<div class="version vid538 iso6393cav" data-vid="538" data-iso6393="cav">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Uhuisha cuji ejuque cuatsabiji eque bahuityacuareque</div><div class="r">(Mt 18.10-14)</div><div class="p"> 1Jetiama enaruquija ishu chipiru tsuje bacaqui cuanaque, peya ebijidamadura cuanaque jadya tuna cajipeticuare Jes&#250;s queja, tura cuejayaque ijacaba ishu. 2Fariseo cuana, cacuatsashati bahuityaqui cuanaque jadya tuna quisaratitibunecuare Jes&#250;sja ishu:</div><div class="p">&#8212;Jeeque ecuitaja taa bijida jucha arida cuana tsehue juneni ishu. Tuna tsehuedya araaraya jadyatu juya, &#8212;jadya tuna jucuare.</div><div class="p"> 3Jadya juatsu tuna Jes&#250;sra riyaque cuatsabiji cuejacuare:</div><div class="p"> 4&#8212;Peadya ecuitaja cien uhuisha eaniu. Peadya tuja cuji ejuu. &#191;Eje buchatu tumeque ecuita ejuu? Eshanau jari di taa tujatu puscurucu tunca puscurucu earacana taracaju. Eishautu eju aija eje bucha ataqui amaju. Jadya shanatsutu pereu amadya ecuau uhuisha cuji ejuque sarera. Esareudya tujatu dadiya tupu. 5Daditsu, pureama aatsu tujatu yaracacaju hueishatsu edujuu. 6Etareju judirutsutu eihuarau tuja ata cuana, tuja eadeba cuanaque jadya. Jadya tujatu ecana eau: &#8220;Pureama nejura, era ecue uhuisha cuji ejuque dadihua tibu&#8221;.</div><div class="p"> 7&#8220;Pusha amadya micuana cuejaya. Barepaju cuanaquetu pureama juya, Yusuja cuanaque jetiama tuja yana equedya juya baatsu. Jadya ama bucha tuna dy&#225;que pureama juya, peadya jucha aridaque inime cacuaretiya baatsu, &#8212;jadya tujatu ecana acuare.</div><div class="s">Chipiru eaputa cuatsabiji eque bahuityacuareque</div><div class="p"> 8Jes&#250;sra tuna bahuityanucacuare:</div><div class="p">&#8212;Peya micuana cuejaya. Anicuaretu epuna. Peadya tunca ficha chipiru tuja anicuareque, peadya ni ecaaputashatiu, &#191;ai tu ejuu? Etuchau tu ude. Tucha jadya aatsu tujatu tsucuta etare ejabuu inime eque chipiru pana sare ayaque. Chamacama tujatu edadiu. 9Daditsu tujatu eihuarau tuja ata cuana, tuja eadeba cuanaque jadya. &#8220;Pureama nejura. Dadihua tuque ecue chipiru aputahuaque&#8221;, jadya tujatu ecana eau. Jadyatu epuna chipiru caaputashatiyaque ejuu.</div><div class="p"> 10Pusha amadya micuana cuejaya. Ejeque ecuita jucha aridaque inime cacuaretiyajutu dyaque pureama juya barepaju Yusu tsahuaqui cuanaque, &#8212;jadya tujatu ecana acuare.</div><div class="s">Inime cacuaretitsu, etataque queja ebacuaque judirunucacuareque cuatsabiji</div><div class="p"> 11Jes&#250;sra tuna bahuityanucacuare:</div><div class="p">&#8212;Peya micuana cuejaya. Anicuaretu ecuitaja beta ebacuaque ecatse. 12Ebacuaque tupujuratu jadya etataque acuare: &#8220;Tyacue ique, mique majuhuaju ecue jubuqueque&#8221;. Jadya tura ahuajutu etataquera tyacuare chipiru, ai cuana jadya tuja ishuque. 13Eje uma huecaca piji juatsutu ebacuaque tupujuque casitaticuare tuja ai aniya cuanaque. Catyati caticuare tuja ai cuana. Chipiru inatsutu dirucuare japada anape cuana queja. Tuhua judirutsu tujatu baya ijehuene chipiru acuare tuja biji eque. 14Amena tuja chipiru pana tere juhuaju tuna dyaque mije jucuare tumeque yahuaju. Tumetu ehue ebari arara majuya bucha cabaticuare. 15Jadya juatsutu cuacuare mere sarera. Ecuita chipirudaque tumeque yahuaju aniya queja canerecatiticuare: &#8220;Micue mere aniyaque juatsu, micue mere paa. Aijama rique ecue ara ishuque&#8221;, jadya tujatu aticuare chipirudaque. Ecuitaratu cuadishacuare cuchi cuana naru ishu. 16Dyaque cuita aracara juatsu tujatu cuchi cuanara arayaque bijisericuare. Ni ejeradya jutidyatu ara ishuque tyacuare.