<div class="version vid627 iso6393mck" data-vid="627" data-iso6393="mck">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s1">Kaposhi ka Mbambilone</div><div class="p"> 1Akulivanga, vanu voshe vaano a kaye vendekele muyati umolika, na ndaka imolika. 2Omo vaile mu ngangela, vetele mu cana ca mu Mbambilone, co vatungile muje. 3Co valyendekesele umo na mukwavo ngwavo, &#8220;Tumungeni vindopi nakuvyenyeka mwamuvwa.&#8221; Co vakele na vindopi vyakutunga navyo, amo na tala yakukolesa vindopi. 4Asinoni valyendekesele ngwavo, &#8220;Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.&#8221;</div><div class="p"> 5Oloni Shukulu Kalunga wezile asi mukumona nganda na kaposhi vije vivatungile vaje vanu. 6Co Shukulu Kalunga wendekele ngwendi, &#8220;Kengeni! Ava voshe vanapu vanu vamo, co vakevo valinakwendeka muyati umo, eci cinapu vushangumukilo vwa vyuma vije vivakalinga. Co ololo vakasa kulinga cuma coshe civashaka kulinga! 7Ngecivene, tuyeni tushuluke asi, tukatanganese muyati wavo ngeci omo vendeka kesi valizive.&#8221; 8Ngecivene, Shukulu Kalunga wavashandwelele ano asi oshe, co vaje vanu valikelele kutunga ije nganda. 9Co nganda ije vaitumbwile ngwavo Mbambilone omwo kuje kukekwo Shukulu Kalunga watanganesele muyati wa vanu voshe. Kutunda aje vene Shukulu Kalunga wavashandwelele ano asi oshe.</div><div class="s1">Vatekulwila va Shemi</div><div class="r">(1 Miz 1:24-27)</div><div class="p"> 10Ava vakevo vatekulwila va Shemi. Co a myaka ivali omo livazi lyetile, Shemi wakele na myaka 100, wakitile mwana wa munalume lizina lyendi Alepakeshande. 11Kutunda aje akitilile Alepakeshande, Shemi wayoyele myaka ikwavo 500, co wakitile lalo vana va vanalume na ava va vanakazi.</div><div class="p"> 12Omo Alepakeshande wakele na myaka 35, wakitile mwana wa munalume lizina lyendi Shela. 13Kutunda aje akitilile Shela, Alepakeshande wayoyele myaka ikwavo 403, co wakitile lalo vana va vanalume na ava va vanakazi.</div><div class="p"> 14Omo Shela wakele na myaka 30, wakitile mwana wa munalume lizina lyendi Evele. 15Kutunda aje akitilile Evele, Shela wayoyele myaka 403, co wakitile lalo vana va vanalume na ava va vanakazi.</div><div class="p"> 16Omo Evele wakele na myaka 34, wakitile mwana wa munalume lizina lyendi Pelenge. 17Kutunda aje akitilile Pelenge, Evele wayoyele myaka 430, co wakitile lalo vana va vanalume na ava va vanakazi.</div><div class="p"> 18Omo Pelenge wakele na myaka 30, wakitile mwana wa munalume lizina lyendi Leu. 19Kutunda aje akitilile Leu, Pelenge wayoyele myaka 209, co wakitile lalo vana va vanalume na ava va vanakazi.</div><div class="p"> 20Omo Leu wakele na myaka 32, wakitile mwana wa munalume lizina lyendi Selunge. 21Kutunda aje akitilile Selunge, Leu wayoyele myaka 207, co wakitile lalo vana va vanalume na ava va vanakazi.</div><div class="p"> 22Omo Selunge wakele na myaka 30, wakitile mwana wa munalume lizina lyendi Nahole. 23Kutunda aje akitilile Nahole, Selunge wayoyele myaka 200, co wakitile lalo vana va vanalume na ava va vanakazi.</div><div class="p"> 24Omo Nahole wakele na myaka 29, wakitile mwana wa munalume lizina lyendi Tela. 25Kutunda aje akitilile Tela, Nahole wayoyele myaka 119, co wakitile lalo vana va vanalume na ava va vanakazi.</div><div class="p"> 26Omo Tela wakele na myaka 70, wakitile vana vendi vatatu va vanalume mazina avo, Avilama, na Nahole, na Halane.</div><div class="s1">Vatekulwila va Tela</div><div class="p"> 27Ava vakevo vatekulwila va Tela, ishe ya Avilama, na Nahole, na Halane. Halane ikeye wapwile ishe ya Lote, 28co Halane watsililile mu nganda ije vene ya Ule ya mu Mbambilone muje muvamukitilile, a simbu ije te ishe anga acili na kuyoya. 29Avilama wambatele Salai, co Nahole wambatele Mileka muna Halane, uje wapwile ishe ya Iseka. 30Oloni Salai wapwile mumba.</div><div class="p"> 31Tela waile na munendi Avilama, na mutekulyendi Lote muna Halane, na vainamweno Salai munakazi wa Avilama, co watundile mu nganda ya Ule mu Mbambilone amo navo ngeci aye ku lifuti lya Kanana. Co vetele ku lifuti lya Halane nakutunga muje. 32Tela watsililile kuje omo wakele na myaka 205.</div>
 </div>
 </div>
</div>

