<div class="version vid4121 iso6393nuj" data-vid="4121" data-iso6393="nuj">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Abageni abadatu</div><div class="p"> 1Lulala, Musengwa gabonehera Yibbulayimu &#331;aapi n&#700;emitumba j&#700;e Mamule ko ni gaali ni gehaaye &#331;a mulyango ogwingira mu weema yiye mu saawa ejomu muusi. 2Mu hiseera ehyo, Yibbulayimu ni gagangamusa emoni gabona abasinde badatu ni bemire &#331;aapi a&#331;o ni naye. Ni gababona, nga mangumangu genyoha atiina a&#331;a baali, ahubba amafuha ohulaga ati aba&#331;a e&#331;ono.</div><div class="p"> 3Ng&#700;a&#331;o amuloma ati, &#8220;Musengwa, kusunga wupambire ehisa, otabita hubita &#331;a w&#700;omwidu wuwo. 4Leha baleete amaaji, musaabeho amagulu, muhene mu&#331;uumulireho mu musaala guno. 5Mba&#331;eho n&#700;ehyohulya, mwahagobolamo amaani ko mweyongereyo mu lugendo lwenywe. Mbasunga muganye ng&#700;olu mwolire &#331;a w&#700;omwidu wenywe.&#8221;</div><div class="p">Ng&#700;a&#331;o bamuloma baati, &#8220;&#330;a&#331;uma bubi, hola otyo ng&#700;olu oteesa.&#8221;</div><div class="p"> 6Ng&#700;a&#331;o Yibbulayimu a&#331;ita&#331;itaho atiina gengira mu weema eyaali Saala omuhasi wuwe, amuloma ati, &#8220;Wange husunire abageni, tegeha&#331;o mangumangu ebideeja bidatu eby&#700;obusyanu obula&#331;i, obanyiiyire&#331;o ehyohulya.&#8221;</div><div class="p"> 7Nga Yibbulayimu gangu&#331;aho atiina mu hidooli, aleeta e&#331;ombe ehitobbwatobbwa ayi&#331;a omwidu ohuyisala, ayinyiiye mangumangu. 8Ni yanya, nga Yibbulayimu a&#331;amba omuzigo n&#700;amabere n&#700;enyama abi&#331;ira abii&#331;ula abageni. Ng&#700;ahena atiina gemeerera hu tulo mu musaala a&#331;aapi na&#331;a bageni baali ni baliira, aba&#331;eerese.</div><div class="p"> 9Ni bahena ohulya, nga bamubuusa baati, &#8220;Saala omuhasi wuwo ali &#331;e?&#8221;</div><div class="p">Ng&#700;abagobolamo ati, &#8220;Ali&#331;o, ali mu weema.&#8221;</div><div class="p"> 10Ng&#700;a&#331;o Musengwa aloma Yibbulayimu ati, &#8220;Mu butuufu ehiseera hya hino omwaha oguuja a&#331;a nja hugobolera, Saala omuhasi wuwo aliba asaaye omwana omuseere.&#8221;#Bar 9:9</div><div class="p">Saala gaali &#331;a mulyango gw&#700;eweema eyi bageni baali ni bahubbire omugongo n&#700;a&#331;ulira ebyo byosibyosi. 11Yibbulayimu ni Saala baali basahulu&#331;ire ehibitiriiye era Saala gaali gabisya emyaha ej&#700;ohusaala. 12Olw&#700;ehyo nga Saala ajeha n&#700;aloma ati, &#8220;Obanga ese nesahulu&#331;iiye era ni musengwa yange yeesi gesahulu&#331;iiye, kinyumirwa ebiitu hy&#700;ebyo?&#8221;</div><div class="p"> 13Nga Musengwa aloma Yibbulayimu ati, &#8220;Lwahiina Saala ajehire n&#700;aloma ati, &#8216;Mu butuufu sobola ohusuna omwana ate nesahulu&#331;iiye?&#8217; 14&#330;ali&#331;o ehihaya Musengwa? Nja hugobola mu hiseera hya hino omwaha oguuja, Saala aliba asaaye omwana museere.