Koorete - BSE (NT) Drama

<div class="version vid3178 iso6393kqy" data-vid="3178" data-iso6393="kqy">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Haydzi tamma hazzuppi bera hargaxi loollosa</div><div class="p"> 1Ye e geede Yesuusay Ayhuda massalaafa bidzi kuxutticho gisha Yerusaleeme e hando. 2Yahani Yerusaleeme katama qeyshi giddaa gelse sumitaafa bidzi &lt;&lt;Doriti Suma&gt;&gt; hidi hisso sumay e yecha. Ye suma buro Ibrayste nuunana &lt;&lt;Beetesayda#5:2 Beetesayda Bidzi bidzi shon'asiti ha sunxe &lt;&lt;Beetezaata&gt;&gt; hidiko u hine.&gt;&gt; yeydi hisso waaxi eelay e yecha. Ye waaxi eela nuuna ichichi godo keexi xhange oomoy e yecha. 3-4Ye keexi xhange oomoni bal'iti, hamese danda'uwasiti, e kuchey e tokey siilleseesiti laga hargaxiti woy'iya u yecha. [Bidziya bidziya Wonto woosaxi afaafa hoddhi ye waaxe e en'usicha. Ye waaxi eelay en'onikewo burona essaa gelesi aba bisha harge e maaddhakoni be gara yese hargiyafa e loolicha.&#160;Ye e gisha waaxi en'esa u kakkicha.]</div><div class="p"> 5Yahani haydzi tamma hazzuppi bera aallo hardese hargaxini e yecha. 6Yesuusani ye axi woy'iya yesesa e beedo. Laga bera aallo e hardesesa erdi &lt;&lt;Loole worguwa ne worge?&gt;&gt; hidi e oycco. 7Ye hargaxini &lt;&lt;Laaxo, waaxi en'eniya tamba aandi waassaa gelse axe keenguwasso. Gelese haga ta hineniyako taame buro feday gele&gt;&gt; hidi e hido.</div><div class="p"> 8Yesuusani &lt;&lt;Dendi e gara ne woy'ichosha etti dhaddi ne tokena hanti hanguwa&gt;&gt; hidi e hido.</div><div class="p"> 9Ye adeni yenniyawo e loollo. E gara be woy'ichoshani etti be tokena hanti hame e gello. Ye wontani sanbata wonte e maaqicha. 10Hinne Ayhuda afana maagiti ye loolla ade &lt;&lt;Hanzoy sanbatako. Essa ne woy'ichosha ne idduwannike wogay tucciko yese&gt;&gt; hidi u hido. 11Ye adeni &lt;&lt;Ha tamba loolusasuko &lt;Dendi e gara ne woy'ichosha etti dhaddi ne tokena hanti hanguwa!&gt; yeydi hida&gt;&gt; hidi e hido. 12Usini &lt;&lt;Yeydi nemba hidasi oonena?&gt;&gt; hidi u oycco. 13Ye loolla adeni Yesuusay axi giddaaka gellecho gisha bemba loolusasi oone e maaqichonike erey esa iissho.</div><div class="p"> 14Yeydi e maaddho geede Yesuusay Wonto Hayla Zawa qeyshi giddaa ye adiyara muti &lt;&lt;Hattesema loolliko ne yese. Ha esume gardese jheetey ne gara yooneesume hanzowafa sekke cubbo hantofuna!&gt;&gt; hidi e hido.</div><div class="p"> 15Ye adeni bemba loolusasi Yesuusa maaqesa erdi handi Ayhudaxiti afana maagituko e oto. 16Usini Yesuusay ye esuke sanbata wonte axita e loolusicho gisha esa u maddhunxicha. 17Yesuusani &lt;&lt;Nuwadey uddi woggaako hatte aallo hanta e hante, tanini hantako hante&gt;&gt; hidi e mato. 18Ye esuna Ayhudaxiti Yesuusay sanbata wonte wogay &lt;&lt;Hantofita!&gt;&gt; hidi tuccechosha e hantosunawo e maaddhobaane Wonto &lt;&lt;Nuwade&gt;&gt; hidi hiyena bemba Wonto makko aandi e matosuna minsi esa wodhese u worgicha.