<div class="version vid3557 iso6393quc" data-vid="3557" data-iso6393="quc">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt2"><span class="content">Majib&#42892;al re</span></div><div class="ip"><span class="content">We wuj ri&#42892; ub&#42892;i&#42892;nam utz laj taq tzij ri xutz&#42892;ib&#42892;aj ri Juan. We wuj ri xtz&#42892;ib&#42892;axik pa taq ri junab&#42892; 80-90 d C.</span></div><div class="ip"><span class="content">Ri Juan xux jun chike ri utijoxelab&#42892; ri Jes&#250;s. Ri Juan are wa&#42892; ri tijoxel ri xloq&#42892;ax rumal ri Jes&#250;s, nik&#42892;aj chik kakib&#42892;ij chi are wa&#42892; ri tijoxel ri sib&#42892;alaj loq&#42892;.</span></div><div class="ip"><span class="content">We wuj ri&#42892; xtz&#42892;ib&#42892;axik are k&#42892;o ri Juan pa ri le&#42892;aj re Palestina. Are wa&#42892; ri k&#42892;isb&#42892;al re ri kajib&#42892; nab&#42892;e taq wuj re ri utz laj taq tzij. We wuj ri&#42892; kachaple&#42892;taj ruk&#42892; ri nab&#42892;e taq tzij ri tz&#42892;ib&#42892;atal pa ri wuj re G&#233;nesis, pa ri majib&#42892;al re ronojel. We ri&#42892; kuk&#42892;ut chiqawach chi are wa ri tzijob&#42892;elil rech ri k&#42892;ak&#42892; tiko&#42892;n.</span></div><div class="ip"><span class="content">We wuj ri&#42892; xtz&#42892;ib&#42892;axik chuq&#42892;alajisaxik chi ri Jes&#250;s are ralk&#42892;wa&#42892;l ri Dios xuquje&#42892; are utzij ri Dios.</span></div><div class="ip"><span class="content">Ri Jes&#250;s xux winaq xpetik xulk&#42892;ol jun janipa junab&#42892; cho ri uwachulew.</span></div><div class="ip"><span class="content">Pa ri ajilab&#42892;al oxib&#42892; kub&#42892;ij chaqe chi rajawaxik kakub&#42892;i&#42892; qak&#42892;u&#42892;x xuquje&#42892; kujkojon che ri Jes&#250;s rumal cher are uk&#42892;ojol ri Dios xuquje&#42892; Are&#42892; kayo&#42892;w jun alik qak&#42892;aslemal.</span></div><div class="ip"><span class="content">Sib&#42892;alaj k&#42892;i jastaq xub&#42892;an ri Jes&#250;s rech jeri&#42892; xuk&#42892;ut ri ukwinem xuquje&#42892; ri uchuq&#42892;ab&#42892;, xu&#42892;kunaj e ki&#42892; winaq xuquje&#42892; xub&#42892;an mayijab&#42892;al taq jastaq kutzijoj xuquje&#42892; waral ri winaq ri xekojon che ri Jes&#250;s xuquje&#42892; ri man xekojon taj.</span></div><div class="ip"><span class="content">Kachaple&#42892;taj pa ri ajilab&#42892;al 13 katani&#42892; pa ri 17 kutzijoj chaqe ri k&#42892;isb&#42892;al aq&#42892;ab&#42892; are xk&#42892;oji&#42892; ri Jes&#250;s kuk&#42892; ri utijoxelab&#42892;.</span></div><div class="ip"><span class="content">Ri Jes&#250;s xutzijoj chike ri utijoxelab&#42892; jastaq rech ri uk&#42892;aslemal jun kojonel, xuya kan kino&#42892;j rech keta&#42892;m jas kakib&#42892;ano are kachap ri Jes&#250;s xuquje&#42892; kak&#42892;am b&#42892;ik rech kaxekeb&#42892;ax cho ri ripb&#42892;al.</span></div><div class="ip"><span class="content">Ri k&#42892;isb&#42892;al taq ajilab&#42892;al rech we wuj ri&#42892; kutzijoj ri xk&#42892;ulmatajik are xrip ri Jes&#250;s xuquje&#42892; are xk&#42892;astaj uwach.</span></div><div class="ip"><span class="content">Sib&#42892;alaj k&#42892;i mul kuna&#42892;taj ri Jes&#250;s ri tz&#42892;ib&#42892;atal pa ri Ojer Wuj are kutzijoj rib&#42892; Are&#42892;. Qilampe&#42892;. 7 mul kutzijoj rib&#42892; are kub&#42892;ij IN RI.</span></div><div class="ip"><span class="content">Pa ri k&#42892;isb&#42892;al re ri wuj kub&#42892;ij jas rumal xtz&#42892;ib&#42892;ax we wuj ri&#42892; jewa&#42892; kub&#42892;ij: We jastaq ri&#42892; xtz&#42892;ib&#42892;axik rech kikojo chi ri Jes&#250;s are Mes&#237;as, ri uk&#42892;ojol ri Dios xuquje&#42892; rech we kixkojon che kaya&#42892;taj na ik&#42892;aslemal rumal re ri ub&#42892;i&#42892;.</span></div>
      </div>
   </div>
</div>

