<div class="version vid4121 iso6393nuj" data-vid="4121" data-iso6393="nuj">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">Ohusaaliwa hwa Yisaka</div><div class="p"> 1Ehiseera hyola, nga Musengwa a&#331;ambira Saala ehisa ng&#700;olu gamuloma era ng&#700;amu&#331;a ehi gamusuubisa. 2Nga Saala aba hida asaalira Yibbulayimu omwana omuseere mu hiseera ehyene n&#700;ehyene ehi Hatonda gamulagaania. Mu hiseera ehyo Yibbulayimu gaali asahulu&#331;ire. 3Nga Yibbulayimu aguliha omwana oyu Saala gamusaalira ati Yisaka.#21:3 Yisaka Esiina lino litegeesa liiti &#8220;ajeha.&#8221; 4Yisaka ni gahena endaalo munaana nga Yibbulayimu amuhomola ng&#700;olu Hatonda gamulagira. 5Yibbulayimu gaali a&#331;esa emyaha cikumi a&#331;a basaalira omwana wuwe Yisaka.</div><div class="p"> 6Nga Saala aloma ati, &#8220;Hatonda gapaaye enjeho era hiisi ana&#331;ulirenga ati &#331;ahani sundya omwana, yeesi aja hujehanga.&#8221; 7Era ng&#700;ameedaho ati, &#8220;Mu biseera ebyegongo eyo, nj&#700;ani owahalomire Yibbulayimu ati Saala alyokesa hu mwana? Aye mu busahulu wuwe musaaliiye omwana museere.&#8221;</div><div class="s">Babbinga Agali ni Yisimayiri</div><div class="p"> 8Nga Yisaka ahula a&#331;wa hwibeere era Yibbulayimu ganyiiya embaga hasiigu hu ludaalo olu baatusa Yisaka hu beere. 9Aye Saala ng&#700;abona ati omwana oyu Agali Omumisiri gasaalira Yibbulayimu, gaali ajeeja Yisaka. 10Nga Saala aloma Yibbulayimu ati, &#8220;Bbinga omuhasi oyo omwidu era atiine n&#700;omwana wuwe olwohuba omwana oyo abula mugabo mu by&#700;obusika n&#700;omwana wange Yisaka.&#8221;#Bag 4:30</div><div class="p"> 11Ehiitu ehyo hyaluma Yibbulayimu bugali olwohuba hyali hi&#331;amba hu mwana wuwe Yisimayiri. 12Aye Hatonda galoma Yibbulayimu ati, &#8220;Ebi&#331;amba hu muhasi omwidu n&#700;omwana wuwe bitahulumya mutwe. &#330;uliirisa ehi Saala ahuloma olwohuba abejuhulu aba nahusuubisa baaja hu&#331;wa mu nje Yisaka. 13Era nja hu&#331;a omwana w&#700;omuhasi omwidu yeesi ekabi afuuhe egwanga olwohuba mwana wuwo.&#8221;</div><div class="p"> 14Ni wahya, nga Yibbulayimu genyoha mu mugamba pwipwipwi a&#331;amba emere n&#700;amaaji mu sa&#331;u ey&#700;ehyanjo abi&#331;a Agali. Nga Yibbulayimu atwiha Agali ebiitu ebyo ahena amuseebula. Ng&#700;a&#331;o Agali asimbuha n&#700;omwana atiina agenda atyo atyo mu lulafu lw&#700;e Bberuseebba.</div><div class="p"> 15Amaaji ni ga&#331;wa mu sa&#331;u ey&#700;ehyanjo, ng&#700;Agali ata a&#331;o omwana &#331;aasi w&#700;ogusiiku. 16Ng&#700;a&#331;o atiina gehala &#331;aatu ni gesambireho ahanaa&#331;iro. Ng&#700;aloma mu mwoyo gugwe ati, &#8220;Sinenda hubona omwana wange n&#700;afa.&#8221; Agali ni gaali ni geehaye eyo gatandiha ohulira.</div><div class="p"> 17Oluvanyuma, Hatonda ga&#331;ulira Yisimayiri n&#700;alira, nga malayika wa Hatonda n&#700;ali mwigulu alanga Agali ati, &#8220;Agali, olirira hi? Otatya, Hatonda a&#331;uliiye ohulira hw&#700;omwana wuwo. 18Tiina omu&#331;ambe hu muhono omwinyose ohene omu&#331;oyerese olwohuba nja humufuula egwanga bbala.&#8221;</div><div class="p"> 19Ng&#700;a&#331;o Hatonda gegula emoni j&#700;Agali abona esobere ni yirimo amaaji. Ng&#700;atiina ada&#331;a amaaji gejusa esa&#331;u y&#700;ehyanjo eyi gaali ni nayo, ng&#700;a&#331;aho Yisimayiri ohunywa.