 If you would like a copy of this version please contact info@davaraudiobibles.org

Krio Old Testament

<div class="version vid2948 iso6393kri" data-vid="2948" data-iso6393="kri">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Ken &#400;n Eb&#603;l</div><div class="p"> 1Adam gi in w&#603;f b&#603;l&#603; &#603;n i b&#596;n wan b&#596;ypikin. I se, &#8220;PAPA G&#390;D d&#596;n &#603;p mi f&#596; g&#603;t b&#596;ypikin,&#8221; so i gi am nem Ken#4:1 Ken I fiba di Ibru f&#596; g&#603;t s&#596;ntin. we min &#8216;g&#603;t&#8217;. 2I n&#596; tu te i b&#596;n &#596;da b&#596;ypikin we nem Eb&#603;l. Eb&#603;l na bin man we de m&#603;n ship, b&#596;t Ken in na bin fama. 3Wande, Ken k&#603;r s&#596;m pan di tin d&#603;n we i plant &#603;n mek sakrifays to PAPA G&#390;D. 4Eb&#603;l in k&#603;r s&#596;m pan di f&#596;s ship d&#603;n we b&#596;n. I kil d&#603;n, d&#596;n i gi di b&#603;st pat d&#603;n to PAPA G&#390;D as in yon sakrifays. PAPA G&#390;D bin pliz wit Eb&#603;l in sakrifays, 5b&#596;t i n&#596; bin pliz wit Ken in yon. Dat mek Ken v&#603;ks bad bad wan, &#603;n sawa in fes. 6Nain PAPA G&#390;D aks am se, &#8220;Wetin du yu v&#603;ks so? Wetin mek yu sawa yu fes so? 7If yu bin du wetin rayt, a n&#596; bin f&#596; tek yu sakrifays? B&#596;t bik&#596;s yu n&#596; du wetin rayt, sin de na yu dom&#596;t de wet f&#596; yu, b&#596;t yu f&#596; tray n&#596; f&#596; k&#596;mit sin.&#8221;</div><div class="p"> 8So Ken t&#603;l in br&#596;da Eb&#603;l l&#603; d&#603;n go na gras fil. We d&#603;n rich de, Ken f&#596;d&#596;m pan in br&#596;da &#603;n kil am.</div><div class="p"> 9PAPA G&#390;D aks Ken se, &#8220;We yu br&#596;da Eb&#603;l?&#8221; I ansa se, &#8220;Mi n&#596; no o! Mi na mi br&#596;da in wachman?&#8221;</div><div class="p"> 10Nain PAPA G&#390;D se, &#8220;Wetin mek yu d&#596;n du dis bad tin ya so? Yu br&#596;da in bl&#596;d de kray to mi fr&#596;m di gr&#596;n. 11Sw&#603; de pan yu &#603;n yu n&#596; go ebul f&#596; mek fam igen. Di gr&#596;n d&#596;n s&#596;k yu br&#596;da in bl&#596;d, l&#603;k&#603; se i bin opin in m&#596;t de wet f&#596; am. 12Di gr&#596;n n&#596; go gro &#603;nitin b&#603;t&#603; f&#596; yu ivin if yu wok tra&#331;a wan; d&#596;n yu go de wir&#596;n &#596;l&#596;b&#596;t na di w&#596;l.&#8221;</div><div class="p"> 13Ken ansa PAPA G&#390;D se, &#8220;A n&#596; go ebul f&#596; bia dis p&#596;nishm&#603;nt ya. 14Yu de pul mi k&#596;m&#596;t pan fam wok &#603;n f&#596; de wir&#596;n na dis w&#596;l, &#603;n &#603;nib&#596;di we si mi go kil mi.