If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Watumo ikumi na waili</div><div class="r">(Marko 3:13-19; Luka 6:12-16)</div><div class="p"> 1Nao Jesu kawapang'a wairimi wake ikumi na waili na kuwahawa ndighi zegusa pepo na kuboesa kila ukongo na unyonge. 2Mazina gha walye watumo ikumi na waili ni agha: wa hambiri ni Simoni aitogho Petro, na Andrea wakwawe, Jakobo wa Zebedayo na Johana wakwawe, 3Filipo na Bartholomayo, Thoma na Matayo mfunyi kodi, Jakobo wa Alfayo, na Thadayo, 4Simoni Mkanaani na Juda Iskariote uyu amufunyile.</div><div class="s">Kutumo kwa watumo ikumi na waili</div><div class="r">(Marko 6:7-13; Luka 9:1-6)</div><div class="p"> 5Jesu kawatuma awa watumo ikumi na waili kewauza, &#8220;Simwaghende kwa mbari nzima hata simwangile mizi ya Wasamaria. 6Ela ghendeni kwa wandu walaghaye wa Israeli. 7Ghendeni mkechila mkeghamba, &#8216;Uzuri ghwa Mlungu ghwafika avui.&#8217; 8Boeseni wakongo, zuseni wafwile ombocholeni weo na ukoma. Guseni pepo. Mwanahawilo tuu, Funyeni tuu. 9Simwatwale zahabu ango feza ango shaba kele mifuko. 10Simwatwale vikuchu vetamba ango ikoti lya kaili, ango vilatu, ango ndata. Kwani mdei kazi yanafweni ahawo chakulya.</div><div class="p"> 11&#8220;Na muzi ugho ghose mubwaa ango mchache mungilagha, hadeni mundu afweni mukale kwake hata ilyi ijua muukagha. 12Nao mukengila nyumba ghoreni, &#8216;Sere ikale kwenyu.&#8217; 13Nao ngera wandu wa nyumba ilya wafweni, sere yenyu ikale kwawe, ela ngera siwefweni, sere yenyu imuuyile. 14Na ngera mundungi semuhokere ango sesikile ghenyu, ghunguduleni vumbi iwo kele maghulu ghenyu mukefuma kele ilya nyumba ango muzi ugho. 15Fulo namuza ijekala bahabaha kwa Sodomu na Gomora ijua lya kutaghanyo kuchumba ghulya muzi.</div><div class="s">Kuja kwa matiriro</div><div class="r">(Marko 13:9-13; Luka 21:12-17)</div><div class="p"> 16&#8220;Loleni namutuma sa ng'onzi ghati ya turugha; kwa hung'u mkale walachu sa nyoka na wa mbole sa maringo. 17Mukulinde na wandu; kwani wejemghenza kele baraza na kumukwita kele sinagogi zawe. 18Mjeghenzo hambiri ya wabwaa na wazuri kwa undu ghwangu eri mushuhudie hambiri yawe na mbari nzima. 19Nao ilyi wamughenza kutaghanyoni, simwakambo ni chongo nini mughoragha ango mughoragha ije, kwani agha mughoragha mujehawo ngelo yeghora. 20Kwani sinyo wengi mughoragha, ela Roho ya Tatio ijeghora kuitila amweni kwenyu.</div><div class="p"> 21&#8220;Mundu ujemfunya wakwawe aulagho, na aba mwana wake, na wana wejewaghaluka wavali wawe waulagho. 22Nenyo mjemenyo kwa undu ghwangu. Ela uyu erumaghiagha hata kudua ukilagha.</div><div class="p"> 23&#8220;Nao ilyi wamutirira kele muzi ghumoju, kimbileni kele muzi muzima; kwani fulo kwenyi namuza simughendagha kele mizi yose ya Israeli, hambiri ya Mwana wa Mdamu sejile.</div><div class="p"> 24&#8220;Mwirimi si mubwaa kungi kumuisa mwalimu wake. Hata mtumishi si mubwaa kungi kumwisa bwana wake. 25Yanamketi mwirimi kukala sa mwalimu wake na mtumishi kukala sa bwana wake. Ikakala wanamwitile bwana wa nyumba Beelzebuli, siichumbagha wandu wa nyumba yake kudaro.</div><div class="s">Nani owogha</div><div class="r">(Luka 12:2-7)</div><div class="p"> 26&#8220;Kwa hung'u simwawaoghe, kwani sikwesi kindu chingi chibulilo sichefunukulogho ango chivisilo sichemanyikanagha. 27Agha nimughoreragha kizeni, ghaghoreni kele mlangazi; na agha mushashirogho, ghaghoreni ighulu ya nyumba. 28Simwawaoghe walye weulagha muli na siwedimagha kuulagha roho, ela mwogheni ulya edimagha kuhaitisa roho na muli kele jehanamu. 29Ado mbaimbai mbili sizitaghogho kwa igome. Hata ingi yawe siifwighagha Tatio seshaile. 30Ela hata sisiri zenyu za chongo zanatalilo. 31Kwa hung'u simwaoghe, inyo ninyo bora kuisa mbaimbai nyingi. </div><div class="s">Kumghora na kumlegha Kristo</div><div class="r">(Luka 12:8-9)</div><div class="p"> 32&#8220;Kwa hung'u kila mundu enighoragha hambiri ya wandu, namose nijemghora hambiri ya Aba ewo mlunguni. 33Ela uyo enikanagha hambiri ya wandu, namose nijemkana hambiri ya Aba ewo mlunguni.</div><div class="s">Si sere ingi ela lufu</div><div class="r">(Luka 12:51-53; 14:26-27)</div><div class="p"> 34&#8220;Simwaririkanye kamba nanajile kuleta sere urumenguni. Hata, sijile kuleta sere, sala lufu. 35Kwani nanajile kukosanisa mundu na tatie na kukosanisa mchana na mee na kukosanisa mkaza mwana na mkekulu wake. 36Na wamaiza wa mundu wekalagha wandu wa nyumba yake.</div><div class="p"> 37&#8220;Uyo wose emushayagha tatie ango mee kuniisa imi sefwanagha kukala mwirimi wangu; na uyo wose emushayagha mwana wake ango mchana wake kuniisa imi sefwanagha kukala mwirimi wangu; 38na uyo wose setwalagha msalaba ghwake na kuniirima sefwanagha kukala mwirimi wangu. 39Uyo wose eghupatagha umana ghwake ughulaghazagha; na uyo wose elaghazagha umana ghwake kwa undu ghwangu ughupatagha.</div><div class="s">Manosi</div><div class="r">(Marko 9:41)</div><div class="p"> 40&#8220;Uyo wose emhokeragha inyo ondenihokera imi, na Uyo wose enihokeragha imi ondemhokera uyu anitumile. 41Uyo wose emhokeragha tondolo kwa kukala ni tondolo ujepata manosi gha tondolo, na uyo wose emhokeragha mundu wa hachi kwa kukala ni mundu wa hachi upatagha manosi gha mundu wa hachi. 42Na uyo wose emhawagha mumoju wa awa wachache kikombe cha meji ghasaruwe kwa kukala ni mwirimi wangu, fulo namuza sesowagha inosi lyake.&#8221;</div>
 </div>
 </div>
</div>

