God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">9:1-8 Iesu Na Urieta, Emb&#243; Eka Ingo Takembari Jebuguturia Re.</div><div class="r">(Mak 2:1-12; Luk 5:17-26)</div><div class="p"> 1Iesu unda ambo nimbide ghaava* vorea kaverea, yoveniva rekimbea, unda irita uria naava igiguturie. 2Aria, ghaa ga vivitueta, enembo dumenimi emb&#243; eini eka ingo takembarinu ghaitova ititurieta vasia irieta bua, Iesu dava fufuguturie. An&#225; kae bari emb&#243;de, unda kokomanade n&#250;mane daiyagha und&#250; gaabee egegutueta gia doa, Iesu an&#225; emb&#243;du egh&#225; ririe. &#8220;Anda mendi, ano ea, gangoro adi rere! Inda ari akokogo nundubea gia dotore.&#8221;</div><div class="p"> 3Agh&#225; rieta, Moses da Gaga Irugari kakato* dumeni anava asusumbea vitiria-mi niningigea, Iesu dava agh&#225; arida ano tefo gaa rea, nenuka egh&#225; regeguturie, &#8220;En&#225; emb&#243; God da bing&#225; fara rouvie.&#8221; 4N&#250;manda donu nundubutua, Iesu gerurie-gea, n&#250;mandu ririe, &#8220;N&#237;mane daiyagha neno roomi nundubari akokogo reisi-nundubuto? 5At&#225; nundubea gigige! Niana mo rauko ro? &#8216;Inda sembago nundubea gia dotore!&#8217; rari mo, rauko ra, a&#297;? o &#8216;Erea de&#297; ege!&#8217; rari mo, rauko ra? 6Enanu ata, gigigea, tanana egegaita rosoravore: ari akokogo nundubea gia, doarida ano Enemboda Jojabeedava* vitie.&#8221; Agh&#225; rea kaverea, an&#225; emb&#243; eka ingo takembaridu egh&#225; ririe, &#8220;Erea, inda ghaito borea bua, kambova ii!&#8221; 7Iesu agh&#225; ririeta, an&#225; emb&#243; eka ingo takembaride jebugea, kambova arie. 8An&#225; emb&#243; erea, kambova irueta, enembo dano gigigea oru ea, God ano aghagonu enembodava ututuria-du, und&#250; raga regeguturie.</div><div class="s1">9:9-13 Iesu Na Matyu Ghogho Riria-da Gaga Re.</div><div class="r">(Mak 2:13-17; Luk 5:27-32)</div><div class="p"> 9Iesu an&#225; kambesi doa irurota, dibe fugituria mo, takesi bari emb&#243; eini ragaro Matyu unda takesi bari dobova asumbea irieta gia, Iesu an&#225; emb&#243;du egh&#225; ririe, &#8220;Erea, anda ambova fu!&#8221; agh&#225; ririeta, Matyu erea, Iesu da ambova arie. 10#Luk 15:1-2Anada ambova, Iesu aria, Matyu da kambova terua, undari dieta, takesi bari enembo dumeni, kot&#250; ari akokogo enembo oruaruabe dano furia, Iesu de unda ambo nimbide dano asusumbea, undari undidiguturie. 11Agh&#225; ueta, Moses da Gaga Kaifa Ari kakato* gigiguturie-gea, Iesu da ambo nimbidu egh&#225; regeguturie, &#8220;Bee dodu n&#237;manda irugari kato takesi bari enembode kot&#250; ari akokogo enembode dano asumbea undari reisi-undi?&#8221; 12Agh&#225; regeguturieta, Iesu niningurie-gea, n&#250;mandu egh&#225; ririe, &#8220;Avona, &#8216;Andava kae tefo re,&#8217; radua mo, ingi emb&#243; undava jo yambi aita rouvie. Kot&#250; avona, &#8216;Am&#243; kae bere,&#8217; radua mo, ingi emb&#243; undava yaita rouvie. 13#Mat 12:7; Hos 6:6Avoreta, igige, God da Gaga enanu nundubuturota, bee tanana ea gogh&#243; egegadi! &#8216;Anda uno bee mo, an&#225; komanadu neno mema ari re, jo and&#250; vesa dungari irambi re.&#8217; Anada bee mo, am&#243; enembo akokogodu furere, jo enembo taubana ghogho raita furambi re.&#8221;</div><div class="s1">9:14-17 Iesu Da Ambo Nimbi Tama Jo Ambi Egeguturia-da Uriga Re.