<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">I Manaakitia a &#256;perama e Merekihereke</div><div class="p"> 1N&#257;, i ng&#257; r&#257; o Amarapera, k&#299;ngi o Hinara, o Arioka, k&#299;ngi o Eratara, o Keroraoma, k&#299;ngi o Erama, o Tirara hoki, k&#299;ngi o Koimi, 2ka whawhai &#275;nei ki a Pera, k&#299;ngi o Horoma, r&#257;tou ko P&#299;reta, k&#299;ngi o Komora, ko Hinapa, k&#299;ngi o Arema, ko Hemepera, k&#299;ngi o Tepoimi, ko te k&#299;ngi hoki o Pera, (ar&#257; o Toara). 3I huihui katoa &#275;nei ki te raorao i Hirimi, ar&#257; ki te Moana Tote. 4Kotahi tekau m&#257; rua ng&#257; tau i mahi ai r&#257;tou ki a Keroraoma, &#257;, i te kotahi tekau m&#257; toru o ng&#257; tau ka whakakeke r&#257;tou.</div><div class="p"> 5N&#257;, i te tekau m&#257; wh&#257; o ng&#257; tau ka haere mai a Keroraoma, r&#257;tou ko ng&#257; k&#299;ngi i whakauru ki a ia, &#257;, patua iho e r&#257;tou ng&#257; Repaima i Ahateroto Karanaima, r&#257;tou ko ng&#257; Tutimi i Hama me ng&#257; Emime i Hawe Kiriataima, 6me ng&#257; Hori i t&#333; r&#257;tou maunga, i Heira, &#257; tae noa ki Ereparana, ki te taha o te koraha. 7N&#257;, ka hoki r&#257;tou, &#257;, ka tae ki Enimihipata, (ar&#257; ki Karehe), &#257;, patua katoatia ana e r&#257;tou te whenua o ng&#257; Amareki, r&#257;tou ko ng&#257; Amori i noho r&#257; i Hatetonatamara.</div><div class="p"> 8N&#257;, ka puta atu te k&#299;ngi o Horoma, r&#257;tou ko te k&#299;ngi o Komora, ko te k&#299;ngi o Arema, ko te k&#299;ngi o Tepoimi, me te k&#299;ngi o Pera, (ar&#257; o Toara) &#257;, ka t&#363;ria e r&#257;tou he pakanga ki a r&#257;tou ki te raorao i Hirimi 9Ki a Keroraoma, k&#299;ngi o Erama, ki a Tirara, k&#299;ngi o Koimi, ki a Amarapera, k&#299;ngi o Hinara, r&#257;tou ko Arioka, k&#299;ngi o Eratara, tokowh&#257; &#275;nei k&#299;ngi, tokorima hoki &#275;r&#257;. 10N&#257;, k&#299; tonu te raorao i Hirimi i te poka uku; n&#257;, ka whati ng&#257; k&#299;ngi o Horoma r&#257;ua ko Komora, &#257;, ka hinga ki reira; &#257;, rere ana ng&#257; m&#333;rehu ki te maunga. 11N&#257;, murua ana e r&#257;tou ng&#257; taonga katoa o Horoma, o Komora, me &#257; r&#257;tou kai katoa, &#257;, haere ana. 12I mauria an&#333; e r&#257;tou a Rota, te tama a te teina o &#256;perama, me &#333;na taonga, &#257;, haere ana; i Horoma hoki ia e noho ana.</div><div class="s">Ka Whakaorangia a Rota e &#256;perama</div><div class="p"> 13N&#257;, ka tae he m&#333;rehu, ka k&#333;rero ki a &#256;perama Hiperu; i te noho hoki ia i ng&#257; oki o Mamere Amori, teina o Ehekora, he teina ia n&#333; Anera. Kotahi an&#333; t&#333; r&#257;tou whakaaro ko &#256;perama. 