&#8221;</div><div class="p"> 15Olw&#700;obuti nga Saala aloma n&#700;adulinga ati, &#8220;Sinjehe bbe.&#8221;</div><div class="p">Aye nga Musengwa amuloma n&#700;amuhamiirisa ati, &#8220;Otegaana, ojehire.&#8221;</div><div class="s">Yibbulayimu asabira Sodoma</div><div class="p"> 16Ng&#700;a&#331;o abasinde abo benyoha batiina a&#331;a baali ni basobola ohulengera ehibuga hy&#700;e Sodoma. Era Yibbulayimu gaba&#331;ereheraho. 17Nga Musengwa aloma ati, &#8220;Sinja huhweha Yibbulayimu ehi nenda ohuhola 18olwohuba nja humufuula egwanga ebbala ery&#700;amaani era amawanga gosigosi hu hyalo gaja husuna ekabi ohubitira mu niye. 19Mutobooye ohutangirira olulyo lulwe ohu&#331;amba engira ya Musengwa bahole ebiru&#331;amu ni batehubbira, noherese ehi namusuubisa.&#8221;</div><div class="p"> 20Nga Musengwa aloma ati, &#8220;Ohulira hw&#700;abaatu hu bi&#331;amba hu Sodoma ni Gomora hubitiirifu era n&#700;ebibi byawe birumya, 21nja hutiina mbone oba ebi bahola bi&#331;era&#331;erana n&#700;ohulira ohupulira. Ebikolwa byawe binaba ni biri bira&#331;i, sinja hubasihiirisa.&#8221;</div><div class="p"> 22Abasinde abo, baa&#331;wa&#331;o batiina e Sodoma aye Yibbulayimu gasigala n&#700;ahyemire mu moni ja Musengwa. 23Nga Yibbulayimu gesendaho a&#331;ali Musengwa amuloma ati, &#8220;Oja husihiirisa abagwalaafu n&#700;ababbengi &#331;alala? 24Ne singa ebaayo abagwalaafu amahumi ataanu mu hibuga hy&#700;e Sodoma, oja huhisihiirisa? 25Kusunga otasihiirihisa abagwalaafu &#331;alala n&#700;ababbengi, ni &#331;a&#331;uma&#331;o njabulo &#331;agati w&#700;abagwalaafu n&#700;ababbengi. Ewe Omulamuzi w&#700;ehyalo hyosihyosi, oja hwehubbira?&#8221;</div><div class="p"> 26Ng&#700;a&#331;o Musengwa aloma Yibbulayimu ati, &#8220;Singa ebaayo abagwalaafu ataanu mu hibuga Sodoma, sinja huhisihiirisa hu lwawe.&#8221;</div><div class="p"> 27Nga Yibbulayimu aloma ati, &#8220;Onaasoni&#331;e ohuloma ni Musengwa wayire nga ndi muutu wuutu. 28Ne singa abagwalaafu baba amahumi ane n&#700;abataanu, onasihiirihise ehibuga hyosihyosi? Oja husihiirisa ehibuga olwohuba hu&#331;umiraho bataanu?&#8221;</div><div class="p">Nga Musengwa amuloma ati, &#8220;Singa mubamo amahumi ane n&#700;abataanu, sinja husihiirisa hibuga ehyo.&#8221;</div><div class="p"> 29Nga nindi Yibbulayimu amuloma ati, &#8220;Ne singa ebaayo abagwalaafu amahumi ane go&#331;ene?&#8221;</div><div class="p">Nga Musengwa amuloma ati, &#8220;Sinja husihiirisa hibuga olw&#700;amahumi ane ago.&#8221;</div><div class="p"> 30Ng&#700;a&#331;o Yibbulayimu amuloma ati, &#8220;Musengwa, kusunga otandu&#331;ira aye handomeho: ne singa ebaayo adatu abagwalaafu, onabasihiirise?&#8221;</div><div class="p">Nga niye amugobolamo ati, &#8220;Bbe, sinja hubasihiirisa singa nagaanayo amahumi adatu.