<div class="version vid3574 iso6393tof" data-vid="3574" data-iso6393="tof">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1T&#252;p a p&#252;lp&#252;l t&#243;mbap&#243;na inzan blak&#243;n&#243;rr, ak&#243; blaman elklaza, ne kla koral&#243;rr ib&#252; kugupid&#252;.</div><div class="p"> 27 Ngim ng&#252;rr n&#243;ma semrran&#243;rr, God&#243;n zaget ug&#243;n blak&#243;rr&#243;n yaril&#252;rr, wa ne kla t&#243;mbap&#243;n yaril&#252;rr. Da ene ng&#252;rr, wa ng&#243;n ngag&#243;n&#243;rr t&#243;ba blaman zaget&#243;d&#243;gab, wa ne kla t&#243;mbap&#243;n yaril&#252;rr.#Ibrru 4:4, 10 3God 7 ngim ng&#252;rr bles y&#243;n&#252;rr, da tebe-tebe amaik&#252;rr, zit&#252;lkus wa ene ng&#252;rrd&#252; ng&#243;n ngag&#243;n&#243;rr t&#243;ba blaman zaget&#243;d&#243;gab, wa ne kla t&#243;mbap&#243;n yaril&#252;rr.#Bazeb Tonarr 20:11 4T&#252;p a p&#252;lp&#252;l t&#243;nggap&#243;n p&#243;epa ae blak&#243;nda.</div><div class="s1">God Didiburr T&#243;nggap&#243;n&#243;rr Iden&#243;m</div><div class="p">&#8970;Lod&#8971; God t&#252;p a p&#252;lp&#252;l n&#243;ma t&#243;nzap&#243;n&#243;rr, ug&#243;n 5t&#252;pd&#252; elklaza zid babul kwaril&#252;rr ak&#243; k&#252;pa koke bamken&#243;p, zit&#252;lkus Lod God darr&#252; ngup koke zirrsap&#243;n&#243;rr t&#252;pd&#252;. Ak&#243; pam babul yaril&#252;rr t&#252;p kesu ang&#243;n&#243;m. 6Nae godeata#2:6 nae godeat: Ngib&#252;rr M&#243;rrke-m&#243;rrke God&#243;n Bukd&#252; inzan angrirr&#252;na: gles. t&#252;pd&#252;gab tumkuln&#243;p, da i blaman tumum t&#252;p nangn&#243;p.</div><div class="p"> 7Da Lod God t&#252;p buru-i pam we t&#243;nggap&#243;n&#243;rr, da wa arr&#243;l ng&#243;n we seman&#243;rr oya sy&#243;k t&#243;t&#243;rr nisd&#252;. Ene pam ama arr&#243;l pamakan&#243;m bain&#252;rr.</div><div class="p"> 8 Lod God didiburr we irt&#252;m&#252;l&#252;rr Iden#2:8 Iden ngian k&#252;p m&#243;d&#243;ga: barnginw&#243;m. bw&#243;bd&#252;, ab&#252;sa n&#243;lgabi banikda, da ne pam t&#243;nggap&#243;n&#243;rr ola ingrin&#252;rr. 9Da Lod God ab&#252;n-ab&#252;n obzek nugup d&#243;d&#243;rr nin&#243;p t&#252;pd&#252;gab, morroal ne kla koral&#243;rr basen&#243;m ak&#243; alom. Didiburr aod&#243; nis nugup nam&#252;ln&#252;rri, &#8970;ngarkwat-koke arr&#243;l&#8971; gail nugup asi yaril&#252;rr, ak&#243; umul gail nugup asi yaril&#252;rr, morroal a kolae nega.#Okaka Amzazirr&#252;n Kla 2:7; 22:2, 14</div><div class="p"> 10Tobarra Iden bw&#243;bd&#252;gab olmeal&#243;rr ene didiburr nae ang&#243;m, da didiburr kalkuma, tokom il we bang&#243;n&#243;rr. 11Ngaen-g&#243;g&#243;pan tobarr ngi m&#243;d&#243;ga, Pison; wa blaman Abila kantrri myangrao ap&#243;nda, &#8970;gold&#8971; n&#243;lamase. 12(Ene kantrrian gold morroala, ak&#243; morroal ilang m&#243;eg#2:12 m&#243;eg, M&#243;rrke-m&#243;rrke m&#243;d&#243;ga: bdellium. ak&#243; k&#243;mal wirri darrem ing&#252;lk&#252;p, ngi oniks, ta ola asisko.) 