14&#256;, i te rongonga o &#256;perama, kua hereherea atu t&#333;na ir&#257;mutu, t&#257;kiritia ana e ia &#257;na t&#257;ngata m&#333;hio, ng&#257; mea i wh&#257;nau ki t&#333;na whare, e toru rau kotahi tekau m&#257; waru, &#257;, wh&#257;ia ana r&#257;tou ki R&#257;na. 15N&#257;, w&#257;hia ana r&#257;tou ko &#257;na t&#257;ngata kia rua ng&#257; matua, hei whakaeke m&#333; r&#257;tou i te p&#333;, &#257;, patua ana r&#257;tou e ia, wh&#257;ia ana, &#257; tae noa ki Hopaha, ki te taha ki mau&#299; o Ramahiku. 16&#256;, whakahokia mai ana e ia ng&#257; taonga katoa, whakahokia mai ana an&#333; hoki t&#333;na ir&#257;mutu, a Rota, me &#333;na taonga, me ng&#257; w&#257;hine an&#333; hoki, me ng&#257; t&#257;ngata.</div><div class="p"> 17N&#257;, ka puta mai te k&#299;ngi o Horoma ki te whakatau i a ia i t&#333;na hokinga mai i te patu i a Keroraoma r&#257;tou ko &#333;na hoa, ko ng&#257; k&#299;ngi ki te raorao o Hawe, (ar&#257; ki te Raorao o te K&#299;ngi).</div><div class="p"> 18&#256;, i maua mai e Merekihereke, e te k&#299;ngi o Harema, he taro, he w&#257;ina; he tohunga an&#333; hoki ia n&#333; te Atua, n&#333; te Runga Rawa. 19N&#257;, ka manaaki ia i a ia, ka mea,</div><div class="q1">&#8220;Kia manaakitia a &#256;perama e te Atua, e te Runga Rawa,</div><div class="q2">n&#333;na nei te rangi me te whenua.</div><div class="q1"> 20Kia manaakitia an&#333; te Atua, te Runga Rawa,</div><div class="q2">n&#257;na nei i tuku mai &#333;u hoariri ki t&#333;u ringa.&#8221;</div><div class="m">&#256;, ka hoatu e ia ki a ia ng&#257; whakatekau o ng&#257; mea katoa.</div><div class="p"> 21N&#257;, ka mea te k&#299;ngi o Horoma ki a &#256;perama, &#8220;H&#333;mai ng&#257; t&#257;ngata ki ahau, ko ng&#257; taonga ia tangohia m&#333;u.&#8221;</div><div class="p"> 22An&#333; r&#257; ko &#256;perama ki te k&#299;ngi o Horoma, &#8220;Kua totoro atu t&#333;ku ringa ki a Ihow&#257;, ki te Atua, ki te Runga Rawa, n&#333;na nei te rangi me te whenua; 23e kore ahau e tango ahakoa he miro, ahakoa he here n&#333; te h&#363;, i t&#275;tahi mea r&#257;nei &#257;u, kei mea koe, &#8216;N&#257;ku a &#256;perama i whai taonga ai.&#8217; 24K&#257;ti an&#333; i a ng&#257; taitama i kai ai, me te w&#257;hi a ng&#257; t&#257;ngata i haere tahi nei m&#257;tou &#8211; a Anera, r&#257;tou ko Ehekora, ko Mamere; m&#257; r&#257;tou e tango te w&#257;hi i a r&#257;tou.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Nā, i ngā rā o Amarapera, kīngi o Hinara, o Arioka, kīngi o Eratara, o Keroraoma, kīngi o Erama, o Tirara hoki, kīngi o Koimi, ka whawhai ēnei ki a Pera, kīngi o Horoma, rātou ko Pīreta, kīngi o Komora, ko Hinapa, kīngi o Arema, ko Hemepera, kīngi o Tepoimi, ko te kīngi hoki o Pera, (arā o Toara). I huihui katoa ēnei ki te raorao i Hirimi, arā ki te Moana Tote. Kotahi tekau mā rua ngā tau i mahi ai rātou ki a Keroraoma, ā, i te kotahi tekau mā toru o ngā tau ka whakakeke rātou.