&#8221;</div><div class="p"> 31Nga Yibbulayimu aloma Musengwa ati, &#8220;Onaasoni&#331;e ohweyongera ohuloma ni neewe, ne singa ebaayo amahumi abiri bo&#331;ene?&#8221;</div><div class="p">Nga Musengwa amugobolamo ati, &#8220;Sinja husihiirisa hibuga ehyo olw&#700;abagwalaafu amahumi abiri.&#8221;</div><div class="p"> 32Ng&#700;a&#331;o Yibbulayimu amuloma ati, &#8220;Musengwa, kusunga otandu&#331;ira aye fugiirire ndomeho omulundi ogusembayo guno gwo&#331;ene. Ne singa ebaayo ehumi bo&#331;ene?&#8221;</div><div class="p">Nga Musengwa amugobolamo ati, &#8220;Sinja husihiirisa hibuga ehyo olw&#700;abaatu ehumi abagwalaafu.&#8221;</div><div class="p"> 33 Musengwa ni gahena ohuloma ni Yibbulayimu, ga&#331;amba engira getiinira nga Yibbulayimu yeesi gagamayo.</div>
 </div>
 </div>
</div>

Lulala, MUSENGWA gabonehera Yibbulayimu ŋaapi nʼemitumba jʼe Mamule ko ni gaali ni gehaaye ŋa mulyango ogwingira mu weema yiye mu saawa ejomu muusi. Mu hiseera ehyo, Yibbulayimu ni gagangamusa emoni gabona abasinde badatu ni bemire ŋaapi aŋo ni naye. Ni gababona, nga mangumangu genyoha atiina aŋa baali, ahubba amafuha ohulaga ati abaŋa eŋono.
Ngʼaŋo amuloma ati, “Musengwa, kusunga wupambire ehisa, otabita hubita ŋa wʼomwidu wuwo. Leha baleete amaaji, musaabeho amagulu, muhene muŋuumulireho mu musaala guno. Mbaŋeho nʼehyohulya, mwahagobolamo amaani ko mweyongereyo mu lugendo lwenywe. Mbasunga muganye ngʼolu mwolire ŋa wʼomwidu wenywe.”
Ngʼaŋo bamuloma baati, “Ŋaŋuma bubi, hola otyo ngʼolu oteesa.”
Ngʼaŋo Yibbulayimu aŋitaŋitaho atiina gengira mu weema eyaali Saala omuhasi wuwe, amuloma ati, “Wange husunire abageni, tegehaŋo mangumangu ebideeja bidatu ebyʼobusyanu obulaŋi, obanyiiyireŋo ehyohulya.”
Nga Yibbulayimu ganguŋaho atiina mu hidooli, aleeta eŋombe ehitobbwatobbwa ayiŋa omwidu ohuyisala, ayinyiiye mangumangu. Ni yanya, nga Yibbulayimu aŋamba omuzigo nʼamabere nʼenyama abiŋira abiiŋula abageni. Ngʼahena atiina gemeerera hu tulo mu musaala aŋaapi naŋa bageni baali ni baliira, abaŋeerese.
Ni bahena ohulya, nga bamubuusa baati, “Saala omuhasi wuwo ali ŋe?”
Ngʼabagobolamo ati, “Aliŋo, ali mu weema.”
Ngʼaŋo MUSENGWA aloma Yibbulayimu ati, “Mu butuufu ehiseera hya hino omwaha oguuja aŋa nja hugobolera, Saala omuhasi wuwo aliba asaaye omwana omuseere.”
Saala gaali ŋa mulyango gwʼeweema eyi bageni baali ni bahubbire omugongo nʼaŋulira ebyo byosibyosi. Yibbulayimu ni Saala baali basahuluŋire ehibitiriiye era Saala gaali gabisya emyaha ejʼohusaala. Olwʼehyo nga Saala ajeha nʼaloma ati, “Obanga ese nesahuluŋiiye era ni musengwa yange yeesi gesahuluŋiiye, kinyumirwa ebiitu hyʼebyo?”
Nga MUSENGWA aloma Yibbulayimu ati, “Lwahiina Saala ajehire nʼaloma ati, ‘Mu butuufu sobola ohusuna omwana ate nesahuluŋiiye?’ Ŋaliŋo ehihaya MUSENGWA? Nja hugobola mu hiseera hya hino omwaha oguuja, Saala aliba asaaye omwana museere.”
