Gurage Chaha -1982 BSE (NT) Drama

ኢየሱስ ተኢያሪኮ ከተማ ግብት ያር ባነ። በኽሜ ዘኬዎስ ይውሪ የቀረጥየ አለቃ ባነ። ትም ደንገነ ባነ፤ ዘኬዎስም ኢየሱስ ይውሪ ኤተታ የኸረ ኸማ ያዤ ይሸ ባነ፤ ቢኸርም መታ አጭር የኸሬ ሰብ በሳም ያዥኔ አንዀረረ። ኢየሱስ ተኽ መደር ያር የረፐሬ ዘኬዎስ የኢየሱስ ያዥኔ ቲብር ይፍቴንየ ኖጠም ባት በሸብራ ኧጨ ከናም። ኢየሱስም የዛኽ ኧጨ መዬ ቸነም ቲሰራ ተረም አሸንምታነ «ዘኬዎስ ኧኳ ታኸ ጋ በቤታኸ ኧወርቴ፤ አፍጥርም ውረድ» ቧረንም። ዘኬዎስም አፈጠረም ወንደምታነ የኢየሱስ ሳረንም ተረንም። እንም ሰብ የት ቤት ቲገባ አሰቦምታነ «ኢየሱስ ተባጢረተነ ምስ ጋ ይበሬ ገፓም» ባሮም እጠጠቦም።
ዘኬዎስ ጭን በታ ኢየሱስ ይፍቴ ቈመምታነ «ታኖ ታኔቃር እንም ግብተታ የዜጋ አብሸ፤ በሟኒም ሰብ አታለልም ዮሰድኽወ ዋጋ በረፐረ አርበት ኧጅ አሚም ኧዘፕርሸ» ቧረንም።
ኢየሱስም «ዝኽ ዘኬዎስ የአብርኻም ዘሩ፤ ኧኳ የዝ ቤት ሰብ ተነፎም። የሰብ ትከ የቀነ ሸም ያተርፌ ቸነም» ባረም።


ሰብ ኢየሱስ ይዝረንቃር ቲሰሞም ኢየሱስ ኢየሩሳሌም ከተማ ተራነበም፤ ብዘ ሰብም ይእግዘር መንግስት የትነበቃር መሰረኖም፤ በኽ የቸነ ኢየሱስ ዝኽ ወማካ ኦደኖም። «አት ሹም ተረገሰም ይቸኔ ኧረ ገነ ወረም። ቴያር ይፍቴ አስር አገልጌየታ ጠናም ይንመና ቀርሺ አበኖምታነ ‹ትንቸን ዳር አቂጦ› ባረኖም። የዝም ምስ የገነታ ሰብ ይጠረዊ የረፐሬ፥ ‹ዝኽ ምስ ቢና ር ይትረገሴ አንሸነ› ቲብሮ ት ቦረ አን ናቸረነ ናኾም።
«ትም ተረገሰም በቸነ አን ቀርሺ ያበኖ አገልጌየታ ምራኽር ቃር ያተነፎ ኸማ ይትሰኖዌ ጥረዮ ባረም። ይፍትወረር አገልጌየታ ቸነም ‹ታኖ ባብኼ ቀርሺ አቄጥም አስር ኧጅ አተነፍኽወም› ቧረንም። ታታም ‹አኸ ርቴ አገልጌ ወኼ ቃር ቾትኸም፥ ብርስየ ቃር የታመርኼ ባስር ከተማ እንም ሾምከም› ቧረንም። ዄተነም አገልጌ ቸነም ‹ታኖ ባብኼ ቀርሺ አቄጥም አምስት ኧጅ አተነፍኽወም› ቧረንም። የዝም አገልጌ ‹አኸም ባምስት ከተማ ሾምከም› ቧረንም።
«እንጐድም አገልጌ ቸነም ‹ታኖ በጨርቅ ጥባነርም የጠቀንከ ቀርሺያኸ የኸ። አናወናዀን ቃር ትወስድ፥ አንዘናዀንም ቃር ታድድ ትወ ምስ የኸርኼ ሰነፍከም፤› ቧረንም። አራባሪየታም ‹አኸ ጥጥ አገልጌ በዝረዀን ቃር ኧፈርድብኸቴ፤ አናወናን ኧረሳ አንዘናን አድድ ትወ ምስ የኸር ኸማ ኻርኸም። ኧጋ ቀርሺየና የምር ዮለድ አምሰድዀን? እያም ተንትዀ ተትርፈታ ጋ ኧስድን ባነ› ቧረንም። በኽም የቈሞ ሰብ ‹ኽኽ ቀርሺየታ ውስዶ አስር ኧጅ ያተነፈታ አበዊ› ባረኖም። ኽኖም ‹ታንዶ ትኽ አስር ኧጅ ትርፍ ነረን› ባረዊም። ‹እያም ኧብርኹ ያነን እንም ይደለ፤ ቤነን ጭን ኽም ያነን ዳር ይወስጅ። በኽኖ ር ኧትረገሴ አንሳረኖ ጠላተና ዝኼ ናሞም ቢፍተኔ ቅጥሮዮ› ባረም»። ኢየሱስ ዝኽ ወማካ ቦደ አን ኤማታ ቀነሰም ኢየሩሳሌም ከተማንየ ተተማሪየታ ይፍት ይፍቴ ያር ባነ።


