Guarani, Bolivian - 2001 Edition (NT) Drama

<div class="version vid590 iso6393gui" data-vid="590" data-iso6393="gui">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Jes&#250;s jemimondo reta jee</div><div class="p"> 1Metei ara Jes&#250;s oeni jocuae doce jemimboe reta, jare omee chupe reta mbaepuere omondo vaera a&#241;a reta oya jese vae reta g&#252;i jare ombog&#252;era vaera imbaeras&#616; vae reta oipotag&#252;e mbaeras&#616; g&#252;i. 2Cuae co jae jocuae doce Jes&#250;s jemimondo reta jee: Sim&#243;n (Pedro jee vae), jare Sim&#243;n t&#616;v&#616; Andr&#233;s jee vae, jare Zebedeo ta&#616; reta Jacobo jare Juan jee vae, 3Felipe, Bartolom&#233;, Tom&#225;s, Mateo ocovara vae, Alfeo ta&#616; Jacobo jee vae, Lebeo Tadeo, 4Sim&#243;n (jae co metei cananita), jare Judas Iscariote (cuae cuimbae omoeterenga Jes&#250;s jovaicho reta pe).</div><div class="s">Jes&#250;s omondo doce vae reta</div><div class="p"> 5Jare ndei omondo reta mbove, Jes&#250;s oy&#243;cuai cuae doce reve.</div><div class="p">&#8212;Ag&#252;&#616;ye pecua jud&#237;o mbae vae reta &#241;og&#252;&#616;noia pe. Ag&#252;&#616;ye pecua samaritano jenta reta pe &#8212;jei&#8212;. 6Pecua Israel pegua reta &#241;og&#252;&#616;noia pe. Echa jae reta vecha oca&#241;&#616; vae reta rami co &#8212;jei&#8212;. 7Jare peguata rambueve, pemombeu iru vae reta pe corai: Mboroocuaia ara pegua outa ma ovae &#8212;jei&#8212;. 8Pembog&#252;era imbaeras&#616; vae reta. Pembog&#252;era ipire oc&#250;i vae reta. Pemoingove ye omanog&#252;e vae reta. Pemondo a&#241;a reta oya jese vae reta g&#252;i. Che amee ma peve cuae mbaepuere jep&#616; mbae reve. Jae rambue ag&#252;&#616;ye pecovara mbae quia pe peyapota chupe vae re &#8212;jei&#8212;. 9Ag&#252;&#616;ye peraja oro jare corepoti pecuacuaa pe. 10Ag&#252;&#616;ye vi peraja peaporoca, jare ag&#252;&#616;ye pemonde m&#243;coi camisa. Peraja jae&#241;o metei pepopoca jare pep&#616;apaa pemonde vae. Echa icavi co iru vae reta omboep&#616; vaera oparav&#616;qu&#616; vae pe &#8212;jei&#8212;.</div><div class="p"> 11Jare peo yave metei tenta tuicha vae pe ani metei tenta michi vae pe, peparandu quia ra pepuere perovia catu joco pe. Jayave peico jae jo pe jocuae tenta g&#252;i peo ye regua &#8212;jei&#8212;. 12Jare peique metei o pe yave, pere: Tumpa tomee peve mb&#616;acatu. 13Jare pepuere yave perovia catu joco pe yog&#252;&#616;reco vae reta, Tumpa omeeta chupe reta mb&#616;acatu. Erei mbaeti yave pepuere perovia catu, pe reta&#241;o penoita mb&#616;acatu &#8212;jei&#8212;. 14Jare oime yave metei tenta pegua reta mbaeti oipota pep&#616;ta vaera joco pe jare mbaeti oipota oyeap&#616;saca per&#233; vae, pecua&#241;o joco g&#252;i jare pemotumo &#616;v&#616;timbo pep&#616; g&#252;i &#8212;jei&#8212;. 15A&#241;ete che jae peve, Tumpa ojaa yave &#616;v&#616; pegua reta, jocuae tenta pegua reta oiporara yaeta Sodoma jare Gomorra pegua reta g&#252;i &#8212;jei&#8212;.