</div><div class="p"> 17&#8220;Jadya tibudya tujatu inime tupucuare tuque juneniyaque. &#8216;Ecue etataja mere puji cuanaja taa tu aniya ara ishuque jetiama. Ique taa rehua arara majuya. 18Ecue etata queja tucue padirunuca. Jadya paadiru: &#8220;Ecue etata, cajuchatihua taa ique Yusu tsehue, miatsehue jadya. 19Mere taa amerecue. Micue bacua bucha bae aume. Micue mere puji bucha bae jutidya acue&#8221;, jadya era ecue etata paadiru&#8217; jadya tujatu inime tupucuare. 20Jadya inime tuputsutu judirunucacuare tuja etataqueja etareju.</div><div class="p">&#8220;Tuque japada jariju cuitadyatu etataque esirira batsacuare diruyaju. Batsatsu tujatu nerecabacuare. Tsajaja tsurutsa, macacatsa, dyahua jadya tujatu atsacuare. 21&#8216;Tata, cajuchatichine taa ique Yusu tsehue, miatsehue jadya. Micue bacua bucha batsae aume. Eje bucha micue bacua ique jadya ataqui ama mique baya&#8217; jadya tujatu acuare tuja etataque. 22Etataqueratu ebacuaque quisaratiyaju bacaya ama bucha jadya acuare tuque merequi cuanaque: &#8216;Ebajarara ejutuqui jida pijique nequeticue. Nejutumerecue ecue ebacua. Nejutumerecue metara, zapatu jadya. 23Neiyeticue huaca ecuanara tsericuinashayaque. Nearaarara. Chine nejura. 24Riyaque ecue ebacua era emaju bucha bayaqueri chacha juetinucahua. Era eaputa bucha dutya huecaca adebayaqueri juetinucahua&#8217; jadya tujatu ecana acuare. Jadya juatsu tuna catibuticuare chine.</div><div class="p"> 25&#8220;Tuna jadya juyajutu ebacuaque icueneque teeju mere juyaque judirucuare. Etare jipeajeyaque tujatu bacaajecuare tuna dudududuyaju, ijahue jadya juyaju. 26Judirutsu tujatu dudududuyaju bacatsu tuna merequique tueque cuetiya baatsu ihuaracuare. Ihuaratsu tujatu bacaduracuare: &#8216;&#191;Ai tuna juya? &#191;Eje bucha juatsu tuna dudududuya, ijahue jadya juya?&#8217;. 27&#8216;Micue jautu juetihua. Micue tataratu iyemerehua huaca tseridaque, tuja ebacuaque jida chacha juetinucahua baatsu&#8217; jadyatu tuna merequira acuare. 28Jadya bahue juatsutu eujique dyaque cahuaiticuare, yanacana chipiru ijehue pujija ebacaniju chine juya baatsu. Cahuaititsutu nubicarama jucuare. Tuja ebacuaque icueneque cahuaititsu nubicarama juya baatsutu esirique cuinanaticuare. &#8216;Nubicue, ebacua. Baeticue ecue jau. Juetinucahua rique&#8217; jadya tujatu aticuare. 29Turatu etataque jadya atsacuare: &#8216;Aijama. Miquemi bahuedya eje uma mara era merehuaque eje bucha tsehue ama, ni micue yana acarama tsehue ama. Jadya ama bucha micue ique ni eje tupu etya uhuisha jabacua ecue iyuhueda cuana tsehue chine juyaque ara ishu. 30Jeeque micue bacuaratu yanacana ijehuene ahua micue chipiru epuna jidama cuana tsehue. Iyacua tuque juetihuaju tuquemi tuja ishu iyemerehua huaca tseridaque chine juyaque ara ishu&#8217; jadya tujatu etataque atsacuare.</div><div class="p"> 31&#8220;&#8216;Ecue ebacua, mique taa mi eatsehuedya. Dutya ecue aniyaque tu micuiquedya. 32Iyacua taa chine dyaque jida, pureama jadya nejura. Micue jau, era emaju bucha bayaquetu chacha juetinucahua. Era eaputa bucha ecue inime juyaqueri juetinucahua&#8217; jadya tujatu ebacuaque acuare, &#8212;jadya tuna Jes&#250;sra cuejacuare riyaque cuatsabiji.</div><div class="p">(Riyaque cuatsabiji tsehue ecuana Jes&#250;sra bahuityacara aya ecuana ejeque jucha aridaque inime cacuaretiyaju Yusu queja catyatiyaju ecuana pureama juishu.)</div>
 </div>
 </div>
</div>

Jetiama enaruquija ishu chipiru tsuje bacaqui cuanaque, peya ebijidamadura cuanaque jadya tuna cajipeticuare Jesús queja, tura cuejayaque ijacaba ishu. Fariseo cuana, cacuatsashati bahuityaqui cuanaque jadya tuna quisaratitibunecuare Jesúsja ishu:
—Jeeque ecuitaja taa bijida jucha arida cuana tsehue juneni ishu. Tuna tsehuedya araaraya jadyatu juya, —jadya tuna jucuare.
