<div class="version vid2698 iso6393oci" data-vid="2698" data-iso6393="oci">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="cl">CHAPITRE NOUVEN</div><div class="d">J&#232;su garis un ome paralisa. &#8212; Voucacioun de S. Mati&#233;u. &#8212; Responso &#224; prepaus di pecadou e d&#243;u june. &#8212; Garisoun de l'Emourou&#239;sso e resurreicioun de la chato de Ja&#239;re. &#8212; J&#232;su r&#232;nd la visto &#224; dous avugle e la paraulo &#224;-n-un mut endemounia.</div><div class="p"> 1J&#232;su est&#232;nt mai mounta dins la barco, repass&#232; lou lau e vengu&#232; dins sa vilo.#9.1 Cafarnaoun. Soun abitacioun &#232;ro aqui. (V&#232;ire chap. iv, v. 13.)</div><div class="p"> 2E veici que i'adugu&#232;ron un paraliti coucha dins uno br&#232;sso. E de v&#232;ire, J&#232;su, la fe d'aqu&#233;li g&#232;nt, digu&#232; au paure rampous: Agues fisan&#231;o, moun fi&#233;u, te soun rem&#233;s ti pecat.#9.2 Jamai prouf&#232;to avi&#233; parla 'nsin. P&#232;r aquelo paraulo, J&#232;su mostro b&#232;n qu'es &#233;u lou Mess&#236;o, &#233;u de quau Jan-Batisto disi&#233;: V&#232;s-lou l'Agn&#232;u de Di&#233;u que l&#232;vo lou pecat d&#243;u mounde. (Knab. Op. cit.)</div><div class="p"> 3E subran qu&#224;uquis-un dis Escribo digu&#232;ron dintre &#233;li: Aqu&#233;u-d'aqui blasf&#232;mo.</div><div class="p"> 4Mai J&#232;su legigu&#232; dins si pensado e i&#233; vengu&#232;: Perqu&#233; pensas &#224; mau dins lou founs de v&#242;sti cor?</div><div class="p"> 5Dequ' es lou mai eisa, de dire: Te soun rem&#233;s ti pecat; o de dire: L&#232;vo-te e marcho?</div><div class="p"> 6Or, p&#232;r que sach&#233;s que lou Fi&#233;u de l'ome#9.6 V&#232;ire la noto 1 d&#243;u chap. VIII, v. 20. a lou poud&#233; sus terro de remetre li pecat: L&#232;vo-te, digu&#232; au paralitica, cargo ta br&#232;sso e vai-t'en &#224; toun oustau.</div><div class="p"> 7Aquest se lev&#232; e s'enan&#232; &#224; soun oustau.</div><div class="p"> 8En lou ves&#232;nt, lou pople n'agu&#232; grand temo&#249;r, e rendegu&#232; gl&#242;ri &#224; Di&#233;u d'av&#233; douna tant de poud&#233; is ome.</div><div class="p"> 9J&#232;su, sourt&#232;nt d'aqui, vegu&#232; 'n ome d&#243;u noum de Mati&#233;u asseta au bur&#232;u dis impousicioun, em' ac&#242; i&#233; digu&#232;: Seguisse-me! Aquest s'aubour&#232; subran e lou seguigu&#232;.</div><div class="p"> 10E s'an&#232; trouva qu'est&#232;nt &#224; taulo dins l'oustau,#9.10 De Mati&#233;u. (Marc, ii, 15; Lu, v, 29.) pas mau de publican#9.10 Ag&#232;nt d&#243;u fisc au service di Rouman. En Jud&#232;io, &#232;ron mai-que-mai detesta. e de pecadou vengu&#232;ron s'entaula 'm&#233; J&#232;su e si disciple.</div><div class="p"> 11De v&#232;ire ac&#242;, li Farisen digu&#232;ron &#224; si disciple: Coume vai que voste m&#232;stre manjo en coumpagno di publican e di pecadou?</div><div class="p"> 12Mai J&#232;su, lis agu&#232;nt ausi, i&#233; digu&#232;: Es pas li g&#232;nt gaiard qu'an besoun d&#243;u mede in, mai li malaut.</div><div class="p"> 13Anas dounc aprene &#231;o que v&#242;u dire: Es la miseric&#242;rdi que vole e noun lou sacrifice.#9.13 De prefer&#232;nci au sacrifice. (Corn. Op. cit.) Si&#233;u pas vengu, d&#243;umaci, souna li juste, mai li pecadou.