Nao Jesu kawapang'a wairimi wake ikumi na waili na kuwahawa ndighi zegusa pepo na kuboesa kila ukongo na unyonge. Mazina gha walye watumo ikumi na waili ni agha: wa hambiri ni Simoni aitogho Petro, na Andrea wakwawe, Jakobo wa Zebedayo na Johana wakwawe, Filipo na Bartholomayo, Thoma na Matayo mfunyi kodi, Jakobo wa Alfayo, na Thadayo, Simoni Mkanaani na Juda Iskariote uyu amufunyile.


Jesu kawatuma awa watumo ikumi na waili kewauza, “Simwaghende kwa mbari nzima hata simwangile mizi ya Wasamaria. Ela ghendeni kwa wandu walaghaye wa Israeli. Ghendeni mkechila mkeghamba, ‘Uzuri ghwa Mlungu ghwafika avui.’ Boeseni wakongo, zuseni wafwile ombocholeni weo na ukoma. Guseni pepo. Mwanahawilo tuu, Funyeni tuu. Simwatwale zahabu ango feza ango shaba kele mifuko. Simwatwale vikuchu vetamba ango ikoti lya kaili, ango vilatu, ango ndata. Kwani mdei kazi yanafweni ahawo chakulya.
“Na muzi ugho ghose mubwaa ango mchache mungilagha, hadeni mundu afweni mukale kwake hata ilyi ijua muukagha. Nao mukengila nyumba ghoreni, ‘Sere ikale kwenyu.’ Nao ngera wandu wa nyumba ilya wafweni, sere yenyu ikale kwawe, ela ngera siwefweni, sere yenyu imuuyile. Na ngera mundungi semuhokere ango sesikile ghenyu, ghunguduleni vumbi iwo kele maghulu ghenyu mukefuma kele ilya nyumba ango muzi ugho. Fulo namuza ijekala bahabaha kwa Sodomu na Gomora ijua lya kutaghanyo kuchumba ghulya muzi.


