<div class="version vid3808 iso6393bts" data-vid="3808" data-iso6393="bts">
   <div class="book bkGEN">
      <div class="chapter ch3_1" data-usfm="GEN.3_1">
         <div class="label">Bindu 3</div><div class="s"><span class="heading">Mula ni Dousa</span></div><div class="m"><span class="content">  </span><span class="verse v1" data-usfm="GEN.3_1.1"><span class="label">1</span><span class="content">Ulog do sipandeinan marimbang sagala binatang na i talun, na tinompa ni Naibata Jahowa. Jadi nini ulog ai ma bani naboru ai, &#8220;Adong do nani ihatahon Naibata, na so bulih panganon nasiam humbani sagala buah ni hayu na i pohon on?&#8221;</span></span></div><div class="m"><span class="verse v1" data-usfm="GEN.3_1.1"><span class="content">  </span></span><span class="verse v2" data-usfm="GEN.3_1.2"><span class="label">2</span><span class="content">Jadi nini naboru ai ma dompak ulog ai, &#8220;Bulih do panganonnami humbani buah ni hayu na i pohon on;</span></span></div><div class="m"><span class="verse v2" data-usfm="GEN.3_1.2"><span class="content">  </span></span><span class="verse v3" data-usfm="GEN.3_1.3"><span class="label">3</span><span class="content">tapi anggo pasal buah ni hayu na i parsitongahan ni pohon on, ihatahon Naibata do, &#8216;Ulang pangan hanima hunjai anjaha ulang jamah, ase ulang matei hanima.&#8217; &#8221;</span></span></div><div class="m"><span class="verse v3" data-usfm="GEN.3_1.3"><span class="content">  </span></span><span class="verse v4" data-usfm="GEN.3_1.4"><span class="label">4</span><span class="content">Jadi nini ulog ai ma bani naboru ai, &#8220;Seng tongon matei nasiam,</span></span></div><div class="m"><span class="verse v4" data-usfm="GEN.3_1.4"><span class="content">  </span></span><span class="verse v5" data-usfm="GEN.3_1.5"><span class="label">5</span><span class="content">tapi ibotoh Naibata do, anggo ipangan nasiam hunjai, gabe buha ma mata nasiam, doskon Naibata ma nasiam mambotoh na madear pakon na masambor.&#8221;</span></span></div><div class="m"><span class="verse v5" data-usfm="GEN.3_1.5"><span class="content">  </span></span><span class="verse v6" data-usfm="GEN.3_1.6"><span class="label">6</span><span class="content">Inonoi naboru ai ma, dear do buah ni hayu ai panganon, jenges idahon anjaha siharosuhkononkon, halani boi papentarhon; jadi ibuat ma buahni, ipangan ma, ibere ma homa paramangonni na rap pakonsi ai, gabe ipangan ma.</span></span></div><div class="m"><span class="verse v6" data-usfm="GEN.3_1.6"><span class="content">  </span></span><span class="verse v7" data-usfm="GEN.3_1.7"><span class="label">7</span><span class="content">Gabe buha ma mata ni sidea haduasi, ibotoh ma na talanjang sidea. Jadi isomot ma bulung ni hayu ara bahen bobat ni sidea.</span></span></div><div class="s"><span class="heading">Papa-papa ampa Bagah-bagah ni Naibata</span></div><div class="m"><span class="verse v7" data-usfm="GEN.3_1.7"><span class="content">  </span></span><span class="verse v8" data-usfm="GEN.3_1.8"><span class="label">8</span><span class="content">Dob ai ibogei sidea ma sora ni Naibata Jahowa, na mardalan-dalan i pohon ai bani parrohni logou malele bod. Jadi marponop ma si Adam pakon parinangonni ai humbani bohi ni Naibata Jahowa i holangkolang ni hayu na i pohon ai.