<div class="version vid552 iso6393leh" data-vid="552" data-iso6393="leh">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">MAKANI ATAANSHI</span></div><div class="ip"><span class="content">Libuku ili lilaamba pakulengwa kwa cishi coonse, matalikilo a bantu, matalikilo a cibiibi amapensho ali mucishi cino ca panshi. Lilaamba anshila Mwaami Lesa nshaaendeleshelamo bantu. Libuku lya Matalikilo inga lyabikwa mushipansha shinene shinene shobilo.</span></div><div class="ip"><span class="content">1 Munyinsa ya 1&#8212;11 muli makani akulengwa kwa cishi ca panshi abwikaalo butaanshi bwa bantu. Momunya umu momucanika makani apali Adamu aEfa, Kaini aAbelo, Nowa amuyoba alimwi aCaanda cilaamfu ca Babiloni.</span></div><div class="ip"><span class="content">2 Munyinsa ya 12&#8212;50 muli makani a bamashali bakulukulu ba bene Isilaeli. Mutaanshi nguAbulaamu uyo wakalinga kushibikitwe bunene ceebo ca lushomo lwakwe akunyumfwila Lesa. Kuboolaawo nguIsaki mwanaakwe musankwa alimwi aJakobo mwishikulu wakwe. Jakobo wakalinga kwiitwa ayi Isilaeli alimwi ngomushali mukulukulu wa mikowa likumi ayobilo ya bene Isilaeli. Bulemu bupuseneeko bwakapekwa kuli Josefu alimwi akusheesho shakalengesha Jakobo abana bakwe basankwa bamwi pantu pomwi abamumaandaabo kuya mukwikala kucishi ca Ijipiti.</span></div><div class="ip"><span class="content">Ono nakubi kwaamba ayi libuku ili lilaamba pabantu bapusenepusene, makani ataanshi ngolicite nga sheesho shakacita Lesa. Lilatalika amakani akwaamba ayi Lesa ngowakalenga liculu acishi ca panshi, alimwi lileela akushomesha kwakwaamba ayi Lesa ulaakutolelela lusuno lwakwe pabantu bakwe. Mulibuku lyoonse, uliimo bunene nguLesa mukubonesha mbwaaombolosha akupa milandu abo babisha, mbuli mbwaatanjilila akucafwa bantu bakwe alimwi ambwaaendelesha bwikaalo bwabo. Libuku ili ndikulukulu, ono lyakalembwa kutondesha lushomo lwa mushobo womwi wa bantu akwaamba ayi licafwe lushomo ulo kunoociliiko.</span></div><div class="iot"><span class="content">Mundando wa shiliimo amoshicanika</span></div><div class="io1"><span class="content">Kulengwa kwa cishi ca panshi, liculu alimwi abantu 1:1&#8212;2:25</span></div><div class="io1"><span class="content">Matalikilo a cibiibi alimwi amapensho 3:1-24</span></div><div class="io1"><span class="content">Kuswa kuli Adamu kushika kuli Nowa 4:1&#8212;5:32</span></div><div class="io1"><span class="content">Nowa amuyoba 6:1&#8212;10:32</span></div><div class="io1"><span class="content">Caanda cilaamfu ca Babiloni 11:1-9</span></div><div class="io1"><span class="content">Kuswa kuli Shemu kushika kuli Abulamu 11:10-32</span></div><div class="io1"><span class="content">Bamashali bakulukulu, Abulaamu, Isaki aJakobo 12:1&#8212;35:29</span></div><div class="io1"><span class="content">Bamulunyungu lwakwe Esau 36:1-43</span></div><div class="io1"><span class="content">Josefu abamakwabo basankwa 37:1&#8212;45:28</span></div><div class="io1"><span class="content">Bene Isilaeli muIjipiti 46:1&#8212;50:26</span></div>
      </div>
   </div>
</div>

Lenje Bible with Deuterocanon © Bible Society of Zambia, 2003.

MAKANI ATAANSHI
Libuku ili lilaamba pakulengwa kwa cishi coonse, matalikilo a bantu, matalikilo a cibiibi amapensho ali mucishi cino ca panshi. Lilaamba anshila Mwaami Lesa nshaaendeleshelamo bantu. Libuku lya Matalikilo inga lyabikwa mushipansha shinene shinene shobilo.
1 Munyinsa ya 1—11 muli makani akulengwa kwa cishi ca panshi abwikaalo butaanshi bwa bantu. Momunya umu momucanika makani apali Adamu aEfa, Kaini aAbelo, Nowa amuyoba alimwi aCaanda cilaamfu ca Babiloni.
2 Munyinsa ya 12—50 muli makani a bamashali bakulukulu ba bene Isilaeli. Mutaanshi nguAbulaamu uyo wakalinga kushibikitwe bunene ceebo ca lushomo lwakwe akunyumfwila Lesa. Kuboolaawo nguIsaki mwanaakwe musankwa alimwi aJakobo mwishikulu wakwe. Jakobo wakalinga kwiitwa ayi Isilaeli alimwi ngomushali mukulukulu wa mikowa likumi ayobilo ya bene Isilaeli. Bulemu bupuseneeko bwakapekwa kuli Josefu alimwi akusheesho shakalengesha Jakobo abana bakwe basankwa bamwi pantu pomwi abamumaandaabo kuya mukwikala kucishi ca Ijipiti.
Ono nakubi kwaamba ayi libuku ili lilaamba pabantu bapusenepusene, makani ataanshi ngolicite nga sheesho shakacita Lesa. Lilatalika amakani akwaamba ayi Lesa ngowakalenga liculu acishi ca panshi, alimwi lileela akushomesha kwakwaamba ayi Lesa ulaakutolelela lusuno lwakwe pabantu bakwe. Mulibuku lyoonse, uliimo bunene nguLesa mukubonesha mbwaaombolosha akupa milandu abo babisha, mbuli mbwaatanjilila akucafwa bantu bakwe alimwi ambwaaendelesha bwikaalo bwabo. Libuku ili ndikulukulu, ono lyakalembwa kutondesha lushomo lwa mushobo womwi wa bantu akwaamba ayi licafwe lushomo ulo kunoociliiko.
Mundando wa shiliimo amoshicanika
Kulengwa kwa cishi ca panshi, liculu alimwi abantu 1:1—2:25
Matalikilo a cibiibi alimwi amapensho 3:1-24
Kuswa kuli Adamu kushika kuli Nowa 4:1—5:32
Nowa amuyoba 6:1—10:32
Caanda cilaamfu ca Babiloni 11:1-9
Kuswa kuli Shemu kushika kuli Abulamu 11:10-32
Bamashali bakulukulu, Abulaamu, Isaki aJakobo 12:1—35:29
Bamulunyungu lwakwe Esau 36:1-43
Josefu abamakwabo basankwa 37:1—45:28
Bene Isilaeli muIjipiti 46:1—50:26

සවන් දෙන්න Matalikilo MAKANI ATAANSHI