</div><div class="s">Wonto yele adeto gisha</div><div class="p"> 19Yesuusani &lt;&lt;Hinuse ta ohesi aadeko. Adey hantusune be beedosume feda yeley beese be adetona e hantesi bidzini baasso. Adey hantosako yeleni yeydiwo hante. 20Adey yele eehako e eehe. Be hantesani uddiko be yele e beyse. Hi micoronike ha esume gardese hantako hanti e beyse. 21Adey haydhasita e densi yeso ususe e ingenike yeydiwo yeleni esuse ingese be worge axuse yesoko e inge. 22-23Axiti ade be kuxenike yeleni u kuxorosa adey uddiyade gara e yaa'oronike adeto yelese e indesesa baaka adey bidzi garani yaa'uwasso. Yele kuxuwasi ye yele ansa adeni kuxuwasso.</div><div class="p"> 24Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.</div><div class="p"> 25Hinuse ta ohesi fetto aadeko. Haydhasiti Wonto yele kato u siine woggako yoonesa. Ye woggani hay elliko yese. Siineesiti be uddina yesowakako u gare. 26Yeydini maaqese e danda'esi adey yesose tulto maaqenike yeydiwo yeleni yeso tulto maaqoronike matiko e yese. 27Yeley axi yele hidi hiyuttase e maaqe gisha yaa'a e yaa'orosa adeto esuse adey indiko e yese. 28Ye esuna micofita! Boossaaka yeseesiti uddi Wonto yele kato u siine wontako yoonesa. 29Modhe hantasiti haybowafa dendiko yeso degessi u yese. Iita hantasiti haybowafa u dende, u gara e yaa'utte.</div><div class="s">Yesuusa gisha ohutta ato</div><div class="p"> 30Tani taase ta adetona abani hantese danda'uwasso. Maaqe baaka adekofa ta siidonikeko ta yaa'e. Tamba ansasi maxo alsese ta worgesa baaka ta maxo alsese ta worguwa gisha ta yaa'e yaa'ay gizoko. 31Tani taase ta qinose zeerdako ta zeerdosa aadeko hidi ekkesi baasso. 32Maaqe baaka ta gisha zeeresako feday yesa. Esi ta gisha zeeresi aade e maaqenike tani erako ere. 33Hinuni Yohanisekoko axe hi woossecha. Yohaniseni aade gisha zeerdiko e yecha. 34Ha esa ta hidosi hi loolorosa baaka taase axi zeerorosa e worgusine maaquwasso. 35Yohanisey hade eexhiya yesine fo'e inge faqeke yesesako. Hinuni oddhe woggase e fo'ena maggesuko hi eeto. 36Tanimay Yohanisey oone ta maaqenike zeerdosume garsi taase zeeresa keemako ta keenge. Ta alsoronike adey taase indo hanta hantiya ta yesesako adey tamba ansonike beysesa. 37Tamba ansa adey ta gisha otiko e yese. Bidziyani e kato hi washena siidobaytako, e aafusha beedobaytako. 38Adey ansosa hi aadexuwa gisha e katoy hi muxhurowa uttuwasso.</div><div class="p"> 39Hinuni Hayla Fissharowaka koolo makkina yesoy yesesa hinumba e bisshineko degexese worgiya hi yese. Hayla Fissharomay ta gisha ohesako. 40Maaquwaye baaka hinuni yeso degexese taako yoowe worguwaytako.</div><div class="p"> 41Tani kuxa axukofa worguwasso. 42Wonto hi eehuwannike hinumba erako ta ere. 43Nuwade sunxuna ta yoonne, tamba ettobaytako. Feday beese be sunxuna yoodako efako hi ekke. 44Wolla sekke hanke hi kuxe. Bidzi Wonto garafa bente kuxa worge hi inxhadho geede waydini tamba aadexese hi danda'e?