</div><div class="p"> 20Nga Hatonda aba &#331;alala ni Yisimayiri, ng&#700;ahula, abanga mu lulafu era gafuuha omu&#331;iimi ha&#331;unye. 21Olulafu olu gamenyangamo baali balulanga baati Parani era n&#700;ali eyo nga nyina amusunirayo omuhasi ohu&#331;wa e Misiri.</div><div class="s">Yibbulayimu ahola endagaano n&#700;Abbimereki</div><div class="p"> 22Lulala, habaha Abbimereki ko ni Fikoli omuhulu w&#700;e&#331;e lirye bahyala ewa Yibbulayimu. Nga habaha amuloma ati, &#8220;Mbona Hatonda ali &#331;alala ni neewe mu byosibyosi ebi ohola. 23Kusunga olayire mu moni ja Hatonda oti oja huba w&#700;amazima eyi ndi n&#700;eyiri abaana oba abejuhulu bange. Ese mbaye wa hisa eyi oli. Kale kusunga weesi obe wahisa eyi ndi ko n&#700;abaatu bomu gwanga lyange omu oli ng&#700;omubuli.&#8221;</div><div class="p"> 24Nga Yibbulayimu amugobolamo ati, &#8220;Kusuubisa ohuhola tyo.&#8221;</div><div class="p"> 25Ng&#700;a&#331;o Yibbulayimu gemulugunya eyiri Abbimereki olw&#700;esobere eyi abeedu babe bamutusaho. 26Ng&#700;Abbimereki amugobolamo ati, &#8220;Simanyire owahutusaho esobere eyo. Siwundomerangaho oti abeedu bange bayihu&#331;iraho, ko ki&#331;ulira lwa leero luno.&#8221;</div><div class="p"> 27Nga Yibbulayimu atiina a&#331;amba etaama n&#700;esaame abi&#331;a Abbimereki, nga bombi bahola endagaano. 28Ng&#700;a&#331;o Yibbulayimu atiina mu higo a&#331;amba etaama enduusi musanvu, ajabula ajita eruuyi. 29Ng&#700;Abbimereki abuusa Yibbulayimu ati, &#8220;Otegeesa hi ohu&#331;amba etaama enduusi omusanvu wajita &#331;a jo&#331;ene?&#8221;</div><div class="p"> 30Nga Yibbulayimu amugobolamo ati, &#8220;Kusunga o&#331;ire etaama jino ohebulirirengaho oti ndiise owayaba esobere yino.&#8221;</div><div class="p"> 31Ng&#700;ehifo ehyo bahiranga baati Bberuseebba#21:31 Bberuseebba hitegeesa &#8220;esobere eyi baholeraho endagaano.&#8221; olwohuba abo bombi baholera&#331;o endagaano.</div><div class="p"> 32Oluvanyuma lw&#700;ohuhola endagaano mu hifo ehi balanga baati Bberuseebba, ng&#700;Abbimereki ni Fikoli omuhulu w&#700;e&#331;e lirye, ba&#331;amba engira bagamayo mu twale ly&#700;Abafirisuuti. 33Nga Yibbulayimu ahoma omunyulira e Bberuseebba, ng&#700;ajumirihisyangamo Musengwa Hatonda ow&#700;Emirembe n&#700;Emirembe. 34Nga Yibbulayimu amenya mu twale ly&#700;Abafirisuuti ohuhena ehiseera hiree&#331;i.</div>
 </div>
 </div>
</div>

Ehiseera hyola, nga MUSENGWA aŋambira Saala ehisa ngʼolu gamuloma era ngʼamuŋa ehi gamusuubisa. Nga Saala aba hida asaalira Yibbulayimu omwana omuseere mu hiseera ehyene nʼehyene ehi Hatonda gamulagaania. Mu hiseera ehyo Yibbulayimu gaali asahuluŋire. Nga Yibbulayimu aguliha omwana oyu Saala gamusaalira ati Yisaka. Yisaka ni gahena endaalo munaana nga Yibbulayimu amuhomola ngʼolu Hatonda gamulagira. Yibbulayimu gaali aŋesa emyaha cikumi aŋa basaalira omwana wuwe Yisaka.
Nga Saala aloma ati, “Hatonda gapaaye enjeho era hiisi anaŋulirenga ati ŋahani sundya omwana, yeesi aja hujehanga.” Era ngʼameedaho ati, “Mu biseera ebyegongo eyo, njʼani owahalomire Yibbulayimu ati Saala alyokesa hu mwana? Aye mu busahulu wuwe musaaliiye omwana museere.”

Nga Yisaka ahula aŋwa hwibeere era Yibbulayimu ganyiiya embaga hasiigu hu ludaalo olu baatusa Yisaka hu beere. Aye Saala ngʼabona ati omwana oyu Agali Omumisiri gasaalira Yibbulayimu, gaali ajeeja Yisaka. Nga Saala aloma Yibbulayimu ati, “Bbinga omuhasi oyo omwidu era atiine nʼomwana wuwe olwohuba omwana oyo abula mugabo mu byʼobusika nʼomwana wange Yisaka.”
