If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Iyesus ash duro b&#769;kashitsok'o</div><div class="r">(Mar. 2:1-12; Luk'. 5:17-26)</div><div class="p"> 1Maniyere il Iyesus jelbots kinddek't aats k'arotse kimt b&#769;took kitumand b&#769;weyi. 2Manoknowere ashuwots es'ats k'eyiru b&#237;atso lasha'ats ash iko b&#769;maand dek't boweyi. B&#237;were bo aman amano bek't, b&#237;atso lashatsosh, &#171;T naayo! kup'owe shenono, n morr jamo neesh orowa eteere&#187; b&#237;et. 3Manoor nemo danifwotsitse ik ikwots, &#171;Ashaahan Ik'oniye b&#769; c'ashiri!&#187; ett bonibotse bo gawi. 4Iyesuswere bo gawirwo dank'rat hank'o boosh b&#237;eti, &#171;It nibots eegoshe gond keewo itgawiri? 5B&#769;wotiyaloru n morro oorowe eteere etonat tuur amee! etotse aaw ketfa? 6Ernm&#243; ash na'o datsatse morro k'a'&#250;bazosh alo b&#769; detstsok'o it danisha&#187; ett biatso lasha'atsosh &#171;Tuur ni'es'o kurde nmoo maants amee&#187; b&#237;et. 7Ashonwere tuut b&#769;moo maants k'az b&#237;ami. 8Ashuwotswere man bobek'tsok'on bo shati, hank'o bodtso alo ashosh b&#769; imtsotse Ik'o bo udi.</div><div class="s">Iyesus Matiwosi eteetso Lewiyi b&#769; s'eegtsok'owo</div><div class="r">(Mar. 2:13-17; Luk'. 5:27-32)</div><div class="p"> 9Iyesus manoke tuut amoke b&#769;befere Matiwosi eteefo t'ilish dek'eef beyoke b&#769;befere bek't &#171;T shuutso wowe&#187; b&#237;et. B&#237;were tuut b&#769; shuutso b&#769; ami. 10Maniyere il Iyesus Matiwos mootse mishimaratse b&#769;befere t'ilish ko'if aywotsnat morretswotsn man maants waat b&#237;nat b&#769; danifwotsnton mishimaratse beebodek'i. 11#Luk'. 15:1-2 Ferisawino eteefwotswere man bek't &#171;It danifo eegoshe t'ilish ko'ifwotsnat morretswotsnton towat b&#769;meyiri?&#187; bo et. 12Iyesuswere man shisht hank'o ett boosh b&#237;aaniy, &#171;Shoodetswotssha bako jeenwotssh atetso geyiratse. 13#Hos. 6:6; Mat. 12:7 Ameree &#8249;Taa t geyirwo mhretiya bako woshaliye&#8250; ett guut'etso eeg b&#769;wottsok'o p'ec'ar t'iwintsde'ere. Taa twaa k&#225;&#225;wwotssh b&#769;woterawo morretswotssh orowe eto bodaatsitwok'o boon s'eegoshe&#187; b&#237;et.</div><div class="s">S'oomi jangosh t'intsets aato</div><div class="r">(Mar. 2:18-22; Luk'. 5:33-39)</div><div class="p"> 14Manoor, Yohans danifwots Iyesusok waat &#171;Noonat ferisawino eteyirwotsn jam aawo s'oomere nos'omiri, n danifwotsmo eegoshe s'oomo bok'azi?&#187; ett b&#237;n boaati. 15B&#237;were hank'o ett boosh b&#237;aaniy, &#171;Guuyo bonton b&#769;befere guuy deentswots shiyano boon geyif&#225;? Ernm&#243; guuyo booke b&#769;dek'eet aawo weetwe, manoor s'oomitunee. 16Natts tahats b&#250;t'i handro shipetwo konwor aaliye, b&#769;shipalm&#243; b&#250;t'i handrman tahi dorman kushide'er b&#769; gaad'o iki gawintsitwee. 17Mank'o aats arwi natots weyini biri handro g&#225;&#225;s'etwo konwor aaliye, man k'aleyalm&#243;, aruman t'uu'niye b&#769;wutsiti, weyini b&#237;rmanm&#243; kuud'itwee, arwonwere awaashar finats jinaniyere b&#769; ooriti. Ernm&#243; handr weyini b&#237;ro handr arwots g&#225;&#225;s'o geyife, mank'oon gitetswots jeenon beet&#250;ne.&#187;</div><div class="s">Iya'iros na'&#250;nat Iyesus taho t'awits m&#225;&#225;tsu jango</div><div class="r">(Mar. 5:21-43; Luk'. 8:40-56)</div><div class="p"> 18Iyesus man boosh keewoke b&#769;befere, naash iko b&#769; maants waat, b&#769; baronowere Iyesus shinats gup'gup'at&#769;, &#171;Hamb t na'&#250; k'irwtseranee, ernm&#243; nee waar n kisho b&#237;ats ngedal kashitwanee&#187; b&#237;et. 19Iyesuswere tuut ashman shuutso shoydek't b&#237; ami. B&#769;danifwotswere b&#769;shuutso shoydek't boami.</div><div class="p"> 20 # 