</div><div class="s">Oiporarata co</div><div class="p"> 16Mase, pomondo icavi mbae vae oyapo vae reta ip&#616;te rupi. Pe reta vecha reta rami co. Jae reta aguara&#241;a&#616;mba reta rami co. Jae rambue pearacuaa catu mboi iyaracuaa catu rami. Jae rami&#241;o vi ag&#252;&#616;ye peyapo icavi mbae vae p&#616;casu mbaeti oyapo icavi mbae vae rami &#8212;jei&#8212;. 17Pe&#241;eandu. Echa iru vae reta pererajata mburuvicha reta yat&#616;a pe, o&#241;eapo vaera per&#233;. Jare penupata jud&#237;o reta itupao reta pe &#8212;jei&#8212;. 18Jare peyererajaucata mburuvicha reta jare mburuvicha guasu reta j&#243;vai chereco pegua, pepuere vaera chemombeu chupe reta jare jud&#237;o mbae vae reta pe &#8212;jei&#8212;. 19Erei jae reta pemoeterenga yave, ag&#252;&#616;ye pe&#241;emambeco mbae pereta mburuvicha reta pe vae re. Echa Esp&#237;ritu Santo oicuaucata peve jocuae ora pe etei mbae pere vaera &#8212;jei&#8212;. 20Echa peRu iEsp&#237;ritu imiarita pe reta rupi, mbaeti pe retai&#241;o &#8212;jei&#8212;.</div><div class="p"> 21Jare metei cuimbae omoeterengata t&#616;v&#616; oyeyucauca vaera. Jae rami&#241;o vi metei cuimbae omoeterengata ta&#616; oyeyucauca vaera. Jare michia reta oyovaicho retata tu jare ich&#616; ndive, jare oyucauca retata &#8212;jei&#8212;. 22Jare pe&#241;emotare&#616;ucata opaete vae pe chereco pegua. Erei josa ojo ovae iyap&#616; pe vae o&#241;emboasaucata co &#8212;jei&#8212;. 23Erei metei tenta pe oyapo reta icavi mbae vae peve yave, petecuarai iru tenta pe. A&#241;ete che jae peve, ngaraa peo opaete Israel pegua reta jenta pe ndei che cuimbaera ayeapo vae ayu ye mbove &#8212;jei&#8212;.</div><div class="p"> 24Metei o&#241;emboe oi vae mbaeti oicuaa jeta yae oporomboe vae oicuaa vae g&#252;i. Jae rami&#241;o vi metei oye&#243;cuai vae imbaepuere mbaeti tuicha yae iya imbaepuere g&#252;i &#8212;jei&#8212;. 25Icavi co metei o&#241;emboe oi vae o&#241;emboe cavi vaera oporomboe vae oicuaa vae re. Jae rami&#241;o vi icavi co metei oye&#243;cuai vae oiporu cavi vaera mbaepuere iya omee chupe vae. Che co jae peYa, jare iru vae reta chembojee Beelzeb&#250;. Jae rambue pembojeeta Beelzeb&#250; ta&#616; reta. Echa pe reta peye&#243;cuai cheve &#8212;jei&#8212;.</div><div class="s">Pequ&#616;ye Tumpa g&#252;i</div><div class="p"> 26Erei ag&#252;&#616;ye pequ&#616;ye chug&#252;i reta. Oime yave mbae oyeasoi vae, oyeechauca&#241;otai co. Jare oime yave mbae o&#241;emi vae, oyecuaa&#241;otai co &#8212;jei&#8212;. 27P&#616;tumimbi pe che jae peve vae re pemiari tembipe pe. Jare che jae v&#616;ari peve vae pemombeu opaete vae pe &#8212;jei&#8212;. 28Ag&#252;&#616;ye pequ&#616;ye oporoyuca vae reta g&#252;i. Echa perete&#241;o ipuere oyuca. Mbaeti ipuere oyuca perecove. Pequ&#616;ye Tumpa g&#252;i. Echa jae ipuere omondo quia jete jare jecove tata guasu pe &#8212;jei&#8212;. 29Peicuaa co quirai omaemee vae reta omee m&#243;coi g&#252;&#616;ra-ra&#616; mbov&#616; yae corepoti re. Erei mbaeti metei yepe omano oa &#616;v&#616; re peRu mbaeti oicuaa reve &#8212;jei&#8212;. 