</div><div class="p"> 45Tani ade buro hinumba luukenike hinuse bisshoffe! Hinumba luukesi bidzi yesako e yese. Esini esa gobbe hi mahe Museko. 46Musey ta gisha diizese gisha esuse &lt;Aadeko&gt; hidi hi ettako taaseni &lt;Aadeko&gt; hidi efako hi efaane. 47E diizosa &lt;Aadeko&gt; hidi efe hi dheeddo geede ta otosa waysi aadeko hidi efese hi danda'aane?&gt;&gt; yeydi e hido.</div>
 </div>
 </div>
</div>

Ye e geede Yesuusay Ayhuda massalaafa bidzi kuxutticho gisha Yerusaleeme e hando. Yahani Yerusaleeme katama qeyshi giddaa gelse sumitaafa bidzi <<Doriti Suma>> hidi hisso sumay e yecha. Ye suma buro Ibrayste nuunana <<Beetesayda>> yeydi hisso waaxi eelay e yecha. Ye waaxi eela nuuna ichichi godo keexi xhange oomoy e yecha. Ye keexi xhange oomoni bal'iti, hamese danda'uwasiti, e kuchey e tokey siilleseesiti laga hargaxiti woy'iya u yecha. [Bidziya bidziya Wonto woosaxi afaafa hoddhi ye waaxe e en'usicha. Ye waaxi eelay en'onikewo burona essaa gelesi aba bisha harge e maaddhakoni be gara yese hargiyafa e loolicha. Ye e gisha waaxi en'esa u kakkicha.]
Yahani haydzi tamma hazzuppi bera aallo hardese hargaxini e yecha. Yesuusani ye axi woy'iya yesesa e beedo. Laga bera aallo e hardesesa erdi <<Loole worguwa ne worge?>> hidi e oycco. Ye hargaxini <<Laaxo, waaxi en'eniya tamba aandi waassaa gelse axe keenguwasso. Gelese haga ta hineniyako taame buro feday gele>> hidi e hido.
Yesuusani <<Dendi e gara ne woy'ichosha etti dhaddi ne tokena hanti hanguwa>> hidi e hido.
Ye adeni yenniyawo e loollo. E gara be woy'ichoshani etti be tokena hanti hame e gello. Ye wontani sanbata wonte e maaqicha. Hinne Ayhuda afana maagiti ye loolla ade <<Hanzoy sanbatako. Essa ne woy'ichosha ne idduwannike wogay tucciko yese>> hidi u hido. Ye adeni <<Ha tamba loolusasuko <Dendi e gara ne woy'ichosha etti dhaddi ne tokena hanti hanguwa!> yeydi hida>> hidi e hido. Usini <<Yeydi nemba hidasi oonena?>> hidi u oycco. Ye loolla adeni Yesuusay axi giddaaka gellecho gisha bemba loolusasi oone e maaqichonike erey esa iissho.
Yeydi e maaddho geede Yesuusay Wonto Hayla Zawa qeyshi giddaa ye adiyara muti <<Hattesema loolliko ne yese. Ha esume gardese jheetey ne gara yooneesume hanzowafa sekke cubbo hantofuna!>> hidi e hido.
Ye adeni bemba loolusasi Yesuusa maaqesa erdi handi Ayhudaxiti afana maagituko e oto. Usini Yesuusay ye esuke sanbata wonte axita e loolusicho gisha esa u maddhunxicha. Yesuusani <<Nuwadey uddi woggaako hatte aallo hanta e hante, tanini hantako hante>> hidi e mato. Ye esuna Ayhudaxiti Yesuusay sanbata wonte wogay <<Hantofita!>> hidi tuccechosha e hantosunawo e maaddhobaane Wonto <<Nuwade>> hidi hiyena bemba Wonto makko aandi e matosuna minsi esa wodhese u worgicha.