</div><div class="p"> 14Alor s'avanc&#232;ron d'&#233;u li disciple de Jan e i&#233; digu&#232;ron: Coume vai que nautre em&#233; li Farisen junan souv&#232;nt, e que v&#242;sti disciple junon pas?</div><div class="p"> 15J&#232;su i&#233; respoundegu&#232;: Es que podon, lis ami d&#243;u n&#242;vi#9.15 Ac&#242; 's li coumpagnoun d&#243;u souto-n&#242;vi. En gr&#232; emai en ebri&#233;u soun apela &#171;li fi&#233;u d&#243;u li&#233; nouviau o di no&#231;o.&#187; Dins la Galil&#232;io, t&#243;uti li jouv&#232;nt qu'&#232;ron d'un mariage pourtavon aqu&#233;u noum. Devien faire grand f&#232;sto, se diverti, emai toumb&#232;sse un jour de june. J&#232;su se coumparo au n&#242;vi, e si disciple soun li fi&#233;u o ami d&#243;u n&#242;vi. Tant que se trovo em' &#233;li, es lou t&#232;ms di no&#231;o. Perqu&#233; dounc junarien e menarien d&#243;u? (Fouard, Corn, Knab. Op. cit.) &#232;stre dins lou d&#243;u, d'enterin qu'es em' &#233;li lou n&#242;vi? Mai vendra 'n t&#232;ms que lou n&#242;vi i&#233; levaran#9.15 P&#232;r la proumiero fes, J&#232;su laisso entre-v&#232;ire que mourira de mort vi&#243;ul&#232;nto. (Knab. Op. cit.) e alor junaran.</div><div class="p"> 16Res pedasso em&#233; de drap rufe un abihage vi&#232;i: empourtari&#233;, d&#243;umaci, un rode de l'abihage, e b&#232;n mai gros sari&#233; l'estras.</div><div class="p"> 17Se bouto pas nimai de vin nouv&#232;u dins d'ouire vi&#232;i#9.17 Lis ouire, ac&#242; 's de p&#232;u de b&#242;chi courdurado ens&#232;mble en formo de sa, e que servon, vuei encaro, dins n&#242;sti pa&#239;s de mountagno, p&#232;r pourta lou vin.: autramen se roumpon lis ouire, e lou vin s'escampo, e lis ouire soun perdu; mai bouton lou vin nouv&#232;u dins d'ouire n&#242;u, e ansin t&#243;uti dous se counservon.</div><div class="p"> 18D'enterin que i&#233; disi&#233; 'c&#242;, veici qu'un catau s'avanc&#232; d'&#233;u, e l'adouravo, dis&#232;nt: Segnour, ma chato v&#232;n de mouri; mai ven&#232;s, pausas vosto man sus elo e tournara en vido.</div><div class="p"> 19J&#232;su, s'aubourant, lou seguigu&#232;, e tamb&#232;n si disciple.</div><div class="p"> 20Or, vous trouvar&#233;s qu'uno femo, enuiado dempi&#232;i douge an d'uno perdo de sang, s'avanc&#232; &#224; r&#232;ire d'&#233;u e i&#233; touqu&#232; la franjo de sa raubo.#9.20 V&#232;ire la noto qu'es au verset 26 d&#243;u chap. XIV.</div><div class="p"> 21Car se disi&#233; dintre elo: Se 'no fes toque soulamen sa raubo, sarai garido.</div><div class="p"> 22J&#232;su, se revirant e la ves&#232;nt, i&#233; digu&#232;: Fisan&#231;o, ma fiho, vosto fe vous a garido. E garido fugu&#232; la femo, part&#232;nt d'aquelo ouro.</div><div class="p"> 23J&#232;su, est&#232;nt pi&#232;i vengu &#224; l'oustau d&#243;u catau e ves&#232;nt de flahutaire em' un mouloun de g&#232;nt que menavon grand varai,#9.23 &#200;ro la coustumo de faire veni de flahutaire e de plourouso &#224; l'oustau di mort. i&#233; digu&#232;:</div><div class="p"> 24Levas-vous d'aqui, qu'es pas morto la pichouno, mai dor. E li g&#232;nt se trufavon d'&#233;u.</div><div class="p"> 25Quouro agu&#232;ron mes deforo tout aqu&#233;u mounde, &#233;u intr&#232; e prengu&#232; la man de la chatouno. Tant-l&#232;u aquesto se lev&#232;.</div><div class="p"> 26E lou brut d'aqu&#233;u miracle s'espandigu&#232; dins tout lou terraire.