30Tumpa oicuaa mbov&#616; pea penoi peaca re &#8212;jei&#8212;. 31Jae rambue ag&#252;&#616;ye pequ&#616;ye. Echa Tumpa pera&#616;u yae jeta g&#252;&#616;ra-ra&#616; g&#252;i &#8212;jei&#8212;.</div><div class="p"> 32Oime yave quia iru vae reta jovaque chemboete vae, che amboeteucata cheRu ara pe oi vae jovaque &#8212;jei&#8212;. 33Erei oime yave quia iru vae reta jovaque checuacu vae, che vi aicuacuta cheRu ara pe oi vae jovaque &#8212;jei&#8212;. 34G&#252;&#616;ramoi pe&#241;emongueta che ayu co amee vaera mb&#616;acatu &#616;v&#616; pegua reta pe. Erei mbaeti jocorai. Che ayu o&#241;emboyao vaera oyoug&#252;i &#616;v&#616; pegua reta, mbaeti g&#252;&#616;noi vaera mb&#616;acatu &#8212;jei&#8212;.</div><div class="s">Ayu o&#241;emboyao vaera oyoug&#252;i &#616;v&#616; pegua reta</div><div class="p"> 35Ayu metei cuimbae oyovaicho vaera tu ndive, jare cu&#241;atai oyovaicho vaera ich&#616; ndive, jare cu&#241;a oyovaicho vaera imend&#616; ndive &#8212;jei&#8212;. 36Jare cuimbae jo pegua reta oyovaichota cuimbae ndive &#8212;jei&#8212;. 37Oime yave quia oa&#616;u yae tu jare ich&#616; cheg&#252;i vae, ngaraa ipuere oico cheremimboera. Jae rami&#241;o vi oime yave quia oa&#616;u yae imichia reta cheg&#252;i vae, ngaraa ipuere oico cheremimboera &#8212;jei&#8212;. 38Jare oime yave quia mbaeti ovo&#616; g&#252;&#616;raja icurusu ojo vaera cherup&#237;e vae, ngaraa ipuere oico cheremimboera &#8212;jei&#8212;. 39Oipota o&#241;ovatu jecove vae ngaraa ipuere o&#241;ovatu. Erei omoeterengata jecove chereco pegua vae o&#241;ovatuta co &#8212;jei&#8212;.</div><div class="s">Amboecoviata co chupe</div><div class="p"> 40Oime yave quia pemboresive vae, che co chemboresive. Jare chemboresive vae omboresive co chembou vae &#8212;jei&#8212;. 41Oime yave quia metei Tumpa i&#241;ee omombeu vae Tumpa i&#241;ee omombeu rambue omboresive vae, Tumpa omeeta chupe i&#241;ee omombeu vae pe omeeta vae. Jae rami&#241;o vi oime yave quia metei jupi vae oyapo vae jupi vae oyapo rambue omboresive vae, Tumpa omeeta chupe jupi vae oyapo vae pe omeeta vae &#8212;jei&#8212;. 42A&#241;ete che jae peve, oime yave quia omee metei taza &#616; iro&#616;sag&#252;e yepe metei michia jou vaera vae, oyapo yave jocorai jae co cheremimboe rambue, amboecoviata co chupe &#8212;jei.</div>
 </div>
 </div>
</div>

Metei ara Jesús oeni jocuae doce jemimboe reta, jare omee chupe reta mbaepuere omondo vaera aña reta oya jese vae reta güi jare ombogüera vaera imbaerasɨ vae reta oipotagüe mbaerasɨ güi. Cuae co jae jocuae doce Jesús jemimondo reta jee: Simón (Pedro jee vae), jare Simón tɨvɨ Andrés jee vae, jare Zebedeo taɨ reta Jacobo jare Juan jee vae, Felipe, Bartolomé, Tomás, Mateo ocovara vae, Alfeo taɨ Jacobo jee vae, Lebeo Tadeo, Simón (jae co metei cananita), jare Judas Iscariote (cuae cuimbae omoeterenga Jesús jovaicho reta pe).