Jadya juatsu tuna Jesúsra riyaque cuatsabiji cuejacuare:
—Peadya ecuitaja cien uhuisha eaniu. Peadya tuja cuji ejuu. ¿Eje buchatu tumeque ecuita ejuu? Eshanau jari di taa tujatu puscurucu tunca puscurucu earacana taracaju. Eishautu eju aija eje bucha ataqui amaju. Jadya shanatsutu pereu amadya ecuau uhuisha cuji ejuque sarera. Esareudya tujatu dadiya tupu. Daditsu, pureama aatsu tujatu yaracacaju hueishatsu edujuu. Etareju judirutsutu eihuarau tuja ata cuana, tuja eadeba cuanaque jadya. Jadya tujatu ecana eau: “Pureama nejura, era ecue uhuisha cuji ejuque dadihua tibu”.
“Pusha amadya micuana cuejaya. Barepaju cuanaquetu pureama juya, Yusuja cuanaque jetiama tuja yana equedya juya baatsu. Jadya ama bucha tuna dyáque pureama juya, peadya jucha aridaque inime cacuaretiya baatsu, —jadya tujatu ecana acuare.

Jesúsra tuna bahuityanucacuare:
—Peya micuana cuejaya. Anicuaretu epuna. Peadya tunca ficha chipiru tuja anicuareque, peadya ni ecaaputashatiu, ¿ai tu ejuu? Etuchau tu ude. Tucha jadya aatsu tujatu tsucuta etare ejabuu inime eque chipiru pana sare ayaque. Chamacama tujatu edadiu. Daditsu tujatu eihuarau tuja ata cuana, tuja eadeba cuanaque jadya. “Pureama nejura. Dadihua tuque ecue chipiru aputahuaque”, jadya tujatu ecana eau. Jadyatu epuna chipiru caaputashatiyaque ejuu.
Pusha amadya micuana cuejaya. Ejeque ecuita jucha aridaque inime cacuaretiyajutu dyaque pureama juya barepaju Yusu tsahuaqui cuanaque, —jadya tujatu ecana acuare.

Jesúsra tuna bahuityanucacuare:
—Peya micuana cuejaya. Anicuaretu ecuitaja beta ebacuaque ecatse. Ebacuaque tupujuratu jadya etataque acuare: “Tyacue ique, mique majuhuaju ecue jubuqueque”. Jadya tura ahuajutu etataquera tyacuare chipiru, ai cuana jadya tuja ishuque. Eje uma huecaca piji juatsutu ebacuaque tupujuque casitaticuare tuja ai aniya cuanaque. Catyati caticuare tuja ai cuana. Chipiru inatsutu dirucuare japada anape cuana queja. Tuhua judirutsu tujatu baya ijehuene chipiru acuare tuja biji eque. Amena tuja chipiru pana tere juhuaju tuna dyaque mije jucuare tumeque yahuaju. Tumetu ehue ebari arara majuya bucha cabaticuare. Jadya juatsutu cuacuare mere sarera. Ecuita chipirudaque tumeque yahuaju aniya queja canerecatiticuare: “Micue mere aniyaque juatsu, micue mere paa. Aijama rique ecue ara ishuque”, jadya tujatu aticuare chipirudaque. Ecuitaratu cuadishacuare cuchi cuana naru ishu. Dyaque cuita aracara juatsu tujatu cuchi cuanara arayaque bijisericuare. Ni ejeradya jutidyatu ara ishuque tyacuare.