Ehiitu ehyo hyaluma Yibbulayimu bugali olwohuba hyali hiŋamba hu mwana wuwe Yisimayiri. Aye Hatonda galoma Yibbulayimu ati, “Ebiŋamba hu muhasi omwidu nʼomwana wuwe bitahulumya mutwe. Ŋuliirisa ehi Saala ahuloma olwohuba abejuhulu aba nahusuubisa baaja huŋwa mu nje Yisaka. Era nja huŋa omwana wʼomuhasi omwidu yeesi ekabi afuuhe egwanga olwohuba mwana wuwo.”
Ni wahya, nga Yibbulayimu genyoha mu mugamba pwipwipwi aŋamba emere nʼamaaji mu saŋu eyʼehyanjo abiŋa Agali. Nga Yibbulayimu atwiha Agali ebiitu ebyo ahena amuseebula. Ngʼaŋo Agali asimbuha nʼomwana atiina agenda atyo atyo mu lulafu lwʼe Bberuseebba.
Amaaji ni gaŋwa mu saŋu eyʼehyanjo, ngʼAgali ata aŋo omwana ŋaasi wʼogusiiku. Ngʼaŋo atiina gehala ŋaatu ni gesambireho ahanaaŋiro. Ngʼaloma mu mwoyo gugwe ati, “Sinenda hubona omwana wange nʼafa.” Agali ni gaali ni geehaye eyo gatandiha ohulira.
Oluvanyuma, Hatonda gaŋulira Yisimayiri nʼalira, nga malayika wa Hatonda nʼali mwigulu alanga Agali ati, “Agali, olirira hi? Otatya, Hatonda aŋuliiye ohulira hwʼomwana wuwo. Tiina omuŋambe hu muhono omwinyose ohene omuŋoyerese olwohuba nja humufuula egwanga bbala.”
Ngʼaŋo Hatonda gegula emoni jʼAgali abona esobere ni yirimo amaaji. Ngʼatiina adaŋa amaaji gejusa esaŋu yʼehyanjo eyi gaali ni nayo, ngʼaŋaho Yisimayiri ohunywa.
Nga Hatonda aba ŋalala ni Yisimayiri, ngʼahula, abanga mu lulafu era gafuuha omuŋiimi haŋunye. Olulafu olu gamenyangamo baali balulanga baati Parani era nʼali eyo nga nyina amusunirayo omuhasi ohuŋwa e Misiri.

Lulala, habaha Abbimereki ko ni Fikoli omuhulu wʼeŋe lirye bahyala ewa Yibbulayimu. Nga habaha amuloma ati, “Mbona Hatonda ali ŋalala ni neewe mu byosibyosi ebi ohola. Kusunga olayire mu moni ja Hatonda oti oja huba wʼamazima eyi ndi nʼeyiri abaana oba abejuhulu bange. Ese mbaye wa hisa eyi oli. Kale kusunga weesi obe wahisa eyi ndi ko nʼabaatu bomu gwanga lyange omu oli ngʼomubuli.”
Nga Yibbulayimu amugobolamo ati, “Kusuubisa ohuhola tyo.”
Ngʼaŋo Yibbulayimu gemulugunya eyiri Abbimereki olwʼesobere eyi abeedu babe bamutusaho. NgʼAbbimereki amugobolamo ati, “Simanyire owahutusaho esobere eyo. Siwundomerangaho oti abeedu bange bayihuŋiraho, ko kiŋulira lwa leero luno.”
Nga Yibbulayimu atiina aŋamba etaama nʼesaame abiŋa Abbimereki, nga bombi bahola endagaano. Ngʼaŋo Yibbulayimu atiina mu higo aŋamba etaama enduusi musanvu, ajabula ajita eruuyi. NgʼAbbimereki abuusa Yibbulayimu ati, “Otegeesa hi ohuŋamba etaama enduusi omusanvu wajita ŋa joŋene?”
Nga Yibbulayimu amugobolamo ati, “Kusunga oŋire etaama jino ohebulirirengaho oti ndiise owayaba esobere yino.”
Ngʼehifo ehyo bahiranga baati Bberuseebba olwohuba abo bombi baholeraŋo endagaano.
Oluvanyuma lwʼohuhola endagaano mu hifo ehi balanga baati Bberuseebba, ngʼAbbimereki ni Fikoli omuhulu wʼeŋe lirye, baŋamba engira bagamayo mu twale lyʼAbafirisuuti. Nga Yibbulayimu ahoma omunyulira e Bberuseebba, ngʼajumirihisyangamo MUSENGWA Hatonda owʼEmirembe nʼEmirembe. Nga Yibbulayimu amenya mu twale lyʼAbafirisuuti ohuhena ehiseera hireeŋi.

සවන් දෙන්න Etandiha 21