<div class="version vid3965 iso6393mts" data-vid="3965" data-iso6393="mts">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s">Apa Jacobpa tsai shara inadi</div><div class="p"> 1Isaac adiwushta wexu ana u&#297;tiruba idi. Naskake peda wetsa Isaacpa aw&#7869; wake iyua Esa&#250; yuidi: &#8220;Ew&#7869; wak&#7869; &#7869; bia yuinu&#8221;, Isaacpa wadi. &#8220;Ep&#227; ea yuiwe&#8221;, wadi. 2Ap&#227; yuidi: &#8220;Ma &#7869; adiwukuiya. Aweti&#227;ra &#7869; dai. 3Mew&#7869; piakati mew&#7869; pia wuta yuina wetsa retexiwe &#7869; pinu. 4Na dabi &#7869; pipaitiru keskara ea axuwe &#7869; naxuba &#7869; piyunu. Ea pichaxuwe dabi shara &#7869; pipaibis keskara ew&#7869; awara sharawu &#7869; bia inaxinu&#8221;, Isaacpa wadi.</div><div class="p"> 5Apa Isaacpa Esa&#250; yuiyaitu Rebecapa dikadi. Ma Esa&#250; dii mera kaadu 6Rebecapa aw&#7869; wake chipuke Jacob yuidi: &#8220;Mew&#7869; epa mew&#7869; uchi yuiyaitu &#7869; dika. Duduri Esa&#250; yuiya: 7&#8216;Na &#7869; dabi pipaitiru ea axuwe. Naskatari &#7869; piyunu &#7869; bia awara sharawu inaxinu Diaiwu Diospa u&#297;yaidu&#8217;, waitu &#7869; dika&#8221;, Rebecapa Jacob wadi. 8&#8220;Ew&#7869; wak&#7869; ea dikakuiwe &#7869; bia yuiyaitu. 9Yuinawu kede mera ikawu adua oveja keskara raweta at&#361; wake sharakui ea wixutawe mew&#7869; epa pipaitiru keskara &#7869; pichaxunu. 10Dabi shara ma &#7869; pichaxuadu mew&#7869; ep&#227; pinu wuxutaxik&#297; dayuxuba na ikibiswu sharawu bia inaxinu&#8221;, Rebecapa aw&#7869; wake Jacob wadi.</div><div class="p"> 11Jacobpa awa yuidi: &#8220;Ew&#7869; uchi aw&#7869; yuratiixu radiya. &#7868; radiuba. 12Ea ramak&#297; tapitiru &#7869; aki kaxepaiyai keskara itiru. Naskatari ea na ikibiswu sharawu ea inataba ea chakawatiru&#8221;, wadi.</div><div class="p"> 13Aw&#227; kebadi: &#8220;Ew&#7869; wake, da &#7869; bia yuiyai awe. Ea cabrito wixutawe. Shinachakayabawe. Bia chakawaibaki ea akiki&#8221;, aw&#227; Jacob wadi.</div><div class="p"> 14Naskata Jacobpa cabrito keskara rawe wii kai kadi. Ma weadu awa Rebecapa pichaxudi na pipaitiru keskara Isaacpa pinu. 15Rebecapa Esa&#250; aw&#7869; saweti sharakui aw&#7869; pexe meradua wita Jacob sawebadi. 16Naskata oveja keskara raweta at&#361; wichi wita aw&#7869; pu&#241;a rawe adu wadi aw&#7869; texu adu radiya yabake. 17Ma piti ikadu Jacobpa apa wete inata pan inadi pinu.</div><div class="p"> 18Naskata Jacob ikika&#297;k&#297; apa kedadi: &#8220;Ep&#227;&#8221;, apa wadi. Isaacpa kebadi: &#8220;Watu mi ew&#7869; wakeme&#8221;, wadi.</div><div class="p"> 19Jacobpa apa yuidi: &#8220;&#7868; mew&#7869; wake iyua. Esa&#250;. Naa mia ea yuiya ma &#7869; bia axua. Widinakawata &#7869; bia wexua piwe. Naskaxu mew&#7869; awara sharawu ea inawe&#8221;, Jacobpa Isaac wadi.</div><div class="p"> 20Naskata Isaacpa &#241;ukadi: &#8220;Aweskawaxu kushikui mi yuina wichiame&#8221;, wadi. Jacobpa kebadi: &#8220;Mew&#7869; Diospa ea ina&#8221;, apa wadi.</div><div class="p"> 21Isaacpa yuidi: &#8220;Uwe &#7869; bia beenu mi Esa&#250;maiki&#8221;, wadi. 22Naskawaitu Jacob apaki kadi ap&#227; ramanu: &#8220;Mi Jacobpa aw&#7869; tsai mi naskawiax Esa&#250;pa aw&#7869; pu&#241;a rawe keskara radiwuya mi&#8221;, ap&#227; wadi.