</div><div class="p"> 27Coume J&#232;su sourti&#233; d'aqui, dous avugle i'an&#232;ron apr&#232;s en cridant e dis&#232;nt: Agu&#233;s pieta de nautre, Fi&#233;u de D&#224;vi.#9.27 &#200;ro lou titre counsacra que lou pople dounavo au Mess&#236;o.</div><div class="p"> 28E quand agu&#232; tourna dins soun oustau#9.28 A Cafarnaoun. I'an&#232;ron trouva lis avugle. E i&#233; digu&#232; J&#232;su: Cres&#232;s que vous pode faire ac&#242;? I&#233; respoundegu&#232;ron: Si, Segnour.</div><div class="p"> 29Alor i&#233; touqu&#232; lis uei en dis&#232;nt: Coume cres&#232;s, ansin vous siegue fa.</div><div class="p"> 30E fugu&#232;ron dubert sis uei. Em' ac&#242; J&#232;su li rambai&#232;, dis&#232;nt: Avisas-vous que degun lou sache.#9.30 &#200;ro p&#232;r evita d'enjalousi lis Escribo e li Farisen. (Maudounat cita p&#232;r Knab. Op. cit.)</div><div class="p"> 31Mai &#233;li, s'enanant, esbrudigu&#232;ron sa renoumado p&#232;r tout lou pa&#239;s.</div><div class="p"> 32Venien de sourti, quand &#224; J&#232;su i&#233; present&#232;ron un ome mut, endemounia.</div><div class="p"> 33Or, lou dem&#242;ni uno fes embandi, parl&#232; lou mut, e li g&#232;nt n'en fugu&#232;ron espanta. Jamai, fasien, s'es vist de causo ansin en Isra&#232;l.</div><div class="p"> 34Li Farisen, p&#232;r contro, disien: Es au noum d&#243;u prince di dem&#242;ni que bandis li dem&#242;ni.#9.34 Est&#232;nt que noun podon nega la causo, dis S. Jirome, n'en desnaturon lou principe. (Op. imperf.)</div><div class="p"> 35Pamens s'enanavo J&#232;su de tout caire p&#232;r li vilo e li vilage, ensignant dins li sinagogo, predicant l'evang&#232;li d&#243;u reiaume e gariss&#232;nt tout malautun e touto infiermita.</div><div class="p"> 36E de v&#232;ire aqu&#233;li pople, n'en agu&#232; pieta: &#232;ron ablasiga, d&#243;umaci, e 'stendu p&#232;r lou s&#242;u coume de fedo s&#232;nso pastre.</div><div class="p"> 37Em'ac&#242; digu&#232; &#224; si disciple: La meissoun de tout segur es grosso, mai d'oubri&#233; n'i'a gaire.</div><div class="p"> 38Pregas dounc lou m&#232;stre de la meissoun que mande de travaiaire &#224; sa meissoun.</div>
 </div>
 </div>
</div>

Historical text printed in 1903, maintained by the British and Foreign Bible Society.

Jèsu estènt mai mounta dins la barco, repassè lou lau e venguè dins sa vilo.
E veici que i'aduguèron un paraliti coucha dins uno brèsso. E de vèire, Jèsu, la fe d'aquéli gènt, diguè au paure rampous: Agues fisanço, moun fiéu, te soun remés ti pecat.
E subran quàuquis-un dis Escribo diguèron dintre éli: Aquéu-d'aqui blasfèmo.
Mai Jèsu legiguè dins si pensado e ié venguè: Perqué pensas à mau dins lou founs de vòsti cor?
Dequ' es lou mai eisa, de dire: Te soun remés ti pecat; o de dire: Lèvo-te e marcho?
Or, pèr que sachés que lou Fiéu de l'ome a lou poudé sus terro de remetre li pecat: Lèvo-te, diguè au paralitica, cargo ta brèsso e vai-t'en à toun oustau.
Aquest se levè e s'enanè à soun oustau.
En lou vesènt, lou pople n'aguè grand temoùr, e rendeguè glòri à Diéu d'avé douna tant de poudé is ome.
Jèsu, sourtènt d'aqui, veguè 'n ome dóu noum de Matiéu asseta au burèu dis impousicioun, em' acò ié diguè: Seguisse-me! Aquest s'aubourè subran e lou seguiguè.