 Taaw. 15:38; Iwi. 22:12 Manoke, tatse git nat s'eenosh b s'atso kud'at need'o b&#769;k'aye kic'iru m&#225;&#225;ts iku fa'a bteshi, manoor Iyesus shutsatse b&#769; tahi jilo bkishon b dets. 21Man bk'alwere &#171;B&#769;taho s'uzi dab t t'awiyal kashitwe&#187; etaat b nibotse gawat bteshtsotsna. 22Iyesuswere wongr et aanat bin b&#769; s'iiliyakon &#171;Kup'owe t ni'e! n imnetiyo neen kashire&#187; b&#237;et. M&#225;&#225;tsnwere manoor kash bgutsi.</div><div class="p"> 23Maniyere il Iyesus naasho mook b&#769;bodtsok'on shiyani gaato fugfwotsnat hakebak jod'efetst eepiru ashuwotsi b&#769;bek'i. 24B&#237;were &#171;It &#250;nets hanoke ameree! na'&#250; tokra btokriri bako k'irratsane!&#187; b&#237;et. Boom&#243; b&#769;keewo aatsnit b&#237;'ats bomiis'. 25Ashuwots bokeshihakon, Iyesus na'&#250; bbeyiru maa kayots kindt b kisho b&#769;dets, biwere btuwi. 26Keewman een b&#769;wottsok'o g&#250;&#250;rmanatse shishe b&#769;wutsi.</div><div class="s">Iyesus aaw dog gituwotsi b&#769;kashitsok'o</div><div class="p"> 27Manoke tuut b&#237;amfere Iyesusi shoydek't aaw dog gitwots bo tuu, boowere &#171;Dawit naayo! oona neesha noosh maac'o k'ewowe!&#187; et fetst bokuhefere botesh. 28Moots b&#769; kindtsok'on Iyesusok t'iin bodek'i, b&#237;were &#171;Taa man k'alo tfalitwok'o amaniruteya?&#187; b&#237;et. Bowere &#171;Ee, doonzono!&#187; ett boaaniy. 29Maniyere il Iyesus bo &#225;&#225;wwotsi b&#769; kishon b&#769; shuu'ihakon, &#171;It amantsok'o itsh wotowe!&#187; b&#237; et. 30Bo &#225;&#225;wonwere k'eshe b&#769;wutsi, Iyesuswere &#171;Keewan konshor keewk'ayere!&#187; ett kup'idek't boosh b&#769; keewi. 31Boom&#243; amt&#769; g&#250;&#250;rmanatse Iyesus sh&#250;&#250;tsi eeni jango bokeewi.</div><div class="s">Iyesus b&#769; noon duts ash iko b&#769;kashitsok'o</div><div class="p"> 32Bo &#225;&#225;w k'eshets ashuwots kesht boamtsok'on ash k'oshwots Fo'erawo b&#237;atsotse s'eentso ash gidik' iko Iyesus maants dek't bowaa. 33Fo'erawonwere b&#769; gitsotse b&#769; keshtsok'on ash gidik'o noonkeewo dek't b&#769;tuwi, ash ashonwere &#171;Isra'elitse hank'o keewo b&#769; jamon be'e danake!&#187; ett bo adi. 34#Mat. 10:25; Mar. 3:22; Luk'. 11:15 Ferisawino eteefwotsm&#243; &#171;B&#237;yere Fo'erawo b&#769; kishir Fo'erawwots naashonee&#187; bo et.</div><div class="s">Ash ashosh Iyesus maac' b&#769;k'ewtsok'owo</div><div class="p"> 35 # 
 Mat. 4:23; Mar. 1:39; Luk'. 4:44 Iyesuswere bo Ayhudi Ik' k'oni mootse danifetst, Ik'i mengsti doo shishiyo nabfetst, ashuwotsi shodonat atswesh jamotse kashifetst, kitonat gal jamotse b&#237;ananefoni. 36#Taaw. 27:17; 1 Naash. 22:17; 2 Zen. 18:16; Hzk'. 34:5; Mar. 6:34 Ash ashonm&#243; jints deshaw mereerwotskok'o kic'efetst d&#225;&#225;ndat bobefere b&#769;bek'tsok'on boosh maac'o b&#769;k'ewi. 37Mansh b&#769;danifwotssh hank'o b&#237;et &#171;M&#225;&#225;yo kakwetwo aye, m&#225;&#225;y katsman kakwitwotsm&#243; aynaliye. 38#Luk'. 10:2 Eshe fintswotsi m&#225;&#225;y kakwok b&#769; woshitwok'o m&#225;&#225;yi katso doonzi k'onwere.&#187;</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