</div><div class="p"> 23Isaacpa unadiba pu&#241;a rawemai radiyake naa Esa&#250; keskaramaiki. Aw&#7869; tsai sharawu inataba tapikuipaidi. 24Awiana &#241;ukadi: &#8220;Mi ew&#7869; wakekui Esa&#250;me&#8221;, Isaacpa wadi. Jacobpa apa kebadi: &#8220;&#7868; Esa&#250;&#8221;, wadi.</div><div class="p"> 25Naskata ap&#227; yuidi: &#8220;Na mi retea pichaxu ea inayuwe &#7869; pinu. Ew&#7869; awara sharawu &#7869; bia inanu&#8221;, ap&#227; wadi. Jacobpa apa piti inadi pinu naskatari vino wexudi, Isaacpa pita ayanu. 26Naskata apa yuidi: &#8220;Tabuki ea tsuawe&#8221;, ap&#227; wadi.</div><div class="p"> 27Jacob apaki ux&#361; tabuki tsu adi. Isaacpa aw&#7869; saweti xetedi. Tsai sharapa yuidi:</div><div class="q1">&#8220;Dii itsa keskara &#7869; bia xetei. Dios bia sharawada.</div><div class="q1"> 28Dai arixu bia ui ibaxuxiwi.</div><div class="q1">Na mi wadawu wuaik&#297; sharanuwu.</div><div class="q1">Arroz keskara wuaita wibi aw&#7869; ade uva</div><div class="q1">nari wuainu.</div><div class="q1"> 29Yura ichapawu mi at&#361; diaiwu inu.</div><div class="q1">Bai wetsaduawu yura ichapawawe</div><div class="q1">mew&#7869; tsai bia dikapakexanuwu.</div><div class="q1">Mew&#7869; kaiwuu mi at&#361; diaiwu ipadaka.</div><div class="q1">Na bia chakawaiwu Diospa atu chakawapadaka.</div><div class="q1">Na bia sharawaiwu Diospa atu sharawapadaka&#8221;, wadi.</div><div class="p"> 30Ma Isaacpa tsai shara yuik&#297; adaitiadu Jacob tsekeka&#297;daidu Esa&#250; dii meraduax dasudi. 31Naskata pichaxudi piti shara Esa&#250;pa. Dukuta: &#8220;Ep&#227; widinakawata piwe mew&#7869; wak&#7869; yuina retea mew&#7869; tsai shara ea inaxik&#297;&#8221;, Esa&#250;pa apa wadi. 32Isaacpa yukadi: &#8220;Mi tsuame&#8221;, wadi. Esa&#250;pa kebadi: &#8220;&#7868; Esa&#250; mew&#7869; wake iyua&#8221;, wadi. 33Isaac peesitaba rateyana yuidi: &#8220;Tsu&#227; yuina retetadame. Mi uabadu ma &#7869; pia. &#7868; ma tsai shara ina dati&#227; naa tsai sharaya&#8221;, wadi. 34Esa&#250;pa naa tsai dikai ap&#227; yuiyaitu sidakuiyana yuidi: &#8220;Eari tsai shara inawe ep&#227;&#8221;, wadi. 35Isaacpa kebadi: &#8220;Mew&#7869; udiwetsa uta ea para. Naatu tsai shara wua na mewena ikerada&#8221;, wadi. 36Esa&#250;pa yuidi: &#8220;Naskake Jacob#27.36 Aw&#7869; ade wakak&#297; parabis. rawadiwu. Ma ea parak&#297; rawewa&#297;. Ea wi&#227;k&#297; taewadi awara shara &#7869; wipaiyai wake iyuatu. Wetsa ea mi yuisharapaiyai ea wi&#227;. Mi tsai shara wetsa mia waxuabame&#8221;, Esa&#250; idi. 37Isaacpa kebadi: &#8220;Ma &#7869; Jacob mew&#7869; diaiwuwaa mew&#7869; kaiwuu aw&#7869; uibati inu. &#7868; yuiya trigo ichapaya ita vino ichapaya inu. Iskarati&#227; &#7869; aweskatirume biki&#8221;, Isaacpa wadi. 38Esa&#250;pa wekaxtiwadi: &#8220;Eari tsai shara wetsa mi inatirubame&#8221;, apa Isaac wadi. Naskax Esa&#250; siaidi. 39Naskata ap&#227; Esa&#250; yuidi:</div><div class="q1">&#8220;Mi bai shara adu ipadakaba ui itirubadu.</div><div class="q1"> 40Mew&#7869; kedu ewapatu bia duikaspabiswuwe mi retenapakedaka.