<div class="version vid4101 iso6393sjw" data-vid="4101" data-iso6393="sjw">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="p"> 1Chena huttv macimi bami pamfaci srpwi Calago. 2Chena wrpvmahku, ilani Sagivs&#8217; yrsi wenofu; macimi ugimrwi daxewi-mrwvtunigahfi inv, chena pvwawv. 3Chena inv u nvtunahv wvhsi nawrci Jesiseli si wiyafv inv; macimi rlwi kvtvwafi xvga inv yafusgrtv uci, xvga mrspafefi inv. 4Chena negrni si qvqi, macimi vgofiwa gesowvhqvdoli wvhsi nawrci : xvga ini wvyaci si pamfali nili. 5Chena Jesise iah birci ini tvsi, spamagi lrpi, macimi, Sagivs&#8217;, hrpatafilu, chena lrsiwalu; xvga inugi grsagigi qelvhi yadrivni wegiwr-pagi ni hvpi, u talrli. 6Chena inv r-patafi, chena lrsiwa, macimi usvsilvwrlrli nili. 7Chena nihki iah namuwrci ini jrivhki pagihgrwaki, Nhawv inv u mvwi gigahsi-lutvwrli ilaneli majelafilici, iwvki nihki. 8Macimi nepvwi Sagivs&#8217;, chena, Wrpvtvnu, Dabalamiwatv, ini pvhfi ni wiahemv ni melv inv gitamrfv; chena qahqi wiyafv ilani ni mahci ufrmi bemi mvyrwi lutvwv wiahi ni patagfatu nyawagfanwi, u talrli nili Dabalamiwalici. 9Macimi Jesise, Inugi grsagigi wrpvnsewa yomv si biaiv wegiwr-pagi, xvga nahfrpiu nileni u qihfvli Aplah-ame, 10Xvga inv u Qihfvli ilani u biaci nvtunahv macimi wrp-nastu ini wa-wvndodagi, u talrli nili.</div><div class="p"> 11Chena yasi nihi notvmalici yolumv wiahi, u golutu macimi kvlvwi pamrtuwawa, xvga mrlrqvhi Culosalamegi vpiwv, chena xvga nihki tuga si tahaki wvhsi ini ugimrwi-drmkumi Mvnatu walanv tapinvukugi. 12Waciganv&#8217; hiwv inv, Nr-nakuti utvg-alamaqi-lani wapfa paluwi drmqa hawv, wvhsi welv utafici ugim-rwi-drmqa, macimi wvhsi patagi birci. 13Chena utvhpi-mvhi matvhfwi vlolrkvnhi welv, macimi u melvhi matvhfwi pvunewvli, chena, Yomv uci wedgeku brluhi biriv, u talvhi nihi. 14Pvyaqv u segala-makuhi u sitvsinemhi, macimi u nrwvlwi sfvdrkuhi macicigamowa, Mvtv ni tasi tahapa wvhsi yrmv ilani ugimr-utvwiv-magici, iyoiv. 15Chena ini biamikvtwi, iah patagi birci nuhgi, mahci utafi ini ugimrwi-drmqa, tapigamu wvhsi iuhumv vlolrkvnhi, mviahci melrci ini muni, welv si utvhpimofulici, wvhsi manvwvhga wrku-tvgi mviahci kvtvwihkv-malici wedge wa uci. 16Macimi biali ya-lvhfvmeci nili nhihtv, Dabalamiwatv, gi pvunemv u macdonv matvhfwi si vlikv pvunewvli, iwvlipi. 17Macimi, G&#8217;uwasi lvwi, gelv uwasi vlolrkv : Xvga gelv gi mgrgopi gi tapvsvwafi tapilo cvgi wiahi, bonvnu wvh simakufi-utvmvni matvhfwi udawanv, u talrli nili. 18Chena nili biali mvwi-neswi, Gi pvunemv, Dabalamiwatv, u macdonv nyrlvnwi pvunewvli, iwv-li nili. 19Chena Gelv nahfrpi ilafiutvnu nyrlvnwi udawanv, u talrli nili nahfrpi. 