</span></span></div><div class="m"><span class="verse v8" data-usfm="GEN.3_1.8"><span class="content">  </span></span><span class="verse v9" data-usfm="GEN.3_1.9"><span class="label">9</span><span class="content">Pio-pio ma Naibata Jahowa bani si Adam, nini ma hu bani, &#8220;Ija do ho?&#8221;</span></span></div><div class="m"><span class="verse v9" data-usfm="GEN.3_1.9"><span class="content">  </span></span><span class="verse v10" data-usfm="GEN.3_1.10"><span class="label">10</span><span class="content">Nini mambalosi, &#8220;Hubogei do sora-Mu i pohon in, tapi mabiar do ahu, halani talanjang do ahu, ai do ase marponop ahu.&#8221;</span></span></div><div class="m"><span class="verse v10" data-usfm="GEN.3_1.10"><span class="content">  </span></span><span class="verse v11" data-usfm="GEN.3_1.11"><span class="label">11</span><span class="content">Nini ma, &#8220;Ise patugahkon bam na talanjang ho? Ai dong ipangan ho buah ni hayu na Hularang in panganonmu?&#8221;</span></span></div><div class="m"><span class="verse v11" data-usfm="GEN.3_1.11"><span class="content">  </span></span><span class="verse v12" data-usfm="GEN.3_1.12"><span class="label">12</span><span class="content">Nini si Adam ma, &#8220;Naboru na binere-Mu ai gabe hasomanku, ia do na mambere buah ni hayu in bangku, gabe hupangan.&#8221;</span></span></div><div class="m"><span class="verse v12" data-usfm="GEN.3_1.12"><span class="content">  </span></span><span class="verse v13" data-usfm="GEN.3_1.13"><span class="label">13</span><span class="content">Nini Naibata Jahowa ma hubani naboru ai, &#8220;Ai aha do na binahenmon?&#8221; Nini naboru ai ma, &#8220;Na ipaoto-oto ulog in do ahu, gabe hupangan.&#8221;</span></span></div><div class="m"><span class="verse v13" data-usfm="GEN.3_1.13"><span class="content">  </span></span><span class="verse v14" data-usfm="GEN.3_1.14"><span class="label">14</span><span class="content">Dob ai nini Naibata Jahowa ma bani ulog ai, &#8220;Halani ibahen ho sonai, hona papa ma ho i lobei ni sagala pinahan pakon binatang harangan; marhitei boltokmu ma ho manjulur, anjaha orbuk ma panganonmu sadokah manggoluh ho.</span></span></div><div class="m"><span class="verse v14" data-usfm="GEN.3_1.14"><span class="content">  </span></span><span class="verse v15" data-usfm="GEN.3_1.15"><span class="label">15</span><span class="content">Anjaha bahenon-Ku ma partinggilanmu pakon naboru on, ginomparmu hubani ginomparni. Lisatkonon ni ginomparni ma ulumu, tapi pagutonmu do tambihulni.&#8221;</span></span></div><div class="m"><span class="verse v15" data-usfm="GEN.3_1.15"><span class="content">  </span></span><span class="verse v16" data-usfm="GEN.3_1.16"><span class="label">16</span><span class="content">Nini ma hubani naboru ai, &#8220;Pabueion-Ku ma sitarononmu sanggah boratan rumah ho; borit ma ahapkononmu manubuhkon niombahmu! Paramangonmu ma hasiholanmu na manrajai ho!&#8221;</span></span></div><div class="m"><span class="verse v16" data-usfm="GEN.3_1.16"><span class="content">  </span></span><span class="verse v17" data-usfm="GEN.3_1.17"><span class="label">17</span><span class="content">Anjaha hubani si Adam ihatahon ma, &#8220;Halani na binalosanmu hata ni parinangonmu, anjaha ipangan ho humbani hayu na Hutitahkon in bam, &#8216;Ulang pangan hunjai&#8217;, hona papa ma tanoh on halani ho. Ngalutan ma ho mansarihon sipanganonmu sadokah manggoluh ho.