“Jadya tibudya tujatu inime tupucuare tuque juneniyaque. ‘Ecue etataja mere puji cuanaja taa tu aniya ara ishuque jetiama. Ique taa rehua arara majuya. Ecue etata queja tucue padirunuca. Jadya paadiru: “Ecue etata, cajuchatihua taa ique Yusu tsehue, miatsehue jadya. Mere taa amerecue. Micue bacua bucha bae aume. Micue mere puji bucha bae jutidya acue”, jadya era ecue etata paadiru’ jadya tujatu inime tupucuare. Jadya inime tuputsutu judirunucacuare tuja etataqueja etareju.
“Tuque japada jariju cuitadyatu etataque esirira batsacuare diruyaju. Batsatsu tujatu nerecabacuare. Tsajaja tsurutsa, macacatsa, dyahua jadya tujatu atsacuare. ‘Tata, cajuchatichine taa ique Yusu tsehue, miatsehue jadya. Micue bacua bucha batsae aume. Eje bucha micue bacua ique jadya ataqui ama mique baya’ jadya tujatu acuare tuja etataque. Etataqueratu ebacuaque quisaratiyaju bacaya ama bucha jadya acuare tuque merequi cuanaque: ‘Ebajarara ejutuqui jida pijique nequeticue. Nejutumerecue ecue ebacua. Nejutumerecue metara, zapatu jadya. Neiyeticue huaca ecuanara tsericuinashayaque. Nearaarara. Chine nejura. Riyaque ecue ebacua era emaju bucha bayaqueri chacha juetinucahua. Era eaputa bucha dutya huecaca adebayaqueri juetinucahua’ jadya tujatu ecana acuare. Jadya juatsu tuna catibuticuare chine.
“Tuna jadya juyajutu ebacuaque icueneque teeju mere juyaque judirucuare. Etare jipeajeyaque tujatu bacaajecuare tuna dudududuyaju, ijahue jadya juyaju. Judirutsu tujatu dudududuyaju bacatsu tuna merequique tueque cuetiya baatsu ihuaracuare. Ihuaratsu tujatu bacaduracuare: ‘¿Ai tuna juya? ¿Eje bucha juatsu tuna dudududuya, ijahue jadya juya?’. ‘Micue jautu juetihua. Micue tataratu iyemerehua huaca tseridaque, tuja ebacuaque jida chacha juetinucahua baatsu’ jadyatu tuna merequira acuare. Jadya bahue juatsutu eujique dyaque cahuaiticuare, yanacana chipiru ijehue pujija ebacaniju chine juya baatsu. Cahuaititsutu nubicarama jucuare. Tuja ebacuaque icueneque cahuaititsu nubicarama juya baatsutu esirique cuinanaticuare. ‘Nubicue, ebacua. Baeticue ecue jau. Juetinucahua rique’ jadya tujatu aticuare. Turatu etataque jadya atsacuare: ‘Aijama. Miquemi bahuedya eje uma mara era merehuaque eje bucha tsehue ama, ni micue yana acarama tsehue ama. Jadya ama bucha micue ique ni eje tupu etya uhuisha jabacua ecue iyuhueda cuana tsehue chine juyaque ara ishu. Jeeque micue bacuaratu yanacana ijehuene ahua micue chipiru epuna jidama cuana tsehue. Iyacua tuque juetihuaju tuquemi tuja ishu iyemerehua huaca tseridaque chine juyaque ara ishu’ jadya tujatu etataque atsacuare.
“‘Ecue ebacua, mique taa mi eatsehuedya. Dutya ecue aniyaque tu micuiquedya. Iyacua taa chine dyaque jida, pureama jadya nejura. Micue jau, era emaju bucha bayaquetu chacha juetinucahua. Era eaputa bucha ecue inime juyaqueri juetinucahua’ jadya tujatu ebacuaque acuare, —jadya tuna Jesúsra cuejacuare riyaque cuatsabiji.
(Riyaque cuatsabiji tsehue ecuana Jesúsra bahuityacara aya ecuana ejeque jucha aridaque inime cacuaretiyaju Yusu queja catyatiyaju ecuana pureama juishu.)

සවන් දෙන්න Lucas 15