</div><div class="q1">Mew&#7869; ext&#361; bia ana uibati keskara wanupukuiba&#8221;, Isaacpa wadi.</div><div class="s">Jacob aw&#7869; uchiki beseka&#297;di kadi</div><div class="p"> 41Esa&#250;pa Jacob duikaspak&#297; taewadi shina sharawu apa inapaiyai wi&#227;itake. Naskake: &#8220;Ma ew&#7869; epa daadu Jacob &#7869; retexiwi&#8221;, Esa&#250; idi.</div><div class="p"> 42Retexik&#297; shinayaitu dikaxu Rebecapa aw&#7869; wake Jacob kedabadi: &#8220;Ew&#7869; wak&#7869; mew&#7869; uch&#297; shina shara mi wi&#227;itake bia retepai. 43Naskake itipiniwe. Ew&#7869; uchi Lab&#225;n ikadu Har&#225;n adu katawe. 44Nariax mi weda uyuki awi raeyunu. 45Ma shinabakiadu &#7869; bia kedabaxiwi ana mi dudu unu. Na peda wistichi ma dake &#7869; batu u&#297;paiba&#8221;, Rebeca idi.</div><div class="p"> 46Naskata Rebecapa Isaac yuidi: &#8220;Na aw&#297;wu hitita Cana&#225;n bai adu ikawu Esa&#250; wianake atu u&#297; wekax wichia. Jacobpa dudua Cana&#225;n aw&#297;wu atu wike &#7869; datiru&#8221;, Rebeca idi.</div>
 </div>
 </div>
</div>

Isaac adiwushta wexu ana uĩtiruba idi. Naskake peda wetsa Isaacpa awẽ wake iyua Esaú yuidi: “Ewẽ wakẽ ẽ bia yuinu”, Isaacpa wadi. “Epã ea yuiwe”, wadi. Apã yuidi: “Ma ẽ adiwukuiya. Awetiãra ẽ dai. Mewẽ piakati mewẽ pia wuta yuina wetsa retexiwe ẽ pinu. Na dabi ẽ pipaitiru keskara ea axuwe ẽ naxuba ẽ piyunu. Ea pichaxuwe dabi shara ẽ pipaibis keskara ewẽ awara sharawu ẽ bia inaxinu”, Isaacpa wadi.
Apa Isaacpa Esaú yuiyaitu Rebecapa dikadi. Ma Esaú dii mera kaadu Rebecapa awẽ wake chipuke Jacob yuidi: “Mewẽ epa mewẽ uchi yuiyaitu ẽ dika. Duduri Esaú yuiya: ‘Na ẽ dabi pipaitiru ea axuwe. Naskatari ẽ piyunu ẽ bia awara sharawu inaxinu Diaiwu Diospa uĩyaidu’, waitu ẽ dika”, Rebecapa Jacob wadi. “Ewẽ wakẽ ea dikakuiwe ẽ bia yuiyaitu. Yuinawu kede mera ikawu adua oveja keskara raweta atũ wake sharakui ea wixutawe mewẽ epa pipaitiru keskara ẽ pichaxunu. Dabi shara ma ẽ pichaxuadu mewẽ epã pinu wuxutaxikĩ dayuxuba na ikibiswu sharawu bia inaxinu”, Rebecapa awẽ wake Jacob wadi.
Jacobpa awa yuidi: “Ewẽ uchi awẽ yuratiixu radiya. Ẽ radiuba. Ea ramakĩ tapitiru ẽ aki kaxepaiyai keskara itiru. Naskatari ea na ikibiswu sharawu ea inataba ea chakawatiru”, wadi.
Awã kebadi: “Ewẽ wake, da ẽ bia yuiyai awe. Ea cabrito wixutawe. Shinachakayabawe. Bia chakawaibaki ea akiki”, awã Jacob wadi.
Naskata Jacobpa cabrito keskara rawe wii kai kadi. Ma weadu awa Rebecapa pichaxudi na pipaitiru keskara Isaacpa pinu. Rebecapa Esaú awẽ saweti sharakui awẽ pexe meradua wita Jacob sawebadi. Naskata oveja keskara raweta atũ wichi wita awẽ puña rawe adu wadi awẽ texu adu radiya yabake. Ma piti ikadu Jacobpa apa wete inata pan inadi pinu.
Naskata Jacob ikikaĩkĩ apa kedadi: “Epã”, apa wadi. Isaacpa kebadi: “Watu mi ewẽ wakeme”, wadi.
Jacobpa apa yuidi: “Ẽ mewẽ wake iyua. Esaú. Naa mia ea yuiya ma ẽ bia axua. Widinakawata ẽ bia wexua piwe. Naskaxu mewẽ awara sharawu ea inawe”, Jacobpa Isaac wadi.
Naskata Isaacpa ñukadi: “Aweskawaxu kushikui mi yuina wichiame”, wadi. Jacobpa kebadi: “Mewẽ Diospa ea ina”, apa wadi.
