reteananoxiki, jainoaxa já betan jatíbi joniboribi reteananoxiki. Ikaxbi jara, jawen wetsabo jaki ramíreskanainbi, jato patax janoxiki”, akinbo.
Jaskati Ibo betanbi yoyo ixon, Agarnin janea iki, “oinmis Dios”, akin. Jainoax janbix neskata iki, “Ea Diossen oinna, ikaxa ea japarike”, iki.
Jakopíribira, ja pozon jane iki: “Jiria ixon, ea oinnaton pozo”, iki iká. Ja pozora, Cades betan Bered jema naxaran iki.
Jatianra, Agarnin Abram betan westíora benbo bakea iki; jatian janea iki, Ismael akin.
Ja Ismael pikoontianra, Abram posaka chonka sokota baritiaya, iká iki.

සවන් දෙන්න Génesis 16