<div class="version vid627 iso6393mck" data-vid="627" data-iso6393="mck">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Cizivukiso</span></div><div class="ip"><span class="content">Lizina lya </span><span class="it"><span class="content">Kushangumuka</span></span><span class="content"> lyalumbunuka ngwalyo &#8220;cikatu.&#8221; Livulu eli lituleka vin&#772;anda vyakutanga kwa kaye na cikatu ca vanu, kushangumuka kwa vuvi na tuyando mu kaye na ngila ya Njambi yakupanga na vanu. Twasa kwangununa livulu lya Kushangumuka mu mitambela ivali.</span></div><div class="ip"><span class="content">(1) Maangununo 1&#8211;11. Muli vin&#772;anda vyakutanga kwa kaye na vin&#772;anda vyakulivanga vya vanu. Ou ukewo mukana wa Andama na Eva na Kaini na Avele na </span><span class="w"><span class="content">Nowa</span></span><span class="content"> na livazi na Kaposhi ka </span><span class="w"><span class="content">Mbambilone</span></span><span class="content">. (2) Maangununo 12&#8211;50. Tuwanamo vin&#772;anda vya vakukulwila vakulivanga va </span><span class="w"><span class="content">vaIsalele</span></span><span class="content">. Wakulivanga, ikeye Avilahama, uje vanongonwene omwo kukulaela nakwononoka kwendi kuli Njambi. Asinoni tulava vin&#772;anda vya munendi Isake na mutekulyendi Yakomba (uje lalo vatumbwile Isalele), na vana va Yakomba va vanalume likumi na vavali, kuli vakevo kwatundile miyati likumi na ivali ya Isalele, vunene kuzivisisa ali umo wa vana va Yakomba ikeye </span><span class="w"><span class="content">Yosefa</span></span><span class="content">, na vije vyasholokele ngeci vinenese Yakomba na vana vendi vakwavo na naanga yavo kukala mu Ingito.</span></div><div class="ip"><span class="content">Nameme ngoco, livulu eli lituleka vin&#772;anda vya vanu, vutumbe vwalyo vwakama vuli ali Njambi, na vije vyalingile. Linashangumuka nakukolesa ngeci Njambi ikeye watangele kaye, co linamanesa na cikulaeso cije cikatwalao mukumwesa ngeci Njambi ashota mbunge a vanu vendi. Mu livulu eli lyoshe vin&#772;anda vyakama vilimo vinapu vya Njambi, uje asompa nakunyanyamesa vaje valinga mwamuvi, co atwamenena nakukwasa vanu vendi nakujala vin&#772;anda vya cisemwa cavo. Eli livulu lya ku san&#772;ulu valisonekele mukunyungilamo vin&#772;anda vyakukulaela kwa vanu va Isalele nakukwasa kunyunga kukulaela kwavo ngeci kutwaleo.</span></div><div class="iot"><span class="content">Kulumbununa vyuma vili mu livulu</span></div><div class="io1"><span class="content">Kutanga kwa kaye na kwa vanu 1:1&#8211;2:25</span></div><div class="io1"><span class="content">Kushangumuka kwa vuvi na tuyando 3:1-24</span></div><div class="io1"><span class="content">Kushangumuka kuli Andama nakweta kuli Nowa 4:1&#8211;5:32</span></div><div class="io1"><span class="content">Nowa na livazi 6:1&#8211;10:32</span></div><div class="io1"><span class="content">Kaposhi ka Mbambilone 11:1-9</span></div><div class="io1"><span class="content">Kushangumuka kuli Shemi nakweta kuli Avilama 11:10-32</span></div><div class="io1"><span class="content">Vakukulwila, Avilahama na Isake na Yakomba 12:1&#8211;35:29</span></div><div class="io1"><span class="content">Vatekulwila va Isau 36:1-43</span></div><div class="io1"><span class="content">Yosefa na vandolome vendi 37:1&#8211;45:28</span></div><div class="io1"><span class="content">VaIsalele mu Ingito 46:1&#8211;50:26</span></div>
      </div>
   </div>
</div>

The Bible in Mbunda ©The Bible Society of Zambia, 2006

Cizivukiso
Lizina lya Kushangumuka lyalumbunuka ngwalyo “cikatu.” Livulu eli lituleka vin̄anda vyakutanga kwa kaye na cikatu ca vanu, kushangumuka kwa vuvi na tuyando mu kaye na ngila ya Njambi yakupanga na vanu. Twasa kwangununa livulu lya Kushangumuka mu mitambela ivali.
(1) Maangununo 1–11. Muli vin̄anda vyakutanga kwa kaye na vin̄anda vyakulivanga vya vanu. Ou ukewo mukana wa Andama na Eva na Kaini na Avele na Nowa na livazi na Kaposhi ka Mbambilone. (2) Maangununo 12–50. Tuwanamo vin̄anda vya vakukulwila vakulivanga va vaIsalele. Wakulivanga, ikeye Avilahama, uje vanongonwene omwo kukulaela nakwononoka kwendi kuli Njambi. Asinoni tulava vin̄anda vya munendi Isake na mutekulyendi Yakomba (uje lalo vatumbwile Isalele), na vana va Yakomba va vanalume likumi na vavali, kuli vakevo kwatundile miyati likumi na ivali ya Isalele, vunene kuzivisisa ali umo wa vana va Yakomba ikeye Yosefa, na vije vyasholokele ngeci vinenese Yakomba na vana vendi vakwavo na naanga yavo kukala mu Ingito.
Nameme ngoco, livulu eli lituleka vin̄anda vya vanu, vutumbe vwalyo vwakama vuli ali Njambi, na vije vyalingile. Linashangumuka nakukolesa ngeci Njambi ikeye watangele kaye, co linamanesa na cikulaeso cije cikatwalao mukumwesa ngeci Njambi ashota mbunge a vanu vendi. Mu livulu eli lyoshe vin̄anda vyakama vilimo vinapu vya Njambi, uje asompa nakunyanyamesa vaje valinga mwamuvi, co atwamenena nakukwasa vanu vendi nakujala vin̄anda vya cisemwa cavo. Eli livulu lya ku san̄ulu valisonekele mukunyungilamo vin̄anda vyakukulaela kwa vanu va Isalele nakukwasa kunyunga kukulaela kwavo ngeci kutwaleo.
Kulumbununa vyuma vili mu livulu
Kutanga kwa kaye na kwa vanu 1:1–2:25
Kushangumuka kwa vuvi na tuyando 3:1-24
Kushangumuka kuli Andama nakweta kuli Nowa 4:1–5:32
Nowa na livazi 6:1–10:32
Kaposhi ka Mbambilone 11:1-9
Kushangumuka kuli Shemi nakweta kuli Avilama 11:10-32
Vakukulwila, Avilahama na Isake na Yakomba 12:1–35:29
Vatekulwila va Isau 36:1-43
Yosefa na vandolome vendi 37:1–45:28
VaIsalele mu Ingito 46:1–50:26

සවන් දෙන්න Kushangumuka Cizivukiso