20Chena nuhgi kutvkv biawv, Dabalamiwatv, wrpvtvnu, vlv yomv gi pvunemi, gah-citvufadoiv kvhfilacahowa-nagi 21xvga gi kufala, gi kufaqrci laniwi gelv xvga : gi kuqitanv ini buryr gelv sagfadoivni, macimi gi kvwvsqhrwa ini buryr vhdoivni gelv, isiwa inv. 22Nahvlwrkv gelv gi doni ga hutvh-kuwrlala, gelv wanrtafitv vlolrkv. Gi wrkutv yasi kufaqrci lani-wiv, ni kuqitanv ini buryr nelv sagfadoiv, macimi ni kvwvsqhrwa ini buryr nelv vhdoiv; 23huwa gociwa mvtv gitah meliwa ni munami ini munigr-nagi, macimi tvh biriv naiahkv nih mvyrwi utvhpanv ini gilagi tvh nosayrgi? u talrli nili. 24Macimi, Mvmv-wahku ini pvuni, chena ini inv melahku ba-bonvkv nili matvhfwi pvunewvli, u talvhi nihi na-nepvwilici mrlrqvhi. 25Chena nihi, Dabalamiwatv, u bonrnv inv matvhfwi pvunewvli, u takuhi. 26Gi talapwv nelv, xvga jrgi wiyafv ba-bonvkv wah melaqi : wakv inv uci babur bonvkv, weginrqi ini ba-bonvgi wah mvmrqi inv. 27Wakv iuhkumv ni mvdaladewanvki, mvtv yasi tahacki wi hugimv-utvwvki, utvsi bialahku, macimi nfahku yalvhfvmeiv, isiwapi, u talvhi.</div><div class="p"> 28Chena iah mahtuwaci vlveni, via wapfa negrni, Culosala-megi hawv.</div><div class="p"> 29Chena ini biamikvtwi, iah mrlrqvhi birci Pafajegi chena Pafanagi, mrlrqvhi ini maqvhgefigi Vlifiat si dota, uta laskv-wvhi neswi nihi kvgahgimrfhi, 30Nhrkuna ini udawanahi yadagi yalvhf vme-yaqa; betiga ini yasi uttv-maqa ga mkvwrwv mvhgota-lafv gjepifu, buryr lrqv gawvgi ilani nviakuci : palhuhku inv, macimi bialahku. 31Chena wiyafv nvtuhdolwrqa, Gociwa ki pal-whrwv? vlveni, Inv Dabalamiwatv ut vgrwrlrli, ga hiupwv, u ta-lvhi. 32Macimi nihki wa-wrwenasgofucki wapfaki, chena data-pilvhi si mkvhfoki yasi inv mahci mrci nihi. 33Chena yasi nihki palwhrwrci nili mvhgotalafvli, nihi wa-uwelrmilici &#8217;n&#8217;tvsi, Gociwa ki palwhrwv inv mvhgotalafv? u takuwvhi. 34Macimi nihki, Inv Dabalamiwatv ut vgrwrlrli, isiwaki. 35Macimi Jesiseli u biatv-wrwrli nili : chena nihki usgici nili mvhgotalafvli ut ipvgidr-nrwv u betanikvnwv, macimi u lamvtvphr-wrli Jesiseli &#8217;n&#8217;tvsi usgici. 36Macimi yasi inv wapfaci, nihki u sakvtanr-nrwv u betanikvn-wv ini yala myawigi. 37Chena yasi inv uwa mrlrqvhi biadfaci, datapilvhi ini waci lwrmvhgigi ini Vlfiwi makvhgefigi, malsga inv mahsalakv kvgahgimrfv vlami usvsilapwv macimi ulrmi ntvlvhotvmwv u wivwvhgrlrli Mvnadoli nili uci jrivhki wrsikvgi pakvtafewanv mviahci namuwrci nihki; 38Gisrda-lamakufi ca hinv Ugimv ba-biatv ini u wefowa-nagi inv Dabalamiwatv : grmrnelafewa cahi betiga wafapvh-kvmigigi, macimi wvhfrci-makufewa ini wihkuci lspi, iwvki. 