Isaacpa yuidi: “Uwe ẽ bia beenu mi Esaúmaiki”, wadi. Naskawaitu Jacob apaki kadi apã ramanu: “Mi Jacobpa awẽ tsai mi naskawiax Esaúpa awẽ puña rawe keskara radiwuya mi”, apã wadi.
Isaacpa unadiba puña rawemai radiyake naa Esaú keskaramaiki. Awẽ tsai sharawu inataba tapikuipaidi. Awiana ñukadi: “Mi ewẽ wakekui Esaúme”, Isaacpa wadi. Jacobpa apa kebadi: “Ẽ Esaú”, wadi.
Naskata apã yuidi: “Na mi retea pichaxu ea inayuwe ẽ pinu. Ewẽ awara sharawu ẽ bia inanu”, apã wadi. Jacobpa apa piti inadi pinu naskatari vino wexudi, Isaacpa pita ayanu. Naskata apa yuidi: “Tabuki ea tsuawe”, apã wadi.
Jacob apaki uxũ tabuki tsu adi. Isaacpa awẽ saweti xetedi. Tsai sharapa yuidi:
“Dii itsa keskara ẽ bia xetei. Dios bia sharawada.
Dai arixu bia ui ibaxuxiwi.
Na mi wadawu wuaikĩ sharanuwu.
Arroz keskara wuaita wibi awẽ ade uva
nari wuainu.
Yura ichapawu mi atũ diaiwu inu.
Bai wetsaduawu yura ichapawawe
mewẽ tsai bia dikapakexanuwu.
Mewẽ kaiwuu mi atũ diaiwu ipadaka.
Na bia chakawaiwu Diospa atu chakawapadaka.
Na bia sharawaiwu Diospa atu sharawapadaka”, wadi.
Ma Isaacpa tsai shara yuikĩ adaitiadu Jacob tsekekaĩdaidu Esaú dii meraduax dasudi. Naskata pichaxudi piti shara Esaúpa. Dukuta: “Epã widinakawata piwe mewẽ wakẽ yuina retea mewẽ tsai shara ea inaxikĩ”, Esaúpa apa wadi. Isaacpa yukadi: “Mi tsuame”, wadi. Esaúpa kebadi: “Ẽ Esaú mewẽ wake iyua”, wadi. Isaac peesitaba rateyana yuidi: “Tsuã yuina retetadame. Mi uabadu ma ẽ pia. Ẽ ma tsai shara ina datiã naa tsai sharaya”, wadi. Esaúpa naa tsai dikai apã yuiyaitu sidakuiyana yuidi: “Eari tsai shara inawe epã”, wadi. Isaacpa kebadi: “Mewẽ udiwetsa uta ea para. Naatu tsai shara wua na mewena ikerada”, wadi. Esaúpa yuidi: “Naskake Jacob rawadiwu. Ma ea parakĩ rawewaĩ. Ea wiãkĩ taewadi awara shara ẽ wipaiyai wake iyuatu. Wetsa ea mi yuisharapaiyai ea wiã. Mi tsai shara wetsa mia waxuabame”, Esaú idi. Isaacpa kebadi: “Ma ẽ Jacob mewẽ diaiwuwaa mewẽ kaiwuu awẽ uibati inu. Ẽ yuiya trigo ichapaya ita vino ichapaya inu. Iskaratiã ẽ aweskatirume biki”, Isaacpa wadi. Esaúpa wekaxtiwadi: “Eari tsai shara wetsa mi inatirubame”, apa Isaac wadi. Naskax Esaú siaidi. Naskata apã Esaú yuidi:
“Mi bai shara adu ipadakaba ui itirubadu.
Mewẽ kedu ewapatu bia duikaspabiswuwe mi retenapakedaka.
Mewẽ extũ bia ana uibati keskara wanupukuiba”, Isaacpa wadi.

Esaúpa Jacob duikaspakĩ taewadi shina sharawu apa inapaiyai wiãitake. Naskake: “Ma ewẽ epa daadu Jacob ẽ retexiwi”, Esaú idi.
Retexikĩ shinayaitu dikaxu Rebecapa awẽ wake Jacob kedabadi: “Ewẽ wakẽ mewẽ uchĩ shina shara mi wiãitake bia retepai. Naskake itipiniwe. Ewẽ uchi Labán ikadu Harán adu katawe. Nariax mi weda uyuki awi raeyunu. Ma shinabakiadu ẽ bia kedabaxiwi ana mi dudu unu. Na peda wistichi ma dake ẽ batu uĩpaiba”, Rebeca idi.
Naskata Rebecapa Isaac yuidi: “Na awĩwu hitita Canaán bai adu ikawu Esaú wianake atu uĩ wekax wichia. Jacobpa dudua Canaán awĩwu atu wike ẽ datiru”, Rebeca idi.

සවන් දෙන්න Génesis 27