Nā, i te tekau mā whā o ngā tau ka haere mai a Keroraoma, rātou ko ngā kīngi i whakauru ki a ia, ā, patua iho e rātou ngā Repaima i Ahateroto Karanaima, rātou ko ngā Tutimi i Hama me ngā Emime i Hawe Kiriataima, me ngā Hori i tō rātou maunga, i Heira, ā tae noa ki Ereparana, ki te taha o te koraha. Nā, ka hoki rātou, ā, ka tae ki Enimihipata, (arā ki Karehe), ā, patua katoatia ana e rātou te whenua o ngā Amareki, rātou ko ngā Amori i noho rā i Hatetonatamara.
Nā, ka puta atu te kīngi o Horoma, rātou ko te kīngi o Komora, ko te kīngi o Arema, ko te kīngi o Tepoimi, me te kīngi o Pera, (arā o Toara) ā, ka tūria e rātou he pakanga ki a rātou ki te raorao i Hirimi Ki a Keroraoma, kīngi o Erama, ki a Tirara, kīngi o Koimi, ki a Amarapera, kīngi o Hinara, rātou ko Arioka, kīngi o Eratara, tokowhā ēnei kīngi, tokorima hoki ērā. Nā, kī tonu te raorao i Hirimi i te poka uku; nā, ka whati ngā kīngi o Horoma rāua ko Komora, ā, ka hinga ki reira; ā, rere ana ngā mōrehu ki te maunga. Nā, murua ana e rātou ngā taonga katoa o Horoma, o Komora, me ā rātou kai katoa, ā, haere ana. I mauria anō e rātou a Rota, te tama a te teina o Āperama, me ōna taonga, ā, haere ana; i Horoma hoki ia e noho ana.

Nā, ka tae he mōrehu, ka kōrero ki a Āperama Hiperu; i te noho hoki ia i ngā oki o Mamere Amori, teina o Ehekora, he teina ia nō Anera. Kotahi anō tō rātou whakaaro ko Āperama. Ā, i te rongonga o Āperama, kua hereherea atu tōna irāmutu, tākiritia ana e ia āna tāngata mōhio, ngā mea i whānau ki tōna whare, e toru rau kotahi tekau mā waru, ā, whāia ana rātou ki Rāna. Nā, wāhia ana rātou ko āna tāngata kia rua ngā matua, hei whakaeke mō rātou i te pō, ā, patua ana rātou e ia, whāia ana, ā tae noa ki Hopaha, ki te taha ki mauī o Ramahiku. Ā, whakahokia mai ana e ia ngā taonga katoa, whakahokia mai ana anō hoki tōna irāmutu, a Rota, me ōna taonga, me ngā wāhine anō hoki, me ngā tāngata.
Nā, ka puta mai te kīngi o Horoma ki te whakatau i a ia i tōna hokinga mai i te patu i a Keroraoma rātou ko ōna hoa, ko ngā kīngi ki te raorao o Hawe, (arā ki te Raorao o te Kīngi).
Ā, i maua mai e Merekihereke, e te kīngi o Harema, he taro, he wāina; he tohunga anō hoki ia nō te Atua, nō te Runga Rawa. Nā, ka manaaki ia i a ia, ka mea,
“Kia manaakitia a Āperama e te Atua, e te Runga Rawa,
nōna nei te rangi me te whenua.
Kia manaakitia anō te Atua, te Runga Rawa,
nāna nei i tuku mai ōu hoariri ki tōu ringa.”
Ā, ka hoatu e ia ki a ia ngā whakatekau o ngā mea katoa.
Nā, ka mea te kīngi o Horoma ki a Āperama, “Hōmai ngā tāngata ki ahau, ko ngā taonga ia tangohia mōu.”
Anō rā ko Āperama ki te kīngi o Horoma, “Kua totoro atu tōku ringa ki a Ihowā, ki te Atua, ki te Runga Rawa, nōna nei te rangi me te whenua; e kore ahau e tango ahakoa he miro, ahakoa he here nō te hū, i tētahi mea rānei āu, kei mea koe, ‘Nāku a Āperama i whai taonga ai.’ Kāti anō i a ngā taitama i kai ai, me te wāhi a ngā tāngata i haere tahi nei mātou – a Anera, rātou ko Ehekora, ko Mamere; mā rātou e tango te wāhi i a rātou.”

සවන් දෙන්න Kenehi 14