</div><div class="r">(Mak 2:18-22; Luk 5:33-39)</div><div class="p"> 14Anada ambova, Jon Bafutaito ari katoda ambo nimbi dumenimi furia, Iesu dava uriga egeguturie, &#8220;N&#225;mane kot&#250; Moses da Gaga Kaifa kakato*, God dava benunu aita rirota, undari tama eta rosore. Tago, inda ambo nimbi daiyagha aghago jo ambi egegeta rousu?&#8221; 15Agh&#225; regeguturieta, Iesu undufa iruguturota, n&#250;mandu egh&#225; ririe, &#8220;Nundubea gigige! Mendi gimasa evetu yagera aita rouvia-da banauva unda kokomana jo dari sorara urota, tama ambi aita rousue. Tago, fefera fur&#225; bubota, en&#225; mendi gimasa data amburadua mo, n&#250;mane aghade tama egegaita rousue.</div><div class="p"> 16Eembo boo sei too barugadua mo, jo rekami divegea itia tauta egegambi asire. Anada bee mo, eembo boo reka divegea tauta egegadora mo, tariri ea ghambugota bejea ya, too jojabe aita rouvie. 17Ari dabako aghago vaini reka jo bua kofiri seiva averegota irambi aita rouvie. Agh&#225; adora mo, vaini rekada anomi ata-gea, an&#225; kofiri bejea, vaini averegea vorea, akuago aita rouvie. Amindu vaini reka an&#225; kofiri rekava averegota, ung&#225; inonova taubana iraita rouvie.#9:17 Enava gaga kofiri vitia-da bee mo, gouti o sifi da andoro teghumbea fifinembeta uria-du reirie. Vaini rekada oenomi kofiri sei aghago mane bejasue.&#8221; </div><div class="s1">9:18-26 Evetu Eini Iesu Na Ririeta, Jebuguturie. Kot&#250; Ariri Eini Amburarivareta Ririeta Jebuguturie.</div><div class="r">(Mak 5:21-43; Luk 8:40-56)</div><div class="p"> 18Iesu agh&#225; rieta, Jiusi enemboda beforo righari eini furia, Iesu dava bubua, unda dibe kenava koubumi jengirea, egh&#225; ririe, &#8220;Anda ariri ijoko oreki enembo ambueta, im&#243; fu, ang&#225; ya, inda ingomi tamova itadi-gea, um&#243; jebugoe!&#8221; ririe. 19Agh&#225; ririeta, Iesu unda ambo nimbide dano erea, an&#225; beforo righaride dano igiguturie.</div><div class="p"> 20N&#250;mane irueta, evetu eini furia, emboro rorova tafirie. An&#225; evetu tatangu kae bua gutiturota, ghaeko 12 sidara urie. An&#225; evetu Iesu da ambo kena aria, ingo sinia, Iesu da tamo asugari sokuada soriva ririkurie. 21An&#225; evetuda nundubariva, &#8220;Am&#243; tefo unda tamo asugari sokuava righadora, am&#243; jebugaita rore,&#8221; agh&#225; nundubuturie-gea, Iesu da sokuava ririkurie. 22Iesu itatama ea kaverea, an&#225; evetu gia, und&#250; egh&#225; ririe, &#8220;Anda ariri, ano urota, gangoro ege! Inda gaabee arimi im&#243; jebugetoravore,&#8221; Iesu agh&#225; ria, gaimbo ambi, an&#225; evetu jebuguturie.</div><div class="p"> 23-24Agh&#225; uria-da ambova, Iesu beforo righarida kambo teterurota, veku furari kakatode, kot&#250; enembo oruaruabe yove gaje rieta, dari sorara ueta gerurie-gea, Iesu n&#250;mandu egh&#225; ririe, &#8220;Erea ii, isaghava bububugadi! En&#225; ariri jo amburambi re. Um&#243; eevo rouvie,&#8221; ririe-tago, n&#250;mane Iesu kuvia gegha regeguturie. 25Agh&#225; riria-du, kambo numamomi ririeta, natofo dano aria, isaghava bububuguturieta, Iesu terua aria, an&#225; aririda ingova ririkurieta, jebugea erorurie. 26Iesu agh&#225; uria-da bing&#225; sarigea aria, an&#225; frovensiva roo enda avo fafate urie.