If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Ikifwanikisyo kya nkikulu umfwilwe nundongi</div><div class="p"> 1Popapo Yesu alinkubabula abafundigwa bake ikifwanikisyo ikya kubanangisya ukuti, fikuti biputege bwila kisita kukatala. 2Alinkuti, &#8220;Alimo yumo undongi nkaya kamo, uyu akantilaga Kyala, kangi akabapasyaga nabandu. 3Lelo alimo nkaya mumo unkikulu umfwilwe, uyu agilaga bwila kumyake alinkumbula alinkuti, &#8216;Ulindongelaga ugwa nongwa yangu.&#8217; 4Umwene undongi yula pakwanda akalondaga ukundongela; loli ulwanyuma alinkwiyobesya mwene undongi yula alinkuti, &#8216;Napa ndikuntila Kyala, napa linga ndikubapasya abandu, 5loli papo unkikulu umfwilwe uyu ikusisya ilyoyo, nikundongelaga, ukuti panyuma angisakungatasyaga bo ikunyumilisya bwila.&#8217; &#8221; 6Popapo Untwa alinkubabula alinkuti, &#8220;Amumpilikisye isi ikuyoba undongi unniongafu uyu. 7Kali Kyala atisakubalongela abasaligwa bake aba bikulila kumyake pamusi na pakilo, aba Umwene mfisalyoyo kumyabo? 8Nikubabula une nikuti, Isakubalongela mbibimbibi itolo. Napa bo siye bunobuno, Nnyamundu bo ikwisa, kali isakulwagamo ulwitiko nkisu?&#8221;</div><div class="s">Ikifwanikisyo kya mFarisai nunsongesyasongo</div><div class="p"> 9Yesu alinkubabula ikifwanikisyo iki bamo aba bisubilaga bene ukuya bagolofu kangi babasyokelaga abangi alinkuti, 10&#8220;Isiku limo abandu babili balinkufyuka ukubuka kuNyumba yaKyala kukwiputa; yumo ali mFarisai, uyungi ali nsongesyasongo. 11UmFarisai yula alinkwima alinkwiputa mundumbula yake alinkuti, &#8216;Gwe Kyala, nikugwa ulupi kumyako napo ngaya bo abandu abangi, iminyambuta, abaniongafu, abalogwe, pamo ukufwana bo unsongesyasongo uyu. 12Nikufipika ifyakulya kabili mundungu gumo, nikupagulapo ikiyabo kimo mfiyabo kalongo (1/10) muli fyosa ifi nikukaba.&#8217; 13Loli unsongesyasongo alinkwima pabutalipo, alinkusita nukwinula amaso gake kumwanya; alinkwikoma pakipambaga alinkuti, &#8216;Gwe Kyala, uliyaga nikisa kuli une ne ntulanongwa.&#8217; 14#Mat 23.12; Luk 14.11Nikubabula une nikuti, Umwene yuyuyu yo asulukaga kukaya kake bo ayobigwe ubugolofu ukunkinda uyungi yula. Namanga gwesa uyu linga ikwiyimika mwene, yo isakwisigwaga; kangi uyu linga ikwiyisya mwene, yo isakwimikigwaga.&#8221;</div><div class="s">Yesu ikubasaya abana</div><div class="r">(Mat 19.13-15; Mar 10.13-16)</div><div class="p"> 15Popapo abandu bamo balinkuntwalila Yesu abanike ukuti abapalamasyege; loli abafundigwa bo bababwene, balinkubakemela. 16Umwene Yesu alinkubabilikila abanike alinkuyoba alinkuti, &#8220;Amubalekege abanike bisege kumyangu, mungabakanisyaga; buno ubutwa bwa Kyala bwa babo bali bo bababa. 17Naloli nikubabula une nikuti, gwesa uyu linga atikubwambilila ubutwa bwa Kyala bo umwanike, yo atisakwingilamo siku.