</span></span></div><div class="m"><span class="verse v17" data-usfm="GEN.3_1.17"><span class="content">  </span></span><span class="verse v18" data-usfm="GEN.3_1.18"><span class="label">18</span><span class="content">Pantubuhkonon ni tanoh in ma bam duri pakon suga-suga, anjaha suan-suanan na i tanoh in ma sipanganonmu.</span></span></div><div class="m"><span class="verse v18" data-usfm="GEN.3_1.18"><span class="content">  </span></span><span class="verse v19" data-usfm="GEN.3_1.19"><span class="label">19</span><span class="content">Turak-turak hadogas ma ho mansarihon sipanganonmu, paima mulak ho gabe tanoh, ai hunjai do ho ibuat; orbuk do ho, halani ai maningon mulak do ho gabe orbuk.&#8221;</span></span></div><div class="m"><span class="verse v19" data-usfm="GEN.3_1.19"><span class="content">  </span></span><span class="verse v20" data-usfm="GEN.3_1.20"><span class="label">20</span><span class="content">Ibahen si Adam ma goran ni parinangonni ai si Hawa, halani ia do inang ni sagala na manggoluh.</span></span></div><div class="m"><span class="verse v20" data-usfm="GEN.3_1.20"><span class="content">  </span></span><span class="verse v21" data-usfm="GEN.3_1.21"><span class="label">21</span><span class="content">Dob ai ipauli Naibata Jahowa ma bobak bahen hiou ni si Adam pakon parinangonni ai, iabitkon ma ai bani sidea.</span></span></div><div class="s"><span class="heading">Hona usir hun Pohon Eden</span></div><div class="m"><span class="verse v21" data-usfm="GEN.3_1.21"><span class="content">  </span></span><span class="verse v22" data-usfm="GEN.3_1.22"><span class="label">22</span><span class="content">Dob ai nini Naibata Jahowa ma, &#8220;Tonggor ma, domma doskon sada hun bennami si Adam, mambotoh na madear pakon na masambor; ai pe, jagaon do ase ulang idurdurhon tanganni, anjaha iputikkon humbani hayu hagoluhan ai anjaha ipangan, gabe manggoluh sadokah ni dokahni.&#8221;</span></span></div><div class="m"><span class="verse v22" data-usfm="GEN.3_1.22"><span class="content">  </span></span><span class="verse v23" data-usfm="GEN.3_1.23"><span class="label">23</span><span class="content">Jadi iusir Naibata Jahowa ma ia hun pohon Eden ai, ase ihorjai tanoh pambuatanni ai.</span></span></div><div class="m"><span class="verse v23" data-usfm="GEN.3_1.23"><span class="content">  </span></span><span class="verse v24" data-usfm="GEN.3_1.24"><span class="label">24</span><span class="content">Iusir ma si Adam, inahkon ma herubim hampit hapoltakan ni pohon Eden ai marhasoman podang na marjimbur-jimbur na mawas-awas, laho manjagai dalan hu hayu hagoluhan ai.</span></span></div>
      </div>
   </div>
</div>

@ LAI 2007 Indonesian Bible Society (Lembaga Alkitab Indonesia) @ LAI 2022 Indonesian Bible Society (Lembaga Alkitab Indonesia) DC

Ulog do sipandeinan marimbang sagala binatang na i talun, na tinompa ni Naibata Jahowa. Jadi nini ulog ai ma bani naboru ai, “Adong do nani ihatahon Naibata, na so bulih panganon nasiam humbani sagala buah ni hayu na i pohon on?”
Jadi nini naboru ai ma dompak ulog ai, “Bulih do panganonnami humbani buah ni hayu na i pohon on;
tapi anggo pasal buah ni hayu na i parsitongahan ni pohon on, ihatahon Naibata do, ‘Ulang pangan hanima hunjai anjaha ulang jamah, ase ulang matei hanima.’ ”
Jadi nini ulog ai ma bani naboru ai, “Seng tongon matei nasiam,
tapi ibotoh Naibata do, anggo ipangan nasiam hunjai, gabe buha ma mata nasiam, doskon Naibata ma nasiam mambotoh na madear pakon na masambor.”
