Published by the British and Foreign Bible Society in 1880.

Ok neh sahenniserat satontahaiakenne ne Iesos kanonskon, kaniatarakta sahatien.
Nok kentiokoȣanen ȣahonȣaiatorenne, nese ȣaonni kaonȣakon iahatita, nok eh tahatien, nok nʼonkȣeokon atsiaktatie tekanenraton.
Nok eso ioriȣake ȣasakorihotasiase tekariȣaken-tonkȣenke tsi ȣahenron: Saiatat ne raienthos ȣahaia-kenne ȣahaienthosera.
Nok tsi rohienthonhatie, otiake nonatsia ohahak tatie ȣakakerontane; otsitenhokonha ȣakonneke.
Nok otiake oststenrakȣentarake ȣakakerontane tsi non nʼiah eso teiokenrahere. Akȣa neneh oksaok takateronten aseken nitkaienha.
Nok nonen sontakarakoten ȣakontiatastsa; nok tsi iah nakon tetioteronte akȣaki onstsa.
Nok otiake ohiktokon iakakerontane; takonteia-ron nohikta nok ȣahotirio.
Nok otiake tsinonȣe niionȣentsiio iakakerontane, nok ontonnisa: skanatsia ȣateȣatenniaȣeke, otiake iaiak niȣasen, otiake asen niȣasen onteiaron.
Onka tehaontakarontakȣen naharonkate, raronk.
Ethone no raotiokȣa ȣahonȣateranentakten, nok ȣahonniron: oh niiotieren tsi neok ne tesheriȣaken-tonkȣenni?
Tontasakoȣennaȣeron, ȣahenron! ne ki tsi ietsiiaȣi nise naeseȣariȣaienterhane ne karonhiakeka, nok ne rononha iah tehonȣanaȣi nahatiienterhano.
Aseken Sekon enshonhion ne roien, enshotiesten oni; kenhkaien nʼiah othenon tehoien, ieioho akȣekon enshoiiȣakȣa tsinikonha roienha.
Noh kati ȣaonni neok ne tekheriȣakentonkȣen-ni, ne ȣahi tsi enhontkatho iah tiiatahatikaraientane, iah onitahotinikonraientane.
Rononhake kati tahoȣennaierite tsinihaȣen ne Rotokensehakȣo Isai, Raȣen; Enseȣathonletie, ense-ronke nok iah ki taeseȣanikonraientane, oni tenseȣa-kaneratie enseȣatkatho iahki tiiataeseȣakarahientano.
Aseken iotokoton tsi roneriasaniron nekonh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.
Ionataskat tanon nise seȣakara, aseken kontka-thos; ionataskat oni ne seȣaonta aseken konronkas.
Aseken oriȣiio tsi kȣarori, kentiokoȣanen Roti-tokensehakȣe, oni ne thotiriȣaieriskȣe, ronaskanekon naontkatho tsi nahoten seȣatkathos, nok iah tehonat-kathon; nok oni nahonronke tsi nahoten seȣaronkas nok iah tehonaronken tsinise niiot.
Seȣataonsatat kati nise tsinahoten kenton ne raiein…hos:
Ne tsi rotaonsate no ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.
Nok kenh kaien noststenrakȣontarako ieioien-taseron, neneh roton, ne rataonsatasts noȣenna, akȣa oni ȣahatonnharen tsi ȣahaiena.
Iah tanon teiotoronto no rahonhako, ne se ȣahonni iah tatekaȣishastste: kaȣenniioʼkʼȣahorane kanikonraksensera, atatkenronniatseraʼsʼoni, akari-onniate nʼoȣonna akȣaʼsoksa ȣahatatenikonrotako.
Kenh kaien nohiktokon iekokerontaon, neneh, roton, rotaonsataton ne Niio Raoȣonna, neh tanon tehonikonrharanis nonȣentsiakeka, tsioni niiorihoten natsokoȣatsera, neh konȣarios noȣenna, nok iah tiieȣatonnisaas.
Kenh tanon kaien ne tsi tionȣentsiio ieiokeron-taon? neneh roton, ne rotaonsate nʼOȣenna, roni-konraientas, ȣatonnisahas, ȣatoiarons oni, otiake enskat teȣenniaȣe, otiake iaiak niȣaȣsen, oni nasen niȣasen.
Sekon are oiah tonsasakoriȣakentonkȣen, ȣahen-ron; akȣa neh testiatieren ne Karonhiake tkanake-raseraien, ronkȣe Kanenhiios ȣahaientho raonȣent-siake.
Nok tanon tsini kariȣes rotitas ne kannhatsera, onen tare ne Rosȣens, kanenhaksen eneken tontahoti tsi kaienthon nok ȣahatohestste.
Nok nonen sontakaontonten, oni ȣakanatsio-haren, onen ȣahotikentane ne kanatsiaksen.
Nok ne rannhatsera ȣahonȣaiatorenne ne Ronȣaianer, nok ȣahonniron: Saianer, iah kenh naha ne tehsaienthon ne kanatsiio; kahkati nontakonne ne kanatsiaksen?
Tontahariȣaseraka, ȣahenron: neh ȣahi ne raksȣens eh nihoieren, tontahonniron ne kannhatsera; asathontate kati ken eh iaiakȣe nok aiakȣako ne kanenhaksen?
Nok tontahenron; tosa: Onȣaʼsʼ naha tsi ense-ȣakȣenhatie ne kanenhaksen enseȣanioton-ko oni neneh ne kanenhiio.
Ioneronhatie tetsiaron tiateiaron tsiniiore ien-ȣatonnisa; nok tsini ieienthokȣas, enkheienhase nakennhatsera: neh niare taseȣatierent seȣako ne kanatsiaksen nok seȣenthokonnianion naontsahaton-hake; akenonsoharake tanon niiasoȣahaf ne kanatsiio.