Maniyere il Iyesus jelbots kinddek't aats k'arotse kimt b́took kitumand b́weyi. Manoknowere ashuwots es'ats k'eyiru bíatso lasha'ats ash iko b́maand dek't boweyi. Bíwere bo aman amano bek't, bíatso lashatsosh, «T naayo! kup'owe shenono, n morr jamo neesh orowa eteere» bíet. Manoor nemo danifwotsitse ik ikwots, «Ashaahan Ik'oniye b́ c'ashiri!» ett bonibotse bo gawi. Iyesuswere bo gawirwo dank'rat hank'o boosh bíeti, «It nibots eegoshe gond keewo itgawiri? B́wotiyaloru n morro oorowe eteere etonat tuur amee! etotse aaw ketfa? Ernmó ash na'o datsatse morro k'a'úbazosh alo b́ detstsok'o it danisha» ett biatso lasha'atsosh «Tuur ni'es'o kurde nmoo maants amee» bíet. Ashonwere tuut b́moo maants k'az bíami. Ashuwotswere man bobek'tsok'on bo shati, hank'o bodtso alo ashosh b́ imtsotse Ik'o bo udi.


Iyesus manoke tuut amoke b́befere Matiwosi eteefo t'ilish dek'eef beyoke b́befere bek't «T shuutso wowe» bíet. Bíwere tuut b́ shuutso b́ ami. Maniyere il Iyesus Matiwos mootse mishimaratse b́befere t'ilish ko'if aywotsnat morretswotsn man maants waat bínat b́ danifwotsnton mishimaratse beebodek'i. Ferisawino eteefwotswere man bek't «It danifo eegoshe t'ilish ko'ifwotsnat morretswotsnton towat b́meyiri?» bo et. Iyesuswere man shisht hank'o ett boosh bíaaniy, «Shoodetswotssha bako jeenwotssh atetso geyiratse. Ameree ‹Taa t geyirwo mhretiya bako woshaliye› ett guut'etso eeg b́wottsok'o p'ec'ar t'iwintsde'ere. Taa twaa kááwwotssh b́woterawo morretswotssh orowe eto bodaatsitwok'o boon s'eegoshe» bíet.