ደብረዘይት ይውሪ ቈቶ መዬ ያነቦ ቤተፋጌም ቢታንያ ቀያ ቲሰራ ዄት ተማሪየታ ይፍቴንየ ናኸኖም። «ኽኽ ይፍት ይፍት ያነ ቀያ ወሮ፤ ኽሜ ትትሰሮ ገና ሟኒም ሰብ አነን ይማር ትከ ባጐጅዬ ትንኸቦሸ፤ ፍቶም ዝኼ ናመዊ። ሟኒም ሰብ ‹የምር ትፈተዊ?› ባረም ቢትሰርኹ ‹የታ አትሸንም› በረዊ» ባረኖም።
የራዮም ኽኖ ወሮም ኢየሱስ የባረኖም ኸማ ነከቦም። ይማር ትከምት ቲፈቶ እማር የኸረኖ ሰብ «ዝኽ እማር የምር ትፈተዊ?» ባሮዮም። ኽኖም «የታ አትሸንም» ባሮዮም። ይማር ትከምት የኢየሱሴ አቸነበዊም፤ ጅረና በረታ አደጎም ኢየሱስ ነንም። ቲያሮም የኢየሱስ ይትፐሮ ሰብ ጅረና ቤማ ይዝራኮነ ባነ።
ኢየሱስ ኢየሩሳሌም ከተማ ይገቤ ደብረዘይት አናነ ይዌዬ ቲሰራ ተማሪየታም የትተረዊ ሰብ እንም ሳረኖም፤ ኽኖም ኢየሱስ የቾተን ወግ ዘንጋ አሰቦም ባነ፤ ቃረና ከፍ ኤፐቦም ይእግዘር ሽር ወበር ቀነሶም። «ብእግዘር ሽም የቸነ ንስ የትዳረው፤ በሰሜ ሽናት የጔታም ክብር የኽር» ባሮም።
በብዘ ሰብ ግብት የረፐሮ አታት የፈሪሳ ሰብ «አስተማሪዮ ዝኽ ተማሪያኸ ስ በሮ በኖ» ባረዊም።
ኢየሱስ ዠፐረም «እያም ኧብርኹ ኽኖ ስ ቢብሮም እምር ዳር ዮኖቴ» ባረኖም።

ኢየሱስ ኢየሩሳሌም ቸነም ቲሰራ የኢየሩሳሌም ከተማ አሸም በም። «አኸ የሽናታኸ ያትሽኸ ቃር ምሩ ኧዃ ተኻርኸ፤ ኧዃ ጭን ዝኽ ዘንጋ ተሼመብኸም። ጠላታኸ ኧጭር ያጥሮብከም በኽቦት ትንም መደር ያጨንቆከ ወክት ይቸንቴ። አኹም በዝ ከተማ ትረብሮ ሰብ ይቀጥሮኩቴ፤ ከተማኹ እምር ብምር ር ቴቾና እንም ይትደስቴ፤ ዝክም ይኸረታ ጔታ ያተርፍኹዌ የቸነወ ወክት አንኻርኹ የኸሬው» ባረም።


ኢየሱስ ቤተመቅደስ ገፓም፤ በኽም በደኔ ያቄጦ ሰብ አውጦት ቀነሰም። ትም « ‹ቤተና የጠሎት ቤት ይኸርቴ› ቧርም ጣም ባነ፤ አኹ ጭን የኔባ ወረ አመነኹዊም» ባረኖም።
ኢየሱስም እንተመረጋ በቤተመቅደስ ያትመር ባነ፤ ኽም ጋ የስ አለቃም የሙሴ ጫ አስተማሪም እንጐድ ንቅንቅ ሰብ የኢየሱስ ይቀጥረውዬ ይሰቦ ባነ። ቢኸርም ሰብ እንም ት ይብር ቃር ይሰሞዌ ነና የቴ የዠፐሮዬ፥ ይቀጥረውዬ የሳቦኽኖ አትምቃር አምሮት አንኸረሎ።

සවන් දෙන්න ሉቃ. 19