Ohia are tonsasakoriȣakentonkȣen; ȣahenron: neh teskiatieren ne Karonhiake tkanakeraseraien tsiniiot, otsinekȣar kanen ieienthota, onkakiok ȣatra-kȣe nok raonȣentsiake ȣahaientho.
Neh tiaonhaa nitkanenhaa tsinikon ne kanen-sonha: nok tanon nonen ioteiaron ne senha Skoȣanen tsiniiot notiako, akȣa oni karonta iaonton; iakaeȣe ki notsitenhokonha ahonenrokon kontsinakonnis.
Sekon are ohia tonsasakoriȣakentonkȣen, ȣa-henron: neh teskiatieren ne Niio raonakerasera, tsiniiot ne iosherhatken: tsiothonȣisen asen natkaieste nʼothesera tanon ne Iosherhatken tsiniiore akȣa ienȣattenko.
Akȣekon tekariȣakentonkȣentserakon tsinikon ne Iesos ȣashakorori nʼonkȣeokon, iah othenon tesha-korori ne iah tatakariȣakentonkȣen.
Ne naontahoȣennaierite ne Rotokense, tsi raȣen: tenkastskȣeksi nok tenkeriȣakentonȣe: en-kerihotasionko neneh sontontonȣontsionni siioteri-ȣaseton.
Ethone are ne Iesos sasakotkenrate nonkȣeokon nok kanonskon niionsare, ȣathonȣanenronni no rao-tiokȣa nok ȣahonniron: takȣanikonraientaten nahoten kenton toh ihken Kanenhaksen skaienthon.
Tontasakoȣennaȣeron, ȣahenron: tohiken ka-nenhiio raienthos, nehne Onkȣe Roienha.
Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienho-konha.
Nok no Rastsȣens, otkonseraksen ȣahi, tsiniie-ient hokȣas, tsi nenseȣatonȣentsiarisi; nok ne ratiien-thokȣas, Raoronhiakeronon ȣahi nehneh.
Tsi kati niiot tsi teieiestasions ne kanenhaksen nok otsirake iakoties, etho oni nehneh nenkaieren nʼonen enȣatonȣentsiokten.
Onkȣe Roienha enteshakotori ne Raoronhiake-ronon okon, neh tenshatiiestahsi ne Kariȣaiesatatsera ne raonakeraserakon, nok oni ne iakoriȣare no ȣaho-tken.
Nok tsi tkanonkȣaien nʼonesson iensakotiiatonti, etho nonȣe natenhionsenthoseke oni tenhionnokaraniehonheke.
Ethone onen ne tiakoriȣaieriton tenhionteron-ronten tsi niiot ne Karakȣa, raonakeraserakon ne Kon-ȣaniha, onka tehahontakarontakȣen naharonkate, raronk.
Nesekon testiatieren no Niio raonakerasera tsi-niiot nʼoȣistanoron ȣasehton kaehtakon, ne ronkȣe ȣahatsenri, sahasete; nok tsi nahatsennonni sahatenti ȣahatenninon nion tsinihoien nok neh sahaninon.
Nesekon testiatieren no Niio raonakerasera: tsiniiot ne ronkȣe raȣesakonhaties Kanenhianorons.
Nok enskat iahatsenri nehne kanoron, saha-tenti, akȣekon ȣahatenninon tsinihoien nok ȣahaninon.
Ne sekon testiatieren ne Niio raonakerasera: tsiniiot ne kaniatarake ȣaharontion, akȣekon taioie-nahatie.
Nonen ȣakanane, ehtiioke niienhatihaȣe ne rati-tsiakȣas; onen eh enhontien tenhatiiestasi, rahotihon-ȣakon enhonneta no ioianere; nok ihsi ienshonati ne iotaksen.
Etho nenhiaȣenne nonen enseȣatonȣentsiarisi: enthonne ne Raoronhiakeronon okon, nok tensakoti-khasi ne ionkȣotaksen tanon ne tionkȣetaieri.
Nok tsi tkanonkȣaien nʼonesson ienshakotiiaton-ti, eh nonȣe natenhionsenthoseke oni tenhionnoka-raniehonheke.
Ȣahenron ne Iesos: Oriȣakȣekon ken ȣeseȣani-konraientane? tontahonniron, etho niiot Saianer!
Nok ȣasakaȣenhase ȣahenron: ne kati ȣahonni ne Raiatons nakȣa rariȣaienteri ne Niio raoriȣasonha, neh teshiatieren tsiniiot ne ronkȣe raorontotserakon tatakȣas noriȣase oni noriȣakaionshon.
Nonen saharihokten ne Iesos ehren sarete neh nonȣe.
Nok nonen sonsaraȣe raonakeraserakon, sakori-honnienniskȣe tsi ronterennaientakȣa; nok tsini iakonerakȣonhatonskȣe iontonnionskȣe: kah nehneh nithoha kehiken tsinihattokha, oni ne raokȣeniat.
Iah kenh naha neh teken ne rasȣenkaraketas no Roienha? iah konh naha Onȣari tekonȣaiasts ne ronistenha, nok ne tehontennontere, Sak, Ȣose, Simon tanon Jude.
Iah kenh kentekonnes ne rontennosenha? Kah kati nekonh akȣa nithahas ne kenhkaien neh nikari-hotens?
Akȣa ihken tsi rontateriȣaientatennihako no raonhake, nok tanon no Iesos ȣahenron: akȣa raona-keraserakon ok tanon raononskon iah tehonȣakonni-ensta ne Rotokense.
Iah oni ken eso tatehoieronnion neh nonȣe, sotsi ronateniioȣentastskon.

සවන් දෙන්න Ratokenti 8atio 13