The Bible in Mbunda ©The Bible Society of Zambia, 2006

Akulivanga, vanu voshe vaano a kaye vendekele muyati umolika, na ndaka imolika. Omo vaile mu ngangela, vetele mu cana ca mu Mbambilone, co vatungile muje. Co valyendekesele umo na mukwavo ngwavo, “Tumungeni vindopi nakuvyenyeka mwamuvwa.” Co vakele na vindopi vyakutunga navyo, amo na tala yakukolesa vindopi. Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”
Oloni Shukulu Kalunga wezile asi mukumona nganda na kaposhi vije vivatungile vaje vanu. Co Shukulu Kalunga wendekele ngwendi, “Kengeni! Ava voshe vanapu vanu vamo, co vakevo valinakwendeka muyati umo, eci cinapu vushangumukilo vwa vyuma vije vivakalinga. Co ololo vakasa kulinga cuma coshe civashaka kulinga! Ngecivene, tuyeni tushuluke asi, tukatanganese muyati wavo ngeci omo vendeka kesi valizive.” Ngecivene, Shukulu Kalunga wavashandwelele ano asi oshe, co vaje vanu valikelele kutunga ije nganda. Co nganda ije vaitumbwile ngwavo Mbambilone omwo kuje kukekwo Shukulu Kalunga watanganesele muyati wa vanu voshe. Kutunda aje vene Shukulu Kalunga wavashandwelele ano asi oshe.


Ava vakevo vatekulwila va Shemi. Co a myaka ivali omo livazi lyetile, Shemi wakele na myaka 100, wakitile mwana wa munalume lizina lyendi Alepakeshande. Kutunda aje akitilile Alepakeshande, Shemi wayoyele myaka ikwavo 500, co wakitile lalo vana va vanalume na ava va vanakazi.
Omo Alepakeshande wakele na myaka 35, wakitile mwana wa munalume lizina lyendi Shela. Kutunda aje akitilile Shela, Alepakeshande wayoyele myaka ikwavo 403, co wakitile lalo vana va vanalume na ava va vanakazi.
Omo Shela wakele na myaka 30, wakitile mwana wa munalume lizina lyendi Evele. Kutunda aje akitilile Evele, Shela wayoyele myaka 403, co wakitile lalo vana va vanalume na ava va vanakazi.
Omo Evele wakele na myaka 34, wakitile mwana wa munalume lizina lyendi Pelenge. Kutunda aje akitilile Pelenge, Evele wayoyele myaka 430, co wakitile lalo vana va vanalume na ava va vanakazi.
Omo Pelenge wakele na myaka 30, wakitile mwana wa munalume lizina lyendi Leu. Kutunda aje akitilile Leu, Pelenge wayoyele myaka 209, co wakitile lalo vana va vanalume na ava va vanakazi.
Omo Leu wakele na myaka 32, wakitile mwana wa munalume lizina lyendi Selunge. Kutunda aje akitilile Selunge, Leu wayoyele myaka 207, co wakitile lalo vana va vanalume na ava va vanakazi.
Omo Selunge wakele na myaka 30, wakitile mwana wa munalume lizina lyendi Nahole. Kutunda aje akitilile Nahole, Selunge wayoyele myaka 200, co wakitile lalo vana va vanalume na ava va vanakazi.
Omo Nahole wakele na myaka 29, wakitile mwana wa munalume lizina lyendi Tela. Kutunda aje akitilile Tela, Nahole wayoyele myaka 119, co wakitile lalo vana va vanalume na ava va vanakazi.
Omo Tela wakele na myaka 70, wakitile vana vendi vatatu va vanalume mazina avo, Avilama, na Nahole, na Halane.

Ava vakevo vatekulwila va Tela, ishe ya Avilama, na Nahole, na Halane. Halane ikeye wapwile ishe ya Lote, co Halane watsililile mu nganda ije vene ya Ule ya mu Mbambilone muje muvamukitilile, a simbu ije te ishe anga acili na kuyoya. Avilama wambatele Salai, co Nahole wambatele Mileka muna Halane, uje wapwile ishe ya Iseka. Oloni Salai wapwile mumba.
Tela waile na munendi Avilama, na mutekulyendi Lote muna Halane, na vainamweno Salai munakazi wa Avilama, co watundile mu nganda ya Ule mu Mbambilone amo navo ngeci aye ku lifuti lya Kanana. Co vetele ku lifuti lya Halane nakutunga muje. Tela watsililile kuje omo wakele na myaka 205.

සවන් දෙන්න Kushangumuka 11