Olwʼobuti nga Saala aloma nʼadulinga ati, “Sinjehe bbe.”
Aye nga MUSENGWA amuloma nʼamuhamiirisa ati, “Otegaana, ojehire.”

Ngʼaŋo abasinde abo benyoha batiina aŋa baali ni basobola ohulengera ehibuga hyʼe Sodoma. Era Yibbulayimu gabaŋereheraho. Nga MUSENGWA aloma ati, “Sinja huhweha Yibbulayimu ehi nenda ohuhola olwohuba nja humufuula egwanga ebbala eryʼamaani era amawanga gosigosi hu hyalo gaja husuna ekabi ohubitira mu niye. Mutobooye ohutangirira olulyo lulwe ohuŋamba engira ya MUSENGWA bahole ebiruŋamu ni batehubbira, noherese ehi namusuubisa.”
Nga MUSENGWA aloma ati, “Ohulira hwʼabaatu hu biŋamba hu Sodoma ni Gomora hubitiirifu era nʼebibi byawe birumya, nja hutiina mbone oba ebi bahola biŋeraŋerana nʼohulira ohupulira. Ebikolwa byawe binaba ni biri biraŋi, sinja hubasihiirisa.”
Abasinde abo, baaŋwaŋo batiina e Sodoma aye Yibbulayimu gasigala nʼahyemire mu moni ja MUSENGWA. Nga Yibbulayimu gesendaho aŋali MUSENGWA amuloma ati, “Oja husihiirisa abagwalaafu nʼababbengi ŋalala? Ne singa ebaayo abagwalaafu amahumi ataanu mu hibuga hyʼe Sodoma, oja huhisihiirisa? Kusunga otasihiirihisa abagwalaafu ŋalala nʼababbengi, ni ŋaŋumaŋo njabulo ŋagati wʼabagwalaafu nʼababbengi. Ewe Omulamuzi wʼehyalo hyosihyosi, oja hwehubbira?”
Ngʼaŋo MUSENGWA aloma Yibbulayimu ati, “Singa ebaayo abagwalaafu ataanu mu hibuga Sodoma, sinja huhisihiirisa hu lwawe.”
Nga Yibbulayimu aloma ati, “Onaasoniŋe ohuloma ni Musengwa wayire nga ndi muutu wuutu. Ne singa abagwalaafu baba amahumi ane nʼabataanu, onasihiirihise ehibuga hyosihyosi? Oja husihiirisa ehibuga olwohuba huŋumiraho bataanu?”
Nga MUSENGWA amuloma ati, “Singa mubamo amahumi ane nʼabataanu, sinja husihiirisa hibuga ehyo.”
Nga nindi Yibbulayimu amuloma ati, “Ne singa ebaayo abagwalaafu amahumi ane goŋene?”
Nga MUSENGWA amuloma ati, “Sinja husihiirisa hibuga olwʼamahumi ane ago.”
Ngʼaŋo Yibbulayimu amuloma ati, “Musengwa, kusunga otanduŋira aye handomeho: ne singa ebaayo adatu abagwalaafu, onabasihiirise?”
Nga niye amugobolamo ati, “Bbe, sinja hubasihiirisa singa nagaanayo amahumi adatu.”
Nga Yibbulayimu aloma MUSENGWA ati, “Onaasoniŋe ohweyongera ohuloma ni neewe, ne singa ebaayo amahumi abiri boŋene?”
Nga MUSENGWA amugobolamo ati, “Sinja husihiirisa hibuga ehyo olwʼabagwalaafu amahumi abiri.”
Ngʼaŋo Yibbulayimu amuloma ati, “Musengwa, kusunga otanduŋira aye fugiirire ndomeho omulundi ogusembayo guno gwoŋene. Ne singa ebaayo ehumi boŋene?”
Nga MUSENGWA amugobolamo ati, “Sinja husihiirisa hibuga ehyo olwʼabaatu ehumi abagwalaafu.”
MUSENGWA ni gahena ohuloma ni Yibbulayimu, gaŋamba engira getiinira nga Yibbulayimu yeesi gagamayo.

සවන් දෙන්න Etandiha 18