“Loleni namutuma sa ng'onzi ghati ya turugha; kwa hung'u mkale walachu sa nyoka na wa mbole sa maringo. Mukulinde na wandu; kwani wejemghenza kele baraza na kumukwita kele sinagogi zawe. Mjeghenzo hambiri ya wabwaa na wazuri kwa undu ghwangu eri mushuhudie hambiri yawe na mbari nzima. Nao ilyi wamughenza kutaghanyoni, simwakambo ni chongo nini mughoragha ango mughoragha ije, kwani agha mughoragha mujehawo ngelo yeghora. Kwani sinyo wengi mughoragha, ela Roho ya Tatio ijeghora kuitila amweni kwenyu.
“Mundu ujemfunya wakwawe aulagho, na aba mwana wake, na wana wejewaghaluka wavali wawe waulagho. Nenyo mjemenyo kwa undu ghwangu. Ela uyu erumaghiagha hata kudua ukilagha.
“Nao ilyi wamutirira kele muzi ghumoju, kimbileni kele muzi muzima; kwani fulo kwenyi namuza simughendagha kele mizi yose ya Israeli, hambiri ya Mwana wa Mdamu sejile.
“Mwirimi si mubwaa kungi kumuisa mwalimu wake. Hata mtumishi si mubwaa kungi kumwisa bwana wake. Yanamketi mwirimi kukala sa mwalimu wake na mtumishi kukala sa bwana wake. Ikakala wanamwitile bwana wa nyumba Beelzebuli, siichumbagha wandu wa nyumba yake kudaro.


“Kwa hung'u simwawaoghe, kwani sikwesi kindu chingi chibulilo sichefunukulogho ango chivisilo sichemanyikanagha. Agha nimughoreragha kizeni, ghaghoreni kele mlangazi; na agha mushashirogho, ghaghoreni ighulu ya nyumba. Simwawaoghe walye weulagha muli na siwedimagha kuulagha roho, ela mwogheni ulya edimagha kuhaitisa roho na muli kele jehanamu. Ado mbaimbai mbili sizitaghogho kwa igome. Hata ingi yawe siifwighagha Tatio seshaile. Ela hata sisiri zenyu za chongo zanatalilo. Kwa hung'u simwaoghe, inyo ninyo bora kuisa mbaimbai nyingi.


“Kwa hung'u kila mundu enighoragha hambiri ya wandu, namose nijemghora hambiri ya Aba ewo mlunguni. Ela uyo enikanagha hambiri ya wandu, namose nijemkana hambiri ya Aba ewo mlunguni.


“Simwaririkanye kamba nanajile kuleta sere urumenguni. Hata, sijile kuleta sere, sala lufu. Kwani nanajile kukosanisa mundu na tatie na kukosanisa mchana na mee na kukosanisa mkaza mwana na mkekulu wake. Na wamaiza wa mundu wekalagha wandu wa nyumba yake.
“Uyo wose emushayagha tatie ango mee kuniisa imi sefwanagha kukala mwirimi wangu; na uyo wose emushayagha mwana wake ango mchana wake kuniisa imi sefwanagha kukala mwirimi wangu; na uyo wose setwalagha msalaba ghwake na kuniirima sefwanagha kukala mwirimi wangu. Uyo wose eghupatagha umana ghwake ughulaghazagha; na uyo wose elaghazagha umana ghwake kwa undu ghwangu ughupatagha.


“Uyo wose emhokeragha inyo ondenihokera imi, na Uyo wose enihokeragha imi ondemhokera uyu anitumile. Uyo wose emhokeragha tondolo kwa kukala ni tondolo ujepata manosi gha tondolo, na uyo wose emhokeragha mundu wa hachi kwa kukala ni mundu wa hachi upatagha manosi gha mundu wa hachi. Na uyo wose emhawagha mumoju wa awa wachache kikombe cha meji ghasaruwe kwa kukala ni mwirimi wangu, fulo namuza sesowagha inosi lyake.”

සවන් දෙන්න Matayo 10