Jare ndei omondo reta mbove, Jesús oyócuai cuae doce reve.
—Agüɨye pecua judío mbae vae reta ñogüɨnoia pe. Agüɨye pecua samaritano jenta reta pe —jei—. Pecua Israel pegua reta ñogüɨnoia pe. Echa jae reta vecha ocañɨ vae reta rami co —jei—. Jare peguata rambueve, pemombeu iru vae reta pe corai: Mboroocuaia ara pegua outa ma ovae —jei—. Pembogüera imbaerasɨ vae reta. Pembogüera ipire ocúi vae reta. Pemoingove ye omanogüe vae reta. Pemondo aña reta oya jese vae reta güi. Che amee ma peve cuae mbaepuere jepɨ mbae reve. Jae rambue agüɨye pecovara mbae quia pe peyapota chupe vae re —jei—. Agüɨye peraja oro jare corepoti pecuacuaa pe. Agüɨye vi peraja peaporoca, jare agüɨye pemonde mócoi camisa. Peraja jaeño metei pepopoca jare pepɨapaa pemonde vae. Echa icavi co iru vae reta omboepɨ vaera oparavɨquɨ vae pe —jei—.
Jare peo yave metei tenta tuicha vae pe ani metei tenta michi vae pe, peparandu quia ra pepuere perovia catu joco pe. Jayave peico jae jo pe jocuae tenta güi peo ye regua —jei—. Jare peique metei o pe yave, pere: Tumpa tomee peve mbɨacatu. Jare pepuere yave perovia catu joco pe yogüɨreco vae reta, Tumpa omeeta chupe reta mbɨacatu. Erei mbaeti yave pepuere perovia catu, pe retaño penoita mbɨacatu —jei—. Jare oime yave metei tenta pegua reta mbaeti oipota pepɨta vaera joco pe jare mbaeti oipota oyeapɨsaca peré vae, pecuaño joco güi jare pemotumo ɨvɨtimbo pepɨ güi —jei—. Añete che jae peve, Tumpa ojaa yave ɨvɨ pegua reta, jocuae tenta pegua reta oiporara yaeta Sodoma jare Gomorra pegua reta güi —jei—.

Mase, pomondo icavi mbae vae oyapo vae reta ipɨte rupi. Pe reta vecha reta rami co. Jae reta aguarañaɨmba reta rami co. Jae rambue pearacuaa catu mboi iyaracuaa catu rami. Jae ramiño vi agüɨye peyapo icavi mbae vae pɨcasu mbaeti oyapo icavi mbae vae rami —jei—. Peñeandu. Echa iru vae reta pererajata mburuvicha reta yatɨa pe, oñeapo vaera peré. Jare penupata judío reta itupao reta pe —jei—. Jare peyererajaucata mburuvicha reta jare mburuvicha guasu reta jóvai chereco pegua, pepuere vaera chemombeu chupe reta jare judío mbae vae reta pe —jei—. Erei jae reta pemoeterenga yave, agüɨye peñemambeco mbae pereta mburuvicha reta pe vae re. Echa Espíritu Santo oicuaucata peve jocuae ora pe etei mbae pere vaera —jei—. Echa peRu iEspíritu imiarita pe reta rupi, mbaeti pe retaiño —jei—.
Jare metei cuimbae omoeterengata tɨvɨ oyeyucauca vaera. Jae ramiño vi metei cuimbae omoeterengata taɨ oyeyucauca vaera. Jare michia reta oyovaicho retata tu jare ichɨ ndive, jare oyucauca retata —jei—. Jare peñemotareɨucata opaete vae pe chereco pegua. Erei josa ojo ovae iyapɨ pe vae oñemboasaucata co —jei—. Erei metei tenta pe oyapo reta icavi mbae vae peve yave, petecuarai iru tenta pe. Añete che jae peve, ngaraa peo opaete Israel pegua reta jenta pe ndei che cuimbaera ayeapo vae ayu ye mbove —jei—.
