<div class="version vid2676 iso6393kdi" data-vid="2676" data-iso6393="kdi">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">KOP KAME NYUTO</span></div><div class="ip"><span class="content">Ejiri kame Yokana owandiko nyuto Yesu bala Kop kame bedo nakanaka kame obedo me ka Rubanga, en &#8220;edoko dano di eko bedo i diere wa.&#8221; (1.14) Bala kite kame itabu noni waco kede, ejiri noni oudo kowandiko tetekeny jo kame some yei be Yesu en Ngalak kame oudo kocikere pire, en Wot ka Rubanga, kede da be wek kibin kiud kuo pi yei gi i kome (20.31).</span></div><div class="ip"><span class="content">Ingei kop kame nyuto be Kop ka Rubanga kame bedo nakanaka en Yesu, adul me agege me ejiri noni mio kop i kom giaura apapat kame nyuto be Yesu en Ngalak kame oudo kocikere pire, en Wot ka Rubanga. Kame lubo mere obedo kope kame mio dwong kop kame giaura nogi nyuto. Adul noni tatamo epone kame jo mogo oyei kede Yesu di kiko doko jo kame lube, di jo ace oko bedo kede piem bute di kiko dagi yei. Isulai me 13-17 yamo kop abor i kom nywak ka Yesu kede josiao mege iwor kame komake iye, kede kope mege me iikere kede kame mio gi nwangcuny otieno kame telo ceng kame ogure kede. Isulai kame jiko waco kop i kom mako Yesu kede pide, gure kede iyarun mere, kede epone kame eneeno kede but josiao mege tien atot ingei yaruno.</span></div><div class="ip"><span class="content">Kop i kom dako kame komako di etie timo adote (8.1-11) itabun mogo kasek oweko, do mogo okete kabedo apat.</span></div><div class="ip"><span class="content">Ejiri ka Yokana nyikakino waco kop i kom giamia me kuo kame bedo nakanaka, kame udere di beo kibut Kirisito, giamia kame geo udere nan, kame bino but jo kame yei be Yesu obedo yongayo, ateni kede kuo. Gikame singo tie i ejiri ka Yokana en epone me tic kede apor kame wok ki jame kame jo tio kede i kuo me ceng dedede, bala pii, mugati, lero, ngakwat kede romini mege, kede olok kede anyakini mere, pi nyuto gi me ateni me kuo me cuny.</span></div><div class="iot"><span class="content">Wi Kope kame tie i Ejiri noni</span></div><div class="io1"><span class="content">Kope kame geo 1.1-18</span></div><div class="io1"><span class="content">Yokana Ngaibatis kede josiao me agege ka Yesu 1.19-51</span></div><div class="io1"><span class="content">Tic ka Yesu i dier jo 2.1&#8212;12.50</span></div><div class="io1"><span class="content">Ceng me ajikini me kuo ka Yesu i Yerusalem 13.1&#8212;19.42</span></div><div class="io1"><span class="content">Iyarun kede nyutere ka Rwot 20.1-31</span></div><div class="io1"><span class="content">Kope kame jiko: nyutere ace ka Rwot i Galilaya 21.1-25</span></div>
      </div>
   </div>
</div>

Baibuli I Leb Kumam © Bible Society of Uganda, 2013.

KOP KAME NYUTO
Ejiri kame Yokana owandiko nyuto Yesu bala Kop kame bedo nakanaka kame obedo me ka Rubanga, en “edoko dano di eko bedo i diere wa.” (1.14) Bala kite kame itabu noni waco kede, ejiri noni oudo kowandiko tetekeny jo kame some yei be Yesu en Ngalak kame oudo kocikere pire, en Wot ka Rubanga, kede da be wek kibin kiud kuo pi yei gi i kome (20.31).
Ingei kop kame nyuto be Kop ka Rubanga kame bedo nakanaka en Yesu, adul me agege me ejiri noni mio kop i kom giaura apapat kame nyuto be Yesu en Ngalak kame oudo kocikere pire, en Wot ka Rubanga. Kame lubo mere obedo kope kame mio dwong kop kame giaura nogi nyuto. Adul noni tatamo epone kame jo mogo oyei kede Yesu di kiko doko jo kame lube, di jo ace oko bedo kede piem bute di kiko dagi yei. Isulai me 13-17 yamo kop abor i kom nywak ka Yesu kede josiao mege iwor kame komake iye, kede kope mege me iikere kede kame mio gi nwangcuny otieno kame telo ceng kame ogure kede. Isulai kame jiko waco kop i kom mako Yesu kede pide, gure kede iyarun mere, kede epone kame eneeno kede but josiao mege tien atot ingei yaruno.
Kop i kom dako kame komako di etie timo adote (8.1-11) itabun mogo kasek oweko, do mogo okete kabedo apat.
Ejiri ka Yokana nyikakino waco kop i kom giamia me kuo kame bedo nakanaka, kame udere di beo kibut Kirisito, giamia kame geo udere nan, kame bino but jo kame yei be Yesu obedo yongayo, ateni kede kuo. Gikame singo tie i ejiri ka Yokana en epone me tic kede apor kame wok ki jame kame jo tio kede i kuo me ceng dedede, bala pii, mugati, lero, ngakwat kede romini mege, kede olok kede anyakini mere, pi nyuto gi me ateni me kuo me cuny.
Wi Kope kame tie i Ejiri noni
Kope kame geo 1.1-18
Yokana Ngaibatis kede josiao me agege ka Yesu 1.19-51
Tic ka Yesu i dier jo 2.1—12.50
Ceng me ajikini me kuo ka Yesu i Yerusalem 13.1—19.42
Iyarun kede nyutere ka Rwot 20.1-31
Kope kame jiko: nyutere ace ka Rwot i Galilaya 21.1-25

සවන් දෙන්න Yokana KOP KAME NYUTO