Yesuusani <<Hinuse ta ohesi aadeko. Adey hantusune be beedosume feda yeley beese be adetona e hantesi bidzini baasso. Adey hantosako yeleni yeydiwo hante. Adey yele eehako e eehe. Be hantesani uddiko be yele e beyse. Hi micoronike ha esume gardese hantako hanti e beyse. Adey haydhasita e densi yeso ususe e ingenike yeydiwo yeleni esuse ingese be worge axuse yesoko e inge. Axiti ade be kuxenike yeleni u kuxorosa adey uddiyade gara e yaa'oronike adeto yelese e indesesa baaka adey bidzi garani yaa'uwasso. Yele kuxuwasi ye yele ansa adeni kuxuwasso.
Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.
Hinuse ta ohesi fetto aadeko. Haydhasiti Wonto yele kato u siine woggako yoonesa. Ye woggani hay elliko yese. Siineesiti be uddina yesowakako u gare. Yeydini maaqese e danda'esi adey yesose tulto maaqenike yeydiwo yeleni yeso tulto maaqoronike matiko e yese. Yeley axi yele hidi hiyuttase e maaqe gisha yaa'a e yaa'orosa adeto esuse adey indiko e yese. Ye esuna micofita! Boossaaka yeseesiti uddi Wonto yele kato u siine wontako yoonesa. Modhe hantasiti haybowafa dendiko yeso degessi u yese. Iita hantasiti haybowafa u dende, u gara e yaa'utte.

Tani taase ta adetona abani hantese danda'uwasso. Maaqe baaka adekofa ta siidonikeko ta yaa'e. Tamba ansasi maxo alsese ta worgesa baaka ta maxo alsese ta worguwa gisha ta yaa'e yaa'ay gizoko. Tani taase ta qinose zeerdako ta zeerdosa aadeko hidi ekkesi baasso. Maaqe baaka ta gisha zeeresako feday yesa. Esi ta gisha zeeresi aade e maaqenike tani erako ere. Hinuni Yohanisekoko axe hi woossecha. Yohaniseni aade gisha zeerdiko e yecha. Ha esa ta hidosi hi loolorosa baaka taase axi zeerorosa e worgusine maaquwasso. Yohanisey hade eexhiya yesine fo'e inge faqeke yesesako. Hinuni oddhe woggase e fo'ena maggesuko hi eeto. Tanimay Yohanisey oone ta maaqenike zeerdosume garsi taase zeeresa keemako ta keenge. Ta alsoronike adey taase indo hanta hantiya ta yesesako adey tamba ansonike beysesa. Tamba ansa adey ta gisha otiko e yese. Bidziyani e kato hi washena siidobaytako, e aafusha beedobaytako. Adey ansosa hi aadexuwa gisha e katoy hi muxhurowa uttuwasso.
Hinuni Hayla Fissharowaka koolo makkina yesoy yesesa hinumba e bisshineko degexese worgiya hi yese. Hayla Fissharomay ta gisha ohesako. Maaquwaye baaka hinuni yeso degexese taako yoowe worguwaytako.
Tani kuxa axukofa worguwasso. Wonto hi eehuwannike hinumba erako ta ere. Nuwade sunxuna ta yoonne, tamba ettobaytako. Feday beese be sunxuna yoodako efako hi ekke. Wolla sekke hanke hi kuxe. Bidzi Wonto garafa bente kuxa worge hi inxhadho geede waydini tamba aadexese hi danda'e?
Tani ade buro hinumba luukenike hinuse bisshoffe! Hinumba luukesi bidzi yesako e yese. Esini esa gobbe hi mahe Museko. Musey ta gisha diizese gisha esuse <Aadeko> hidi hi ettako taaseni <Aadeko> hidi efako hi efaane. E diizosa <Aadeko> hidi efe hi dheeddo geede ta otosa waysi aadeko hidi efese hi danda'aane?>> yeydi e hido.

සවන් දෙන්න Yohanise 5