</div><div class="s1">9:27-34 Iesu Urieta, Embobo Ungagha Dibe Soikide Kot&#250; Emb&#243; Eini Be Gungade Jejebuguturia Re.</div><div class="p"> 27Iesu an&#225; kambesi doa irueta, embobo ungagha dibe soikidemi Iesu da ambova irurota, be koko fugea, egh&#225; regeguturie, &#8220;Ariee! Devit da Mendi, n&#225;mandu neno mema ea, sonembe!&#8221; 28Agh&#225; regeguta furueta, Iesu aria, kambo eini avo teterurieta, an&#225; embobo ungagha ambova aria teteruguturieta, Iesu ung&#225; und&#250; uriga urie, &#8220;Rata jebugarida ano andava vitia, ananu ing&#225; im&#243; gaabee rosora?&#8221; ririeta, ung&#225; um&#243;, &#8220;A&#297;go, Jojabee, n&#225;mane gaabee rosore.&#8221; 29Agh&#225; regeguturia-du, Iesu ingo sinia ung&#225; unda dibe maneva ririkurota, egh&#225; ririe, &#8220;Ing&#225; im&#243; daiyagha nundubuturota, gaabee rosora aghagonu n&#237;mandava siroroe!&#8221; 30Agh&#225; ririeta, an&#225; embobo ungaghada dibe ifefegea gerueta, Iesu ininigha ung&#225; undava donu urieta siroruturia-nu, rourogo enembodu rata niningigauva-degea ririe. 31Agh&#225; ririe-tago, ung&#225; um&#243; bubua aria, Iesu da donu uria-da bing&#225; isagha urieta, an&#225; roo endava dano aria, fafate urie.</div><div class="p"> 32Avore, ung&#225; um&#243; bubua irueta, emb&#243; eini taimu akuagomi asuguturieta, be gunga vitiria-nu bua, Iesu dava fufuguturie. 33Iesu taimu tuviturieta buburiturieta, an&#225; emb&#243; be gunga ea vitiria-mi be fangea tutuno ea gaga ririe. Agh&#225; urieta, enembo oruaruabe gia, bee duduku-dadaka ea, mana-mana urota, egh&#225; regeguturie, &#8220;Eini-eini eghago roo enda Israel enava jo sirorota gigigambi, tutunova reisi-gerore.&#8221;</div><div class="p"> 34 # 
 Mat 10:25; 12:24; Mak 3:22; Luk 11:15 Iesu agh&#225; uria-du, Moses da Gaga Kaifa kakato egh&#225; regeguturie, &#8220;Taimu akokogoda barirari Satan na Iesu du ano utuaveta, taimu akokogo tuviaveta isaghava bubuta rousue.&#8221;</div><div class="s1">9:35-38 God Da Buro Kakato Orua Irambi Re.</div><div class="p"> 35 # 
 Mat 4:23; Mak 1:39; Luk 4:44 Iesu Galili Frovensi rova bogu naava kot&#250; naa maneva terua bubua urota, ngha&#297; itari kambova*, God Afa unda natofo* daiyagha kaifa eta rouvia-da Gaga Taubananu minono reta urie. Kot&#250; enembo kae dibe eini be eini bua irari eaveta jejebugeta urie. 36#Num 27:17; 1 Kgs 22:17; 2 Chr 18:16; Ezek 34:5; Mak 6:34Aghade, natofo jede undava desuturia-nu gia, neno mema urie. Anada bee mo, eto-bato sifi mane kaifa kato tefo aghago, n&#250;mane ano tefo sonembadu mana-mana urota vitirie. 37#Luk 10:2Agh&#225;-gea, unda ambo nimbidu egh&#225; ririe, &#8220;Aayova undari-bari oruaruabe bee etue-tago, undari-bari ghambea buria ari enembo jo orua irambi re. 38Amindu aayo numamodu benunu egege-gea, undari ghambea buria ari enembo ninengota furoe!&#8221; ririe.</div>
 </div>
 </div>
</div>

Iesu unda ambo nimbide ghaava* vorea kaverea, yoveniva rekimbea, unda irita uria naava igiguturie. Aria, ghaa ga vivitueta, enembo dumenimi embó eini eka ingo takembarinu ghaitova ititurieta vasia irieta bua, Iesu dava fufuguturie. Aná kae bari embóde, unda kokomanade númane daiyagha undú gaabee egegutueta gia doa, Iesu aná embódu eghá ririe. “Anda mendi, ano ea, gangoro adi rere! Inda ari akokogo nundubea gia dotore.”