39Chena nrlatv nihki Pala-seki inv mahsalakv uci, Ga-gahgimiwa, kutasi gi kvgahgimrfvki, u talrwrli. 40Macimi rpvfsa chena, Gi talapwv ini, qahqi wah nolaweki iuhkumv nihki sekunvki wah wivkvhotvmoki, iwv inv.</div><div class="p"> 41Chena iah mrlrqvhi birci, u nama ini udawa macimi u mv-witv ini, 42Qahqi iahgi hu, wrkutvmvna inugi grsagigi, wegi-nrqi gelv, nili wiahi grmrnelaf ewa-nagi yatvkugi ! wakv uwa nili gigidota gi sgesaku wvyaci uci. 43Xvga nili grsagiki nvhekv wah biaiv gelv, ina gi mvdaladewanvki grwvci gelv wa ipvgidr-nrwv bamrmahgigi, macimi gah grwvci gipusgrgoki gelv, chena ga gjetunagoki betiga jrgi wiyatvhqa, 44macimi ini vsisgegi ga ipvgilagoki, macimi git vpaluhfamvki betiga gelv; chena nihki mvtv wa ckunrwrli geyrgi nakuti sekunvli usgici kutvkvli; xvga mvtv gi wrkutv ini lrqv vludrfowa, iwvpi.</div><div class="p"> 45Chena u becfvtv ini mvmrtumawi-kvmiqi, macimi ut vlami luhfa-pvgilvhi nihi wr-wedgelici, 46Mahtvwigapi ini, Ma-cimi yadriv wegiwv mvmrtuma-wikv wa hinwi : wakv gelvwv jekuniwahfeki u wegiwrlvkumwv gi tasi macdonrwv ini, u talvhi nihi.</div><div class="p"> 47Chena kvgahgimiwa tfana wrpvgi ini mvmrtumawi-kvmikugi. Pvyaqv nihki ugimrwi mkvtaukulvyaki chena nihki yrivwigacki chena nihi ugimrwi-lane-mwvhi nihki lanvwaki u nvtunahr-nrwv wvhsi iqinahrwrci nili : 48macimi ud rlwi mgrn-rwv nihki wvh manvwvhi silvwewrci; xvga nihki lanvwaki jrivh-ki nili utvgoci-noki, vhkvwahsaki.</div>
 </div>
 </div>
</div>

Published for Thomas Wildcat Alford in 1929

Chena huttv macimi bami pamfaci srpwi Calago. Chena wrpvmahku, ilani Sagivs’ yrsi wenofu; macimi ugimrwi daxewi-mrwvtunigahfi inv, chena pvwawv. Chena inv u nvtunahv wvhsi nawrci Jesiseli si wiyafv inv; macimi rlwi kvtvwafi xvga inv yafusgrtv uci, xvga mrspafefi inv. Chena negrni si qvqi, macimi vgofiwa gesowvhqvdoli wvhsi nawrci : xvga ini wvyaci si pamfali nili. Chena Jesise iah birci ini tvsi, spamagi lrpi, macimi, Sagivs’, hrpatafilu, chena lrsiwalu; xvga inugi grsagigi qelvhi yadrivni wegiwr-pagi ni hvpi, u talrli. Chena inv r-patafi, chena lrsiwa, macimi usvsilvwrlrli nili. Chena nihki iah namuwrci ini jrivhki pagihgrwaki, Nhawv inv u mvwi gigahsi-lutvwrli ilaneli majelafilici, iwvki nihki. Macimi nepvwi Sagivs’, chena, Wrpvtvnu, Dabalamiwatv, ini pvhfi ni wiahemv ni melv inv gitamrfv; chena qahqi wiyafv ilani ni mahci ufrmi bemi mvyrwi lutvwv wiahi ni patagfatu nyawagfanwi, u talrli nili Dabalamiwalici. Macimi Jesise, Inugi grsagigi wrpvnsewa yomv si biaiv wegiwr-pagi, xvga nahfrpiu nileni u qihfvli Aplah-ame, Xvga inv u Qihfvli ilani u biaci nvtunahv macimi wrp-nastu ini wa-wvndodagi, u talrli nili.