&#8221;</div><div class="p"> 15B&#596;t PAPA G&#390;D t&#603;l am se, &#8220;N&#596; o, If &#603;nib&#596;di kil yu, i go s&#596;fa s&#603;vin t&#603;m m&#596; f&#596;seka dat.&#8221; D&#603;n PAPA G&#390;D mak Ken, so dat &#603;nib&#596;di we si am n&#596; go kil am. 16So Ken k&#596;m&#596;t go tap fa fr&#596;m PAPA G&#390;D na wan k&#596;ntri we nem &#8220;N&#596;d&#8221; we min &#8220;Wir&#596;n&#8221; we de na di ist pat we yu k&#596;m&#596;t Id&#603;n.</div><div class="s1">Ken In J&#603;naresh&#596;n</div><div class="p"> 17Ken in w&#603;f b&#596;n b&#596;ypikin &#603;n i gi am nem In&#596;k. I bil wan big siti &#603;n i gi am in pikin in nem, In&#596;k. 18In&#596;k bin g&#603;t wan b&#596;ypikin we nem Irad, we na bin M&#603;uja&#603;l in papa, &#603;n M&#603;uja&#603;l bin g&#603;t wan b&#596;ypikin we nem M&#603;tusha&#603;l, we na bin Lam&#603;k in yon papa. 19Lam&#603;k bin g&#603;t tu w&#603;f: wan nem Ada, di &#596;da wan nem Zila. 20Ada b&#596;n Jabal, we in j&#603;naresh&#596;n na d&#603;n wan we de slip insay t&#603;nt &#603;n de m&#603;n kaw.#4:20 Kaw Na ship, got &#603;n kaw. 21In br&#596;da na Jubal we in j&#603;naresh&#596;n na &#596;l d&#603;n myuzishian d&#603;n we de ple ap &#603;n flut. 22Zila b&#596;n Tubal Ken, we bin de mek &#596;lkayn tul wit bras &#603;n ay&#603;n. Tubal Ken in sista na Naama.</div><div class="p"> 23Lam&#603;k t&#603;l in w&#603;f d&#603;n se:</div><div class="q1">&#8220;Ada &#603;n Zila, una lisin to mi: Lam&#603;k in w&#603;f d&#603;n una lisin n&#596;:</div><div class="q1">a d&#596;n kil wan man bik&#596;s i wund mi, wan y&#596;&#331;man f&#596; we i nak mi.</div><div class="q1"> 24If p&#596;sin go s&#596;fa s&#603;vin t&#603;m m&#596; f&#596; we i kil Ken,</div><div class="q1">d&#603;n udat kil mi go s&#596;fa s&#603;vinti s&#603;vin t&#603;m m&#596;.&#8221;</div><div class="s1">S&#603;th &#400;n In&#596;sh</div><div class="p"> 25Adam &#603;n in w&#603;f b&#596;n &#596;da b&#596;ypikin we d&#603;n gi nem S&#603;th#4:25 S&#603;th I fiba di Ibru f&#596; &#8220;d&#596;n gi.&#8221; In w&#603;f se, &#8220;PAPA G&#390;D d&#596;n gi mi &#596;da b&#596;ypikin f&#596; tek Eb&#603;l in ples, we Ken kil.&#8221; 26S&#603;th bin g&#603;t wan b&#596;ypikin we nem In&#596;sh. Na da t&#603;m de pipul d&#603;n bigin f&#596; w&#596;ship PAPA G&#390;D &#603;n k&#596;l in Oli Nem.</div>
 </div>
 </div>
</div>