&#8221;</div><div class="s">Umundu unkabi</div><div class="r">(Mat 19.16-30; Mar 10.17-31)</div><div class="p"> 18Popapo undongosi yumo mbaYuda alinkundalusya Yesu alinkuti, &#8220;Gwe Mmanyisi, gwe nnunu, mbombe fiki ifya kwingilila pakilingo kya bumi bwa bwila?&#8221; 19Umwene Yesu alinkumbula alinkuti, &#8220;Nongwa ya fiki kunjoba ubununu? Akayapo yumo unnunu, loli yumoywene, yo yu Kyala. 20#Kuso 20.12-16; Kukumbu 5.16-20Bule ingomelesyo usimenye, isi sikuti: &#8216;Ungalogwaga, ungagogaga, ungahiyaga, ungayaga nketi gwa butungulu, umwimikege uguso nunyoko.&#8217; &#8221; 21Umwene alinkwamula alinkuti, &#8220;Syosa sisisi nsikongile ukufuma mu mbukeke bwangu.&#8221; 22Umwene Yesu bo apilike sisisi, alinkumbula alinkuti, &#8220;Ukali gwagilwe kamokene, ulisya fyosa ifi uli nafyo, ubapege abalondo, po lwisakuyaga nikyuma kumwanya; na po gwise ungongege.&#8221; 23Umwene bo apilike lilili, alinkwenda nukusulumania fiyo; namanga ali nkabi fiyo.</div><div class="p"> 24Umwene Yesu bo ambwene, alinkuyoba alinkuti, &#8220;Bo bupala buki abenekyuma ukwingila mbutwa bwa Kyala! 25Namanga kupepepo ingamila ukwingila pakina ka sindano, ukukinda unkabi ukwingila mbutwa bwa Kyala.&#8221; 26Loli abene aba bapilikaga balinkuyoba balinkuti, &#8220;Po ywani abagile ukupona lelo?&#8221; 27Umwene Yesu alinkuti, &#8220;Isi sibatolile abandu, Kyala yo sikantola.&#8221; 28Popapo Peteri alinkuyoba alinkuti, &#8220;Keta, uswe tufilekile fyosa ifyitu, tukukongile ugwe.&#8221; 29Umwene alinkubabula alinkuti, &#8220;Naloli nikubabula une nikuti, akayako yumo umundu uyu ayilekile inyumba, pamo unkasi, pamo abamyabo, pamo abapapi, pamo abana, panongwa ya butwa bwa Kyala, 30uyu atisakwambililaga ifingi ukukinda nkabalilo aka, na nkisu iki kikwisaga, ubumi bwa bwila.&#8221;</div><div class="s">Yesu ikuyobela ngani ulwa butatu isya bufwe bwake</div><div class="r">(Mat 20.17-19; Mar 10.32-34)</div><div class="p"> 31Popapo Yesu alinkubega kalongo na babili bala, alinkubabula alinkuti, &#8220;Keta, tukufyuka ukubuka mu Yerusalemu, ukuti mo sikamalikilege syosa isi sisimbigwe nabasololi isya Nnyamundu. 32Namanga Nnyamundu isakubikigwaga mmaboko ga bapanja, bo bisakumwangalilaga nukunjwelula, bisakunswelaga namata, 33kangi bisakunkomaga nifikoti, bende nukungoga. 34Loli pisiku lya butatu isakusyukaga.&#8221; Abene balinkusita nukusyagania sisisi; ilisyu lilili lyafisigwe kumyabo, bakasimenye nisi ayobaga.</div><div class="s">Yesu ikumbumbulusya umfwamaso unsumafya bupe</div><div class="r">(Mat 20.29-34; Mar 10.46-52)</div><div class="p"> 35Lelo bo Yesu asegelile nkaya ka Yeriko, umfwamaso yumo alitugele pambali panjila, asumaga ifyabupe; 36umwene umfwamaso yula bo apilike ikilundilo kikukinda, alinkulalusya alinkuti, &#8220;Fyo findu fiki fififi?&#8221; 37Abene balinkumbula balinkuti, &#8220;Yo Yesu, gwa nkaya ka Nazareti ikukinda.&#8221; 38Popapo alinkukolela alinkuti, &#8220;Yesu gwe nnya Davidi, ulimbakisyaga!&#8221; 39Abene aba balongwile nkyeni balinkunkemela ukuti abatame; loli Umwene alinkukindilila fiyo ukukolela alinkuti, &#8220;Gwe nnya Davidi, ulimbakisyaga!