Chena yasi nihi notvmalici yolumv wiahi, u golutu macimi kvlvwi pamrtuwawa, xvga mrlrqvhi Culosalamegi vpiwv, chena xvga nihki tuga si tahaki wvhsi ini ugimrwi-drmkumi Mvnatu walanv tapinvukugi. Waciganv’ hiwv inv, Nr-nakuti utvg-alamaqi-lani wapfa paluwi drmqa hawv, wvhsi welv utafici ugim-rwi-drmqa, macimi wvhsi patagi birci. Chena utvhpi-mvhi matvhfwi vlolrkvnhi welv, macimi u melvhi matvhfwi pvunewvli, chena, Yomv uci wedgeku brluhi biriv, u talvhi nihi. Pvyaqv u segala-makuhi u sitvsinemhi, macimi u nrwvlwi sfvdrkuhi macicigamowa, Mvtv ni tasi tahapa wvhsi yrmv ilani ugimr-utvwiv-magici, iyoiv. Chena ini biamikvtwi, iah patagi birci nuhgi, mahci utafi ini ugimrwi-drmqa, tapigamu wvhsi iuhumv vlolrkvnhi, mviahci melrci ini muni, welv si utvhpimofulici, wvhsi manvwvhga wrku-tvgi mviahci kvtvwihkv-malici wedge wa uci. Macimi biali ya-lvhfvmeci nili nhihtv, Dabalamiwatv, gi pvunemv u macdonv matvhfwi si vlikv pvunewvli, iwvlipi. Macimi, G’uwasi lvwi, gelv uwasi vlolrkv : Xvga gelv gi mgrgopi gi tapvsvwafi tapilo cvgi wiahi, bonvnu wvh simakufi-utvmvni matvhfwi udawanv, u talrli nili. Chena nili biali mvwi-neswi, Gi pvunemv, Dabalamiwatv, u macdonv nyrlvnwi pvunewvli, iwv-li nili. Chena Gelv nahfrpi ilafiutvnu nyrlvnwi udawanv, u talrli nili nahfrpi. Chena nuhgi kutvkv biawv, Dabalamiwatv, wrpvtvnu, vlv yomv gi pvunemi, gah-citvufadoiv kvhfilacahowa-nagi xvga gi kufala, gi kufaqrci laniwi gelv xvga : gi kuqitanv ini buryr gelv sagfadoivni, macimi gi kvwvsqhrwa ini buryr vhdoivni gelv, isiwa inv. Nahvlwrkv gelv gi doni ga hutvh-kuwrlala, gelv wanrtafitv vlolrkv. Gi wrkutv yasi kufaqrci lani-wiv, ni kuqitanv ini buryr nelv sagfadoiv, macimi ni kvwvsqhrwa ini buryr nelv vhdoiv; huwa gociwa mvtv gitah meliwa ni munami ini munigr-nagi, macimi tvh biriv naiahkv nih mvyrwi utvhpanv ini gilagi tvh nosayrgi? u talrli nili. Macimi, Mvmv-wahku ini pvuni, chena ini inv melahku ba-bonvkv nili matvhfwi pvunewvli, u talvhi nihi na-nepvwilici mrlrqvhi. Chena nihi, Dabalamiwatv, u bonrnv inv matvhfwi pvunewvli, u takuhi. Gi talapwv nelv, xvga jrgi wiyafv ba-bonvkv wah melaqi : wakv inv uci babur bonvkv, weginrqi ini ba-bonvgi wah mvmrqi inv. Wakv iuhkumv ni mvdaladewanvki, mvtv yasi tahacki wi hugimv-utvwvki, utvsi bialahku, macimi nfahku yalvhfvmeiv, isiwapi, u talvhi.
Chena iah mahtuwaci vlveni, via wapfa negrni, Culosala-megi hawv.