Manoor, Yohans danifwots Iyesusok waat «Noonat ferisawino eteyirwotsn jam aawo s'oomere nos'omiri, n danifwotsmo eegoshe s'oomo bok'azi?» ett bín boaati. Bíwere hank'o ett boosh bíaaniy, «Guuyo bonton b́befere guuy deentswots shiyano boon geyifá? Ernmó guuyo booke b́dek'eet aawo weetwe, manoor s'oomitunee. Natts tahats bút'i handro shipetwo konwor aaliye, b́shipalmó bút'i handrman tahi dorman kushide'er b́ gaad'o iki gawintsitwee. Mank'o aats arwi natots weyini biri handro gáás'etwo konwor aaliye, man k'aleyalmó, aruman t'uu'niye b́wutsiti, weyini bírmanmó kuud'itwee, arwonwere awaashar finats jinaniyere b́ ooriti. Ernmó handr weyini bíro handr arwots gáás'o geyife, mank'oon gitetswots jeenon beetúne.»


Iyesus man boosh keewoke b́befere, naash iko b́ maants waat, b́ baronowere Iyesus shinats gup'gup'at́, «Hamb t na'ú k'irwtseranee, ernmó nee waar n kisho bíats ngedal kashitwanee» bíet. Iyesuswere tuut ashman shuutso shoydek't bí ami. B́danifwotswere b́shuutso shoydek't boami.
Manoke, tatse git nat s'eenosh b s'atso kud'at need'o b́k'aye kic'iru mááts iku fa'a bteshi, manoor Iyesus shutsatse b́ tahi jilo bkishon b dets. Man bk'alwere «B́taho s'uzi dab t t'awiyal kashitwe» etaat b nibotse gawat bteshtsotsna. Iyesuswere wongr et aanat bin b́ s'iiliyakon «Kup'owe t ni'e! n imnetiyo neen kashire» bíet. Máátsnwere manoor kash bgutsi.
Maniyere il Iyesus naasho mook b́bodtsok'on shiyani gaato fugfwotsnat hakebak jod'efetst eepiru ashuwotsi b́bek'i. Bíwere «It únets hanoke ameree! na'ú tokra btokriri bako k'irratsane!» bíet. Boomó b́keewo aatsnit bí'ats bomiis'. Ashuwots bokeshihakon, Iyesus na'ú bbeyiru maa kayots kindt b kisho b́dets, biwere btuwi. Keewman een b́wottsok'o gúúrmanatse shishe b́wutsi.

Manoke tuut bíamfere Iyesusi shoydek't aaw dog gitwots bo tuu, boowere «Dawit naayo! oona neesha noosh maac'o k'ewowe!» et fetst bokuhefere botesh. Moots b́ kindtsok'on Iyesusok t'iin bodek'i, bíwere «Taa man k'alo tfalitwok'o amaniruteya?» bíet. Bowere «Ee, doonzono!» ett boaaniy. Maniyere il Iyesus bo ááwwotsi b́ kishon b́ shuu'ihakon, «It amantsok'o itsh wotowe!» bí et. Bo ááwonwere k'eshe b́wutsi, Iyesuswere «Keewan konshor keewk'ayere!» ett kup'idek't boosh b́ keewi. Boomó amt́ gúúrmanatse Iyesus shúútsi eeni jango bokeewi.

Bo ááw k'eshets ashuwots kesht boamtsok'on ash k'oshwots Fo'erawo bíatsotse s'eentso ash gidik' iko Iyesus maants dek't bowaa. Fo'erawonwere b́ gitsotse b́ keshtsok'on ash gidik'o noonkeewo dek't b́tuwi, ash ashonwere «Isra'elitse hank'o keewo b́ jamon be'e danake!» ett bo adi. Ferisawino eteefwotsmó «Bíyere Fo'erawo b́ kishir Fo'erawwots naashonee» bo et.

Iyesuswere bo Ayhudi Ik' k'oni mootse danifetst, Ik'i mengsti doo shishiyo nabfetst, ashuwotsi shodonat atswesh jamotse kashifetst, kitonat gal jamotse bíananefoni. Ash ashonmó jints deshaw mereerwotskok'o kic'efetst dáándat bobefere b́bek'tsok'on boosh maac'o b́k'ewi. Mansh b́danifwotssh hank'o bíet «Mááyo kakwetwo aye, mááy katsman kakwitwotsmó aynaliye. Eshe fintswotsi mááy kakwok b́ woshitwok'o mááyi katso doonzi k'onwere.»

සවන් දෙන්න Matiwos Dooshishiyo 9