13Nis ngim tobarr ngi m&#243;d&#243;ga, Gion; wa blaman Kas kantrri myangrao ap&#243;nda. 14A&#252;d ngim tobarr ngi m&#243;d&#243;ga, Taegrris. Wa olmeanda Asirria kantrri kabeana, ab&#252;sa n&#243;lgabi banikda. Tokom ngim tobarr ngi m&#243;d&#243;ga, Yuprreitis.</div><div class="s1">Adam a Ib</div><div class="p"> 15 Lod God pam ipad&#243;rr, da we ingrin&#252;rr didiburrd&#252; Iden&#243;m, t&#252;p kesu ang&#243;n&#243;m ak&#243; morroal ngakan&#243;m. 16Ak&#243; Lod God pam ar&#252;ng b&#243;ktan we ekyan&#243;rr wag&#243;, &#8220;Mar&#252; taia blaman ini nugupd&#252;gab alom didiburr kugupid&#252;, 17a ma sab ini nugupd&#252;gab alogu, ne nugupa umul gailda, morroal a kolae nega. Zit&#252;lkus m&#243;d&#243;ga, ma ne sab n&#243;ma elo-o, ma amkoman nurr&#243;toko.&#8221;</div><div class="p"> 18 Lod God b&#243;ktan&#243;rr wag&#243;, &#8220;Ini go morroal kokea; pam tebe p&#252;&#243;ran koke yarile, a ka morroal tangamtin g&#243;dam tonzapono oyank&#252;.&#8221; 19Lod God ne blaman molpokod&#243; nurr lar ak&#243; kwit&#252;m p&#243;yae t&#243;mbap&#243;n&#243;rr t&#252;pd&#252;gab, wa ib&#252; ug&#243;n simarrurr pamd&#243; oya basen&#243;m, wa ia nad&#252; ngi ki ngibasil yarile. Wa nad&#252; ngi ngibasile, ene wata ib&#252; ngi m&#243;d&#243; korale. 20Da pama ngi we ngibasil&#252;rr ngaby&#243;n lar, kwit&#252;m p&#243;yae, ak&#243; blaman molpokod&#243; nurr lar. A paman ma darr&#252; morroal tangamtin g&#243;dam babul yaril&#252;rr.</div><div class="p"> 21 Lod God pam b&#252;d&#252;l ut imin&#252;rr, da wa n&#243;ma umtul&#252;rr, wa darrpan n&#243;lkak kus irruan&#243;rr, da ene gao ak&#243; murraus&#252;rr t&#243;ba murri. 22Lod God kol t&#243;nzap&#243;n&#243;rr ene n&#243;lkak kusd&#252;gab, wa ne kla irruan&#243;rr pamd&#243;gab, da we tud&#243;d&#252;rr ama pamd&#243;. 23Da pama b&#243;ktan&#243;rr wag&#243;,</div><div class="q1">&#8220;D&#243;md&#243;m:</div><div class="q1">Ini kus k&#252;r&#252; kusd&#252;gabia,</div><div class="q2">ak&#243; murr k&#252;r&#252; murrd&#252;gabia;</div><div class="q1">oya sab ngi ngizwasil&#243;rre: &#8216;kol&#8217;,</div><div class="q2">zit&#252;lkus oya pamd&#243;gab urrun&#243;p.&#8221;#2:23 Ma pamak&#243; kolIbrru b&#243;ktane n&#243;ma ngilino, ib&#252; gyag&#252;p mingg&#252;pananamli: ishak&#243; isha.</div><div class="m"> 24Da ini zit&#252;lkusd&#252; pama t&#243;ba aipab nis n&#252;mg&#252;te, ama t&#243;ba kold&#243; dabine, da i ama darrpan b&#252;b&#252;m baini.</div><div class="p"> 25Pam a kol nizan kakapur nam&#252;ln&#252;rri, a i b&#252;&#243;d ta koke aengrri.</div>
 </div>
 </div>
</div>

Tüp a pülpül tómbapóna inzan blakónórr, akó blaman elklaza, ne kla koralórr ibü kugupidü.