Aghá rieta, Moses da Gaga Irugari kakato* dumeni anava asusumbea vitiria-mi niningigea, Iesu dava aghá arida ano tefo gaa rea, nenuka eghá regeguturie, “Ená embó God da bingá fara rouvie.” Númanda donu nundubutua, Iesu gerurie-gea, númandu ririe, “Nímane daiyagha neno roomi nundubari akokogo reisi-nundubuto? Atá nundubea gigige! Niana mo rauko ro? ‘Inda sembago nundubea gia dotore!’ rari mo, rauko ra, aĩ? o ‘Erea deĩ ege!’ rari mo, rauko ra? Enanu ata, gigigea, tanana egegaita rosoravore: ari akokogo nundubea gia, doarida ano Enemboda Jojabeedava* vitie.” Aghá rea kaverea, aná embó eka ingo takembaridu eghá ririe, “Erea, inda ghaito borea bua, kambova ii!” Iesu aghá ririeta, aná embó eka ingo takembaride jebugea, kambova arie. Aná embó erea, kambova irueta, enembo dano gigigea oru ea, God ano aghagonu enembodava ututuria-du, undú raga regeguturie.


Iesu aná kambesi doa irurota, dibe fugituria mo, takesi bari embó eini ragaro Matyu unda takesi bari dobova asumbea irieta gia, Iesu aná embódu eghá ririe, “Erea, anda ambova fu!” aghá ririeta, Matyu erea, Iesu da ambova arie. Anada ambova, Iesu aria, Matyu da kambova terua, undari dieta, takesi bari enembo dumeni, kotú ari akokogo enembo oruaruabe dano furia, Iesu de unda ambo nimbide dano asusumbea, undari undidiguturie. Aghá ueta, Moses da Gaga Kaifa Ari kakato* gigiguturie-gea, Iesu da ambo nimbidu eghá regeguturie, “Bee dodu nímanda irugari kato takesi bari enembode kotú ari akokogo enembode dano asumbea undari reisi-undi?” Aghá regeguturieta, Iesu niningurie-gea, númandu eghá ririe, “Avona, ‘Andava kae tefo re,’ radua mo, ingi embó undava jo yambi aita rouvie. Kotú avona, ‘Amó kae bere,’ radua mo, ingi embó undava yaita rouvie. Avoreta, igige, God da Gaga enanu nundubuturota, bee tanana ea goghó egegadi! ‘Anda uno bee mo, aná komanadu neno mema ari re, jo andú vesa dungari irambi re.’ Anada bee mo, amó enembo akokogodu furere, jo enembo taubana ghogho raita furambi re.”


Anada ambova, Jon Bafutaito ari katoda ambo nimbi dumenimi furia, Iesu dava uriga egeguturie, “Námane kotú Moses da Gaga Kaifa kakato*, God dava benunu aita rirota, undari tama eta rosore. Tago, inda ambo nimbi daiyagha aghago jo ambi egegeta rousu?” Aghá regeguturieta, Iesu undufa iruguturota, númandu eghá ririe, “Nundubea gigige! Mendi gimasa evetu yagera aita rouvia-da banauva unda kokomana jo dari sorara urota, tama ambi aita rousue. Tago, fefera furá bubota, ená mendi gimasa data amburadua mo, númane aghade tama egegaita rousue.
Eembo boo sei too barugadua mo, jo rekami divegea itia tauta egegambi asire. Anada bee mo, eembo boo reka divegea tauta egegadora mo, tariri ea ghambugota bejea ya, too jojabe aita rouvie. Ari dabako aghago vaini reka jo bua kofiri seiva averegota irambi aita rouvie. Aghá adora mo, vaini rekada anomi ata-gea, aná kofiri bejea, vaini averegea vorea, akuago aita rouvie. Amindu vaini reka aná kofiri rekava averegota, ungá inonova taubana iraita rouvie.”


Iesu aghá rieta, Jiusi enemboda beforo righari eini furia, Iesu dava bubua, unda dibe kenava koubumi jengirea, eghá ririe, “Anda ariri ijoko oreki enembo ambueta, imó fu, angá ya, inda ingomi tamova itadi-gea, umó jebugoe!” ririe. Aghá ririeta, Iesu unda ambo nimbide dano erea, aná beforo righaride dano igiguturie.