&#8221; 40Popapo Yesu alinkwima, alinkubabula ukuti bantwale kumyake. Lelo bo asegelile, Yesu alinkundalusya alinkuti, 41&#8220;Kulonda ukuti ngubombele sya fiki?&#8221; Umwene alinkwamula alinkuti, &#8220;Gwe Ntwa, natigi ngetege!&#8221; 42Umwene Yesu alinkumbula alinkuti, &#8220;Ketaga lelo, ulwitiko lwako lukupokile.&#8221; 43Nakalinga itolo alinkuketa, alinkunkonga Yesu nukuntufya Kyala. Popapo abandu bosa balinkumpala Kyala bo basibwene sisisi.</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Popapo Yesu alinkubabula abafundigwa bake ikifwanikisyo ikya kubanangisya ukuti, fikuti biputege bwila kisita kukatala. Alinkuti, “Alimo yumo undongi nkaya kamo, uyu akantilaga Kyala, kangi akabapasyaga nabandu. Lelo alimo nkaya mumo unkikulu umfwilwe, uyu agilaga bwila kumyake alinkumbula alinkuti, ‘Ulindongelaga ugwa nongwa yangu.’ Umwene undongi yula pakwanda akalondaga ukundongela; loli ulwanyuma alinkwiyobesya mwene undongi yula alinkuti, ‘Napa ndikuntila Kyala, napa linga ndikubapasya abandu, loli papo unkikulu umfwilwe uyu ikusisya ilyoyo, nikundongelaga, ukuti panyuma angisakungatasyaga bo ikunyumilisya bwila.’ ” Popapo Untwa alinkubabula alinkuti, “Amumpilikisye isi ikuyoba undongi unniongafu uyu. Kali Kyala atisakubalongela abasaligwa bake aba bikulila kumyake pamusi na pakilo, aba Umwene mfisalyoyo kumyabo? Nikubabula une nikuti, Isakubalongela mbibimbibi itolo. Napa bo siye bunobuno, Nnyamundu bo ikwisa, kali isakulwagamo ulwitiko nkisu?”

Yesu alinkubabula ikifwanikisyo iki bamo aba bisubilaga bene ukuya bagolofu kangi babasyokelaga abangi alinkuti, “Isiku limo abandu babili balinkufyuka ukubuka kuNyumba yaKyala kukwiputa; yumo ali mFarisai, uyungi ali nsongesyasongo. UmFarisai yula alinkwima alinkwiputa mundumbula yake alinkuti, ‘Gwe Kyala, nikugwa ulupi kumyako napo ngaya bo abandu abangi, iminyambuta, abaniongafu, abalogwe, pamo ukufwana bo unsongesyasongo uyu. Nikufipika ifyakulya kabili mundungu gumo, nikupagulapo ikiyabo kimo mfiyabo kalongo (1/10) muli fyosa ifi nikukaba.’ Loli unsongesyasongo alinkwima pabutalipo, alinkusita nukwinula amaso gake kumwanya; alinkwikoma pakipambaga alinkuti, ‘Gwe Kyala, uliyaga nikisa kuli une ne ntulanongwa.’ Nikubabula une nikuti, Umwene yuyuyu yo asulukaga kukaya kake bo ayobigwe ubugolofu ukunkinda uyungi yula. Namanga gwesa uyu linga ikwiyimika mwene, yo isakwisigwaga; kangi uyu linga ikwiyisya mwene, yo isakwimikigwaga.”


Popapo abandu bamo balinkuntwalila Yesu abanike ukuti abapalamasyege; loli abafundigwa bo bababwene, balinkubakemela. Umwene Yesu alinkubabilikila abanike alinkuyoba alinkuti, “Amubalekege abanike bisege kumyangu, mungabakanisyaga; buno ubutwa bwa Kyala bwa babo bali bo bababa. Naloli nikubabula une nikuti, gwesa uyu linga atikubwambilila ubutwa bwa Kyala bo umwanike, yo atisakwingilamo siku.”