© Pioneer Bible Translators, 2022 CC-BY Esta licencia Creative Commons permite la redistribución, comercial y no comercial, pero usted debe dar crédito de manera adecuada, brindar un enlace a la licencia, e indicar si se han realizado cambios. Puede hacerlo en cualquier forma razonable, pero no de forma tal que sugiera que usted o su uso tienen el apoyo de la licenciante. Favor de enviar cualquier consulta respecto a esta licencia a Pioneer Bible Translators por medio de su página web pioneerbible.org Esta obra está licenciada bajo la Licencia Creative Commons Atribución 4.0 Internacional. Para ver una copia de esta licencia, visite http://creativecommons.org/licenses/by/4.0/ o envíe una carta a : Creative Commons PO Box 1866 Mountain View, CA 94042 USA

Majibꞌal re
We wuj riꞌ ubꞌiꞌnam utz laj taq tzij ri xutzꞌibꞌaj ri Juan. We wuj ri xtzꞌibꞌaxik pa taq ri junabꞌ 80-90 d C.
Ri Juan xux jun chike ri utijoxelabꞌ ri Jesús. Ri Juan are waꞌ ri tijoxel ri xloqꞌax rumal ri Jesús, nikꞌaj chik kakibꞌij chi are waꞌ ri tijoxel ri sibꞌalaj loqꞌ.
We wuj riꞌ xtzꞌibꞌaxik are kꞌo ri Juan pa ri leꞌaj re Palestina. Are waꞌ ri kꞌisbꞌal re ri kajibꞌ nabꞌe taq wuj re ri utz laj taq tzij. We wuj riꞌ kachapleꞌtaj rukꞌ ri nabꞌe taq tzij ri tzꞌibꞌatal pa ri wuj re Génesis, pa ri majibꞌal re ronojel. We riꞌ kukꞌut chiqawach chi are wa ri tzijobꞌelil rech ri kꞌakꞌ tikoꞌn.
We wuj riꞌ xtzꞌibꞌaxik chuqꞌalajisaxik chi ri Jesús are ralkꞌwaꞌl ri Dios xuqujeꞌ are utzij ri Dios.
Ri Jesús xux winaq xpetik xulkꞌol jun janipa junabꞌ cho ri uwachulew.
Pa ri ajilabꞌal oxibꞌ kubꞌij chaqe chi rajawaxik kakubꞌiꞌ qakꞌuꞌx xuqujeꞌ kujkojon che ri Jesús rumal cher are ukꞌojol ri Dios xuqujeꞌ Areꞌ kayoꞌw jun alik qakꞌaslemal.
Sibꞌalaj kꞌi jastaq xubꞌan ri Jesús rech jeriꞌ xukꞌut ri ukwinem xuqujeꞌ ri uchuqꞌabꞌ, xuꞌkunaj e kiꞌ winaq xuqujeꞌ xubꞌan mayijabꞌal taq jastaq kutzijoj xuqujeꞌ waral ri winaq ri xekojon che ri Jesús xuqujeꞌ ri man xekojon taj.
Kachapleꞌtaj pa ri ajilabꞌal 13 kataniꞌ pa ri 17 kutzijoj chaqe ri kꞌisbꞌal aqꞌabꞌ are xkꞌojiꞌ ri Jesús kukꞌ ri utijoxelabꞌ.
Ri Jesús xutzijoj chike ri utijoxelabꞌ jastaq rech ri ukꞌaslemal jun kojonel, xuya kan kinoꞌj rech ketaꞌm jas kakibꞌano are kachap ri Jesús xuqujeꞌ kakꞌam bꞌik rech kaxekebꞌax cho ri ripbꞌal.
Ri kꞌisbꞌal taq ajilabꞌal rech we wuj riꞌ kutzijoj ri xkꞌulmatajik are xrip ri Jesús xuqujeꞌ are xkꞌastaj uwach.
Sibꞌalaj kꞌi mul kunaꞌtaj ri Jesús ri tzꞌibꞌatal pa ri Ojer Wuj are kutzijoj ribꞌ Areꞌ. Qilampeꞌ. 7 mul kutzijoj ribꞌ are kubꞌij IN RI.
Pa ri kꞌisbꞌal re ri wuj kubꞌij jas rumal xtzꞌibꞌax we wuj riꞌ jewaꞌ kubꞌij: We jastaq riꞌ xtzꞌibꞌaxik rech kikojo chi ri Jesús are Mesías, ri ukꞌojol ri Dios xuqujeꞌ rech we kixkojon che kayaꞌtaj na ikꞌaslemal rumal re ri ubꞌiꞌ.

සවන් දෙන්න Juan Majibꞌal re