Númane irueta, evetu eini furia, emboro rorova tafirie. Aná evetu tatangu kae bua gutiturota, ghaeko 12 sidara urie. Aná evetu Iesu da ambo kena aria, ingo sinia, Iesu da tamo asugari sokuada soriva ririkurie. Aná evetuda nundubariva, “Amó tefo unda tamo asugari sokuava righadora, amó jebugaita rore,” aghá nundubuturie-gea, Iesu da sokuava ririkurie. Iesu itatama ea kaverea, aná evetu gia, undú eghá ririe, “Anda ariri, ano urota, gangoro ege! Inda gaabee arimi imó jebugetoravore,” Iesu aghá ria, gaimbo ambi, aná evetu jebuguturie.
Aghá uria-da ambova, Iesu beforo righarida kambo teterurota, veku furari kakatode, kotú enembo oruaruabe yove gaje rieta, dari sorara ueta gerurie-gea, Iesu númandu eghá ririe, “Erea ii, isaghava bububugadi! Ená ariri jo amburambi re. Umó eevo rouvie,” ririe-tago, númane Iesu kuvia gegha regeguturie. Aghá riria-du, kambo numamomi ririeta, natofo dano aria, isaghava bububuguturieta, Iesu terua aria, aná aririda ingova ririkurieta, jebugea erorurie. Iesu aghá uria-da bingá sarigea aria, aná frovensiva roo enda avo fafate urie.

Iesu aná kambesi doa irueta, embobo ungagha dibe soikidemi Iesu da ambova irurota, be koko fugea, eghá regeguturie, “Ariee! Devit da Mendi, námandu neno mema ea, sonembe!” Aghá regeguta furueta, Iesu aria, kambo eini avo teterurieta, aná embobo ungagha ambova aria teteruguturieta, Iesu ungá undú uriga urie, “Rata jebugarida ano andava vitia, ananu ingá imó gaabee rosora?” ririeta, ungá umó, “Aĩgo, Jojabee, námane gaabee rosore.” Aghá regeguturia-du, Iesu ingo sinia ungá unda dibe maneva ririkurota, eghá ririe, “Ingá imó daiyagha nundubuturota, gaabee rosora aghagonu nímandava siroroe!” Aghá ririeta, aná embobo ungaghada dibe ifefegea gerueta, Iesu ininigha ungá undava donu urieta siroruturia-nu, rourogo enembodu rata niningigauva-degea ririe. Aghá ririe-tago, ungá umó bubua aria, Iesu da donu uria-da bingá isagha urieta, aná roo endava dano aria, fafate urie.
Avore, ungá umó bubua irueta, embó eini taimu akuagomi asuguturieta, be gunga vitiria-nu bua, Iesu dava fufuguturie. Iesu taimu tuviturieta buburiturieta, aná embó be gunga ea vitiria-mi be fangea tutuno ea gaga ririe. Aghá urieta, enembo oruaruabe gia, bee duduku-dadaka ea, mana-mana urota, eghá regeguturie, “Eini-eini eghago roo enda Israel enava jo sirorota gigigambi, tutunova reisi-gerore.”
Iesu aghá uria-du, Moses da Gaga Kaifa kakato eghá regeguturie, “Taimu akokogoda barirari Satan na Iesu du ano utuaveta, taimu akokogo tuviaveta isaghava bubuta rousue.”

Iesu Galili Frovensi rova bogu naava kotú naa maneva terua bubua urota, nghaĩ itari kambova*, God Afa unda natofo* daiyagha kaifa eta rouvia-da Gaga Taubananu minono reta urie. Kotú enembo kae dibe eini be eini bua irari eaveta jejebugeta urie. Aghade, natofo jede undava desuturia-nu gia, neno mema urie. Anada bee mo, eto-bato sifi mane kaifa kato tefo aghago, númane ano tefo sonembadu mana-mana urota vitirie. Aghá-gea, unda ambo nimbidu eghá ririe, “Aayova undari-bari oruaruabe bee etue-tago, undari-bari ghambea buria ari enembo jo orua irambi re. Amindu aayo numamodu benunu egege-gea, undari ghambea buria ari enembo ninengota furoe!” ririe.

සවන් දෙන්න Matyu 9