Popapo undongosi yumo mbaYuda alinkundalusya Yesu alinkuti, “Gwe Mmanyisi, gwe nnunu, mbombe fiki ifya kwingilila pakilingo kya bumi bwa bwila?” Umwene Yesu alinkumbula alinkuti, “Nongwa ya fiki kunjoba ubununu? Akayapo yumo unnunu, loli yumoywene, yo yu Kyala. Bule ingomelesyo usimenye, isi sikuti: ‘Ungalogwaga, ungagogaga, ungahiyaga, ungayaga nketi gwa butungulu, umwimikege uguso nunyoko.’ ” Umwene alinkwamula alinkuti, “Syosa sisisi nsikongile ukufuma mu mbukeke bwangu.” Umwene Yesu bo apilike sisisi, alinkumbula alinkuti, “Ukali gwagilwe kamokene, ulisya fyosa ifi uli nafyo, ubapege abalondo, po lwisakuyaga nikyuma kumwanya; na po gwise ungongege.” Umwene bo apilike lilili, alinkwenda nukusulumania fiyo; namanga ali nkabi fiyo.
Umwene Yesu bo ambwene, alinkuyoba alinkuti, “Bo bupala buki abenekyuma ukwingila mbutwa bwa Kyala! Namanga kupepepo ingamila ukwingila pakina ka sindano, ukukinda unkabi ukwingila mbutwa bwa Kyala.” Loli abene aba bapilikaga balinkuyoba balinkuti, “Po ywani abagile ukupona lelo?” Umwene Yesu alinkuti, “Isi sibatolile abandu, Kyala yo sikantola.” Popapo Peteri alinkuyoba alinkuti, “Keta, uswe tufilekile fyosa ifyitu, tukukongile ugwe.” Umwene alinkubabula alinkuti, “Naloli nikubabula une nikuti, akayako yumo umundu uyu ayilekile inyumba, pamo unkasi, pamo abamyabo, pamo abapapi, pamo abana, panongwa ya butwa bwa Kyala, uyu atisakwambililaga ifingi ukukinda nkabalilo aka, na nkisu iki kikwisaga, ubumi bwa bwila.”


Popapo Yesu alinkubega kalongo na babili bala, alinkubabula alinkuti, “Keta, tukufyuka ukubuka mu Yerusalemu, ukuti mo sikamalikilege syosa isi sisimbigwe nabasololi isya Nnyamundu. Namanga Nnyamundu isakubikigwaga mmaboko ga bapanja, bo bisakumwangalilaga nukunjwelula, bisakunswelaga namata, kangi bisakunkomaga nifikoti, bende nukungoga. Loli pisiku lya butatu isakusyukaga.” Abene balinkusita nukusyagania sisisi; ilisyu lilili lyafisigwe kumyabo, bakasimenye nisi ayobaga.


Lelo bo Yesu asegelile nkaya ka Yeriko, umfwamaso yumo alitugele pambali panjila, asumaga ifyabupe; umwene umfwamaso yula bo apilike ikilundilo kikukinda, alinkulalusya alinkuti, “Fyo findu fiki fififi?” Abene balinkumbula balinkuti, “Yo Yesu, gwa nkaya ka Nazareti ikukinda.” Popapo alinkukolela alinkuti, “Yesu gwe nnya Davidi, ulimbakisyaga!” Abene aba balongwile nkyeni balinkunkemela ukuti abatame; loli Umwene alinkukindilila fiyo ukukolela alinkuti, “Gwe nnya Davidi, ulimbakisyaga!” Popapo Yesu alinkwima, alinkubabula ukuti bantwale kumyake. Lelo bo asegelile, Yesu alinkundalusya alinkuti, “Kulonda ukuti ngubombele sya fiki?” Umwene alinkwamula alinkuti, “Gwe Ntwa, natigi ngetege!” Umwene Yesu alinkumbula alinkuti, “Ketaga lelo, ulwitiko lwako lukupokile.” Nakalinga itolo alinkuketa, alinkunkonga Yesu nukuntufya Kyala. Popapo abandu bosa balinkumpala Kyala bo basibwene sisisi.

සවන් දෙන්න LUKA 18