E s'anè trouva qu'estènt à taulo dins l'oustau, pas mau de publican e de pecadou venguèron s'entaula 'mé Jèsu e si disciple.
De vèire acò, li Farisen diguèron à si disciple: Coume vai que voste mèstre manjo en coumpagno di publican e di pecadou?
Mai Jèsu, lis aguènt ausi, ié diguè: Es pas li gènt gaiard qu'an besoun dóu mede in, mai li malaut.
Anas dounc aprene ço que vòu dire: Es la misericòrdi que vole e noun lou sacrifice. Siéu pas vengu, dóumaci, souna li juste, mai li pecadou.
Alor s'avancèron d'éu li disciple de Jan e ié diguèron: Coume vai que nautre emé li Farisen junan souvènt, e que vòsti disciple junon pas?
Jèsu ié respoundeguè: Es que podon, lis ami dóu nòvi èstre dins lou dóu, d'enterin qu'es em' éli lou nòvi? Mai vendra 'n tèms que lou nòvi ié levaran e alor junaran.
Res pedasso emé de drap rufe un abihage vièi: empourtarié, dóumaci, un rode de l'abihage, e bèn mai gros sarié l'estras.
Se bouto pas nimai de vin nouvèu dins d'ouire vièi: autramen se roumpon lis ouire, e lou vin s'escampo, e lis ouire soun perdu; mai bouton lou vin nouvèu dins d'ouire nòu, e ansin tóuti dous se counservon.
D'enterin que ié disié 'cò, veici qu'un catau s'avancè d'éu, e l'adouravo, disènt: Segnour, ma chato vèn de mouri; mai venès, pausas vosto man sus elo e tournara en vido.
Jèsu, s'aubourant, lou seguiguè, e tambèn si disciple.
Or, vous trouvarés qu'uno femo, enuiado dempièi douge an d'uno perdo de sang, s'avancè à rèire d'éu e ié touquè la franjo de sa raubo.
Car se disié dintre elo: Se 'no fes toque soulamen sa raubo, sarai garido.
Jèsu, se revirant e la vesènt, ié diguè: Fisanço, ma fiho, vosto fe vous a garido. E garido fuguè la femo, partènt d'aquelo ouro.
Jèsu, estènt pièi vengu à l'oustau dóu catau e vesènt de flahutaire em' un mouloun de gènt que menavon grand varai, ié diguè:
Levas-vous d'aqui, qu'es pas morto la pichouno, mai dor. E li gènt se trufavon d'éu.
Quouro aguèron mes deforo tout aquéu mounde, éu intrè e prenguè la man de la chatouno. Tant-lèu aquesto se levè.
E lou brut d'aquéu miracle s'espandiguè dins tout lou terraire.
Coume Jèsu sourtié d'aqui, dous avugle i'anèron après en cridant e disènt: Agués pieta de nautre, Fiéu de Dàvi.
E quand aguè tourna dins soun oustau I'anèron trouva lis avugle. E ié diguè Jèsu: Cresès que vous pode faire acò? Ié respoundeguèron: Si, Segnour.
Alor ié touquè lis uei en disènt: Coume cresès, ansin vous siegue fa.
E fuguèron dubert sis uei. Em' acò Jèsu li rambaiè, disènt: Avisas-vous que degun lou sache.
Mai éli, s'enanant, esbrudiguèron sa renoumado pèr tout lou païs.
Venien de sourti, quand à Jèsu ié presentèron un ome mut, endemounia.
Or, lou demòni uno fes embandi, parlè lou mut, e li gènt n'en fuguèron espanta. Jamai, fasien, s'es vist de causo ansin en Israèl.
Li Farisen, pèr contro, disien: Es au noum dóu prince di demòni que bandis li demòni.
Pamens s'enanavo Jèsu de tout caire pèr li vilo e li vilage, ensignant dins li sinagogo, predicant l'evangèli dóu reiaume e garissènt tout malautun e touto infiermita.
E de vèire aquéli pople, n'en aguè pieta: èron ablasiga, dóumaci, e 'stendu pèr lou sòu coume de fedo sènso pastre.
Em'acò diguè à si disciple: La meissoun de tout segur es grosso, mai d'oubrié n'i'a gaire.
Pregas dounc lou mèstre de la meissoun que mande de travaiaire à sa meissoun.

සවන් දෙන්න Sant Matiéu 9