7 Ngim ngürr nóma semrranórr, Godón zaget ugón blakórrón yarilürr, wa ne kla tómbapón yarilürr. Da ene ngürr, wa ngón ngagónórr tóba blaman zagetódógab, wa ne kla tómbapón yarilürr. God 7 ngim ngürr bles yónürr, da tebe-tebe amaikürr, zitülkus wa ene ngürrdü ngón ngagónórr tóba blaman zagetódógab, wa ne kla tómbapón yarilürr. Tüp a pülpül tónggapón póepa ae blakónda.

⌊LOD⌋ God tüp a pülpül nóma tónzapónórr, ugón tüpdü elklaza zid babul kwarilürr akó küpa koke bamkenóp, zitülkus LOD God darrü ngup koke zirrsapónórr tüpdü. Akó pam babul yarilürr tüp kesu angónóm. Nae godeata tüpdügab tumkulnóp, da i blaman tumum tüp nangnóp.
Da LOD God tüp buru-i pam we tónggapónórr, da wa arról ngón we semanórr oya syók tótórr nisdü. Ene pam ama arról pamakanóm bainürr.
LOD God didiburr we irtümülürr Iden bwóbdü, abüsa nólgabi banikda, da ne pam tónggapónórr ola ingrinürr. Da LOD God abün-abün obzek nugup dódórr ninóp tüpdügab, morroal ne kla koralórr basenóm akó alom. Didiburr aodó nis nugup namülnürri, ⌊ngarkwat-koke arról⌋ gail nugup asi yarilürr, akó umul gail nugup asi yarilürr, morroal a kolae nega.
Tobarra Iden bwóbdügab olmealórr ene didiburr nae angóm, da didiburr kalkuma, tokom il we bangónórr. Ngaen-gógópan tobarr ngi módóga, Pison; wa blaman Abila kantrri myangrao apónda, ⌊gold⌋ nólamase. (Ene kantrrian gold morroala, akó morroal ilang móeg akó kómal wirri darrem ingülküp, ngi oniks, ta ola asisko.) Nis ngim tobarr ngi módóga, Gion; wa blaman Kas kantrri myangrao apónda. Aüd ngim tobarr ngi módóga, Taegrris. Wa olmeanda Asirria kantrri kabeana, abüsa nólgabi banikda. Tokom ngim tobarr ngi módóga, Yuprreitis.

LOD God pam ipadórr, da we ingrinürr didiburrdü Idenóm, tüp kesu angónóm akó morroal ngakanóm. Akó LOD God pam arüng bóktan we ekyanórr wagó, “Marü taia blaman ini nugupdügab alom didiburr kugupidü, a ma sab ini nugupdügab alogu, ne nugupa umul gailda, morroal a kolae nega. Zitülkus módóga, ma ne sab nóma elo-o, ma amkoman nurrótoko.”
LOD God bóktanórr wagó, “Ini go morroal kokea; pam tebe püóran koke yarile, a ka morroal tangamtin gódam tonzapono oyankü.” LOD God ne blaman molpokodó nurr lar akó kwitüm póyae tómbapónórr tüpdügab, wa ibü ugón simarrurr pamdó oya basenóm, wa ia nadü ngi ki ngibasil yarile. Wa nadü ngi ngibasile, ene wata ibü ngi módó korale. Da pama ngi we ngibasilürr ngabyón lar, kwitüm póyae, akó blaman molpokodó nurr lar. A paman ma darrü morroal tangamtin gódam babul yarilürr.
LOD God pam büdül ut iminürr, da wa nóma umtulürr, wa darrpan nólkak kus irruanórr, da ene gao akó murrausürr tóba murri. LOD God kol tónzapónórr ene nólkak kusdügab, wa ne kla irruanórr pamdógab, da we tudódürr ama pamdó. Da pama bóktanórr wagó,
“Dómdóm:
Ini kus kürü kusdügabia,
akó murr kürü murrdügabia;
oya sab ngi ngizwasilórre: ‘kol’,
zitülkus oya pamdógab urrunóp.”
Da ini zitülkusdü pama tóba aipab nis nümgüte, ama tóba koldó dabine, da i ama darrpan bübüm baini.
Pam a kol nizan kakapur namülnürri, a i büód ta koke aengrri.

සවන් දෙන්න Bwób Zitül 2