Krio Bible © The Bible Society of Sierra Leone, 2013.

Adam gi in wɛf bɛlɛ ɛn i bɔn wan bɔypikin. I se, “PAPA GƆD dɔn ɛp mi fɔ gɛt bɔypikin,” so i gi am nem Ken we min ‘gɛt’. I nɔ tu te i bɔn ɔda bɔypikin we nem Ebɛl. Ebɛl na bin man we de mɛn ship, bɔt Ken in na bin fama. Wande, Ken kɛr sɔm pan di tin dɛn we i plant ɛn mek sakrifays to PAPA GƆD. Ebɛl in kɛr sɔm pan di fɔs ship dɛn we bɔn. I kil dɛn, dɔn i gi di bɛst pat dɛn to PAPA GƆD as in yon sakrifays. PAPA GƆD bin pliz wit Ebɛl in sakrifays, bɔt i nɔ bin pliz wit Ken in yon. Dat mek Ken vɛks bad bad wan, ɛn sawa in fes. Nain PAPA GƆD aks am se, “Wetin du yu vɛks so? Wetin mek yu sawa yu fes so? If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”
So Ken tɛl in brɔda Ebɛl lɛ dɛn go na gras fil. We dɛn rich de, Ken fɔdɔm pan in brɔda ɛn kil am.
PAPA GƆD aks Ken se, “We yu brɔda Ebɛl?” I ansa se, “Mi nɔ no o! Mi na mi brɔda in wachman?”
Nain PAPA GƆD se, “Wetin mek yu dɔn du dis bad tin ya so? Yu brɔda in blɔd de kray to mi frɔm di grɔn. Swɛ de pan yu ɛn yu nɔ go ebul fɔ mek fam igen. Di grɔn dɔn sɔk yu brɔda in blɔd, lɛkɛ se i bin opin in mɔt de wet fɔ am. Di grɔn nɔ go gro ɛnitin bɛtɛ fɔ yu ivin if yu wok traŋa wan; dɔn yu go de wirɔn ɔlɔbɔt na di wɔl.”
Ken ansa PAPA GƆD se, “A nɔ go ebul fɔ bia dis pɔnishmɛnt ya. Yu de pul mi kɔmɔt pan fam wok ɛn fɔ de wirɔn na dis wɔl, ɛn ɛnibɔdi we si mi go kil mi.”
Bɔt PAPA GƆD tɛl am se, “Nɔ o, If ɛnibɔdi kil yu, i go sɔfa sɛvin tɛm mɔ fɔseka dat.” Dɛn PAPA GƆD mak Ken, so dat ɛnibɔdi we si am nɔ go kil am. So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.

Ken in wɛf bɔn bɔypikin ɛn i gi am nem Inɔk. I bil wan big siti ɛn i gi am in pikin in nem, Inɔk. Inɔk bin gɛt wan bɔypikin we nem Irad, we na bin Mɛujaɛl in papa, ɛn Mɛujaɛl bin gɛt wan bɔypikin we nem Mɛtushaɛl, we na bin Lamɛk in yon papa. Lamɛk bin gɛt tu wɛf: wan nem Ada, di ɔda wan nem Zila. Ada bɔn Jabal, we in jɛnareshɔn na dɛn wan we de slip insay tɛnt ɛn de mɛn kaw. In brɔda na Jubal we in jɛnareshɔn na ɔl dɛn myuzishian dɛn we de ple ap ɛn flut. Zila bɔn Tubal Ken, we bin de mek ɔlkayn tul wit bras ɛn ayɛn. Tubal Ken in sista na Naama.
Lamɛk tɛl in wɛf dɛn se:
“Ada ɛn Zila, una lisin to mi: Lamɛk in wɛf dɛn una lisin nɔ:
a dɔn kil wan man bikɔs i wund mi, wan yɔŋman fɔ we i nak mi.
If pɔsin go sɔfa sɛvin tɛm mɔ fɔ we i kil Ken,
dɛn udat kil mi go sɔfa sɛvinti sɛvin tɛm mɔ.”

Adam ɛn in wɛf bɔn ɔda bɔypikin we dɛn gi nem Sɛth In wɛf se, “PAPA GƆD dɔn gi mi ɔda bɔypikin fɔ tek Ebɛl in ples, we Ken kil.” Sɛth bin gɛt wan bɔypikin we nem Inɔsh. Na da tɛm de pipul dɛn bigin fɔ wɔship PAPA GƆD ɛn kɔl in Oli Nem.

සවන් දෙන්න Jɛnɛsis 4