Chena ini biamikvtwi, iah mrlrqvhi birci Pafajegi chena Pafanagi, mrlrqvhi ini maqvhgefigi Vlifiat si dota, uta laskv-wvhi neswi nihi kvgahgimrfhi, Nhrkuna ini udawanahi yadagi yalvhf vme-yaqa; betiga ini yasi uttv-maqa ga mkvwrwv mvhgota-lafv gjepifu, buryr lrqv gawvgi ilani nviakuci : palhuhku inv, macimi bialahku. Chena wiyafv nvtuhdolwrqa, Gociwa ki pal-whrwv? vlveni, Inv Dabalamiwatv ut vgrwrlrli, ga hiupwv, u ta-lvhi. Macimi nihki wa-wrwenasgofucki wapfaki, chena data-pilvhi si mkvhfoki yasi inv mahci mrci nihi. Chena yasi nihki palwhrwrci nili mvhgotalafvli, nihi wa-uwelrmilici ’n’tvsi, Gociwa ki palwhrwv inv mvhgotalafv? u takuwvhi. Macimi nihki, Inv Dabalamiwatv ut vgrwrlrli, isiwaki. Macimi Jesiseli u biatv-wrwrli nili : chena nihki usgici nili mvhgotalafvli ut ipvgidr-nrwv u betanikvnwv, macimi u lamvtvphr-wrli Jesiseli ’n’tvsi usgici. Macimi yasi inv wapfaci, nihki u sakvtanr-nrwv u betanikvn-wv ini yala myawigi. Chena yasi inv uwa mrlrqvhi biadfaci, datapilvhi ini waci lwrmvhgigi ini Vlfiwi makvhgefigi, malsga inv mahsalakv kvgahgimrfv vlami usvsilapwv macimi ulrmi ntvlvhotvmwv u wivwvhgrlrli Mvnadoli nili uci jrivhki wrsikvgi pakvtafewanv mviahci namuwrci nihki; Gisrda-lamakufi ca hinv Ugimv ba-biatv ini u wefowa-nagi inv Dabalamiwatv : grmrnelafewa cahi betiga wafapvh-kvmigigi, macimi wvhfrci-makufewa ini wihkuci lspi, iwvki. Chena nrlatv nihki Pala-seki inv mahsalakv uci, Ga-gahgimiwa, kutasi gi kvgahgimrfvki, u talrwrli. Macimi rpvfsa chena, Gi talapwv ini, qahqi wah nolaweki iuhkumv nihki sekunvki wah wivkvhotvmoki, iwv inv.
Chena iah mrlrqvhi birci, u nama ini udawa macimi u mv-witv ini, Qahqi iahgi hu, wrkutvmvna inugi grsagigi, wegi-nrqi gelv, nili wiahi grmrnelaf ewa-nagi yatvkugi ! wakv uwa nili gigidota gi sgesaku wvyaci uci. Xvga nili grsagiki nvhekv wah biaiv gelv, ina gi mvdaladewanvki grwvci gelv wa ipvgidr-nrwv bamrmahgigi, macimi gah grwvci gipusgrgoki gelv, chena ga gjetunagoki betiga jrgi wiyatvhqa, macimi ini vsisgegi ga ipvgilagoki, macimi git vpaluhfamvki betiga gelv; chena nihki mvtv wa ckunrwrli geyrgi nakuti sekunvli usgici kutvkvli; xvga mvtv gi wrkutv ini lrqv vludrfowa, iwvpi.
Chena u becfvtv ini mvmrtumawi-kvmiqi, macimi ut vlami luhfa-pvgilvhi nihi wr-wedgelici, Mahtvwigapi ini, Ma-cimi yadriv wegiwv mvmrtuma-wikv wa hinwi : wakv gelvwv jekuniwahfeki u wegiwrlvkumwv gi tasi macdonrwv ini, u talvhi nihi.
Chena kvgahgimiwa tfana wrpvgi ini mvmrtumawi-kvmikugi. Pvyaqv nihki ugimrwi mkvtaukulvyaki chena nihki yrivwigacki chena nihi ugimrwi-lane-mwvhi nihki lanvwaki u nvtunahr-nrwv wvhsi iqinahrwrci nili : macimi ud rlwi mgrn-rwv nihki wvh manvwvhi silvwewrci; xvga nihki lanvwaki jrivh-ki nili utvgoci-noki, vhkvwahsaki.

සවන් දෙන්න YASFADOCI LOKU 19