Inonoi naboru ai ma, dear do buah ni hayu ai panganon, jenges idahon anjaha siharosuhkononkon, halani boi papentarhon; jadi ibuat ma buahni, ipangan ma, ibere ma homa paramangonni na rap pakonsi ai, gabe ipangan ma.
Gabe buha ma mata ni sidea haduasi, ibotoh ma na talanjang sidea. Jadi isomot ma bulung ni hayu ara bahen bobat ni sidea.

Dob ai ibogei sidea ma sora ni Naibata Jahowa, na mardalan-dalan i pohon ai bani parrohni logou malele bod. Jadi marponop ma si Adam pakon parinangonni ai humbani bohi ni Naibata Jahowa i holangkolang ni hayu na i pohon ai.
Pio-pio ma Naibata Jahowa bani si Adam, nini ma hu bani, “Ija do ho?”
Nini mambalosi, “Hubogei do sora-Mu i pohon in, tapi mabiar do ahu, halani talanjang do ahu, ai do ase marponop ahu.”
Nini ma, “Ise patugahkon bam na talanjang ho? Ai dong ipangan ho buah ni hayu na Hularang in panganonmu?”
Nini si Adam ma, “Naboru na binere-Mu ai gabe hasomanku, ia do na mambere buah ni hayu in bangku, gabe hupangan.”
Nini Naibata Jahowa ma hubani naboru ai, “Ai aha do na binahenmon?” Nini naboru ai ma, “Na ipaoto-oto ulog in do ahu, gabe hupangan.”
Dob ai nini Naibata Jahowa ma bani ulog ai, “Halani ibahen ho sonai, hona papa ma ho i lobei ni sagala pinahan pakon binatang harangan; marhitei boltokmu ma ho manjulur, anjaha orbuk ma panganonmu sadokah manggoluh ho.
Anjaha bahenon-Ku ma partinggilanmu pakon naboru on, ginomparmu hubani ginomparni. Lisatkonon ni ginomparni ma ulumu, tapi pagutonmu do tambihulni.”
Nini ma hubani naboru ai, “Pabueion-Ku ma sitarononmu sanggah boratan rumah ho; borit ma ahapkononmu manubuhkon niombahmu! Paramangonmu ma hasiholanmu na manrajai ho!”
Anjaha hubani si Adam ihatahon ma, “Halani na binalosanmu hata ni parinangonmu, anjaha ipangan ho humbani hayu na Hutitahkon in bam, ‘Ulang pangan hunjai’, hona papa ma tanoh on halani ho. Ngalutan ma ho mansarihon sipanganonmu sadokah manggoluh ho.
Pantubuhkonon ni tanoh in ma bam duri pakon suga-suga, anjaha suan-suanan na i tanoh in ma sipanganonmu.
Turak-turak hadogas ma ho mansarihon sipanganonmu, paima mulak ho gabe tanoh, ai hunjai do ho ibuat; orbuk do ho, halani ai maningon mulak do ho gabe orbuk.”
Ibahen si Adam ma goran ni parinangonni ai si Hawa, halani ia do inang ni sagala na manggoluh.
Dob ai ipauli Naibata Jahowa ma bobak bahen hiou ni si Adam pakon parinangonni ai, iabitkon ma ai bani sidea.

Dob ai nini Naibata Jahowa ma, “Tonggor ma, domma doskon sada hun bennami si Adam, mambotoh na madear pakon na masambor; ai pe, jagaon do ase ulang idurdurhon tanganni, anjaha iputikkon humbani hayu hagoluhan ai anjaha ipangan, gabe manggoluh sadokah ni dokahni.”
Jadi iusir Naibata Jahowa ma ia hun pohon Eden ai, ase ihorjai tanoh pambuatanni ai.
Iusir ma si Adam, inahkon ma herubim hampit hapoltakan ni pohon Eden ai marhasoman podang na marjimbur-jimbur na mawas-awas, laho manjagai dalan hu hayu hagoluhan ai.

සවන් දෙන්න 1 MUSA Bindu 3