Metei oñemboe oi vae mbaeti oicuaa jeta yae oporomboe vae oicuaa vae güi. Jae ramiño vi metei oyeócuai vae imbaepuere mbaeti tuicha yae iya imbaepuere güi —jei—. Icavi co metei oñemboe oi vae oñemboe cavi vaera oporomboe vae oicuaa vae re. Jae ramiño vi icavi co metei oyeócuai vae oiporu cavi vaera mbaepuere iya omee chupe vae. Che co jae peYa, jare iru vae reta chembojee Beelzebú. Jae rambue pembojeeta Beelzebú taɨ reta. Echa pe reta peyeócuai cheve —jei—.

Erei agüɨye pequɨye chugüi reta. Oime yave mbae oyeasoi vae, oyeechaucañotai co. Jare oime yave mbae oñemi vae, oyecuaañotai co —jei—. Pɨtumimbi pe che jae peve vae re pemiari tembipe pe. Jare che jae vɨari peve vae pemombeu opaete vae pe —jei—. Agüɨye pequɨye oporoyuca vae reta güi. Echa pereteño ipuere oyuca. Mbaeti ipuere oyuca perecove. Pequɨye Tumpa güi. Echa jae ipuere omondo quia jete jare jecove tata guasu pe —jei—. Peicuaa co quirai omaemee vae reta omee mócoi güɨra-raɨ mbovɨ yae corepoti re. Erei mbaeti metei yepe omano oa ɨvɨ re peRu mbaeti oicuaa reve —jei—. Tumpa oicuaa mbovɨ pea penoi peaca re —jei—. Jae rambue agüɨye pequɨye. Echa Tumpa peraɨu yae jeta güɨra-raɨ güi —jei—.
Oime yave quia iru vae reta jovaque chemboete vae, che amboeteucata cheRu ara pe oi vae jovaque —jei—. Erei oime yave quia iru vae reta jovaque checuacu vae, che vi aicuacuta cheRu ara pe oi vae jovaque —jei—. Güɨramoi peñemongueta che ayu co amee vaera mbɨacatu ɨvɨ pegua reta pe. Erei mbaeti jocorai. Che ayu oñemboyao vaera oyougüi ɨvɨ pegua reta, mbaeti güɨnoi vaera mbɨacatu —jei—.

Ayu metei cuimbae oyovaicho vaera tu ndive, jare cuñatai oyovaicho vaera ichɨ ndive, jare cuña oyovaicho vaera imendɨ ndive —jei—. Jare cuimbae jo pegua reta oyovaichota cuimbae ndive —jei—. Oime yave quia oaɨu yae tu jare ichɨ chegüi vae, ngaraa ipuere oico cheremimboera. Jae ramiño vi oime yave quia oaɨu yae imichia reta chegüi vae, ngaraa ipuere oico cheremimboera —jei—. Jare oime yave quia mbaeti ovoɨ güɨraja icurusu ojo vaera cherupíe vae, ngaraa ipuere oico cheremimboera —jei—. Oipota oñovatu jecove vae ngaraa ipuere oñovatu. Erei omoeterengata jecove chereco pegua vae oñovatuta co —jei—.

Oime yave quia pemboresive vae, che co chemboresive. Jare chemboresive vae omboresive co chembou vae —jei—. Oime yave quia metei Tumpa iñee omombeu vae Tumpa iñee omombeu rambue omboresive vae, Tumpa omeeta chupe iñee omombeu vae pe omeeta vae. Jae ramiño vi oime yave quia metei jupi vae oyapo vae jupi vae oyapo rambue omboresive vae, Tumpa omeeta chupe jupi vae oyapo vae pe omeeta vae —jei—. Añete che jae peve, oime yave quia omee metei taza ɨ iroɨsagüe yepe metei michia jou vaera vae, oyapo yave jocorai jae co cheremimboe rambue, amboecoviata co chupe —jei.

සවන් දෙන්න San Mateo 10